شور سینه زنی (در آهنگ‌منم باید برم آره برم سرم بره) پناه عالمین/اورکده واردی شورو شین من اولموشام اسیر/اسیر پرچم حسین باشیمدا وار هوا/هوای وادی بلا بو گویلوم ایستییر/گینه برات کربلا گرک گیدم گینه *او باصفا حرملره قویام یوزومی من*پایین پای اکبره اوزون اجازه ویر*بویوزی قاره نوکره آقام آقام آقام آقام حسین آقام آقام دیمم بو درگهه/کی من غلام و نوکرم اگر قبول اولا/فدای راه اکبرم بیر عمردور منیم/اولوبدی ازبریم حسین یوخ اوزگه بیر آقام/امام و رهبریم حسین خدایه شکر اولا*اسیر و مبتلاسیَم نقدری عمر اولا*اوز آقامین فداسیم ایکی جهاندا من*فقط حسین گداسیم بو عشق اولوب بیزیم/جهاندا افتخاریمیز اولوبدی هر زمان/حسین حسین شعاریمیز بو آستانیه/گدا کیمین یخیلمیشام بو قاره پرچمین/سایه سینه سیخیلمیشام بو قاره کوینگی*ئولونجه منده سویمارام قره علم لری*قالا یر اوسته قویمارام نقدری سسلرم*حسین آدیوی دویمارام #پناه_عالمین_اورکده_واردی_شوروشین #محرم #جلالت #سیدالشهدا #مقام_نوکری ✍ شاعر؟؟؟؟؟؟؟ اجرا: احسن دهقان اللهم عجل لولیک الفرج❤️ التماس دعای فرج

رُخصتِ نوکری از امام زمان عجل ا... تعالی فرجه الشریف یابن الحسن ،آقا گوز یاشیوا ،فدا گونلر گیچدی ،بیرده گلدی ماهِ ،عزا رُخصت ویر قاره می گیوم ،آقا جدّیوه عزا ساخلیوم ،آقا یابن الحسن یابن الحسن ،آقا ۳   بو آی آغلار  ، گوزلر باشه وورار ،حیدر ایوای اِرباً ، اِربا دوغراناجاق ، اکبر باشی اوسته اولار حسین ،بیتاب عَبایه جسمین یغاجاق ،ارباب حسن ماهِ  ، اَنور وای اوغول وای ،سَسلر پَرپَر اولار ،جسمِ قاسمِ مَه ،پیکر قاسمون نسگیلی اورک ،داغلار جسمین سالار یامان گونه ،آتلار بو آی سو قان ، اِیْلر تشنه قالار ،لَب لر آتا قوجاقینده اوخلاناجاق ، اصغر شَه قلبینی بو غم سیخار ، ایوای ربابین اوخ ایوین یخار ،ایوای محشر اولار ، بر پا شَه قالاندا ، تنها بیر مشک سو ،اوسته قولسوز دوشَر ،سقا شَه سَسلَنَر آرخام ائلیم ،یاتما یاتما اویان سیندی بئلیم ،یاتما درده دوشَر ،زینب امّا  دوزَر ،زینب قَتلگهده ، بیر گون حیران گَزر ،زینب سَسلر هایانداسان حسین ،قارداش قویما گوزوم توکسون بیله ،قانیاش #یابن_الحسن_آقا #محرم #جلالت #سیدالشهدا #مقام_نوکری التماس دعای

