ای آسمان غمون باتان هلالی حسین گیدور باجون سفره اورک یارالی حسین بی غسل وکفنیم وای صدپاره بدنیم وای الرده ئولنیم وای حسیــــــــــــنیم وای نجه چمنده گله هزاره نون سوزی وار کسیلمیش الده حسین رقیه نون گوزی وار آیرلدی بوداقوندان پیشواز ایت قوناقونان قوی اوپسون ایاقونان حسینیم وای نهال معرفتی بوچولده من اکرم ربابیلن اوتوروب سینوندن اوخ چکرم بودرده حرم آغلار نهراوسته علم آغلار قولاری قلم آغلار حسینیم وای من بورا گلمیشیدیم عزتیلن یاوریلن ایندی اما گیدیرم شمر جفا پروریلن باجیوی ایله دعا اوکسیلن الریلن کانال عاشقان حضرت ابالفضل نوحه های ترکی وروضه @Hazrate_Abalfazll

گل زهرادی حسین زینت طاهادی حسین شرف عالمیان آیری بی دنیادی حسین آللاها ای دردانه سسلیه روک مستانه سن بیزه شمع عشق و بیزده سنه پروانه جان آقا سنه قوربان آقا سید العطشان آقام جان آقام شهریاریم سان آقا دار و نداریم سان آقا افتخاریم سان آقا دیلده شعاریم سان اقا دییر او کی عشقیم سن سن دیلده سرشتیم سنسن ایسته میرم رضوانی چون کی بهشتیم سنسن جان آقا سنه قوربان آقا سید العطشان آقام جان آقام دل و دلبرسن آقا سرور بی سر سن اقا ایکی دونیاده فقط سن بیزه رهبرسن اقا دل نجه بی تاب اولماز وصلده گوز خواب اولماز آختارالار دونیانی سن کیمی ارباب اولماز ماتمینده اوجالان ناله لره مشتریم سنه نوکر یوخ اقا نوکریوین نوکریم سن یاتان سر عرش معلای ده یه ر کربلانی بیر اووج توپراغه کل بو دنیایه ده یه ر گلدی اوره کلر جوشه چیخدی علم لر دوشه کل جهان اغیاری بسدی بیزه شش گوشه جان آقا سنه قوربان آقا سید العطشان آقام جان آقام اغلاروخ اکبریوه ماه ملک منظریوه سود امر سودسوز اوشاخ دیلسیز علی اصغریوه مهدی گلر قان باتماز شیعه اویاخدور یاتماز پرچمیوین بیر تارین کاخ سفیده ساتماز جان آقا سنه قوربان آقا سید العطشان آقام جان آقام من ربابین اقاجان بیر سگ بیچاره سیم کربلادربدری زینبین آواره سیم زینبه دنیا قوربان مریم و سارا قوربان نازلی رقیه سینه هاجر و حوا قوربان کانال عاشقان حضرت ابالفضل نوحه های ترکی وروضه @Hazrate_Abalfazll

یاحسین ع 🌹🌹🌹🌹🌹🌹🌹🌹🌹 هر کیمه ارباب حسیندور یوخدی عالمده غمی شاه اولوب معناده اولسا کیم حسینون محرمی شکوه ائتمز دردیدن چون عشقیلن مانوس اولوب نوش جان ایلر حسین تک عشقینین اوسته غمی تکده قالسا گوشه ی میخانه ده مسرور اولار چون حسینین عشقیدور هر یاندا هردم همدمی دردی اولسا هچ طبیبه دردین اظهار ایلمز چون بیلر عشق حسین دور تک دوا و مرحمی قلبینی ایلر حرم شش گوشه بیر مرقد وئرار چیرپینار قلبی اسنده گنبد اوسته پرچمی فکری و ذکری دائما بین الحرمده سیر ائدر مست اولار یاد ایلینده پاسبان علقمی هی اورکدن سسلییر قربان اولوم احساسیوه ای یل ام البنین حیران قویوبسان عالمی

