نوحه ای خدا علینون یوخدی دادخواهی زبانحال حضرت علی (ع) در شهادت حضرت زهرا (س) کلامی زنجانی ای خدا علینون یوخدی دادخواهی مشکله دوشوبدی عالمین پناهی یومدی گوزلرین زهرا وردیم اولدی واویلا یالقوزام الهی ( 2 ) اهل بیته یثرب غملی محبس اولدی حامیان قرآن جمله بی کس اولدی باغ آل هاشم ظلم الیله سولدی باغلانان قاپوم یاندی حالتیم پریشاندی یالقوزام الهی ( 2 ) درگهیم یاناندا یاندی غملی جانیم قالدی پشت درده یار مهربانیم فضّه نی چاغوردی همسر جوانیم فاطمه حیالیدی باشی چوخ بلالیدی یالقوزام الهی ( 2 ) غسل ایدن زمان من غم چکن وجوده نار درد و غصّه دوشدی تار و پوده گوزلریم دوشنده بازوی کبوده سسلدیم عزیزیم وای قمچی یورقونی لایلای یالقوزام الهی ( 2 ) دختر رسولین داشدی جام صبری ایلدی خجالت سیل اشکی ابری نه بُلوندی قدری نه تانوندی قبری روزگاریدن دویدی زینبی یتیم قویدی یالقوزام الهی ( 2 ) مجتبانی گورّم دلده یارب آغلار گاهی امّ کلثوم، گاهی زینب آغلار سو دیر حسینی نیمه ی شب آغلار آختارار غریبانه شمعی مثل پروانه یالقوزام الهی ( 2 ) «ای آلله، امیرالموئمنین ع بعد از اینکه پیامبرین بالاسین یتیملرین آناسین اورگین بندین قبر اوینه تاپشوردی، دولاندی گلدی غریبلیک اوینه، بالالار هره بیر گوشه ده آنایا یاس دوتوبلار حزین حزین سیزیلدیلار، آخی جان عالم سیزه فدا اولا، ای آنالاریندان دویمیان بالالاریم، امام حسن اوجوندا گوشواره توتوب دیزلرین قوجاقلیوب های چکدی آغلادی حضرت زینب آنا سجادسین آچیپ کولثومه چادر خاکی مادر قوجاقینده اوخشیور آغلیور. امام حسین خبر آلیر، بابا جان آنام فاطمه نی گل یاس نبوینی قارداشیم محسنی هانسی منزلده تاپشروپ گلدین. دورت غریب بالا بیر مظلوم آتا خیرُالنسایه عزادار اولدولار» گر قالِیدی محسن هاردا دینجَلردی گوزلری آناسین آختاروب نیلردی کیم سودین ویروب کیم قونداقین بَلردی غنچه سولدی گُل سولدی گلشنیم تالان اولدی یالقوزام الهی ( 2 ) #کلامی_زنجان