عرض ادب خدمت حضرت سیدالشهداء علیه السلام مجلس غمدی   /   گویلرده ماتمدی ماه محرمدی  /   ای اهل عالم آغلییر طاها  /  باشه وورور مولا نوحه دییر زهرا  /  برپادی ماتم دیللرچکورشراره گوز یاش آخور عذاره صاحب عزا خدادی عرشه چکوبله قاره ایوای حسین یارالی۳ گوزلر ایسلاندی     /     عالم پریشاندی چوخ غملی دوراندی   /  اون گون محرم اون بیر آی گوزلر   /   اهل عزا یکسر اربابینی سسلر    /   اون گون محرم رخت عزا گیین لر عشقونده آغلیین لر غوغا سالار جهانه ایوای حسین دیین لر ایوای حسین یارالی۳ قلبیلر قاندی    /    دیللر گینه یاندی زهرا نواخواندی    / سسلر اوغول وای اوغلونا آغلار    /    غم سینه سین داغلار باشه قرا باغلار   / سسلر اوغول وای سسلر حسینیم ایوای وار  شور و شینیم ایوای ایکاش آنان ئُولیدی وای نور عینیم ایوای ایوای حسین یارالی۳ جان ویرن عطشان   /   ای شاه مظلومان جانلار سنه قربان   /   قلبه صفا ویر پرچمون اَسدی  /   کفرون سَسین کَسدی حاشا دییَم بَسدی  / کرب و بلا ویر ای فاطمه بالاسی ای دردیمین دواسی واردور باشیمدا مولا بین الحرم هواسی ایوای حسین یارالی۳ گلشنون سولماز   /   کیمسه تایون اولماز گوزلر نجه دولماز   /  آدون گلنده اودلانار دیللر    /    آغلار هامی ائل لر مظلوم ئولن سسلر  /  آدون گلنده خون خدا حسینجان ای با صفا حسینجان دویمازلا  آغلاماخدان اهل عزا حسینجان ایوای حسین یارالی۳ بلبل زارم  /   مولا عزادارم باخما گنهکارم   /    قووما قاپوندان ای یوزی مهتاب   /   ایتمه منی بیتاب من (بیکَسم) ارباب /  قووما قاپوندان بیر عمردور گدایم چوخ درده مبتلایم جان ویرموسن یارالی گول آدیوا فدایم ایوای حسین یارالی۳ #مجلس_غمدی_گویلرده_ماتمدی #محرم #جلالت #مقام_نوکری #سیدالشهدا_علیه_السلام التماس دعای فرج #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

اظهار ارادت خدمت ارباب بی کفن درد مندوخ آغلاماخ درده دوادور بیزلره بو حسینون درگهی دارالشفادور بیزلره بو ولایت عشقینی بیز مصطفادن آلمشوخ غیرتین سرمشقینی شیر خدادن آلمشوخ بیز بو آغلار گوزلری خیرالنسادن آلمشوخ درس عشقی اورگه دن خیرالنسادور بیزلره اولماقا ثابت قدم صدقیله همّت شرطیدی اولماسین ریب و ریاست اصل نیت شرطیدی ای عزادار حسین جمعوزده وحدت شرطیدی جمع اولوب بیر آغلاماق لطف خدادور بیزلره دشمنین فکری بودور ذکر حسین وای گَلمه سین بو جوانلار هیئتین رسم و رسومین بولمه سین سیز تلاش ایلون ولی تا روح مکتب ئولمه سین نهضت کرب و بلا رمز بقادور بیزلره اجنبی لر ایستیور آه و نوادن ال چکاق شاه عالم خامس آل عبا دن ال چکاق نینوانی بوشلیاق کرب و بلادن ال چکاق بولموری کرب و بلا مرو و صفادور بیزلره فرقه ی عدوان دیور قاره گینلر اولماسین صف چکوب آغلار گوزیله آغلیانلار اولماسین یول ایتیرسین لر جوانلار آغلین لر اولماسین مدعی لال اول بو نهضت پر بهادور بیزلره دین یولوندا هر بلا گلسه گر کدور صبر ایداخ خیری شردن هر زماندا حقی باطلدن سیچاخ باش ویروب باش اگمین راه شهیدانی گیداخ فاطمه اوغلی حسین میر هدادور بیزلره جیفه دنیا گرکدور بیزلری آنلاتماسون واقعی شیعه اودور هیچ قیمته دین ساتماسون حلقه ی گرداب غفلتده وجودی باتماسون باتماروخ گردابه قرآن رهنمادور بیزلره ای گیدن حجّه طوافون نیته وابسته دور صاحب کعبه حسینه چون اوزی دلبسته دور بی حسین گیتسن طوافه مزدی پای خسته دور چون حسین شرعین یولوندا رهگشادور بیزلره دائما فرهنگ غربی حمله ایلور بیزلره اغنیالر باش اوجالدور ظلم اولور بیکسلره قویماروخ بیر کس باخا کج بو قرا پرچملره بو علملر دافع دردو بلادور بیزلره (طائرا)آل علیدن چکمه ال دائم چالیش با وفا احبابیله فکر و عملرده قاریش سس سسه وئر(بیکَسیله)شعله چک دلدن آلیش سویله بو بزم عزا باب رجادور بیزلره #دردمندوخ_آغلاماخ_درده_دوادور_بیزلره #محرم #جلالت #سیدالشهدا #مقام_نوکری التماس دعای فرج👇