نوحه حضرت مسلم ( ع ) ‍ حسینجانم ای شه مدنی یوردی کوفه منی قالمیشام تنها توکوردشمن مسلمین قانینی تک گوروب جانینی سیدی مولا بوشهره گلمه صفایوخدی/منافقلرده وفایوخدی ای گل زهرا2 اوامت که نامه یازدی سنه دشمن اولدی منه قلبه اودسالدی قان ایچسمده دادمارام سولارین فتنه سی بولارین صبریمی آلدی فراقونده ای ولیّ جلیل مسلم بن عقیل بی کمک‌قالدی منیم تک بی اقربایوخدی/منافقلرده وفایوخدی ای گل زهرا آخورراه معرفتده قانیم باشیوه دولانیم مونسیم غمدی سفیرون گورباغلانوبدی الی دشمتان علی شادوخرمدی غریبم من ای حبیب خداعالم غُربا آیری عالمدی آقادردیم واردوایوخدی/منافقلرده وفایوخدی ای گل زهرا اگرگلسن مقدمون ئوپرم قاتله دییرم باشیمی تز کس حضورونده خوشدی قانیم آخادوروبرده باخا فرقه ی ناکس امامیم جان اوسته دادیمه چات عارفِ عرفات هارداقالدون بس غریبم من آشنایوخدی/منافقلرده وفایوخدی ای گل زهرا •┈┈••✾❀🕊✿🕊❀✾••┈

#ورود_به_ماه_محرم الله الله گنه باشلاندی محرّم دهه سی دهه ی شاه شهیداندی محرم دهه سی آیلار ایچره مه تاباندی محرم دهه سی گور حسین سفره سین احساندی محرم دهه سی آدی گلدی گوزوم ایسلاندی محرم دهه سی ای دادان سفره ی احسانیده زهرا دوزونی آچ محرم علمین اشگیله یو آل توزونی آغلیان گوزلره باخ یاد ائله عشق اولدوزونی بو قرا پرچمین آلتیندا کسون قوچ قوزونی پرچم عشقه نگهباندی محرم دهه سی ای ادب مشتریسی گوزله عوام اولمیاسان غمی یاددان چیخادوب شادلیقا رام اولمیاسان باخ امامین سؤزونه ضدّ نظام اولمیاسان سعی ائله منحرف از خطّ امام اولمیاسان بویوروب محیی ایراندی محرم دهه سی بیزه هرنه یتیشوب اهل نظردن یتیشوب وجهه بو مملکته صبر و ظفردن یتیشوب نصرت ایرانه محرّمله صفردن یتیشوب شهدایه اؤ شرف بیر صودامردن یتیشوب اصغرین قتلینه اعلاندی محرّم دهه سی دئمورم الده اولان عزّتیوه ناز ائلمه دئمورم پرچم ایرانی سرافراز ائلمه دیورم فرعی دوتوب اصلیدن اعراض ائلمه قافیه عیبینی دوتما هنر ابراز ائلمه شعریده قافیه گرداندی محرم دهه سی آقاما قربان اولوم ایرانی پیروز ائلدی باشی دالدان کسیلوب ایمانی پیروز ائلدی نِی ده قرآن اوخودی قرآنی پیروز ائلدی بلی اسلامی حسینون قانی پیروز ائلدی بیل اؤ شمشیری یخان قاندی محرم دهه سی فجر حسین نور حسین جلوه ی منهاج حسین دوغولان گون ائلین گویلره معراج حسین شهدا باشینه قانیله قویان تاج حسین وئردی جان وئرمدی اهل ستمه باج حسین اؤ اوجا همّته برهاندی محرّم دهه سی دلده عالم بویی سؤز وار گچورم سوزلردن عشق مولا آییرار ایری لری دوزلردن ائتمدی شرم اوخ آتان بیرجوت آخان گوزلردن گوزیاشی چاتدی ربابه گجه