#نامه گتدی آتامین نشانی قارداش 🍃🥀▪️🍃🥀▪️ 🌴#زبانحال امام حسین علیه السلام بو بلالی چولده سوز یوخ اولاسان سپاهه سرهنگ سن اولان مکاندا وورماز باشیما بو کوفیان سنگ منیم اوسته اولما قارداش درِ بارگهده دلتنگ بو حسین خدایه وئرسین گرک امتحانی قارداش . . ووراجاق سنانِ ظالم باشیمی اخا سنایه ائدجک او کوفه اهلی باشیمی داشا نشانه بو کسیک باشیم براد‌ر باتاجاق دوباره قانه اولاجاق او نیزه باشی باشیمین مکانی قارداش . . اولاسان بو کوفیانه آتام اوغلو سنده سردار نه یانار خیامِ دیبا نه چوله قاچار بو قیزلار نه مینر سنیق کجاوه نه باجیلارون قان آغلار نه گئدر دمشقه زینب نه یانار زبانی قارداش . . نه جنازه‌می کفنسیز قویاسان قالا براد‌ر نه خیامید‌ن حرملر گله قتلگاهه یکسر گئده ‌جک باشیم جداده قالاجاق برهنه پیکر بو حسین وط‌ن ائدیبدیر بئله غم فضانی قارداش . . نه رقیه آت دوشونده دولانار بلا چولونده تاپاجاق برهنه نعشی اخی کربلا چولونده علی‌اکبر‌یمدی قربان حقه بو منا چولونده جمع ائله مگر سوزوم وار باشا شامیانی قارداش . . 🌴# جواب حضرت اباالفضل علیه السلام . . منی قووما سن قاپیندان شهِ کربلا آماندیر علی‌اصغر‌ین باشینا منی خیمه ده دولاندیر علی‌اکبره غلامم بو قاپیندا دالدالاندیر ایلر‌م تصدُّق اکبر باشینا بو جانی قارداش . . از‌ل آل بو تیغی الد‌ن یولا سال منی شهنشاه گئد‌رم نجف چولونده ائد‌ر‌م بابامی آگاه دیر‌م حسین قوووبدیر قاپیدان منی چکیم آه اوجالار درِعلی د‌ن دیلیمین فغانی قارداش . . وئر اجازه قانه اوَّ‌‌ل بویانیم بو کربلاده سرِ پاکینی حسینیم گوره بیلمر‌م جداده کسلر اوزون بو قوللار قالا پیکریم آرادا توکلر فراتین اوسته یره لخته قانی قارداش . . سنه حضرتِ ابوالفضل ائد‌ر‌م بو دردی اظهار نئچه ایلدی من دخیلم سنه ائت نظ‌ر علمدار یاپیشیبدی دامنوندن گوزو یاشلی خیردا قیزلار ائلدیم بو عشقی «ثابت» سنه بیرده آنی قارداش #مرحوم ثابت اردبیلی

ای اهل کوفه مسلمم اهل قرآنم 🥀▪️🥀▪️#زبانحال حضرت مسلم ابن عقیل علیه السلام #سبک_بزم_عزاده_گیمیشم . #مرحوم تائب تبریزی . ای اهل کوفه مسلمم اهل قرآنم نایب امامم محترم بیر مسلمانم یالقیز باغریقانم شهروزده مهمانم . . پیغمبر اکرم دیوب خوش بیانیله مهمانه حرمت ایلیون مال و جانیله ایتدوز بو نه رفتاردی میهمانیله سیز میزبانسیز من سیزه بوردا مهمانم . . گر اولسا سیزده کوفیان روح انسانی دنیادن اؤتری ساتماسیز دین و ایمانی یالقیزلیوب ئولدورمه سیز بیر مسلمانی ای قان توکنلر گورموسوز اهل ایمانم . . وار نه اوتانماق نه حیا نه صفا سیزده بی عاطفتسیزواردی چوخ چوخ جفا سیزده پیمان شکن سوز ذرّه جه یوخ وفا سیزده من با وفایم بستۀ تار پیمانم . . هیچ اهل غیرت پایۀ جهدی سندیرماز شیرینی آتماز کاسۀ شهدی سندیرماز صدقیله پیمان باغلیان عهدی سندیرماز اوز عهدیمه پابند اولان من بیر انسانم . . پیغمبر اوغلون ایلدوز شهروزه دعوت گوندردی گلدیم من گونوز ایلدوز بیعت سندیردوز آخشام بیعتی قوم بی غیرت هیچ سانمادوز من نایب شاه مردانم . . گرچه گرفتار غم بی حسیبم من بو شهرده یالقیز قالان بی حبیبم من ایلدن وطندن آیریلان بیر غرییم من امّا گنه من حامی دین و قرآنم . . دونّم صاقا صاقدان صولا من یارالانّام هر دم هجوم ایلر عطش اود دوتوب یانّام باری ویرون بیر شربه سو یانّام اودلانّام ایستر سو هر مجروح اولان منده عطشانم . . انسان ده روح وفا هیچ زمان ئولمز کافرده مهمان قتلینی هیچ روا بولمز هر کس قوناقین ئولدوره هیچ یوزی گولمز ای کوفیان مهمانوزام من مسلمانم . . روحیم حسیندور گر اوزاق قالمیشام اوندان آرتوبدی شوریم هاردا سوز سالمیشام اوندان دل ویرمیشم اوّل ده دل آلمیشام اوندان دلده یاریلسا عاشق شاه شاهانم . . گرچه اوزولموش بو الیم خویشدن ایلدن امّا حسینه عاشقم من ته دلدن سالمام علی نین اوغلونون گل آدین دلدن من میثم تمّاریم مدح گویانم . . جاندا یارا قربان اولا یار یارا خوشدور قلبین جفا پیکان لاری گر یارا خوشدور تک یار آدی دلده یِسَه مین یارا خوشدور من عاشق دلدادۀ شاه خوبانم . . ووردوز او قدری یاره ای فرقۀ اعدا ئوللم وجودیمده داخی قالمیوب یارا بیر بی کسی ئولدورماقا ایتمیون غوغا من که اوزوم باشدان گچن دینه قربانم . . ویرموش حسین اوّل منه بادۀ عشقی لاجرعه نوش ایتدیم می سادۀ عشقی باشدان باشا سیر ایلدیم جادۀ عشقی مستانه شمع محفل اهل عرفانم . . ایقوم آز یاره وورون چوخ یارام آغرور سونمز یارالار سوزشی تا وارام آغرور یوخ مهربانیم تا دیم من هارام آغرور بیر درد آلان یوخ غرقۀ بحر حرمانم . . قالماز غریبین سینه ده هیچ دوزوم آغلار اوز حالیمه بو پیکر گوز گوزوم آغلار اما حسینون حالینه اوز گوزوم آغلار هر دم اونون احوالینه دیده گریانم . . بولّم یانار احوالینه جمله فرزانه آغلار حسینه شوریله یار و بیگانه یر گوی او مظلومه اولار بیر عزاخانه من ساقلقیندا وای حسین دلده نالانم . . من تائبم بیر خامۀ خوش نگاریم وار مدّاح آل عصمتم افتخاریم وار دلده حسین وای دیدۂ اشکباریم وار صاحب اولار مولا منه چون نواخوانم