عرض ادب خدمت حضرت سیدالشهداء علیه السلام ⚫️⚫️⚫️⚫️⚫️⚫️ ای گل رضوان/ای شاه مظلومان /اولدوم پناهنده /بزم عزاده شاه عاشورا/ای شافع عقبا/ فکریم گزیر مولا /کرب و بلاده ای شهنشاهیم* قوزانیر آهیم یا حسین جانم یا حسین جانم یا حسین مظلوم ایوای حسین مظلوم ایوای حسین مظلوم ای شاه عالم ▪️▪️▪️▪️▪️▪️▪️▪️ سَرو آزاده/من سسلرم داده/عشقون دوشوب ارباب/قلب حزینه ای شه دوران/گول آدیوا قربان/احسان ایله مولا/بو دلغمینه سن پناهیمسان *تکیه گاهیمسان یاحسین جانم یا حسین جانم یا حسین مظلوم ایوای حسین مظلوم ایوای حسین مظلوم ای شاه عالم ▪️▪️▪️▪️▪️▪️▪️▪️ عالمه مفخر/ای شیعیه رهبر/جانلارسنه قربان/زهرا بالاسی ای کرم کانی/سن بیل آنان جانی/ایله بیزه احسان/آدون فداسی دینه ای یاور*شیعه لر سسلر یاحسین جانم یا حسین جانم یا حسین مظلوم ایوای حسین مظلوم ایوای حسین مظلوم ای شاه عالم ▪️▪️▪️▪️▪️▪️▪️▪️▪️ زینت جنّت/ای مایه ی عزّت/ویردون بیزه مولا/سن درس ایثار عشقه ای ساقی/گَل قوغما عشّاقی/بو عشقیوه آقا / دیللر گرفتار دیل دولی غمدی*ماه ماتمدی یا حسین جانم یا حسین جانم یا حسین مظلوم ایوای حسین مظلوم ایوای حسین مظلوم ای شاه عالم ▪️▪️▪️▪️▪️▪️▪️▪️▪️▪️ ای گل گلشن/بیزدویماروخ سندن/گییدوخ هامی یکسر/رخت عزانی گل بیزی آتما/بیگانیه قاتما/ اهل عزا ایستر/کرب و بلانی ای گل زهرا *سسلروخ اوردا یا حسین جانم یا حسین جانم یا حسین مظلوم ایوای حسین مظلوم ایوای حسین مظلوم ای شاه عالم ➖➖➖➖➖➖ #محرم #جلالت #زیارت #مقام_نوکری #سیدالشهدا_علیه_السلام التماس دعای فرج الاحقر مهدی عبادی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

عرض ارادت خدمت ارباب دوعالم (در هنگ همه جا بروم......) اورکده وار گینه درد و غم هواسی حسینون قورولدی دوباره عزاسی اولوب آماده هامی عاشقلر گوزل آدینی اهل دیل سسلر ابی عبد ا... سینه لر غمونده آلیشدی حسین جان گینه نظم عالم قاریشدی حسین جان عاشقلر باشه قاره باغلادی یرلر آغلادی گویلر آغلادی قاپوندا گدایم اَیا شاه عالم منیم سروریمسن سنه من غلامم تاج عشقیمدی باشداکی قاره م سنه چوخداندی کی عزادارم من تیر عشقونله شکارم حسین جان قووما بو غلامی آقا سن قاپوندان من خمار باده ی اَلستم عشقونده مولا سرمستِ مَستم (بیکَسم) بولورسن ای شاه عاشورا الیم بوش،باشیمدا هوای کربلا نه اولور احسان ایده سن سنده دایانام بیرده تلّ زینبده #اورکده_وارگینه_دردوغم_هواسی #محرم #جلالت #سیدالشهدا #مقام_نوکری التماس دعای فرج

