💠در غم برادر💠 قارداشین قارداش بولر عالمده قدر و قیمتین آرتیران قارداشدی قارداشین توان وقدرتین آرخا دورسا قارداشی داغی توکر داغ اوستونه قارداشین قارداش چوخالدار قولدا زور و قوتین قارداشین پشت و پناهی اولسا عالمده اگر سیندارانماز کل دنیا جمع اولا حیثیتین اولماسا قارداشی اما غم گلر غم اوستونه کیمسه هیچ قارداشسیزین بولمز اورکده محنتین آخشام اولجاق خلوت ایلر بیر قوجاقلار دیزلرون شمع تک سسیز یانار هیچ کیمسه بولمز علتین بار الها هیچ کیمی قارداشسیز ائتمه دهریده غم اودوندا یاندیروب آلما الیندن عزتین دردینی قارداشسیزین "شیدا" اگر خامه یازا ثبت ائدنمز دفترونده مینلر ایل کیفیتین #محمدرضاصادقی_شیدا

ورود به ماه محرم الحرام سبک ۱: کجائید ای شهیدان خدایی سبک ۲: در این دنیا (مهدی سلطانی ) گینه ماه عزا و ماتم اولدی گینه دنیا بویی درد و غم اولدی گینه قاره چکیلدی عرش و فرشه گینه بو آیدا آیری عالم اولدی واگیر: ((حسینه زینبِ غم پرور آغلار حسینه اکبر آغلار اصغر آغلار)) حسینون باشلانار ماه عزاسی توکر رخساره گوزیاشی آناسی سالار باشه قرا حیدر نجفده دئیر ایوای حسینیم وای آتاسی سالار باشه قرا پیغمبر آغلار یانار قلبی بتولِ اطهر آغلار گلر دشت بلایه انبیالر وورار باشه ملکلر یکسر آغلار سویون باغلار یولون تا اهل کوفه فراتی تاپشرار ظالم صفوفه صدای العطش اوج ایلر عرشه یانار قیزلار سولار مثل شکوفه اولار اکبر بو آیدا اِرباً اِربا دئیر ایوای بالام مخمیده لیلا سالار قاسم آناسی باشه قاره دوتار ماتم او چولده آل طاها گینه قیزلار یانار سوز عطشدن خیامه اود یاغار بو کشمکشدن دوشر سقا قولی سو اوسته یارب اولار شرمنده طفلِ غنچه وشدن یانار زینب داخی اولماز پناهی دونر گوندوز اولار شام سیاهی حسینی ذبح ائدر بیر عده جانی اولار غارت او غملی خیمه گاهی الون ساخلا دایان چوخ یازما " شیدا " حسینون هر سوزون ائتمه هویدا گلنده محشره قائم بالاسی ائدر دشمنلریله آیری سودا #محمدرضاصادقی_شیدا