‍ « صلی الله علیک یا اباالفضل العباس(ع) » روضه حضرت ابالفضل (ع) الریم اولمادی دیدیم اوزی اوستونده یره ننه ننه ننه وای اگر ام البنین بیلسه بله جریانی... گرچی اتدان یره دوشدی ولی قورتارمادی ایش آیری بیر درده دوشوب فاطمه نین مهمانی.. حلقه ی بند رکابه ایاغی بند اولدی اقام اقام اقام اقام سورونوب توپراقین اوستونده رخ رخشانی... اوقدر آل علیدن بیرینی سسلمدی دیل دوتا دوتمیا سسلندی خانم زهرانی... آتون اوستن یخلاندا چاغرب یا زهرا باشی اوستونده گوروب فاطمه زهرانی... خانمی گوردی اورکلندی بیر آز آغلادیلار سورادان عرضه ورب محنت بی پایانی دئدی گل یاخشی گلیبسن ننه قوربانون اولوم... عجبا یاد الدون سن بو بلا گردانی... سوئدوغوم تک ننه بو قومیله جنگ ائدممیشم هرندن باشدی منه چون آقامین فرمانی سن دعا ایله دوشن قول بدنه وصل اولسون... اذن ور جنگه تماشا ائله دشتستانی ننه کیمدی سعد اوغلی دونوب خیمه لره چپ باخسن آندولا حقوه نسلین کسرم من آنی... اوز گوزوم چخدی یادمنان گوزویی گوردوم آنا... گوییا وردلار بیردن باشیما دونیانی... اولمسم ده منی بو قانلی گوزون اولدورجخ... یانیام روحیمه از بس کی سالب طوفانی اوزده کی سیلی یرون دردیمی آرتیردی ننه نجه ورمیشدی سنی کوچه ده ملعونی سانی ننه اله بیر وقت ده گلبسن نه گوزوم وار نه الیم.... عاجزم نیلیه بیلم داخی بو اعدانی ننه من اشیدیم کوچه ده بیر حسنی میش بیر اوزون ساغ ال سیلی ورب سول یوز گوئردی.... یخلدی ساغ یوزی دیواره دیدی... #مرحوم محمد باقر منصوری

