بانوای عبداللهی =======👆 زبانحال حضرت معصومه سلام الله علیها (گُلشنینده گلدیم ، باغبان اولام من) گَل باجون یومور گوز ، ای شَهِ خراسان عشقیوه اولوبدی ، مُبتلا رضا جان دوشموشم او درده ، سَنده واردی درمان عشقیمی نشان ، ویرورم غربت ایچره جان ، ویرورم گَل هرایه قارداش چیخمیشام وطندن ، ای شَهِ ولایت گول یوزون دوباره ، ایلیَم زیارت یاندیریبدی اَفسوس ، قلبی نارِ حَسرت گوزیاشی ، توکَن باجیوام حسرتون ، چَکن باجیوام گَل هرایه قارداش باجی جان ویرنده ، غربت ایچره قارداش یوللارا باخاندا ، گوزلری توکَر یاش سَسلَنَر گَلِیدی ، قارداشیمدا ایکاش دوشموشم او حالَته من اولموشام جَلایِ وطن گَل هرایه قارداش یوخدی منده طاقت ، آز بو قلبی داغلا جان ویرنده باری ، گوزلریمی باغلا سن مَزاره تاپشیر ، قبریم اوسته آغلا نامه وی قوجاقلامیشام هِی ئوپوب ، هِی آغلامیشام گَل هرایه قارداش باجیلار سِرشکی ، عارضه آخاندا قارداش آدی قلبین ، یاندیریب یاخاندا سَسلییَردی زینب ، یوللارا باخاندا گَل حسین باجون قوقالیب کوینَگون سینَمده قالیب گَل هرایه قارداش #معصومه_س #زینب_س التماس دعای فرج الاحقر مهدی عبادی

ولادت حضرت معصومه علیها السلام صبا یوبانما ، رَشکِ جِناندی، شهرِ پِیَمبر آتا اولوبدی ، بوگون امامِ ، موسَی بنِ جَعفر بیزدن سلام ایت ، حضورِ شاهه ، آل عیدیانه خدا ویریبدی ، امامه بیر قیز ، زهرا نشانه گول یوزونه آتاسی باخدی رَختِ غم و مِحنَتی سویدی چون آناسین چوخ ایستییَردی گوزل آدین فاطمه قویدی مددی فاطمه ، فاطمه یا فاطمه ویریبدی بوگون ، نَجمیه خالق ، بیر گُلِ خوشبو چون ایستییردی ، قالمیه تَنها ،ضامنِ آهو بولور جماعت ، بو قیز عزیزِ ، اَهلِ حَرم دی خواهر مولا ، هامی دیور کی ، کانِ کَرم دی کَرامتی اَهلِ جهانه چوخدان اولوبدور اودی اِثبات کریمه ی آلِ عَبادی گَدانی نومید ایده هِیهات خدا ایدیبدی، ایرانین اَهلین ، بو قیزا مهمان دائم آچیخدی دیارِ قُمدا ، سُفره اِحسان زیارتین چون ، ایدیب سفارش ، شاهِ خراسان هر دردون اولسا ، قُما یولون سال ، آل درده درمان قَبرینی کیم ایده زیارت قلبیده بیر غُصّه سی قالماز کیم اونی آد ویره رضایه شَکّ ایلمه ، بوش یولا سالماز عاشق اولوبدی ، لیلایه مجنون ، شیرینه فرهاد عشقِ مجازی ، چوخون ایدیبدی ، خانه سی بَرباد چوخ باجی واردی ، قارداشین ایستَر ، دوزدی بو مطلب درسِ وفانی ، بو قیزا اَمّا ، اورگَتدی زینب زینب حسینه عاشق اولسا معصومه عاشقِ رضادی بو باجی قارداشین وجودی شیعه لره بابِ رَجادی #معصومه_س التماس دعای فرج الاحقر مهدی عبادی