🔰وداع حضرت سیدالشهدا (ع)🔰 ✍#محمدرضاصادقی_شیدا بیر آز دایان گئتمه بیله ای خامس اهل کسا زینب دولانسون باشیوه ای یادگار مصطفا ایوای یارالی قارداشیم باشی بلالی قارداشیم (۲) من گوز آچاندان عالمه غملر منه یولداش  اولوب جدیم ئولندن اوخشیوب زینب فقط زلفون یولوب بیر گون آتام حیدر ئولوب بیر گون آنام گل تک سولوب جرمیم ندی اولموش ائشیم  دنیا بویی داد و نوا سن کی بولورسن قاره می جدیم ئولنده باغلادیم حیدر غمینده گوزیاشین توکدوم عذاره آغلادیم قارداشمیه ایوای دئدیم زهرایه سینه داغلادیم سن ئولممیش اما باجون باشه سالوب قارداش قرا هیچ باجینون کاشانه سین قارداش وداعی یخمیوب هیچ بیر مسافر آیریلوب ائودن سنون تک چخمیوب عمرومده هیچ غم قلبیمی بو آیریلیق تک سخمیوب جدیم ،آتام ،زهرا و یا حتی وداع مجتبا هیچ بینوانی من کیمی گوزدن زمانه سالمیوب هیچ آیریلیق الدن بئله صبر و قراری آلمیوب سنده گئدورسن زینبون بیر دادخواهی قالمیوب سنسیز بو چولده نیلیوم ای ماسواللهه رجا تا اگنیوه گیدون حسین زهرا وئرن پیراهنی سالدون خیال و غصّیه آند اولسون آللهه منی بولمَم نه بولدی قیزلارون ، اوج ائتدی عرشه شیونی فریاد و واویلائیلن دولدی بو دشت نینوا باخ گور نجه قیزلار یانور آغلور دییور ایوای بابا باخ بیر ربابه خیمده گزلینجه ایلور آه و وا مخیمده لیلانون ایشی اولموش بالام ایوای بالا گل بو وداعی گورمه سن قیزلاریوه قارداش روا باخ گور نجه آیرلماقون سالموش خیامه اضطراب باخ گور نجه قلبیمده وار بو آیریلیقدا التهاب میدانه یالقیز گئتماقون بو قلبیمی ائیلور کباب گل بیر بوغازوندان ئوپوم زینب سنه اولسون فدا لطف ایله بیرده خیممه باش چک سنی زهرا جانی باشونده کی اُول یاره نی تا باغلیوم دورسون قانی  قارداش کی یوخدور ، زینبون آیا دئمزلر بس هانی؟ تا ایلییدی باشیوین بیر نحویلن دردین دوا آیرلماقون قارداش سنون قلب جهانی یاندیرار بو غم ایله غمدور حسین ، عرش خدانی یاندیرار "شیدا "یازاندا نوحه وی آل عبانی یاندیرار توکدوقجا گوزیاشین دییَر جانیم سنه قربان آقا #محمدرضا_صادقی_شیدا ۱۳۹۹/۰۹/۲۴

احوالات شهادت حضرت امام صادق ( ع ) حضرت صادق غمینده ماسوا غرق عزادی بوعزاده غرق ماتم اهل فرش و نُه سمادی ائیلدی اسلامه خدمت بو امام کون و امکان بیر وجودی که آلاردی فیض اوندان اهل ایمان بو امامه ظلم بسیار ائیلدی منصور نادان باخمادی بو نور چشم و جان ختم الانبیادی اوز ائوینده دین و قرآن اورگدردی اهل دینه حیف اولا قلبین مکرر ائیلدی قان اهل کینه ائیلدی منصور کافر چوخ جفا بو دل حزینه بولمدی آخر ، بو حضرت صادق آل عبادی بیر غروریلن چاغیردی حضرتی گتدی حضوره قویمادی ظلمینده نقصان کبرینی گتدی ظهوره قتلینه اقدام ائدوبدور باخ او ظالمده غروره گوئیا مجرمدی حضرت ، قتلی واجب یا روادی ظلمه باخ مظلوم امامی مجلسه چکدی او ظالم باش آچوق گتدی امامی اولمادی بو فعله نادم بولمورم علت ندور کی اولمادی ویران عوالم دیل آچوبدور ناسزایه بولمدی شاه ولادی بیر نئچه ساعت امامی ساخلیوب حال قیامدا بلکه سینسین احترامی اگلشوب بو فکر خامدا بیر الین مشت ائتدی محکم بیر الین قویدی نیامدا آچدی نحس آغزین او ظالم سویلوب هر نه ناسزادی ائیلدی اقدام او شاهون قتیلینه منصور کافر ال آتاندا تیغ تیزه حالتی اولدی مکدر گوئیا گوردی گلوبدور مجلسه شخصاً پیمبر سسلوری ای کینه پرور اوغلوما بو نه جفادی گوردی اُول اعجازی بیر دم قلبینه اگلشدی وحشت ال چکوب آخر ایشیندن اولمادی بیر ذره جرأت حضرتی دعوت ائدیبدور ائیلدی بی حد محبت مقصدی گوردی امامون گئتماقا دولت سرادی عزتیله راهی ائتدی لیک ائدوبدور آیری اقدام حقّینی آلدی امامون ظلم ائدوب بی حد سرانجام زهریله مسموم ائدبدور باتدی یاسه اهل اسلام بو سببدن غرق ناله حشر اولونجا ماسوادی حضرت صادق غمینده توک عذاره اشکی #شیدا سینه وی داغلا اورکدن سسله هر آن واماما آغلوری اوغلی غمینده دخت طاها سنده آغلا قاره باشدا جنت ایچره چون سوزی ایوای بالادی #محمدرضاصادقی_شیدا