گوندوزلردن ننه احوالینه حیراندی محرم دهه سی اوندا که الدن اباالفضل علمی دوشدی یره اوخلانان مشگی حسین گتدی ئوزی خیمه لره العطش دلده هامی تیکدی گوزین صودامره گوردولر گوزلر آخور جانی دوشوبدی خطره اؤ غمه ایندیده سوزاندی محرم دهه سی خیمه لرده دئدی مولا ندی شیون بیلورم وئردون اول طفلی منه دردینی دلدن بیلورم ای رباب آغلاما من غنچه وی گلشن بیلورم سن ئوزون یورما بالامون دیلینی من بیلورم غمه دؤز دهّه ی هجراندی محرم دهه سی سیردن کاش قالیدون اؤ گون ای چرخ کهن گور هارا چکدی حسینون ایشی ایام محن سسینه وئرمدی سس چول دولوسی اهل فتن صودامر بیر بالا اولدی اونا لبّیک دیین گویده قوشلار آقاما یاندی محرم دهه سی سس دوشوب لشگر آرا ناظر اولون جریانه باغبان علوی گل گتورور میدانه قونداق اوخشوردی قوجاقدا ورق قرآنه دئدی بیر آز سو وئرون بو دوداقی عطشانه دیلی یوخدی سیزه مهماندی محرم دهه سی کاش سعد اوغلی دییدی آقا گئت باخما سووا آب دریا قوتارار جرعه سو وئرساخ بالووا سسلدی حرمله نی تا قانی قانیله یووا دئدی چوخ ضربه گوروب هاشمی لردن بو قوا اوخون آت موقع جبراندی محرم دهه سی حرمله دیزلرینی وردی یره یوخ دئمه دی شیرخواره بالیا نیلیه جاق اوخ دئمه دی اوخ گلوب دگدی بوغازدان بالا هئچ اوخ دئمه دی دوداقی گولدی بیر آز، آغلامارام چوخ دئمه دی عالم اول گولماقا گریاندی محرم دهه سی کیم گوروب جانی چیخاندا اوشاقین گولماقینی کیم گوروبدی سو یانیندا بالیقین ئولماقینی گوردی زهرا آقامین قان یارادان سیلماقینی بالانین دردینه پیکانی دوا بیلماقینی دئدی اوغلوم بالان اوخلاندی محرم دهه سی جان بالا غملی بالا اوغلوی آز باغریوا باس فاطمه سس وئره نوندی بو ندایه قولاق آس دئمه عباسیم ئولوب ایلمه تکلیق احساس آلا بیلمز قوجاقا اوغلووی قولسوز عباس منه وئر جان سنه قرباندی محرم دهه سی جان بالا صبریوه گویده متعجّبدی ملک بیر اووج قان گویه سپدون بزنوب قانلا فلک مرحبا عشقیوه عاشقلریوی ائتدون الک مین سپاهه دگر عشق عالمی بو قانلی بلک اصغرون عالمه سلطاندی محرم دهه سی وئر منه گوهریوی غملی آنان گوهری دی گوهرون سیندی ولی الله اونا مشتری دی وئر باسیم سینمه سینم شهدا دفتری دی ئوز نوه مدی اؤ بالا محسنیمون بنذری دی اونا محسنده نواخواندی محرم دهه سی #کلامی_زنجانی •┈┈••✾❀🕊✿🕊❀✾••┈┈•

