زبانحال حضرت ام البنین(س) باخاردی     کرب   و    بلایه   غم    و     ملالیلن دیئردی    درد     دلین      بو       زبان    حالیلن دیئردی     ای    منه   دنیاده    افتخار     اوغلوم هژیر     بیشه  ی    هیجاده      نامدار     اوغلوم نفس دوشوبدی   شماره    یوبانما   گل   ئولورم آناوی   درک    ایلیر    حال     احتضار     اوغلوم غمونده   صبح  و  مسا   آغلیان  گوزوم   یومولور بدندن    ایستیری    روحوم   اولا   کنار   اوغلوم آلوب     کناره    منه     زاری   اوغلون     عبدالله او    آغلیوب  ، من   مسکینی   آغلادار     اوغلوم سنه  چوخ  اوخشوری   اوغلون  خصوص قامتده بالاندان   عطریوی    دائم    آنان    آلار  اوغلوم دوشوبدی   یادیمه    زینب     دیئن      مصیبتلر پوزوبدی  حالیمی   الدن    آلوب   قرار    اوغلوم باجونله چوخ گیجه گوندوز دانیشموشوق سندن من   حزینه    ایدوب   شرح     اختبار     اوغلوم او  بیر  به بیر نلر اولموش دیوب  من آغلامیشام ‌عذاره    گوز   یاشیمی    ایتمیشم    نثار  اوغلوم ایشیتمیشم  که  فراتی  آلوب سو  ایچمه میسن جهاد    اکبر   ایدوب   اولموسان   کنار    اوغلوم حسین سیز  ایچمه میسین  سو ، صودوم حلالون اولا غریبه    ایلموسن      امر       شاهکار     اوغلوم باجون   یانیندا   منی   یاخچی  سرفراز   ایلدون اینان  که  سندن   آناوین   رضاسی  وار  اوغلوم اولوبدی صولدان   ازل  ساق   قولون دیئوله قلم دونیدی   کاش   گوروم  چرخ   کجمدار  اوغلوم گوزوم  چیخدی  دیئوله که  اوخ  دگوب  گوزیوه نه چکدون  اوندا یقین چوخ  یتوب فشار اوغلوم الین  که   تنده   یوخیدی نچه چیخاتدون اوخی یقین  که زحمته چوخ  اولموسان  دچار   اوغلوم عمود      محنتینی    گیزلدور      باجون     مندن اورکده     بو    محنی    ایلور    استتار     اوغلوم دوشنده   تپراقا   آتدان    نه  چکموسن   بولورم سالار    بو غم    آناوین   قلبینه    شرار   اوغلوم باجون   دیور  که   آنان  اولماسیدی   اول  دمده اولاردی  گول   بدنون جمله   تار و   مار  اوغلوم دیوله   سن   یخیلاندا      قاچان   قیتدی     بالا آلوبدی  دوریوی    بیر  عده    نیزه دار     اوغلوم نه   حاله   قالمیشدون حمل  اولونمیوب    بدنون بو  غملی   مطلبون    آیا   نه   سری  وار  اوغلوم آنان    ئولیدی   نه   گلدی   او    سرو     قامتیوه ندن   قازوبلا    سنه    خیردا   بیر   مزار  اوغلوم یقین   که   سالم   الاعضا    مزاره  گیتمه میسن دگوبدی    پیکریوه    زخم      بیشمار     اوغلوم الینی   دامن    پاکوندن     اوزومه   (( دلگیرین )) که   نوکرون   آقادان    انتظاری    وار      اوغلوم ** ✍حسین علیزاده (دلگیر) #وفات_حضرت_ام_البنین_سلام_الله_علیها کانال باب الحوائج