ایا شاه خراسان گوزل قبریوه قربان #رضویه 🌿💫🌿#در تعریف خراسان و مدح امام رضا علیه السلام . #سبک_علی_جان_بالا_لبیک . . #مرحوم احمد پورعطا (خادم تبریزی) . . ایا شاه خراسان گوزل قبریوه قربان اولان عزّت ایران گوزل قبریوه قربان . . سنون قبریوه لایق دگلدی اولا هر یر ازل گونده مقدّر اولوبدور بئله تقدیر ایا بضعۀ طاها و یا صائب نیّر سرافراز اولان ایران گوزل قبریوه قربان . . او گوندن که بو ایران اولوب مدفن پاکون غم غربتی محزون ائدیب سینۀ چاکون هامی دردلره درمان اولور تربت پاکون ایدن مشگلی آسان گوزل قبریوه قربان . . سنی نور هدایت ایدوب عالمه خالق گلوب قبریوه هر گون ایدر توبه خلایق ایدر جذبۀ عشقون ایله قبریوه شایق محکدن گئچر ایمان گوزل قبریوه قربان . . سنه شاه و شهنشاه دئسم نقض ادبدور سنون خلقت پاکون بو ایجاده سببدور کیمه امر الهی رضا لفظی لقبدور رضادور سنه یزدان گوزل قبریوه قربان . . سنون شأنون ایدوبدور بیزیم کشوری ذی شان قویار تاج شرافت بیله ملت ایران اولاق دولت و ملّت شها قبریوه قربان اولان روضه سی رضوان گوزل قبریوه قربان . . اولور هر شب جمعه سلامه گلور ارتش ذلیلانه او نصرت مقامه گلور ارتش بولورسن ظفر ایستور مرامه گلور ارتش ایا ملجاء ایران گوزل فبروه قربان . . اولور هر ایکی عالم عنایت بیزه سندن یتور رتبه و شأن و جلالت بیزه سندن جزاده یتیشنده شفاعت بیزه سندن بولر شأنیوی ادیان گوزل قبریوه قربان . . تمام عمروی دلدن بلیّاته رضاسن اوزون ملجاء عالم گرفتار بلاسن گوزی یولدا ویریب جان غریب الغرباسن قویان عالمی گریان گوزل قبریوه قربان . . بو ایراندا اگر چه سنون عزّتون اولدی مقاماتیوه عارف سوون ملّتون اولدی قویان عالمی آغلار غم غربتون اولدی گوزی یولدا ویرن جان گوزل قبریوه قربان . . غم غربتون ایلر هامی دللری مغموم عیالون گوزی یولدا گجه گوندوزی مهموم نه بی رحمیدی مأمون سنی ایلدی مسموم اولان لبلری سوزان گوزل قبریوه قربان . . ایدور گور نه تدارک گله قبریوه هیئت باخوب (خادمون) آغلار ایا کان کرامت بو ایل اوچ ایله دوندی خجالتدی حقیقت اولانماز سنه مهمان گوزل قبریوه قربان . .  #خادم_تبریزی 🌿🍁#ایاشاه خراسان گوزل قبریوه_قربان #ترکی دسته بندی: 10 رضویه - احمد پورعطا (خادم تبریزی) - ترکی

⚘الهی وربی من لی غیرک⚘: ای سرور دین شاه مبین حجت سبحان 💫🌾🌸🍂💫🌾🍂🌸 #یا مهدی #سبک_ای_باد_صبا … . #مرحوم حاج ناصر اردبیلی . ای سرور دین شاه مبین حجت سبحان گوزل آدوه قربان آخر نقدر شیعه قالور دیده سی گریان گل ای خسرو خوبان اورکلر دولی قاندور یتیش داده اماندور . . . آخر نقدر سایه نشین مهر درخشان گل ای خسرو خوبان آخر نقدر طول تاپار مدت هجران گل ای خسرو خوبان اورکلر دولی قاندور یتیش داده اماندور . . عفریت ستم سایه سالوب فرق جهانه گل ای شاه زمانه هر گوشه ده مظلوم گلور آه و فغانه گل ای شاه زمانه غم آتشی هر لحظه چکر دلده زبانه گل ای شاه زمانه اورکلر دولی قاندور یتیش داده آماندور . . . شاه شهدا قانی آقا یرده قالوبدور بو غم صبری آلوبدور گوزیاشی توکن شیعه لر افسرده قالوبدور بو غم صبری آلوبدور عشاق حسین گل کیمی پژمرده قالوبدور بو غم صبری آلوبدور اورکلر دولی قاندور یتیش داده اماندور . . . گوزلردن آنون فاطمه نون قبری نهاندور ایشی آه و فغاندور دورت قبره بقیعده او خانم اشک فشاندور ایشی آه و فغاندور اوغلانلارینون غملرینه گوزیاشی قاندور ایشی آه و فغاندور اورکلر دولی قاندور یتیش داده اماندور . . دلسیز بالانون یرده قالوبدور قانی شاها ن درنگ ایلمه مولا یاندی ستم حرمله دن عترت طاها درنگ ایلمه مولا تعیین ایلیوب قان آلاسان حق سنی تنها درنگ ایلمه مولا اورکلر دولی قاندور یتیش داده اماندور