‍ 🌹🌹🌹🌹🌹 حسینه یئرلر آغلار گؤیلر آغلار بتول و مرتضی پیغمبر آغلار اولوب ماتم‌سرا عالم حسینه محرّمدور بو عالم یکسر آغلار قالوبدور ماسوا صبرینده حیران یاخار قان چشم چرخ اخگر آغلار غبار غم دوتوب کون و مکانی باتوب یاسه هامی خشگ و تر آغلار دوتوب افلاکیان ماتم حسینه امین وحیِ پیک ِداور آغلار فراتی باغلیوبدی آل سفیان بو غمده سلسبیل و کوثر آغلار سوسوزلار ناله‌سی دوتموش فضانی عطشدن اهلبیت حیدر آغلار دئیر لیلا خِیَمده وای اوغول وای آلار سس رزمگه‌ده اکبر آغلار فرات اوسته دوشوب بیر سرو قامت باشی اوسته شه بی‌یاور آغلار علمدارون قولی تندن دوشنده علم آغلار، شه آغلار، لشکر آغلار تاپولمور سس وئرن بی‌کس امامه بئشیکده چون سوسوزدور، اصغر آغلار ائدر تأثیر آهی کائناته امام احوالینه ملکلر آغلار باخار قیزلار یانار احوال شاهه نوالردن هامی بحر و بر آغلار داغیلمش چوللره آل پیمبر ابوالفضلی هرایه سسلر آغلار بناتِ فاطمه یا حجت الله قالوب دشمن الینده مضطر آغلار اولوبدو «خازن»نین روز ازلدن حسین آدی دیلنده ازبر آغلار #استاد_خازن

زبانحال حضرت مسلم بن عقیل علیه السلام . . یاحسین کوفه لیلرعهده وفاایلدیلر کوفه ده مسلمی آماج بلا ایلدیلر ای امام الثقلین/وارث میرحنین قلبیم القانه دونوب/کوفیه گلمه حسین . . ای شهنشاه سنه مسلموین جانی فدا کوفیه گلمه که یوخ کوفه نون اهلینده وفا ملتینده نه وفاوارنه شرف وارنه حیا اولمویان ظلمی بواشراررواایلدیلر . . خبریم واردی آتان چوخ بولاراخدمت ائدوب ابوالایتامیمیش،ایتامینه چوخ رأفت ائدوب آج قالوبدور،فقرایه چورگین قسمت ائدوب آتاوین دِینینی حقونده ادا ایلدیلر . . کوفه ده ذرّه جه هئچ رنگ صداقت یوخوموش ملتینده سنه ای شاه لیاقت یوخوموش شهرحیدرده عجب،بوی ولایت یوخوموش سیندیروب باغلادیقی عهدی جفاایلدیلر . . یوللامیشدی آقاجان اون ایکی مین نامه بولار گؤرکی برپاائلیوبلرنئجه هنگامه بولار باش اگوب دولت سفیان روشِ شامه بولار دینی دیناره ساتوب عمده خطاایلدیلر . . ای خانم فاطمه نون سئوگلی ای شاه امم گلمگوندن نگرانم بوریوب قلبیمی غم بیعت ائتمیشدی ازلده منه بوقوم ظلم بونه غوغادی،نه طوفاندی بپاایلدیلر . . قالدیم آواره حسینجان اورگیم قان اولدی نه دوباره سنه نامه یازام امکان اولدی نه ده بوملت بی شرمیده وجدان اولدی باغلیوب قوللاریمی غرق بلاایلدیلر . . ایندی جانیم یئتیشوب سینمه نالانم آقا فاطمه عترتینون حالینه گریانم آنا زینبین خاطرینه حالی پریشانم آقا بونه فتنه ایدی بوکفّاردغا ایلدیلر . . گؤرورم گلمگیوین کوفه ده چوخ صحبتی وار سویولون باغلاماقین شهرتی یوخ صحبتی وار حرمله آدین ائشیتدیم سه پراوخ صحبتی وار یوخ تعجب اگرهرظلمی آقاایلدیلر . . ایستیوللرهامی اشراری اجیرایلدیلر سعدین اوغلون سپه ظلمه امیرایلدیلر ئولدوروب اکبری لیلانی اسیرایلدیلر بوبویوک ظلمی گوررسن ظلماایلدیلر . . قورخورام طاقتوی ظلمیله الدن آلالار تندن عباسین اوزون قوللارین ای شه سالالار داغ سقاده یانان وقتده گولوب ال چالالار قدّیوی اونداگؤررسن نجه تا ایلدیلر . #سبک_یارالی_جان_یارالی ( 4 سبک) #یا_حسین_کوفه_لیلر_عهده_وفا_ایلدیلر #حضرتی_ناعمی •┈┈••✾❀🕊✿🕊❀✾••┈┈•

