حضرت علی اصغر علیه السلام مرحوم رحیم منزوی اردبیلی ( آمال منزوی ) اود یاپیشدی سینَمه، لب‌لروندن اصغریم بوشلا دوشلَریم، ئوپوم اللروندن اصغریم قوی سارالمیش عارضون سینَمه یاپیشدیریم اودلو یوز گوزونله بیر سینَمی آلیشدیریم کوسمه منّتون چکیم، قوی سنی دانیشدیریم لذّت ائلییم شیرین دیللروندن اصغریم من نه قدری قلبیمی غصَّدَ‌ن اووشدوروم لب‌لرون نئجه قورو دوشلریمه یووشدوروم صبحه‌جک گَرَک بئله وقتیمی سووشدورورم بلکه صبح اولا فرج داوروندن اصغریم ایلدَ‌ن آرتیق اولدو بو آخرین گئجون منه اولمادی دیلون اوغول یاننام آغلارام سنه آخ نئجه دییَنمَدون چاره، یاندیم آی ننه حشره‌جک یانام گَرَک نیسگیلوندن اصغریم چوخ اوزاندی از قضا، صبح اولوب همان گئجه گلدی تیرِ حرمله چاتدی قالمادی گئجه قان ایچینده اصغرین گوردو بینوا نئجه وای دئدی نه قان سوزور تئللروندن اصغریم هر گول اکدیم ای گول! گولوستانه سَرمَدیم یاز گوروب آیاز گوروب بیرجه شاخه دَرمَدیم پرپر اولدو گول بالام، مَخمل اوسته سَرمَدیم توشه اخذ ائدَ‌نمَدیم گول پروندن اصغریم هانسی سود امَر یئتیب بیله نکته‌سنجیه قاتلیله روبرو قویدو پنجه پنجَیه یاخشی طاقت ائیله‌دون اوخ وئرَ‌ن شکنجیه وئر اجازه من ئوپوم حنجروندن اصغریم تئشنه‌لیک آغارتدی گول صورتون ایپَک کیمی باغرینا باسیب آنون هئی سنی اورَ‌ک کیمی ایندی قانلی صورتون رنگ آچیب چیچَک کیمی گول یوزون صفالیدی، پیکروندن اصغریم باخسا حرمله دئدیم قصّۀ درازیوه نرم اولار یاواش-یاواش قلبی سوز و سازیوه باغلی گورسه قوللارون آتماز اوخ بوغازیوه شرم ائدَ‌ر او باغلانان شهپروندن اصغریم‌ #نوحه_حضرت_علی_اصغر_، ع، https://eitaa.com/Hazrate_Abalfazll

سبک شاه حسین[شب علی اصغر(ع)] اهنگ (قدم قدم با یه علم) آغلا رباب..اِی دلکباب..وای حرمله سیراب ائدوبدور اصغری قونداقی قان..گوز یاشی قان..خاموش ائدوبدور نازنین و دلبری آغلارام یاسینی ساخلارام بوغمده قارمی باغلارام آلتی آیلیق بو شیرخواره بیر عمری سینمی داغلارام الدن گئتدی قرار و تابیم آی تک سوزدی گوزل مهتابیم گل آل قونداقینی الیمدن یومدی گوزلرینی سربازیم >>>>>>>>>>>>>>>>>>>> (زبان حال مادر) آچ گوزلرون..اِی اصغریم..شیرین زبان و مونس و ای دلبریم قالدیم مَلَر..غملر گَلَر..بو بینوایه یوخدی بیر کس یاوریم آلتی آی نازیویله اولدوم سن یومدون گوزلریوی سولدوم ائشیدیم قونداقون قان اولدی بولوط تک اصغریم من دولدوم آغلادون دردیوی بولمدیم بیر قطره سو سنه تاپمادیم عفو ایله بو گناهی اوغلوم گئچن گجه الون باغلادیم #نوحه_حضرت_علی_اصغر_، ع، https://eitaa.com/Hazrate_Abalfazll

ای گل نیلوفریم،بلبل خونین پریم تپراق اولوب بسترون، لایلای علی اصغریم علی علی علی لایلای راحت ایدوب اوخ سنی،بیرده گوزون آغلاماز رنگی قاچان صورتون، داغلی دیلی داغلاماز آند اولا پاک عشقیمه، آنداولا گوز یاشیمه سینمه گلسون ننون، الریوی باغلاماز آی گوزلیم عشقیوی، چون آتا بولمز ننون سعی الیور وصلیوه، بیر چاتا بولمور ننون هاردامکان ایلدون، یاره لی قوشلار کیمی نصفه یتیبدور گئجه، گل یاتا بولمور ننون گوزلریمه تار اولوب، جلوه عالم بالا خیمه سرا تک یانور، غصه لی سینه ام بالا قاچدی صودوم سینه دن، کوسدون آنوندان اوغول کوسمه داخی وارصودوم، گل سینه می ام بالا اشکیمی دامانیمه،هی سپرم گلمسون چاتمارام آرامشه،هی ملرم گلمسون صود داشا چخدی دونن،کوسدون آنوندان اوغول سینمه صود گلدی گل،من کوسرم گلمسون بولمورم هیچ هانسی ال،وصل صنابین گریب بختور اولجاق ننون،عزتینه گوز ویروب سن صوده خاطر دونن،سینمی درناخلادو ایندی دولوب دوشلریم،سینمی صود یاندرور راحت ایدوب اوخ سنی،بیرده گوزون آغلاماز رنگی قاچان صورتون،داغلی دیلی داغلاماز آنداولا پاک عشقیمه،آناولا گوز یاشیمه سینمه گلسون آنون،الریوی باغلاماز #نوحه_حضرت_علی_اصغر_، ع، #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---