شعر شماره ۱۹۱ عرض ارادتی خدمت سالار شهیدان حضرت اباعبدالله الحسین علیه السلام سن حسین سَروریمیزسن یارالی دلبریمیزسن سن بیزیم رهبریمیزسن آی یارالی سنه من آغلاماسام ، ئوللم حسین سینه می داغلاماسام ، ئوللم حسین آدیوین فَداسیم من عشق مُبتلاسیم من قاپیوین گَداسیم من ای پناهیم دیللرین صفاسی سن سن گوزلرین ضیاسی سن سن دردیمون دواسی سن سن تکیه گاهیم حرمون نه باصفادی مرکزِ آه و نوادی عشقیمیز کرب و بلادی نه گوزلدی گورمه لی بیر حَرمون وار بیزه دائم کَرمون وار عرشین اوسته عَلَمون وار اَسور اوردا سن کیمی دلبره قربان قاسمه ، اکبره قربان صوداَمر اصغره قربان یابنَ زهرا دوزدی قاره یوزوموز وار دیلده چوخلی سوزوموز وار کَرَمونده گوزوموز وار قیل عنایت یوخدی گر بیزده لیاقت لطفووه ایتمیشوخ عادت ویر بیزه قولِ زیارت سنی زینب او گُلِ یاسیوا قربان شور و اِحساسیوا قربان گوزل عبّاسیوا قربان ای دل آرا گیتمرم بَزمِ غموندن چَکمَرم اَل عَلَموندن دویمارام محرّموندن آغلارام من (بیکَسم) اهلِ اَمانت ایتمرم شعره خیانت یازانا ایله عنایت کی یازیبدی سنه من آغلاماسام ، ئوللم حسین سینه می داغلاماسام ، ئوللم حسین #سن_حسین_سروریمیزسن #محرم #جلالت #مقام_نوکری #سیدالشهدا_علیه_السلام التماس دعای فرج الاحقر مهدی عبادی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

اظهار ارادتی خدمت سلطان کربلا #سبک_یه_عالَمه_گریه_به_روضه__بدهکا_رم_ دیل اورگَشَن گوندن، سَسلرم حسین مظلوم چیخینجا جان تَندن ،سَسلرم حسین مظلوم لَیاقتیم یوخدی ، نوکر اولماقا دوزدی چَکمَرم اَل سَندن ، سَسلرم حسین مظلوم قاپوندا یاحسین ، بیر عُمرودور عَزالییَم یوزی قَره قولام ، ولی سنه وفالییَم من/ سنه یا حسین جهاندا نوکرم ۲ آدیوی ئولونجه گونده سَسلَرم (ای شاهِ جهان/ قووما قاپیدان)۲ یارالی حسین یارالی ، یارالی یارالی حسین اورکده وار عشقیم ، سَرورِ شهیدانه شَمعِ جَمالوندا ، اولدوم چو پروانه حسین حسین ذکریم، روز و شب اولوب مولا گَلَنده گول آدون ، آغلارام یانا یانه بودردِ عشقیوین ، همیشه مُبتلاسییَم اولوبدی اَزبَریم ، من آدیوین فداسییَم من/ سنه یا حسین جهاندا نوکرم ۲ آدیوی ئولونجه گونده سَسلَرم (ای شاهِ جهان/ قووما قاپیدان)۲ یارالی حسین یارالی ، یارالی یارالی حسین غَمون شَرَر سالدی، جسم و جانیمه آقا نه چَکموسن گوردی ، بیر زینبِ کُبرا قوشون ایدوب حمله ، هر سَمتیدن ایوای دوشوب چوخور یرده ، قالدون حسین تنها غمون دیله ایدر ، همیشه لیق اَثر حسین او چولده اولمادیم ، سنه اولام سِپَر حسین من/ سنه یا حسین جهاندا نوکرم ۲ آدیوی ئولونجه گونده سَسلَرم (ای شاهِ جهان/ قووما قاپیدان)۲ یارالی حسین یارالی ، یارالی یارالی حسین خیال ایدور چوخلار ، بو گَدانی (بیکَسدی) اورکده وار دردیم صبر ریشه سین کَسدی نَلَر دیسه ارباب ، مُدَّعی هَراسیم یوخ سیخیلمیشام مولا سایه وه منه بَسدی آدون گَلَن زمان ، گوزوم ایله یاغیر حسین گوزل مزاریوه ، منی گینه چاغیر حسین من/ سنه یا حسین جهاندا نوکرم ۲ آدیوی ئولونجه گونده سَسلَرم (ای شاهِ جهان/ قووما قاپیدان)۲ یارالی حسین یارالی ، یارالی یارالی حسین #شور #مقام_نوکری التماس دعای فرج الاحقر مهدی عبادی