‍ * زبانحال جناب ام البنین (س) * ای یثرب ارا ائللریمون دلبری عباس هرسوز باشی اولدی دیلیمون ازبری عباس بیکس نه نوون یولدا قالوب گوزلری عباس یولاره باخوب هی دئدیم اوغلوم گله جکدی گورسم اوجا قدین ئورگیم دینجله جکدی بایرامدا وئرللر بالا هر ائولره زینت تازه گینر خوردا بویوک وار بله سنت اما نه نووه سیر قضا وئرمدی فرصت تقدیر الی ایستوردی منه پای بله بولسون قالدی قاپومیز باغلی اباالفضل نه نون ئولسون گوندردون اوغول پای ،منیده ایله میسن یاد سوغاتون ائویمده ائلیور منظره ایجاد قانلی علمون گلدی اباالفضل ائوون آباد هر دم یل اسر قانلی علم ایلر اشاره آلام سینه مه پرچمووی من گونی قاره هر صبح آچیلاندا چیخارام سیر خیاله گللم تزه بیر نوحه یلن بیرده مقاله گون باتجاقین اما باتارام بحر ملاله بیر داغلی شقایق بالا قلبیمده دی سولماز سون سیز نه نوون هئچ کیمیله گئت گلی اولماز بیر گون آنالار انجمنینده منیدیم باش بیرده قیدیدی اوکچن گونلریمیز کاش بختیمله اولیدی گنه بخت اولدوزی یولداش اول من ئولیدیم منیم ئوز یاسیم اولیدی تابوتیمی حمل ائتمگه عباسیم اولیدی تقدیر الی افسوس منی غملره سالدی نورسته جوان ئولدی،قوجا بیر ننه قالدی بیر نسگیلون اما منیم آرامیمی آلدی یاننام بو غمه کلک قضایا بله یاز دی بیر خورداجا قبری اوجا بوی اوغلوما قازدی بایرامدا اوشاقلار گینر تازه لباسی گوررم بالوون تازه لنر آه و نواسی وئروک ال اله اوندا دوزولسون غم اساسی مشکیله علم ساخلاماقی سینه می داغلار هردم دایانار آستاندا غصه دن آغلار (نادر ) گنه ده یادووه سال نهر فراتی نهر اوسته یاتان صاحب حسن و حسناتی صدقیله چالیش تا چالاسان باب نجاتی سوز صاحبینه سعی ائله سوزلر اثر ائتسون تا قانلی گوزیله سنه مولا نظر ائتسون ✍محمدرضا_غالبی_تبریز_آلانق #وفات_حضرت_ام_البنین_سلام_الله_علیها

زبانحال حضرت ام البنین (سلام الله) به حضرت رباب (سلام الله)    (سنی اصغر جانی عباسی حلال ایله رباب)   بیر گون ایلشمیشیدی آل علی بیر یرده سینه لر تنگه دوشوب گلدی اورگلر درده   اوغلی ئولمیش ننه لرقارداشی ئولمیش باجیلار کربلا واقعه سین یاده سالوب آغلادیلار   بیر قوجاعورت اودم عجزیله دوردی ایاقا آل حیدر باشینی سالدی حیادن اشاقا   ایاقا دورماغی گرم ایلدی حضاره یاسی او خانم ام بنینی دی اباالفضل آناسی   سرو تک آچدی او دریای حیا خولارینی زینبین گردنینه سالدی اوزون قولارینی   دئدی قارداشلاریون بوردا یری بوشدی خانم بو سنیق قلبیوی آرام ائلسم خوشدی خانم   ائله قلبیم داریخور آه ونوادن دانیشون بیر نچه جمله منه کرب وبلادن دانیشون   خبریم وار بالامون یاره سی حددن چوخودی