نوحه حضرت مسلم ( ع ) ‍ کوفه اهلی یاحسین یالقوزبیرانسان ئولدورور کوفیه گلمه بولارمهمانی عطشان ئولدورور یازدیلارنامه سنه گل بیزلری ارشادائله انتظاروق یابن زهراگل بیزی آزادائله دوزیولاایله هدایت بیزلره امدادائله کوفیه گلمه بولارمهمانی عطشان ئولدورور کوفیه وارداولانداقیلدیلارپیشوازیمی جمع اولوبلاردوریمه آرتوردیلاراعزازیمی ایمدی وئرمولّلرمنه مهلت تاپام همرازیمی کوفیه گلمه بولارمهمانی عطشان ئولدورور میزبانه فرضدورکه میهمانی ساخلیا اولمادی بیرکس منی تابیرزمانی ساخلیا حق اوزی بوطوعه تک شیعه زنانی ساخلیا کوفیه گلمه بولارمهمانی عطشان ئولدورور من سفیرحقّیدیم بیرکس منه یاراولمادی حقدن هرسوزدئدیم بیرکس خریداراولمادی نامه امضاایلینلرده مددکاراولمادی کوفیه گلمه بولارمهمانی عطشان ئولدورور کوفه اهلی اولماسیدی بیربئله پیمان شکن اکبرین قانین توکه بیلمزدی ناحق قان توکن خونجگراولمازدی اون سگّیزایلی زحمت چکن کوفیه گلمه بولارمهمانی عطشان ئولدورور نقض پیمان ایلدی بوکوفیان کین مآب قویمادی آسوده اولسون تاعیال بوتراب سویرینه صودامرایچدی دم پیکاندان آب کوفیه گلمه بولارمهمانی عطشان ئولدورور اهل کوفه گلمسیدی مسلمون دعواسینه وادی کرب وبلا دونمزدی قان دریاسینه کیمسه جرأت ایلمزدی حیدرین عباسینه کوفیه گلمه بولارمهمانی عطشان ئولدورور بندبنداولسامدامن باش اگمرم بودشمنه سن امامیمسن فدادورباش وجانیمده سنه دین یولوندا گرشهیداولسام سعادتدورمنه کوفیه گلمه بولارمهمانی عطشان ئولدورور من شهیداولّام بوگون دین زنده قالسون یاحسین دین حق گون تک گرک تابنده قالسون یاحسین انقلابین پرچمی پاینده قالسون یاحسین کوفیه گلمه بولارمهمانی عطشان ئولدورور من«امامی»،خردالیقدان خدمته بئل باغلادیم یادیمه دوشدوقجامظلومیّتون دل داغلادیم باشداکی سربیتی هی تکرارقیلدیم آغلادیم کوفیه گلمه بولارمهمانی عطشان ئولدورور •┈┈••✾❀🕊✿🕊❀✾••┈┈• ↶

‍ السلام علیک یا ابوالفضل العباس علیه السلام آغاز محرم (طشت گذاری) استاد کلامی زنجانی یازدیق ابوالفضلین آدین پرچمه یابن العسکری ایله نظر بو مجلس ماتمه یابن العسکری هایانداسان (2) گل آقا یابن العسکری طشت عزانی قویموشوخ نوحه غم دیه دیه هامی گلوب بو ماتمه سن گلموسن نیه گل اوخی روضه جدیوه سنده دی اصل مرثیه بیزده سنیله ایلیاخ زمزمه یابن العسکری ای یارالی فاطمه نین جانفشان اوغلی هارداسان قلبی شکسته نرجسین قهرمان اوغلی هارداسان کرب و بلا شهیدینون قان آلان اوغلی هارداسان آیریلیقون سالوب بیزی مین غمه یابن العسکری من دیمورم عزایه گل دلده کی احساسه گوره آغلار همیشه باغبان پرپر اولان یاسه گوره باخ بو قرا گیینلره