👆👆👆‍ عرض ارادت به ساحت قدسی ارباب بی کفن ➖➖➖➖➖➖➖ عالمون آیری بیر عالمدی حسین جان سنون عشقونده جهان اهلیدی حیران در و دیواره گینه قاره چکوبلر گلوب ایام عزا ای گل رضوان محرمون گلوب اورکلر یاندی _ بو اون گجه نه غصلی دوراندی حسین حسین آقام ابا عبد ا... _________ یاحسین ای شرف عالم آدم گوزل آدون یارالی قلبیمه مرهم زاهدین فکری بهشت آختاریر امّا منه جنّتدی حسین محفل ماتم نمازیده صفای محرابیم سن _ بوبسدی کی جهاندا اربابیم سن ________ ای اولان کان کرم حجت یزدان فاطمه سویگلی سن ای شه دوران اُمتین باب نجاتی آقا سن سن رحمت واسعه سن ای شه دوران گناهیمیز اگرچه چوخدی مولا _ هارا گیداخ پناه یوخدی مولا ________ دیل آچاندان آدیوی ازبرم ارباب سوز باشی گول آدیوی سسلرم ارباب ای منیم هر ایکی دنیاده وقاریم گر قبول ایلیسن نوکرم ارباب محبتون اورکده سرمایمدی _ بو ماتمون غریبه بیر ماتمدی ________ بنده لیق سندن حسین تاپدی شرافت ای نجاتین گمیسی نور هدایت آلتی گوشه حرمی گویلوموز ایستیر (بیکَسه) ویرآقاجان قول زیارت نولور گورم نصیب اولوبدی یارب_ دایانمیشام به روی تل زینب ___ #محرم #جلالت #سیدالشهدا #مقام_نوکری 💠بامداحی کربلای......فیاض😔😔😔😔🥀🥀🥀🥀🥀

شعر شماره ۲۱۷ کربلا و آرزوی زیارت (با آهنگی ساده و دلنشین) دوزدی یوخ خیر عَمَلیم یابن الزهرا قبریوه ایسته گلیم یابن الزهرا اَشکیله دولدی گوزوم فاطمه اوغلی وار سنه چوخلی سوزوم فاطمه اوغلی سنی زهرا جانی تِز تَذکره می یاز هجریوه یوخدی دوزوم فاطمه اوغلی گوزلریم گور نجه دولمازلا یارالی عُمرومون گوللری سولمازلا یارالی باخما کی لایقِ درگَه دَگولم من آقالار نوکری قوومازلا یارالی یا حسین سن گوروسن دَربَدرم من گوز یاشین دائم عذاره اَلَرم من یوزی قاره اَلی بوش نوکره بیر باخ آلتی گوشه حَرَمون بیرده گورَم من ماتَمونده قَره کوینک گییَرم من سَحَر آخشام آدیوی سسلییَرَم من سن منی بیرده چاغیر خیمه گَهونده گور نجه اصغره لایلای دییَرم من چوخلار آماده اولور آه و نوایه میهمان اولماقا شاهِ شُهدایه سنی اکبر جانی رحم ایله حسین جان منیده دعوت ایله کرب و بلایه مُرغ روحوم ایلیور گورنجه پرواز (بیکَسم ) لطفووله ایله سَر اَفراز اوجا بوی قارداشیوین خاطری مولا منه بو جَمعیله بیر بینُ الحَرم یاز #دوزدی_یوخ_خیر_عملیم_یابن_الزهرا #محرم #جلالت #مقام_نوکری #سیدالشهدا_علیه_السلام التماس دعای فرج الاحقر مهدی عبادی