#سبک ای ویرن ویرانه یرده #مرحوم سلیم موذن زاده اردبیلی

#سبک ای ویرن ویرانه یرده #مرحوم سلیم موذن زاده اردبیلی

⚘الهی وربی من لی غیرک⚘: بو گجه انوارینی آی سالدی دریای غمه ▪️🔸▪️🌿▪️🔸▪️🌿 #ورود محرم ماه غم #مرحوم هادی تبریزی . بو گجه انوارینی آی سالدی دریای غمه باتدی کشتی خدانون نا خداسی ماتمه . . بادۀ غمدن ایچوب مست اولدی پیر می فروش گورسنوبدی خانۀ خماریده جوش و خروش الده ساغر یکسر اولدی باده نوشان قاره پوش یتدی تأثیر مِحَن نوح و خلیل و آدمه . . مشقینی عشّاق آلوبدی شمعدن پروانه دن مست اوبلار حشره دین بالمرّه بیر پیمانه دن نقد جان بذل ایلیوبله ساقیه میخانه دن یول سالوبلار پیشواز خنجر خونین دمه . . باده نوشه جامده تا اینکه می چشمک ویروب شاهدین مهر و صفاسی قلب پاکین دولدوروب درگهینده موسی و عیسی ندیمانه دوروب بذل ایدوب بیر ال کلیمه دم مسیح مریمه . . حق یولوندا اوز جلال و جاه و جانیندن گیچوب تا که بیر جرعه می ناب محبّتدن ایچوب اگنینه خیّاط حق پیراهن خونین بیچوب گوشینه بیر سوز ایدوب حال خفاده زمزمه . . عهد ایدوب عاشق اودور قانیله آلسون دستماز ایلسون معشوقیله گودالیده راز و نیاز قان ایچینده ایلسون برپا ایکی رکعت نماز باخماسین شام اهلی ایتسه باشی اوسته همهمه . . ایلیه موسی کیمی آللهی سرگرم حضور ایلیه قرآن تلاوت تا یارالدا حال و شور فکر ایده شام اهلی قرآن نیزده داود اوخور گول یرینه کول نیه امّا بو عالی مقدمه . . یوزده کول باشدا یارا شاهنشه بازو پسین نوک نی ده فاش ایده انیّ اَنَا الله نکته سین ناقه اوستن سمع ایده زینب گینه قارداش سسین دامنین اشک بصردن دوندره خونین یمه . . بیر با خا نوک جداده تشنه لب قارداشینا تا گوره قان لخته سین تاج ایلیوبدور باشینا سسلنه بو باشدی بنزر شامیان نقّاشینه آچموسوز معناده اَل سیزلر خدای اعظمه . . بو حسیندی مظهر ذات خدای ذوالجلال بو حسیندی عاشق حیّ ِ خدای لایزال آسمان اوز گوشینه ویرمیش اودور زرین هلال حلقه بر گوش اولدی چون پور رسول اکرمه . . بیر سلیماندی ویروب انگشتیله انگشترین اهرمن شرم ایتمیوب امّا کسنده اللرین گلدی زهرا نا گهان توکدی یوزه اشکترین باخدی اوّل قانیله الوان اولونموش پرچمه . . پرچمی گوردی یر اوسته نعش عباسه باخوب سیل تک گوزدن عذاره قانلی گوزیاشی آخوب اوز آغارمیش زلفینه اَوّل اوغول قانین یاخوب یول سالوب صوندان گیدوبدی سمت نَهرِ اَلقَمه . . بیر با خوبدی سوکنارینده یخلمیش پیکره باغرینا باسمیش ایکی قانلی کسیلمیش اللره اوز آغارمیش زلفنی سالدی او جسم اطهره یوخ گمانیم نیلیوم سسلندی آیری مرهمه . . بیر غلامی وار حسینون چوخ سلیم و نیکخو «هادیه» تکلیف ایدوب بیر قطعه یازسون بس نکو ایلدی اجرا اونون فرمایشاتین مو به مو دست حاجت چونکه آچمیشدی خدای اکرمه

امان اول وقتدن داد اول زماندان 🌿🍁🌱🌿🍁🌱🌿🍁🌱 #هجرت حضرت امام حسین علیه السلام از مکه معظمه #مرحوم طوری تبریزی . امان اول وقتدن داد اول زماندان حسین کوچ ایلدی دارالاماندان . . وجودی امن اولان کون و مکانه گتورمشدی امان دار الأمانه او بیت الامنده شاه زمانه اولوب نامن چخدی اول مکاندان . . گروب پیغمبر اوغلی فرقۀ شام او یرده قتلینه ایلوبلر اقدام بیر آیری حجه اوردا دوتدی احرام چکوب ال خانه صاحب خانماندان . . گوروب جور و جفا اهل ستمدن ایدوب هجرت حرم شاهی حرمدن گرک قان آغلاسون شیعه بو غمدن که گزلین چخدی بلبل گلستاندان . . چخوب بیت خدادن حسرتیله ایدوب طیّ منازل سرعتیله یتیشدی مقصدینه حیرتیله یرین آدین سوروشدی سارباندان . . جواب عرض ایتدی بو یر نینوادور محبّت اهلینه کوی وفادور اولان معدن بلایه کربلادور بو صحرایه یاغار غم آسماندان . . بیوردی بو بلالی یر منیمدور حقیقت عالمینده گلشنیمدور بو یردن گیچمرم من مدفنیمدور منیمچون خلق اولوب خلقت اولاندان . . او صحراده سالوب بار اقامت غم اوسته غم یتوب ساعت به ساعت سویون یولّارینی اهل شقاوت کسوب قویمازدی گلسون هیچ یاندان . . رضای یاره اولدی صرف تسلیم بلایه ایلدی اکرام و تعظیم ایدوب معشوق حقّ عشقی تقدیم چخوب دلخواه جانان امتحاندان . . او یرده باشلادی حجین اساسین یتوردی باشه سعییله صفاسین حضور یارده یتمش فداسین گچوردوب بیر نچه ساعتده ساندان . . پیمبرلر اولوب عشقنده مبهوت قالوب صبرینده حیران اهل لاهوت فدا اولسون او صبر و عشقه ناسوت گوتوردی پرده اسرار نهاندان . . آدین شیعه قویان لازمدی هر آن حسینه آغلاسون ماکان اسکان حسین امّت یولوندا ای مسلمان کچوب اکبر کیمی تازه جواندان . . بیله صبر و بیله عشق اولماز آخر او سلطان حقیقی ایتدی ظاهر گنهکار امّت اوسته باالتّفاخر کچوب اهل و عیال و باش و جاندان . . یتوب امر شهادت انتهایه چکیلدی قاره عرش کبریایه ورولدی گون کیمی باشی جدایه اوجالدی ناله عرشه انس و جاندان . . باشی باشدان مقام ایتدی جدانی ایشقلاندوردی نوری کن فکانی تاپوپ قرب وصال کبریانی نشان ویردی نشان بی نشاندان . . همیشه یالوارور «طوری» خدایه تفضل ایلسون اهل عزایه اونوندا التماسی وار دعایه هامی اهل عزا و نوحه خواندان .