اورگین قان ائلین گوزده که اوچ پر اوخودی   بو سوزی فاش ائت ایاق اوسته دایاندیرما منی هرغمیننن چوخ اونون هانکیسی یاندیردی سنی   دئدی زینب اونا ای مادر شجعان عرب نیه خاطر ائدیسن زینبه گوندوزلری شب   پارچالانمیش بدنین فاش ائدیم آیا هاراسین نجه اظهار ائلیوم باشدا عمودین یاراسین   اوچ پراوخ آننینا دگدی اورگی قان اولدی قولارین سالدیلار آواره میدان اولدی   دیه بیللم که بیزیم قلبیمیزی داغلادیلار بدنین باشدان ایاقه بالاوین دوغرادیلار   قطعه قطعه ائلدی پیکرین اشرار زمان او اوجا قامتیلن قبری کیچیکدی هامیدان   دئدی؛زینب بولاری فاش ائلیوبسوز بیلورم بیر سوزوم واردی ولی یاده دوشنده ئولورم   بالامون غیرتی حددن چوخودی سن بیلوسن اونی سقا ائلمیشدی سیزه سلطان زمن   دئ گوروم خیمیه سو گتدی که من راحت اولام یا که شرمنده اولوب سیزدن او غیرتلی بالام   بویوروب حضرت زینب اونا آی غملی آنا یار وانصار حسین هاموسی باتمیشدی قانا   یوخودی داده چاتان خیمه ده غوغائیدی بیر حسینیون کمکی یاوری سقائیدی   هامینون خیمه ده امیدی گلیردی بالووا بالالار منتظریدی گده عباس سووا   تا سومشگین گوتوروب ایلدی میدانه شتاب اللرین قوزادی شکر ایلدی خلاقه رباب   آلدی آغوشه سوسوز طفلین او دریای وقار دئدی صبر ایله بالا پیس گونون عمری آز اولار   گربیر آزصبر ائلسون خانه دردی ییخارام گلسه سو خیمیه شرمنده لیگونن چیخارام   صبحدن گر چه ربابین گونوزی شامیدی تا علم یاتمامیشیدی بیرآز آرامیدی   ولی ناگه بو خبر خیمه ده طوفان سالدی دئدیلرئولدی اباالفضل حسین تک قالدی   ایستمیردوم بو سوزی فاش ائلیم اولده علی اصغر سوسوز اوخلاندی ننه مقتلده   سیخدیلار ام بنینون بو مصائب اورگین دیزی اوسته اوتوروب دوتدی ربابین اتگین   دئدی بیر سوز دیورم سعی ائله سن رد ائلمه اوغلی ئولمیش ننیه چاره یولین سد ائلمه   ائله قلبیم داریخور رفع ملال ایله رباب سنی اصغر جانی عباسی حلال ایله رباب #وفات_حضرت_ام_البنین_سلام_الله_علیها

زبانحال حضرت ام البنین سلام الله علیها من ام بنینم شرف الناسیم ئولوبدی سرویم یخیلوب طیب الانفاسیم ئولوبدی ایراد ائلمون گوزیاشیم آلقانه دولانسا غیرت یلی حیدرصفت عباسیم ئولوبدی ام بنینم ام بنینم غر یب و تنها یم ام بنینم ام بنینم کنیز زهرایم من ام بنینم منی غم سالدی فشاره دورد اوغلوم ئولوب گیمیشم علت اودی قاره دورد اوغلومون هرتک تکی قرآنه فدادی حاشا دییم اولدوم بو سببدن گونی قاره ام بنینم ام بنینم غر یب و تنها یم ام بنینم ام بنینم کنیز ز هرایم من ام بنینم باخارام قانلی لوایه رو حیم پر آچار اشک فشان دشت بلایه عباسیمی گورم سو کنارینده لب عطشان قولسوز یوزی اوسته یخیلوب قانلی منایه ام