🌺🌼🌿🌺 🌼🌿🌺 🌿🌺 🌺 🌴در آروزی زیارت حضرت ثامن الحجج (ع)🌴 نه اولار منده گلوب طوسیده مهمانون اولام نه اولار زائر دربار خراسانون اولام نه اولار پنجره فولاده دوشه بیر نظریم ئولممیش شاهد گلدسته و ایوانون اولام نه اولار قوش ڪیمی من صحن و رواقینده سنون پر آچوب شاهدگلزار و گلستانون اولام نه اولار بیر دولانام باشیوه پروانه ڪیمی هم یانوب عشقیوه هم شمع شبستانون اولام نه اولار بیر دوشنوب پای ضریحونده آقا گوزی یاشلی اوخیوب نوحه نواخوانون اولام نئچه مدتدی سنون درگهوین سائیلیم نه اولار بیرگئجه ده خادم ودربانون اولام سنی زهرا جانی گل دعوت ایله طوسیده من بیر گئجه ریزه خور سفره احسانون اولام چکورم مرقدیوین حسرتینی صبح و مسا قویما حسرت او گوزل قبریوه ، قربانون اولام دوزدی من عبد ذلیلم ولی #شیدا یم آقا ایسته پابوسیوه گل قویما پریشانون اولام ✍: #محمدرضاصادقی_شیدا

▪️ورود به ماه محرم الحرام▪️ سبک: ابوفاضل مدد گلدی ایام محرم گیدی عالم قاره یکسر وا حسینیم وا دئدی جنتده باش آچدی پیمبر گینه دشت کربلاده وای بالام سسلندی حیدر گینه توکدی گوزیاشین رخسارینه زهرای اطهر سالار باشه قرا دئیر ایوای بالا او یالقیز جانیوه اولا جانیم فدا حسین جانم حسین (۳) گینه دشت کربلانون باشلانوب درد و بلاسی گینه اولدی نینوانون ناله و ماتم فضاسی واحسینا دیلده یکسر انبیالر نازل اولدی گینه عرشه اوج ائدر اول چولده زینب آه و واسی سالار باشه قرا دئیر ایوای اخا یارالی جانیوه باجون اولسون فدا حسین جانم حسین (۳) گینه مخیمده سوسوز قیزلار عطشدن سینه داغلار اکبره باخدوقجا لیلا وای بالام وای سسلر آغلار سود امر اصغر آناسی شدت سوز و عطشدن چاره سیزلیقدان بالاسی اللرین بندیله باغلار سالار باشا قرا دئیر ایوای بالا سوسوز احوالیوه آنان اولسون فدا حسین جانم حسین (۳) گینه عباسین دوشر قوللار بدندن کربلاده گینه قیزلار العطش سسلر بو آیدا نینواده گینه قانیله دولار مشکی ابالفضلین بو آیدا گینه قیزلار وا عمو دیلده گلر افغان و داده دوتار الده سبو دئیر ایوای عمو ربابه رحم ائله گتور اخیامه سو حسین جانم حسین (۳) #محمدرضاصادقی_شیدا