ای دیار کوفه سنده چوخلی طغیان ایتدیلر ▪️✨🍃▪️✨🍃▪️✨🍃 #حالات جناب مسلم علیه السلام #مرحوم نادری میانجی . ای دیار کوفه سنده چوخلی طغیان ایتدیلر ترک ایدوب عهد وفانی نقض پیمان ایتدیلر . . انتظارونده قالوب مروه صفانون صاحبی سنده سرگردان اولوب دین و دیانت طالبی خوار اولوب سنده حسین ابن علینون نائبی قویدولار یالقوز اونی تحویل عدوان ایتدیلر مسلم بی یاری ناحق قانه غلطان ایتدیلر . . کهنه عادتدور بو سنده ای وفاسیز بیر دیار شاه مردان سنده اولدی قانیله گلگون عذار پارچالاندی باشی محرابونده شیر کردگار منکر توحید اولوب تحقیر قرآن ایتدیلر زینب کلثومی بوردا دیده گریان ایتدیلر . . بو نه عادتدور قوناقه و ئرمسوز روی صفا آدلانوب (لایوفی) اهلون یوخدی کویونده وفا شُهرتوز پیمان شکندور ، عادتوز ظلم و جفا بیر نفر یالقوز غریبین اوسته عصیان ایتدیلر مسلم بیچاره نى شمشیره مهمان ایتدیلر . . آه او وقتن مسلمه ال تاپدی قوم مشرکین یاره لى عنقا کیمی دورموشدی شیر خشمگین هر طرفدن اوستونه دشمن چکوب شمشیر کین دوتدولار تذویریلن زار و پریشان ایتدیلر قولاری باغلى او سرداری جگر قان ایتدیلر . . شیر غرانی او گون رو باهلر ایتدی شکار یوز دوتوپ دارلاماره سمتهه اولموش رهسپار صید صیادین قباقینجه اسیر و زخمدار اهل دینی خوار ایدوب سفیانی خندان ایتدیلر گلشن آل عقیلی اوندا تالان ایتدیلر . . کوفه سرداری دوروب ابن زیاده روبرو گورمسون گوزلر نه نوعی باشلانوبدور گفتگو تکیه ایتمش تختینه ابن زیاد تندخو مسلمه سالدی نظر زهرانی گریان ایتدیلر بی ادب لحنیله بو گفتاری عنوان ایتدیلر : . . کوفیه گلمیشدون آیا خلقه سردار اولماقا؟ سن عراقه حاکم و سر خیل و سالار اولماقا؟ ای حسینون نایبی گلدون سپهبدار اولماقا؟ بس ندن حقونده بونلار عکس احسان ایتدیلر؟ جسموی آماج غرق تیر و پیکان ایتدیلر؟ . . ای عقیل اوغلى سنه بیر سوز دیر ختم کلام بو سونی تائید ائدوب اهل حجاز و مصر و شام بیل حسین ناحقدی دنیاده یزید أولموش امام اهل عالم جمع اولوبدور ترک عرفان ایتدیلر آل سفیانیله گور تجدید پیمان ایتدیلر . . وقت اولوب ایندی زیاد اوغلى الین ویرسه تکان یر یوزونده قالماسون نام حسینوندن تشان اوپ رکابیمدن منیم تا که ئولومدن تاپ امان اولسا یاندونده علینی بوردا د بیجان ایتدیلر کوفه محرابینده گوردون قانه غلطان ایتدیلر . . بو سوز اود ووردی او سرداره أولوب قلبی کباب غیضیله ابن زیاده یوز دوتوب ایتدی خطاب : گر چه ابله سوز دینده عاقلان ویرمز جواب یوخدی باکیم گر منه جور فراوان ایتدیلر عدلی پامال ایلیوب ظلمی نمایان ایتدیلر . . بسدی بو زخم زبانون پند ویرمه چوخ منه هاشمون اولادی هرگز دال چوؤرمز دشمنه حیف یوخ شمشیریم الده تا ئییدوم من سنه نیلیوم بو قوم عدوان ترک ایمان ایتدیلر جیفۀ دنیایه خاطر نقض فرمان ایتدیلر . . من حسینه نوکرم وار قلبیده بی رنیّتیم چکسه لر داره یتر پایانه مأموریّتیم ثابت اولسون عالمه دنیاده مظلومیّتیم قوی دیسونلر بیر غریبی قانه غلطان ایتدیلر مسلمی دینون یولوندا تشنه قربان ایتدیلر . . الده شمشیریم اولا میدانی جولان ایلرم اولسا گر جسمیمده مین جان بذل جانان ایلرم گونده یوز دفعه حسینه جانی قربان ایلرم قوی عقیل اوغلون دیسونله خانه ویران ایتدیلر بسدی بو فخریم منی جزء شهیدان ایتدیلر . . انتظاریم یوخدی سندن چون آنان مرجانه دور قبله گاهون بی مروّت دولت سفیانه دور دین و توحید و نبوت سیزلره بیگانه دور جدّ ناپاکوز سیزون نعمتده کفران ایتدیلر خندق و بدر و احد ده کفری اعلان ایتدیلر . . پور مرجانه بو سوزلردن اولوب دردی مزید حکم قتل مسلمی صادر ایدوب اولسون شهید چکدیلر شمشیر او ساعت جیره خواران یزید نادری یاز اهل کوفه چرخی حیران ایتدیلر هاشمی صولت جوانین نعشین عریان ایتدیلر