بنینم ام بنینم غر یب و تنهایم ام بنینم ام بنینم کنیز زهرا یم یانام دییرم جان بالا ئولسون ننون ئولسون باشیندن آخورقان بالا ئولسون ننون ئولسون آتدان یوزی اوسته بالا قولسوز یخیلوبسان باش یاروه قربان بالا ئولسون ننون ئولسون ام بنینم ام بنینم غر یب و تنها یم ام بنینم ام بنینم کنیز زهرا یم ایوای منه باش یاروه فرزانه لرآغلار عالم بویی احوالیوه بیگانه لرآغلار دورد اوغلی ئولن بیر آنیا م بزم عزاده شمع شرف آغلار منه پروانه لرآغلار ام بنینم ام بنینم غر یب و تنها یم ام بنینم ام بنینم کنیز ز هرا یم جاهد سوزی قورتار ائله گوز یاشیوی جاری یاز نوحه ابوفاضله آغلا گئجه یاری سن گرچه گنهکارسن اما کی جزاده آیدین سحر ایلر سنه مولا شب تاری ام بنینم ام بنینم غر یب و تنها یم ام بنینم ام بنینم کنیز ز هر ا یم ✍منکلام:استادحاج علی پورعلی متخلص به جاهد #وفات_حضرت_ام_البنین_سلام_الله_علیها

زبانحال حضرت ام البنین سلام الله علیها من ام بنینم     شرف  الناسیم    ئولوبدی سرویم یخیلوب طیب الانفاسیم ئولوبدی ایراد  ائلمون  گوزیاشیم  آلقانه   دولانسا غیرت یلی  حیدرصفت عباسیم ئولوبدی ام بنینم  ام بنینم  غر یب  و  تنها یم ام بنینم ام بنینم     کنیز زهرایم من ام بنینم   منی  غم  سالدی   فشاره دورد اوغلوم ئولوب گیمیشم علت اودی قاره دورد اوغلومون هرتک تکی قرآنه فدادی حاشا دییم اولدوم بو سببدن گونی قاره ام بنینم ام بنینم      غر یب و تنها یم ام بنینم ام بنینم      کنیز ز هرایم من ام بنینم    باخارام     قانلی    لوایه رو حیم پر آچار اشک فشان دشت بلایه عباسیمی گورم سو کنارینده لب عطشان قولسوز یوزی اوسته یخیلوب قانلی منایه ام بنینم ام بنینم       غر یب و  تنهایم ام بنینم  ام بنینم       کنیز   زهرا یم یانام دییرم جان بالا ئولسون ننون ئولسون باشیندن آخورقان بالا ئولسون ننون ئولسون آتدان یوزی اوسته بالا قولسوز یخیلوبسان باش یاروه قربان بالا ئولسون ننون ئولسون ام بنینم  ام بنینم     غر یب  و  تنها یم ام بنینم  ام بنینم    کنیز زهرا یم ایوای منه باش یاروه فرزانه لرآغلار عالم بویی احوالیوه   بیگانه لرآغلار دورد اوغلی ئولن بیر آنیا م بزم عزاده شمع شرف  آغلار منه  پروانه  لرآغلار ام بنینم  ام بنینم   غر یب و تنها یم ام بنینم  ام بنینم   کنیز  ز هرا یم جاهد سوزی قورتار ائله گوز یاشیوی جاری یاز نوحه ابوفاضله  آغلا  گئجه یاری سن گرچه گنهکارسن  اما کی جزاده آیدین سحر ایلر سنه مولا شب تاری ام بنینم ام بنینم  غر یب و تنها یم ام بنینم ام بنینم  کنیز ز هر ا یم ✍منکلام:استادحاج علی پورعلی متخلص به جاهد #وفات_حضرت_ام_البنین_سلام_الله_علیها

