اکبرون حالی حسینون پوزدی حالین گل باجی ، گزلدوب قان پرده سی خوش خد خالین گل باجی . وار یری عرشه یتورسم ناله جانکاهمی ، ایتدی آگه اکبرون مرگی دل آگاهمی ، منده اوللم چون دوتوخ گوردوم ایشقلی ماهمی ، دوتقون آی اعلان ایدر شاهون زوالین گل باجی . نوک مژگانین دوتوبدور لخته قان آچمور گوزین ، بیلمورم ناز ایلیور یا گزلدور مندن سوزین ، گل عبانی مه یوزیندن رد ایله دیندیر اوزین ، اکبرون من بیلمورم فکر و خیالین گل باجی . بیر طرف ایتمش احاطه مبهمات معنوی ، بیر طرفدن حمله وردور مشکلات دنیوی ، منزوی اولموش حقارت گوشه سینده منزوی ، لطف ایدوب ایله مهیا ایده آلین گل باجی ✍ #مرحوم_استاد_منزوی ‍