ایاقه دور ای ساقی روح و جان 🌾🌸🌾🌸🌾🌸 #در مدح و منقبت مولای متقیان حضرت امیرالمؤمنین علیه السلام #مرحوم دلریش . ایاقه دور ای ساقی روح و جان گتور وئر ایچیم ساغر سرگران . بئله باده لر مست قیلماز منی اگر اولماسا بادۀ ارغوان . بو موسمده می ایچمک اولماز حرام بهار اولدی چون گئچدی فصل خزان . ائدوب دانه لر جمله یردن نموّ گیوب سبز جامه هامی گلستان . شکوفه آچوب چتر گل گلشنه قد یار تک سرو اولوب سایبان . آچوب بیر طرفده گل یاسمن معطر ائدوب گلشنی ضیمران . آلوب دستینه لاله چون جام خم وئروب گللره جمله رطل گران . ائدوب نرگسی مست چون چشم یار گل نسترن برگین ایلوب فشان . آچوب شاهد غنچه بند نقاب قزل گل ائدوب اؤز عذارین عیان . فرار ایلیوب کوهه زاغ و زغن اولوب سروده قمری کوکو زنان . گلوب نالیه شوریله عندلیب ائدوب شاخ گلده گینه آشیان . اولوب صحن گلشن چو صحن بهشت توکر گلشنه رحمتین لامکان . پیاپی منه ساقیا باده وئر ائدیم شمّه ای وصف یاری بیان . بئله یار دور بیر نظر گر باخا اولور کیمیا دفعتاً بو جهان . اونون حرمتیندن اؤتور خلق ائدوب خداوند عالم جهیم و جنان . لمه کیفه هر کیم دیه وصفینه اولور اول کسه نار دوزخ مکان . قبول ایلین بو شهین وصفینی اولور روز محشرده خُلده روان . بونون آدین آدم شفیع ایلدی خلاص اولدی غمدن اولوب شادمان . بو طوفاندن وئردی نوحه نجات خلیله بو ائتدی اودی گلسِتان . بونون نوری موسایه چون طورده تجلّی ائدوب سیز بیلون منکران . اگر اولماسیدی وجود على وجود اولمازیدى یقین انس و جان . روادور بو شاهین گلنده آدی فدا ایله سن شوقیله باش و جان . طفیلیدی عالم بونون ذاتینه بونا بسته دور امر کون و مکان . یازوبلار بونون آدینی عرشیده او دور زیب و زینت تاپوب آسمان . رسول خدا گئتدی معراجه چون بو شه اولدی پیغمبره میزبان . یازانمازلا بیر شمّه وصفین بونون اگر حشره دین یازسالار منشیان . على حقّینی دانسا هر کیم یقین على حقّى چون تایماز اول کس امان . علیدور اولان مرشد جبرئیل علیدور جهانه دلیل و بیان . علیدور شهنشاه خیبر گشا علیدور امام زمین و زمان . علیدور بؤلن غیضیله مرحبی علیدور اولان قاتل مشرکان . علیدور على دینه رونق وئرن علیدور على شاه طاها نشان . علیدور اولان واقف سرّ حق علیدن آلور اذن کرّوبیان . علیدور وصیّ رسول مبین علیدن چکر قوم اعدا امان . علیدور اولان شیعیه پیشوا علیدور اولان هادی سالکان . هراس ایلمه حشرده دلریشا علیدور اولان شافع عاصیان . گناهون اگر اولسا حددن فزون على آدینی ایله ورد زبان

ایدوبدی رحلت رسول اکرم گلوب فغانه ملکلر آغلار #پیامبراسلام 🍁🍁🏴🍃🍁🍁🏴🍃 🏴#شهادت رسول اکرم صل الله علیه وآله وسلم 🔰#سبک_آچیلدی_پرچم … 10 سبک #مرحوم شهاب تبریزی . . ایدوبدی رحلت رسول اکرم گلوب فغانه ملکلر آغلار غمینده نالان اولوبدی زهرا شفیعۀ روز محشر آغلار باتوب عزایه ملک لر آغلار . . باتوبدی یاسه تمام عالم توکر عذاره سرشکین آدم قوروب ملایک بساط ماتم گوی اهلی بو غمده یکسر آغلار . . سزادی بوگون تمام امت گر اولسا غرق غم و مصیبت گیدوب جهاندان رسول رحمت عیال حیدر مکدّر آغلار . . نه قدر زحمت چکوب او سرور یتوردی احکام دینی یکسر اودور که عرش خدای اکبر بو غمفزا غمده تیترر آغلار . . حسین آچوب باش گلوب فغانه سالوبدی شیون بوگون جهانه ایدر سرشکین یوزه روانه دیر بابا وای مکرر آغلار . . حبیب داور ایدنده رحلت آلوب کنارین عیال عصمت باتوب عزایه شه ولایت گلوب فغانه او سرور آغلار . . مصیبتیله دولوب مدینه گلوبدی مخلوق شور شینه ویرور تسلی بوگون حسینه مدینه اهلی سراسر آغلار . . گینه بو گوگلوم باتوب ملاله بیر اوزگه محنت دوشوب خیاله گلون ائداخ بیز حسینه ناله اونون غمینده پیمبر آغلار . . حسین غمی چون پوزوب جهانی دیمه که اولموب بیر آغلیانی باشین قفادن کسن زمانی قتیل و مقتول و خنجر آغلار . . گوز آچدی گوردی او شاه محشر اویاندا قاتل الینده خنجر بویاندا زینب ملول و مضطر توکر سرشکین او مضطر آغلار . . بویوردی باجی قیت خیامه چوخ عجز قیلما سپاه شامه یتوبدی عمریم منیم تمامه خیمده ایمدی حرملر آغلار . . شهابون عمری تمامه یتدی حسینیلردن ال اوزدی گیتدی حسینه بسکه توسّل ایتدی شهابین اشکین گورنلر آغلار . . باجی رضا اول گلن قضایه تحمل ایله غم و بلایه اوجاتما داد و فغان سمایه گورنمرم من او گوزلر آغلار . . شهاب یتمز بوغم تمامه کلامه ویرمه داخی ادامه گلوب نوایه الونده خامه یانار بو محنتده دفتر آغلار . . . #پیامبراسلام #شهاب_تبریزی #پیامبراسلام_شهادت #ایدوبدی_رحلت_رسول_اکرم_گلوب_فغانه_ملکلر_آغلار #ترکی