زبانحال عبدالله بن عباس(ع) در وفات حضرت ام النبین(س) نوحه جوشی درسبک: می گذردکاروان ای غمی بی حدآنا محنتی گلمزسانا قویمافراقونده بو یاره لی قلبیم بانا گوًزلرون آچ باخ منه گوزلریم آغلورسنه گلمدی اوغلانلارون لای لای اوغولسوزننه دورمنیم،گویلومی،آل ننه قوللارون،بوینوما،سال ننه قالمشام آواره کیم غسل وئریب دفن ائدر شامه ده یوخ بیر گئدن کیم منی آرام ائدر سنکی بیلورسن چکوب زحمتیمی چوخ بیبیم حیف اولاالآن چکه ال باشیما یوخ بیبیم دورمنیم،گویلومی،آل ننه قوللارون،بوینوما سال ننه گلشن غمباریدن ایلدی پروازقوشوم دای ننه سنسیز منیم اممیزه قونمازقوشوم اوزبابام حیدرکیمی ایوقاپوسین باغلارام هرگیجه من قبروون اوسته گلوب اغلارام دورمنیم گویلومی ال ننه قولارون بوینوما سال ننه سن منی ترک ایلدون باشداقارا گوزده اشک یاندیرارامّا منی پاره علم پاره مشک منده دوزوم یوخ ننه آنداولا ئوزجانووه ایله دعا آی ننه منده گلیم یانووه دورمنیم،گویلومی،آل ننه قوللارون،بوینوما،سال ننه ✨اَللّهُمَّ عَجِّل لِوَلیِّکَ الفَرَج✨ #وفات_حضرت_ام_البنین_سلام_الله_علیها

‍ ‍ ‍#روضه_حضرت_ام_البنین_سلام_الله_علیها ▪️زبانحال حضرت ام البنیین (س) 🎼سبک: آی منیم قلبیمین قراری... 🎼سبک: ای منیم نازنین نگاریم... هارداسان با وفا ابالفضل آنووا وئر صدا ابوالفضل          جان وئرور دورد اوغول آناسی          گل باشیم اوسته یا ابوالفضل   گور نجه گوز تیکوب آنون یولاروا گل اوغول گوزلریم فدا قولاریوا     آخان گوزلر یولون گوزلر(2) قلبیمی غم سالوب فشاره اوخشیور گوزلرون آبشاره         گلمسون دفنیمه ابوالفضل         آنووی کیم قویار مزاره       گلمسون آدیمه اوغولسوز دییلر       گلمسون کیم مزاریمون اوسته گلر         گوزوم یاشین سیلن یوخدی         اورک دردین بیلن یوخدی ✨اَللّهُمَّ عَجِّل لِوَلیِّکَ الفَرَج✨ #وفات_حضرت_ام_البنین_سلام_الله_علیها

السَّلاَمُ عَلَيْكِ يَا فَاطِمَةُ زوجه امیرالمومنین #روضه #مرثیه 🎤استاد_میرزا_محمدی 📝مرثبه حضرت ام البنین سلام الله علیها گریز به مصیبت #حضرت_زینب سلام الله علیها اگر این است تاثیر شنیدن شنیدن کی بود مانند دیدن #وفات_حضرت_ام_البنین_سلام_الله_علیها

▪️زبانحال خانم امّ البنین (س) ✍معزی اردبیلی ای دوشن قوللاری قولسوز ئولن اوغلوم ئولورم صاق گوزون زهریلی پیکان اؤپن اوغلوم ئولورم آز قالور حمل ائده لر خاک بقیعه ننووم گل چاتوب سانلی گونوم باشه من اوغلوم ئولورم نچه آیدور آیا بنذر یوزوی گورممیشم گل گورنسون منه وجه الحسن اوغلوم ئولورم ننه ایستر گوره جان اوسته اورک پاره سینی عمرینون شمعی ستمله سونن اوغلوم ئولورم سنی گورسم ئوپرم اول اوزون قوللاریوی قوللاری تپراقا تندن دوشن اوغلوم ئولورم کاش کاش