اوز عمون عباسه گوره چک بو عزانی ساحل علقمه یابن العسکری ساحل علقمین غمی قد حسینی ایتدی خم ایندیده بین الحرمین وادی غمدی بیش و کم قانلی نشاندی هر ایکی گنبدین اوسته کی علم تا اولا غصه منتشر عالمه یابن العسکری گل بویور اشقیا نیه اصغره سو ویرمدیلر دست امامیده مگر دیل دوداقین گورمدیلر ووردیلار اوخ بوغازینه هیچ اونی دیندیرمدیلر یاره سینون نیازی وار مرهمه یابن العسکری گل آقا خشکبند ایله صود امرین گلوسینی آخسا قانی اوتاندیرار او قهرمان عموسینی حرمله قویدی قلبیده ربابین آرزوسینی هی دیدی اولمادی بالام صود امه یابن العسکری گل آقا پشت پرده ده قالما ابوالفضله گوره گوزدن علی شیعه لرین سالما ابوالفضله گوره ویردیگیوی (کلامیدن) آلما ابوالفضله گوره بیرده اماندی چک الون سینمه یابن العسکری

❣﷽❣ 🍃🌿🌸🍃 🍃🌿 🌾 ✳️#ورودیه_محرم ☑️#ترکی ✳️#سبک: سریال امام علی ... دوتوبدی عالم حسینه ماتم عزاسی باشلاندی سیه پوش اولدی آناسی زهرا نواسی باشلاندی ☑️حسین حسین جان2 حسین جانم چکولدی قاره ارض وسمایه عرش خدا آغلار فلک ملکلر حسینی سسلردلده نوا آغلار حسین سونلرغمین بولنلردوتوب عزا آغلار محرم اولدی حسین حسینون صداسی باشلاندی ☑️حسین حسین جان2 حسین جانم علی آتاسی دلده نواسی ایدرفغان آغلار عذاره اشگین مهدی غمگین توکنده قان آغلار محنت وغمده گلنده درده پیرو جوان آغلار اهل جفانون کوفه وشامون جفاسی باشلاندی ☑️حسین حسین جان2 حسین جانم گرک حسینه بوگونده هرکس بزم عزا قورسون ادب یوزیلن کیمسه گلنده ایاقینه دورسون نوحه اوخونسا سینة عشقه دست غمین ویرسون دشت بلانون کرب وبلانون بلاسی باشلاندی ☑️حسین حسین جان2 حسین جانم حسینه نوکربوآستاندان بیرآن کناراولماز آغلاساهرگوز جزا گونونده اشگباراولماز آندولا حقّه هرایکی دنیا خوارو زاراولماز دوتون بوآیدا حسینه ماتم عزاسی باشلاندی ☑️حسین حسین جان2 حسین جانم حسین بوآیدا ایدوبدی نهضت هم عهدینه ایفا داروندارین ویروب خدایه زادۀ زهرا اوقان که اوندان توکوبلرایندی قطره سی دریا (عدلی) قان آغلو قلم سیزیلدوربکاسی باشلاندی ☑️حسین حسین جان2 حسین جانم ((استاداصغر فرشچی(عدلی تبریزی))

‍ #طشت_گذاری احوالات حضرت ابوالفضل (ع) دایر اولدی گینه ده مجلس یاسی آقامون طاق عرشه ورلوب قاره لواسی آقامون قورولوبدور ایکی دنیاده عزاسی آقامون ناظر بزم عزا حضرت زهرا ئوزودی بو نچه گونلری هر یرده حسینون سوزودی هر کس ئوز فهمینین اندازه سی دلده غمی وار ئوزی ماتم زده دور یوزده عزا شبنمی وار هارا باخسون آقامون اوردا قرا پرچمی وار آقامون پرچمینه یاسینه عالم قربان ایکی قولدان گچن عباسینه عالم قربان بو علم آرم شرف آرم عزادور بیز ایچون بو علم مایه غم رمز بکادور بیز ایچون