#آهن بیر عمودیله سینا باش نه چتیندی   #حضرت ابوالفضل العباس علیه السلام ▪️▪️✨🌿▪️▪️✨🌿  آهن بیر عمودیله سینا باش نه چتیندی بیر سینیه قهراً دگه مین داش نه چتیندی قارداش قاباغیندا ئوله قارداش نه چتیندی قلبیم ائلمور بو ئولومه باور اباالفضل   یوخ‌یوخ باتوسان آی کیمی اولدوز تک آخورسان جناتی گوروب کرب و بلاده دارخورسان هی دیندیرورم نه دانشورسان نه باخورسان بو صحنه ئولوم صحنه‌سینه بنذر اباالفضل   سندن قاباق ئولسیدی حسین کرب و بلاده حمل ایلریدون پیکری قالمازدی اراده قویماز قالا قارداش بدنین قارداش اراده ایش مشگله افسوس اولوب منجر اباالفضل   واردور ایکی دردیم یوز گوزدن توکورم یاش بیر درد بودور چوخدی یارون جسمیده قارداش بیر درد واریمدور اورگیمده ائدورم فاش آلمیش جانیمی داغ علی اکبر اباالفضل   #مرحوم انور اردبیلی    #منبع #تورکی نوحه لر - قربانعلی زاده

#زبانحال خواهر حضرت رقیه (س) #مرحوم معزی اردبیلی بانوای:#کربلایی_منوچهر_حسن زاده آی شامیده گوز یاشلی ئولن قافله گیتدی اوچ یاشدا اولان غرق مُحن قافله گیتدی . سس ویر سسیمه حالی پریشان باجوام من آغوشه آلان قبریوی گریان باجوام من سنسیز گونی قاره ئورگی قان باجوام من آغلاتما منی شامه گلن قافله گیتدی . ویرانه ده قوینوندا قالان اللره قربان قاره کفن ایچره بوکولن تللره قربان قبرونده اویان یاتما شیرین دیللره قربان گوزلر سنیده اهل وطن قافله گیتدی . دوشدی یولا غم قافله سی من دالا قالدیم الله بیلوری گلدی یرون نه حالا قالدیم تا عطریوی بیر یولدا مشامیم آلا قالدیم گلدیم سنه خاطر بورا من قافله گیتدی . ویرانه ده یاندیم سسون افلاکه چخاندا آخشام چاقیلار قلبیوی غم غصّه سخاندا دیواره قویاردون یوزوی چوخ داریخاندا محبوبه ی سلطان زمن قافله گیتدی گورسندی آغاج یاره سی عالی قوناقوندا پیشوازینه چخدون گیجه چاقی اوطاقوندا ئولدون قوناقین قانیوا غنچه دوداقوندا ئوز معجری دفنینده کفن قافله گیتدی . غسّاله یوواندا سنی احوالیوه یاندی اللرده ئولوبدور دیدی غسلونده دایاندی عمّه م بویوروب قمچیه مدّتدی نشاندی آی کرب و بلادن دؤیولن قافله گیتدی . لایلای گیجه قانین بابامون زلفه یاخان قیز لایلای یوزونه گوز یاشی یوللاردا آخان قیز لایلای قوجالان عمَّه مَه حسرتله باخان قیز روشن گونوزی شامه دونن قافله گیتدی لایلای بدنی شمع مثالی ارییَن قیز لایلای من آجام عمّه مه گیزلنجه دیین قیز لایلای بابامون خاطرینه قاره گیین قیز قالما باجی ویرانه ده سن قافله گیتدی