شعر شماره ۲۱۸ عرض ارادتی خدمت سالار شهیدان و اشاره به قتلگاه آن حضرت (با مَطلعِ مصرع قدیمی و مشهور) شمر ایلدی باغریمیزی قان حسین جانیمیز اولسون سنه قربان حسین شاه و گَدالر قاپووا بَنده دی گوزلری عاشقلریوین سَنده دی سَسله مَسه کیم سنی شَرمنده دی نوکریویخ قیل بیزه احسان حسین نورِ حقیقتدی یوزون عالَمه فَخرسن عالَمده بَنی آدمه عرشیده جِبریل ایلیور زَمزمه زینتِ جَنّت گُلِ رضوان حسین تاجِ بَشرسن ، سن اَیا مَه جَبین مَدح ایلیوبدی سنی جَدّ و اَبین آدیوی کیم سَسلر آلار مطلَبین دردیمیزه گَل ایله درمان حسین ظلم ایلین شخص لری سویمَسَن حَشره کیمی دشمنه باش اَگمه سن کیم دیور ئولدون ، سن حسین ئولمَه سن ثبت ایلیوب بو سوزی قرآن حسین بَزمِ غمون ، شورشِ محشر سالوب شالِ عزا بوینونا حیدر سالوب باشینه زهرا قَره معجر سالوب نوحه دییَر عالَمِ اِمکان حسین قانه باتوب ظلموله یاوَرلَرون دوغرادیلار قاسمیله اکبرون تشنه لب اوخلاندی علی اصغرون صبریوه عالَم قالوب حیران حسین سو یولونی باغلادی قومِ ستم یاندی سوسوزدان اوگون اهلِ حَرم قارداشیوین قوللاری اولدی قَلم قَدّون اولوبدور اودی چوگان حسین یاده دوشور تشنه زمانون سنون جسمیده قالموردی توانون سنون قَصد ایلیوب شمر آلا جانون سنون اولدی چوخور یر گینه اَلقان حسین فاطمه سَسلردی اوغول وای منه یاندیم اوغول ، یانمادی قاتل سنه یوخدی باشون ، تاکی آلام دامَنه ای قوری لَبلرلَه ویرن جان حسین کیم بو قَدَر ظلمی گوروبدی رَوا ووردی اوغول جسمیوه سایسیز یارا سن هارا توپراقلارین اوستی هارا اوخلار ایدوب سینه وی شان شان حسین زینبیوین یاننام حسین حالینه داش وورولوب شیشه ی آمالینه قتلگَه ایچره یانان احوالینه سسلدی ای قانینه غلطان حسین خسته اورکلرده اولان آهیسن دیلده اولان سرّیمه آگاهیسن نوکر حساب ایله منه شاهیسن (بیکَسه ) باخ ای مَهِ تابان حسین #شمر_ایلدی_باغریمیزی_قان_حسین #محرم #جلالت #مقام_نوکری #سیدالشهدا_علیه_السلام التماس دعای فرج الاحقر مهدی عبادی

عرض ادب خدمت سالار شهیدان (با آهنگی بسیار لطیف و دلنشین) باشداکی تاجِ عزّتیم سن حسین شَرفیم ، شأن و شوکتیم سن حسین شُکرِ نعمت فریضه دور بولورم سن منیم اصلی نعمتیم سن حسین آقام آقام آقام حسین یارالی آتشِ غُصّه لرده قویما یانیم بَزم عشقونده قُوی گینه دولانیم دوزدی آلودییَم ،عنایت ایله عَلَمون سایه سینده دالدالان شُکر اولا عَبدِ شاهِ ذوالکَرمم بیر قوشام‌ جَلدِ ساقی و حَرمم سیزه نوکر اولان زماندان آقا خَلق ایچینده عزیز و مُحترمم سالوب عشقون دیله شراره حسین دیللری ایتدی ایتدی پاره پاره حسین سالسام هر لحظه یاده غَملریوی آخاجاق گوز یاشیم عُذاره حسین نوکرون سینیه اَلین دویَه جاق جان ویرینجه ،حسین ،حسین دییه جاق بو گَلیب گیتماقیم یقیندی منه قبریده چوخلی دردیمه دَیَه جاق من آقا مَستِ جام و ساغَریوَم من غُلامِ غُلامِ اَکبریوَم تا اَبد من گِدای دَر بَه درِ دستِ مشکل گُشای اَصغریوَم پَرچمون آلتینا سیخیللام حسین بَزمِ عُصیانیدن ،چیخیللام حسین دوتموسان اَللریمدن ای شَهِ دین اَلیمی بوشلاما یخیللام حسین یا حسین ای چراغِ راهِ هُدا وار قاپوندا تمامِ درده دوا هم اوزوم ،هم آتام آنام ،یارالی سینَن اوسته یاتان شهیده فدا یا حسین ای اَمیرِ مُلکِ حِجاز بولمَز عشقون ،اَسیرِ عشقِ مَجاز (بیکَسم) من ، منیم کَسیم سن حسین منه بیر کربلا براتینی یاز #باشداکی_تاج_عزتیم_سن_حسین #محرم #جلالت #سیدالشهدا #اربعین #مقام_نوکری التماس دعای فرج الاحقر مهدی عبادی