یادگار سپه کرببلادور بیز ایچون علقم اوستونده قزل قانه باتان پرچمدی ظاهرا قانه باتان وقته یاتان پرچمدی لذت دردی بولن غصه وغمدن گچمز عاشق صادق اولان باب کرمدن گچمز گچر الدن ولی بو قاره علمدن گچمز نجه عباس بو باب کرمی بوشلامادی گچدی الدن ولی قانلی علمی بوشلامادی نگرانیدی یاتان پرچمینه خاطر چوخ او قدر یاریه یوخسا دیمدی بیر یول اوخ سعی ائدوردی سورونه خیمیه ساری ولی یوخ مشکی تک حاضریدی گوزلرینه قانی دولا ایستموردی اونی قیزلار گوره شرمنده اولا دوغرانوبدور داخی سالم بدنیم یوخ قارداش بو بیابانیده بیر کیمسه منیم یوخ قارداش گلمسون دادیمه اوزگه گلنیم یوخ قارداش قویموشام قولاریمی یولدا علامت گلسن او علامتله گلن وقتیده راحت گلسن بو دگول قصد بو نوکر قویا یولدا قولونی رهنما ایلیه مولاسینه قانلی خولونی قارداشی ئولسه کیمین چون ایتیرر ئوز یولونی گوردوم اولدوز کیمی سندن آرالی سوزدوم حسین قولاری پرچمی مشکی یولوا دوزدوم حسین قولسوز اعضایه باخوب سعی ایله دل داغلاما چوخ اشکیوی سیل کیمی صورتیوه باغلاما چوخ خیمیه گیت باشیمن اوسته قالوب آغلاما چوخ بئلیوین سنماقنی یوخسا بوللر قارداش آغلاسون حالیوه میداندا گوللر قارداش

#سبک_های_محرم_۱۴۰۰ #سبک_شماره۷ سبک ورود به محرم در قالب شاخسی و واحد(وصال تبریزی) گورسندی عالم ایچره یاران هلال ماتم آیلار دولاندی گلدی (بیرده مه محرم) ۲ دالدالانار عالم تحت لواسینده پرواز ائدر روحوم ، بزم عزاسینده افتخاریم ، شهریاریم محشری گونی گل اولگونان هواداریم ابی عبدالله... بو آیدا آغلاماقون حظّین یانان آپاردی صافی گوزل یازوبدی(نوحه یازان آپاردی)۲ عزت قازاندیم من قاره لباسیله من روسفید اولدوم زهرا دعاسیله مهتابیم سن ، اربابیم سن ایکی دنیاده سن دُر نایابیم سن ابی عبدالله... عشقین عجین اولوبدی ، هم آب و هم گلیمده جاریدی اسم پاکون ، (شکر آللاها دیلیمده)۲ من هر ایکی دنیا ، والله خوشام سنلن یانسون دیلیم دئسم الی بوشام سنلن باب النعیم ، ایسته گلیم چاتسون او آلتی گوشیه دوباره الیم ابی اباعبدالله... کیم تشنه دور حسینه الده سبو گئتیرسین سقا گئدوب فراته (بیر مشک سو گئتیرسین)۲ فراتی ایلدی سیراب اوز اشکیله دین نخلینه وئردی سو قانلی مشکیله امیری حسین ، و نعم الامیر سُرُورُ فُؤادِ الْبَشیرِ النَّذیرِ ابی عبدالله... قانه دونوب بو غمنون ، یکسر هامی اورکلر جبریل دم دوتوبدی ، (سینه ورور ملکلر)۲ روحوم قوشی ایلر سیر عالمده غمده گه قتلگاه ایچره ، گه نهر علقمده الحباب الحسین ، اصحاب الحسین وعده میز اربعین بو ایلده باب الحسین ابی عبدالله... اولدوز گوزه گلر چوخ مهتاب سایه سینده نوکر گَزر همیشه (ارباب سایه سینده)۲ غم غصه دن ائله آقا منی آزاد حشره کیمی اولسون گوروم ائوین آباد دنیا حسین ، عُقبا حسین شهنشه و امیر کربلا حسین ابی عبدالله... سبک👇👇👇👇👇👇👇👇👇