زبانحال حضرت معصومه سلام الله علیها و گریز به کوفه و شهادت حضرت زینب سلام الله علیها گوزلریم یولدا قالوب ، معصومه قارداش جان ویریر دردِ هجرانون رضاجان ، عمرومه پایان ویریر سن وطندن آیریلاندان ، دوشموشم مین درده من یثربه نامه ن گَلندن ، آغلارام هر یرده من چوللره دوشدوم گوره م ، بلکه جمالون بیرده من وصلتون فیضی یقین ، هردردیمه درمان ویری باجیلار دیلدن اولار ، وابسته اوز قارداشینا سینه سین اِیلَر هدف ، دائم محبت داشینا رَحم ایله معصومه نین ، گوزدن آخان گوزیاشینا نارِ هجروندن یانور، قلبیم عذاره قان ویریر ‌اولموشام اون یدّی گون ، بو قُم دیاریندا قوناق ناخوشام چون دوشموشم ، حاذق طبیبیمدن اوزاق گوئیا تقدیردور ، من جان ویرم سندن قاباق عاشقه نه غصه معشوقون ، یولوندا جان ویریر غربت ایچره حیف اولا ، سولدی وجودوم گُلشنی اولمادی توفیق ایدم ،بیرده زیارت من سنی لطف قیل بو واپسین دم گَل برادرگور منی قارداشین گورسه باجی ، جان اوسته جان آسان ویریر رَسمِ عالَمدی باجی ، قارداشینی چوخ ایستییَر دردی اولسا هر زمان ، آهسته قارداشه دییَر جان ویرن دَمده‌ خصوصاً ، قارداشین چوخ گوزلییَر باجینین قارداش چتین ، وقته ایشین سامان ویریر آرزو ایلردی معصومه ، گوره قارداشینی یاده دوشدی کوفه ای دل ، جاری قیل گوز یاشینی نیزه باشیندا گوروب ،زینب حسینین باشینی سسلدی قارداش باجون، اوز عشقینی اعلان ویریر اهل کوفه اَهلبیتی ، ایلوری تَکفیر حسین نیزه ده قرآن اوخی ، بو وضعه ویر تغییر حسین سن دیین آیاتی منده ، ایلیوم تفسیر حسین حیدری لَحنیم برادر ، مژده ی طوفان ویریر درس آلوبدی مکتبِ، زهرا و حیدردن باجون اورگشوب ایثاری بیر ، غیرتلی مادردن باجون اولسا امکانی آلار ، باشون بو لشگردن باجون نیزه دارون حیف اولا ، نامردیدی جولان ویریر قانلی باشون نیزه ده ، کَهف آیه سین تَشریح ایدر مُنصف اولسا اهلِ کوفه ، دینینی تصحیح ایدر قانلی باشون کیم گوره ، دشمنلرون تَقبیح ایدر چون کَسیک باشون نشانه ،مُعجِزِ قرآن ویریر حیف اولا آی صورتون ، کولدن یوزه پَرده سالوب قان کوله مَمزوج اولوب ، نَقشی قرار اَلدن آلوب هانسی شاهنشه حسین ، سن تَک کول اوستونده قالوب بسترِ خاکستری ، مِهمانه گور انسان ویریر؟ فاتِحوخ بیز دهریده ، خَلق ایچره گر گُفتاری یوخ کوفه اهلی بیزلره ، شایسته بیر رفتاری یوخ شیری زنجیره چَکَللّر ، روبَه و کَفتاری یوخ شیر باش اَگمز جهاندا ، فاتِحانه جان ویریر لشکرون ظاهرده سیندی ، قلبیوه غملر دولوب باغیوا زاغ و زَغن دولدی ، هامی گوللر سولوب دوزدی عبّاسون گیدیب ، زینب عَلمدارون اولوب لشکریم قیزلاردی قارداش ، زینبون گور سان ویریر حضرت معصومه دن ، اذن ایسته دیم با سوز و آه دیلده مقصودوم فقط خدمتدی ، خالقدور گواه بیر وَجیزه باشلادیم ، اُخت الرضا قیلدی نگاه باشلیین(بیکَس) ، وَلاکن اوزلری پایان ویریر #معصومه_س #کوفه التماس دعای فرج الاحقر مهدی عبادی