#زبانحال خواهر حضرت رقیه (س) #مرحوم معزی اردبیلی بانوای:#کربلایی_منوچهر_حسن_زاده آی شامیده گوز یاشلی ئولن قافله گیتدی اوچ یاشدا اولان غرق مُحن قافله گیتدی . سس ویر سسیمه حالی پریشان باجوام من آغوشه آلان قبریوی گریان باجوام من سنسیز گونی قاره ئورگی قان باجوام من آغلاتما منی شامه گلن قافله گیتدی . ویرانه ده قوینوندا قالان اللره قربان قاره کفن ایچره بوکولن تللره قربان قبرونده اویان یاتما شیرین دیللره قربان گوزلر سنیده اهل وطن قافله گیتدی . دوشدی یولا غم قافله سی من دالا قالدیم الله بیلوری گلدی یرون نه حالا قالدیم تا عطریوی بیر یولدا مشامیم آلا قالدیم گلدیم سنه خاطر بورا من قافله گیتدی . ویرانه ده یاندیم سسون افلاکه چخاندا آخشام چاقیلار قلبیوی غم غصّه سخاندا دیواره قویاردون یوزوی چوخ داریخاندا محبوبه ی سلطان زمن قافله گیتدی گورسندی آغاج یاره سی عالی قوناقوندا پیشوازینه چخدون گیجه چاقی اوطاقوندا ئولدون قوناقین قانیوا غنچه دوداقوندا ئوز معجری دفنینده کفن قافله گیتدی . غسّاله یوواندا سنی احوالیوه یاندی اللرده ئولوبدور دیدی غسلونده دایاندی عمّه م بویوروب قمچیه مدّتدی نشاندی آی کرب و بلادن دؤیولن قافله گیتدی . لایلای گیجه قانین بابامون زلفه یاخان قیز لایلای یوزونه گوز یاشی یوللاردا آخان قیز لایلای قوجالان عمَّه مَه حسرتله باخان قیز روشن گونوزی شامه دونن قافله گیتدی لایلای بدنی شمع مثالی ارییَن قیز لایلای من آجام عمّه مه گیزلنجه دیین قیز لایلای بابامون خاطرینه قاره گیین قیز قالما باجی ویرانه ده سن قافله گیتدی

‍ ‍ ‍ ‍ ‍ در ویرانه ده دورما ... زبانحال حضرت زینب کبری با حضرت رقیه (س) در خرابه شام در ویرانه ده دورما منیم آرامیمی آلما چوخ ائتمه تکیه دیواره آنامی یادیما سالما نوالی بلبلوم لایلای شیرین دیل سویگلوم لایلای الیوی قوینووا قویما بئله تئز جانیوه دویما بو قدر غملی دایانما بو ذوقیله تماشایه گلن قیزلاری آغلاتما نوالی بلبلوم لایلای مارالیم ایلمه افغان گوزووی سیل بی بی قربان سوزوی دئ منه هر آن آلیب آغوشه دیوم جان تاپارام دردیوه درمان نوالی بلبلوم لای لای قادا سندن اوزاق اولسون یوزون عالمده آغ اولسون وطنون لاله باغ اولسون ائویوی چلچراغ اولسون سارالیبسان ایراق اولسون نوالی بلبلوم لایلای سنی گوردوکجه سارالّام غم اوخون قلبیمه چالّام دئمه ویرانه ده قالّام یولومی یثربه سالّام سنه گوشِواره آلّام نوالی بلبلوم لایلای قره گیدی اوجا داغلار سارالوب غنچه لی باغلار قوریوب غملی دوداقلار سنی گورجک قولی باغلار ننون آغلار باجون آغلار نوالی بلبلوم گوزلیم گول گوله گوللر قوتارار بو چتین ایللر چکیلر بو قره یللر کؤچر اؤز ملکونه ائللر دارانار بو قره تللر نوالی بلبلوم لایلای             #مرحوم تقای

#زبانحال خواهر حضرت رقیه (س) #مرحوم معزی اردبیلی بانوای:#کربلایی_منوچهر_حسن_زاده آی شامیده گوز یاشلی ئولن قافله گیتدی اوچ یاشدا اولان غرق مُحن قافله گیتدی . سس ویر سسیمه حالی پریشان باجوام من آغوشه آلان قبریوی گریان باجوام من سنسیز گونی قاره ئورگی قان باجوام من آغلاتما منی شامه گلن قافله گیتدی . ویرانه ده قوینوندا قالان اللره قربان قاره کفن ایچره بوکولن تللره قربان قبرونده اویان یاتما شیرین دیللره قربان گوزلر سنیده اهل وطن قافله گیتدی . دوشدی یولا غم قافله سی من دالا قالدیم الله بیلوری گلدی یرون نه حالا قالدیم تا عطریوی بیر یولدا مشامیم آلا قالدیم گلدیم سنه خاطر بورا من قافله گیتدی . ویرانه ده یاندیم سسون افلاکه چخاندا آخشام چاقیلار قلبیوی غم غصّه سخاندا دیواره قویاردون یوزوی چوخ داریخاندا محبوبه ی سلطان زمن قافله گیتدی گورسندی آغاج یاره سی عالی قوناقوندا پیشوازینه چخدون گیجه چاقی اوطاقوندا ئولدون قوناقین قانیوا غنچه دوداقوندا ئوز معجری دفنینده کفن قافله گیتدی . غسّاله یوواندا سنی احوالیوه یاندی اللرده ئولوبدور دیدی غسلونده دایاندی عمّه م بویوروب قمچیه مدّتدی نشاندی آی کرب و بلادن دؤیولن قافله گیتدی . لایلای گیجه قانین بابامون زلفه یاخان قیز لایلای یوزونه گوز یاشی یوللاردا آخان قیز لایلای قوجالان عمَّه مَه حسرتله باخان قیز روشن گونوزی شامه دونن قافله گیتدی لایلای بدنی شمع مثالی ارییَن قیز لایلای من آجام عمّه مه گیزلنجه دیین قیز لایلای بابامون خاطرینه قاره گیین قیز قالما باجی ویرانه ده سن قافله گیتدی #کربلایی_منوچهر_حسن_زاده #سلیم_نظرآباد #شادی_روح_سلیم_صلوات