دورت بالام ئولمیدی منیم غربتده حیف اولا ایندی همان غصه دن اوغلوم ئولورم دورت اوغول چیگنینون اوستونده گئدردیم قبره چاتمادیم عهدیمه شیرین سخن اوغلوم ئولورم اوغلون عبدالله اولوب قدّن اوجا قولدان اوزون دیورم آی بالاما بنذین اوغلوم ئولورم وئر ابوالفضل علمین باغریما جان اوسته چکیم سسلنوم آی منه سرو چمن اوغلوم ئولورم دوتمیوبسان سنه قربان نچه ایلده آدیمی منه چون محبس اولوبدور وطن اوغلوم ئولورم گل اوخی یاسینی ای عترت یاسین کمکی زندگیده منی چوخ ایستین اوغلوم ئولورم ائتدیم اعلان منه بیرده دئمیون امّ بنین علّتین قلبیدن ائتدیم علن اوغلوم ئولورم دئدیم اوغلانلاریم اللرده ئولوب قاره گونم یاندی بو صحبتیمه مرد و زن اوغلوم ئولورم عزتیم گئتدی حسینیملن آدامسیز ننیم گوز یولوزدا اورگیمده محن اوغلوم ئولورم قبریوی گورممیشم دیلر اوغول خرداجادی آغلیوب حالیمه بیت الحزن اوغلوم ئولورم نیه کوچکدی مزارون اوجا قامتلیدون قامتین زهریلی خنجر بیچن اوغلوم ئولورم یوزون آغ فاطمه قیزلارینه خدمت ائلدون جامه ی مهر و محبت گین اوغلوم ئولورم اولمادیم کرب و بلاده باشیمی منده آچام ننه سیز قانلی مناده ئولن اوغلوم ئولورم روز و شب آغلامیشام یاندیریجی بیر غموه جنگیده آلنینا پیکان دگن اوغلوم ئولورم نجه چکدون اوخی قوللار بدنونده یوخوموش گل حسین چک بو اوخی سسلنن اوغلوم ئولورم بئله دیلر که سنون مشکیوه پیکان ویریلوب سویون اوستونده خجالت چکن اوغلوم ئولورم ✍استاد مرحوم حاج یوسف معزی اردبیلی #وفات_حضرت_ام_البنین_سلام_الله_علیها

بنام خدا #وفات_حضرت_ام_البنین_سلام_الله_علیها "" "" "" "" الوداع ای فانی دنیا گورمَدیم سنده وفا خوش گونوم آز اولدی اولدون سن منه بحر بلا تا قدم قویدوم علینون خانهٔ غم بارینه ساخلادیم یاس مرتضانین باوفا غمخوارینه چکدیم آه تاباخدیم اول بیت ین در ودیوارینه اولدوم اول منزلده من زینب له هردم هم نوا •┈┈••✾✾✾••┈┈• من آنالیق ائیلدیم زهرا باغیندا روز و شب گولدوم هرلحظه گولنده اول سراده زِیْنِ اَب مجتبائیله حسینه جان دئدیم جان بسله دیم اوز بالام تک اول ایکی ماه منیری سسلدیم من جانیمدان چوخ حسین باوفانی ایستدیم مکتب حیدره تحصیل ائیلدیم درس ادب •┈┈••✾✾✾••┈┈• خادمه اولدوم علینون دل غمین اطفالینه آغلادیم منده او مولانین پریشان حالینه دورد اوغول وئردی منه ارض و سمانی خلق ائدن وئردی عباسی منه کون و مکانی خلق ائدن آیری لطف ائتدی منه هفت آسمانی خلق ائدن من دعا ائتدیم ابوالفضلیم چاتا آمالینه •┈┈••✾✾✾••┈┈• عمرومون سون ساعتینده قالدی سینم ده سوزوم یادیمه دوشدی گینه کرب و بلا دولدی گوزوم ایچدی دورد اوغلوم او صحراده شهادت شربتین آتدی باشدان هربیری فانی جهانین لذتین بیچدی زهرا اونلارا معناده جنت خلعتین بعد عاشورا خدا وئردی منه آیری دوزوم •┈┈••✾✾✾••┈┈• شکر اولا من باب حیدرده قوتاردیم عمرومی خدمت ساقی کوثرده قوتاردیم عمرومی سایهٔ مولاده چاتدیم قلهٔ ایمانه من وارث اولدوم بو سراده رتبهٔ شایانه من عمرومی آخر قوتاردیم مثل بیر پروانه من من غم آل دپیمبرده قوتاردیم عمرومی •┈┈••✾✾✾••┈┈• کربلاده قانُ باتدی تامنیم اوغلانلاریم اولدولار دینه فدا اول با وفا اصلانلاریم بعد عاشور بلا؛ من سلب عنوان ائیلدیم کیم دئدی ام البنین فریاد و افغان ائیلدیم بی بنینم من داخی هرلحظه اعلان ائیلدیم دای اوگوندن گلمدی دیداریمه مهمانلاریم •┈┈••✾✾✾••┈┈• فاخرا؛ ام البنینون ماسوادی محنتی طاق ائدر بو مادرین محنت لری هر طاقتی هر زمان بو مادرین زینتدی آدی دفتره چون وئریبدی سود؛ ابوفاضل کیمی سرلشکره بیر عومور خدمت ائدیب ساقی کوثر حیدره جانفزادی بیزلره بو خوش تبارین رحلتی "" "" "" "" "" "" مسلم فرتوت گلهین #فاخر ✨ اَللّهُمَّ عَجِّل لِوَلیِّکَ الفَرَج✨💫

زبانحال حضرت ام البنین(س)در مدینه سبک : من اومدم دوابشه دردم گل هارداسان امداده عباسیم گللّـم غـمـیـنـده داده عباسیم یـوخ بیر گلن فریـاده عباسیم تیز گل هـرایـه هجرینده باغریم گورنه قان اولدی کـاشـانـه ی صبـریـم تـالان اولـدی دیـلـده اولان آرزیـم یـالان اولـدی داریخیرام گل ایوای یارالی وای ابالفضلیم بـاشی بلالـی وای ابالفضلیم گویلـوم قوشی ایلـور بهانه گل عمـروم گولی دوندی خزانه گل اولموش یوزه اشگیم روانه گل گللـم نوای اطـرافیمـی ایلـوب احاطـه غـم دیلدن سالیب غملـر منی کم کم یانـدی فـراقـونـده یـانـان سینَم گـل آه و وایـه زینب غمون سـایدوقجـا اوتلاننّـام ســالّام خـیـالــه آغـلـارام یـانـنّـام گـللّـم بـقـیـعـده دردیـمـی سـانـنّـام داریخیرام گل بیلـه دیـور زینـب سـنـی دشـمـن تیره تـرابـه سـالـدی زیـن اوستن سواوسته دوشدی قولارین تندن کرب و بـلایه دین اوسته یاخجی امتحان ویردون ئـوز عشقیوی شـاهـه نشـان ویردون لـب تشنه چون جانانه جـان ویردون داریخیرام گل بوخلق آرا اوغلوم سِچیلدین سن ای سروقامت چوخ بیچیلدین سن ازبـس دَیوب یـاره کیچیلدین سن قان سالدی سایه کـوی وفـاده مـقـصـده چـاتـدون خـونِ دیلـی گوزیاشیوه قاتـدون باشسیز مـزار ایچره نجه یاتدون داریخیرام گل احــوالــیــوه اهـــل ولـا آغـلار اشگین عذاره هـر زمـان بـاغلار (عبدی)دیروای سینه سین داغلار گـلـر نـوایـه (عاجز) دیـر صبح و مسا ایوای ساخلار عزا سسلرابالفضل وای ایستـه مـزارونـده دیـه لای لای این شعربنابه درخواست برادرگرامیم کربلایی میلادعبدی نوشته شده است 📝علی جعفری(عاجز تبریزی) #وفات_حضرت_ام_البنین_سلام_الله_علیها