زبانحال حضرت معصومه سلام الله علیها (گُلشنینده گلدیم ، باغبان اولام من) گَل باجون یومور گوز ، ای شَهِ خراسان عشقیوه اولوبدی ، مُبتلا رضا جان دوشموشم او درده ، سَنده واردی درمان عشقیمی نشان ، ویرورم غربت ایچره جان ، ویرورم گَل هرایه قارداش چیخمیشام وطندن ، ای شَهِ ولایت گول یوزون دوباره ، ایلیَم زیارت یاندیریبدی اَفسوس ، قلبی نارِ حَسرت گوزیاشی ، توکَن باجیوام حسرتون ، چَکن باجیوام گَل هرایه قارداش باجی جان ویرنده ، غربت ایچره قارداش یوللارا باخاندا ، گوزلری توکَر یاش سَسلَنَر گَلِیدی ، قارداشیمدا ایکاش دوشموشم او حالَته من اولموشام جَلایِ وطن گَل هرایه قارداش یوخدی منده طاقت ، آز بو قلبی داغلا جان ویرنده باری ، گوزلریمی باغلا سن مَزاره تاپشیر ، قبریم اوسته آغلا نامه وی قوجاقلامیشام هِی ئوپوب ، هِی آغلامیشام گَل هرایه قارداش باجیلار سِرشکی ، عارضه آخاندا قارداش آدی قلبین ، یاندیریب یاخاندا سَسلییَردی زینب ، یوللارا باخاندا گَل حسین باجون قوقالیب کوینَگون سینَمده قالیب گَل هرایه قارداش #معصومه_س #زینب_س التماس دعای فرج الاحقر مهدی عبادی

زبانحال حضرت معصومه علیها السلام و گریز به شهادت زینب کبری س گَل رضا معصومه وی ، سالدی اَجل بیر دامه گَل سینَم اوستونده قالوب ، گوندَردیقین اُول نامه گَل یثربی ترک ایتمیشم ، شوقِ لِقایِ یاریله عاشقه لازمدی چون ، وَصله یِته دلداریله قالدی یوللاردا گوزوم ، بو چهره ی غَمباریله اَلْفِ قَدّیم گورنجه ، دونموش رضا جان لامه گَل عاشقِ دلدادییَم ، سن تَک ولیِّ حَقّه من عشقیوین بَندی برادر ، اولدی بوینومدا رَسَن سِلک عشقونده رضایم ،اینجیسین جانیله تَن مَکتَبونده ویر منه ، بوندان چَتین بَرنامه گَل سالِکم کویوندا من ، ای صاحبِ حِلّ و حَرم باغِ وصلوندن نولوردی ، لااقل بیر گول دَرَم کاش اولِییدی قسمتیم ، بیر دَم جمالون من گورَم عُمرومون پایانی یِتسین ، بیر گوزَل اَنجامه گَل سن ولیّ الله اعظم سن امام ذوالحسب ایتمرم شِکوه یولوندا ، گلسه هررنج وتعب نه باجی ! ، من تارِ زُلفونله ، اَسیرَم روز و شَب دامِ عشقونده شکارم ، باخ بو صِیدِ رامه گَل بادِ ظلم اَسدی رضا جان ، عاقبت بو گُلشنه یوللارا باخماقدان آخر ، یوخدی بیر چاره منه شاهدیم گوزیاشلاریمدی ، عاشقم قارداش سنه اَشکِ نابی دولدوروب ، هجرونده گوزلر جامه گَل اوچ باجی تَرک ایلینده ، بو وَفاسیز عالَمی اولمادی قارداشلاری ، آخر نَفَسده هَمدمی گوزلری یولدا قالوب ، دیلده قالاندی مین غمی هر اوچی قارداش دیدی ، باخ غُصّه لی فَرجامه گَل بیر باجی آدی رقیّه ، اکبرین دل داده سی بیرده معصومه خانیم، عشقِ رضا اُفتاده سی بیر باجی واردور ولی ، یوخ عشقینون اَندازه سی آدی زینب ، وار باشیندا ، گورنجه هنگامه گَل جان ویرنده سَسلَنَردی ، هارداسان قارداش حسین زینبون غربتده دی ، گَل چَک منه بیر باش حسین اَللی بِش ایلدور سنه ، من اولموشام یولداش حسین یولداشون جان اوسته دی ، لطف ایت حسینیم شامه گَل دوشموشم اِیْله اَیاقدان ، یوخدی چاره م ئولمه سَم دادیمه یوخدور گَلن ، هر قَدر داده سَسله سَم یِدّی قارداشیم واریدی ، ایندی امّا (بیکَسم) لطف قیل باش چَک حسینیم ، عاشقِ ناکامه گَل #معصومه_س #کوفه التماس دعای فرج الاحقر مهدی عبادی

سلام و عرض ادب خدمت حضرت فاطمه ی معصومه سلام ا... علیها و گریز به شهادت آن بانو و حضرت رقیه سلام ا... علیها السلام ای دردِ دنیایه مُعالج السلام السلام ای دخترِ باب الحوائج ، السلام السلام ای عاشقانِ اهلبیتین یاوری السلام ای حضرتِ موسی الرضانین خواهری السلام / بیزدن سلام السلام ای قُم دیاریندا باتان کوکب کیمی آخر عمرونده گوزی یولدا قالان زینب کیمی ای دوشن قارداشه خاطر چوللره زار و حزین سینه اوسته ساخلیان موسی الرضانین نامه سین اوخشارون چوخدی خانیم بیرده رقیه عمه وه دوزدی چوخ ظلم ایلیوب آلِ امیّه عمه وه او علی اکبر دییَردی سنده سسلردون رضا جان ویرن دم گوزلرون یولدا قالیب ای با وفا شُکر اولا یوللار غمی آرامون الدن آلمادی شُکر اولا عمه ن کیمی نعشون یر اوسته قالمادی #معصومه_س التماس دعای فرج الاحقر مهدی عبادی

احوالات ورود حضرت معصومه((س)) به شهر قم و گریز به کوفه اَزلده حمد ایدورم کردگار یکتانی خدایه حمد و ثنا ، کامل اِیلر ایمانی منیله هَمره اولار ، جمله عترت یاسین یازاندا حضرتِ معصومه نین قضایاسین آناسی فاطمه تک ، درد و محنته دوزدی بولَنمورم نجه امّا، رضادن اَل اوزدی اولوبدی قلبِ اَحبّا ، خدنگِ ظلمه هدف چَکنده جَبریله مأمون ، امامی طوسه طرف اوجالدی ناله سَسی سوزشِ بلائیله آیردی باجینی قارداشیدن جفائیله بیر ایل فراقه دوزوب ، قلبی غمده اودلاندی سرشکی آخدی یوزه ، وای رضا دیدی یاندی یانار نچون دلِ عاشق،فراقِ جاناندا باجی مدینه ده یاندی، رضا ده ایراندا امام قلبی گلوب ، غربت ایچره چوخ درده گوتوردی نامه یازوب ، گَل باجی گوروم بیرده غلامه نامه نی ویردی، بویوردی شاه جهان مدینه سمتینه یول سال ، بدون فوتِ زمان یتیردی نامه نی قاصد، خانیم آلوب باخدی ئوپوب قویوب گوزونه، اَشکی عارضه آخدی اوجالدی ناله سی دیلدن ، ایدوبدی آه و فغان دیردی وای باجون اولسون، یتور باش هجران گوروب تدارکینی، دخترِ امامِ هُدا دوشوبدی چوللره دیلده ، ولیک عشق رضا (ع) باشیندا شوق زیارت اورکده سوزش و آه گیدردی سرعتیله یوللاری او عُلیا جاه خبر ویروبدله مأمونه، نقشه سین قوردی او حیله دن دل موسی الرضانی یاندوردی یتنده قافله سی، ساوه شهرینه ناگاه هجوم ایدوب اولارا ، نچه ظالم گمراه میان راهیده گَل ، غُصّه لی حکایته باخ چکوبله تیغ جفا ، ظلمه باخ جنایته باخ بویاندی قانینه یکسر، ذُکور طایفه سی خانملارین اوجالوب ، گویلره سیزیلتی سَسی او دَمده باغِ ولانین، قیزیل گولی سولدی خانیم باخاباخا ، قارداشلاری شهید اولدی مریض اولوبدی خانم ، شدت بلائیله دییردی درد دلین ، بو زبانِ حالیله بو تیغِ آهیمیله، قلبیمی رضا بولورم نصیبیم اولمادی قارداش ، زیارتون ئولورم قم اهلی باخبراولدی سُلاله ی زهرا گلوبدی ساوه دیارینده ایلیوب سُکنا قُمون اَعاظمی القصه پاک نیتیله یتوبله محضرِ دُخت بتوله سرعتیله کمال عجزیله سویلوبله کِی حبیبه ی حق عنایت ایله قدومونله ویر قُما رونق اجابت ایلدی بنتِ عزیزه ی کاظم جلالتیله اولوب قم دیارینه عازم چکیلدی جار گلون عترت اَنام گلور چیخون قباقه قُما خواهر امام گلور چیخوب قباقینه موسَی بنِ خَزرَج خاضع اوزین ایدوب خانمین محضرینده چوخ خاشع نشان ویروب خانیما رأفت و وفاداری اولوبدی مرکبینون عشقیله جلوداری ایدوب دی خدمتینی ،دُختِ کاظمه کامل گتیردی عزّتیله ، شهره ایلدی داخل قُم اهلی شوریله یکسر ، چیخیبلا پِشوازه سَپَردیلر باشینا ، برگِ سوسنِ تازه ایدوبله عرض ادب ، محضرِ مُقدَّسینه چَکردی قیزلار اَلین اُول نَجیبه ، جامه سینه قُم اَهلینون ایوی آباد اولا ایکی دنیا جَزاده اَجرلرین ، ویرسین حضرت طاها پیمبر عترتینه ، پیکِ وَحی ، حاجبدی امام خواهرینون ، احترامی واجبدی سَزادی جوشه گَله ، گوزده قلبیمون قانی نَدَندی کوفه لیلر ، بولمییوب بو عنوانی رَوادی شیعه بویانسا بو غمده گوزیاشینا گیرنده کوفیه زینب ، توکوبله کول باشینا اولار کی دین ایوینی ، ظلم اَلیله یخمیشدی قویوب حَنا اَلینه ، پیشوازه چخمیشدی نجه دیوم منی غم بَسکی بیقرار ایلدی علی قیزین ، او جفا اَهلی سَنگسار ایلدی او غملی قلبینی از بَس ایدیبدولر اَلقان اولوبدی زینب کُبرایه کوفه چون زندان جداده دوشدی گوزی ، قارداشین کَسیک باشینا آچوب اورک سوزونی ، اوز یارالی قارداشینا گیچن گجه باجون ئولسون ، کیمه قوناق اولدون یوزون کوله بَلَشوب ، گول کیمی نَدن سولدون بیزی قوناق چاغیرانلار ، سنی بو حاله سالوب بالالارین گوزی قارداش فقط جداده قالوب جداده سن اوخی قرآن ، ویر عالَمه تغییر باجوندا سن اوخییَن ، آیه نی ایدر تفسیر دانیش یقین ایده لر اهل دین و اقراروخ بوله بو کوفه لیلر اهلبیتِ اطهاروخ بو یرده یاندی باجون مین غم و بلائیله ووروبلا هر باشی بیر نیزیه جفائیله سزادی قانه دونه زینبینده گوز یاشی ووروبلا نیزیه حتی او خیرداجا باشی زنان کوفیه ایکاش ، دیین اولا باری آلوب قوجاقه اوشاق گلمییون ربابه ساری دونوب دونَرگم حسین ، کاش ئوله باجون زینب گلوبدی اُم حبیبه ، اَلینده نان و رُطب بو شهریده بولوسن{{بیکَس}}و غریبم من او قانلی گوزلریوی ، چکمه سنده باشیمدن #معصومه_س #کوفه التماس دعای فرج الاحقر مهدی عبادی