#سبک_های_محرم_۱۴۰۰ #سبک_شماره۵ سبک جلالت و شجاعت حضرت ابوالفضل العباس(ع) در قالب شاخسی ، واحد(وصال تبریزی) ای سپاه حسین تکیه گاه حسین آدیوا قربان یا عباس ای سبوی ادب آبروی ادب قیل بیزه احسان یاعباس جان یاتوب مدحونده ایثار و فتحونده ای شیره نستوه عشق حق اوپوب دستونون هم ضرب شصتونون عزت و شکوه عشق حضرت سجاد دیوب با احساس رحم الله یا عمی العباس قمر منیر بنی هاشم فضلیون تای یوخ بذلیون سای یوخ نه قدر یازسالار کاتب لر اوز وروب سو سنه چووروب رو سنه مقصدین دوز تاپار طالب لر ادبین سوره سی غیرت اسطوره سی معرفت دریاسیدی راهیدور حق راهی فی سبیل اللهی آقالار آقاسیدی هر گئجه صحبت بزمون علی استاد نبرد و رزمون علی قمر منیر بنی هاشم علمونده سنون حرمونده سنون شیعه نون گوزی وار یاعباس سنه دم یاراشور نه علم یاراشور سوزومون کوزی وار یاعباس عشقی مدهوش ائدون باده سین نوش ائدون اولدون می پرست عشق عشقینده صادق سن واللهی عاشق سن سنسن مست مست عشق آدونلا فروزان دین مشعلی نجفده گلوبدی شوره علی قمر منیر بنی هاشم آلدی اذن جهاد اله گلدی مراد سالدی چینینه بیر سو مشکی یالواروبدی شهه ابی عبداله غیرتونون آخوبدور اشکی سویوندی ذوقونان پر آچدی شوقونان یوز قویدی میدانه یول سالدی نهر اوسته قوم کافر اوسته چون مرده مردانه سسلندی قوشون من خیر الناسم بابام علیدور منده عباسم قمر منیر بنی هاشم نسلیزی کَسَرَم قانیزا بَلَرَم چپ باخا بیری گر اخیامه مین یول دئمیشم ایکی قول دئمیشم آنامون نذریدی امامه یوخ باکیم هنگیزدن تیپ و سرهنگیزدن شیرم من شیر اوغلیم جنگیلر یَل ایم من پور علی ایم مرده دلیر اوغلیم یخاجاق منیم تکبیریم سیزی گوزلوری الان شمشیریم سیزی قمر منیر بنی هاشم گوردی تا ماریدی اونا قهراً دئدی اوپ الیمنون گئچیم قانیننون بولکی آسوده من بیر ایچیم سوده من آیرّام روحیوی جانیننون مارد تا یخلدی عرصه دن چخلدی لشکر دئیدی بیر بیره قان نان بیر جو آچدی سر کرده لر قاچدی قول،باش،توکولدی یره لشکردن اوجالدی داد و انین ائوین آباد اولسون ام البنین قمر منیر بنی هاشم سبک👇👇👇👇👇👇👇👇👇

#سبک_های_محرم_۱۴۰۰ #سبک_شماره۴ در قالب شاخسی ، واحد(وصال تبریزی) عرشه ورالا قاره پرچم محرم گل اول حسینله جانا مَحرم محرم گُل آدینی اورکدن دوت دم محرم گل مجلس عزانون خوشدور نواسی احلا من العسلدی بزمون بُکاسی بو آیدا روضه خواندی زهرا آناسی حسین ذکری دئماق عبادتدی عشقی سرمایه ی سعادتدی قاره سی باشدا تاج عزتدی سیدی یا اباعبدالله سسلر بو آیدا عالم یا حسین دخیلا لعل لبووه حسرتدی سلسبیلا سسله و ما رایتُ الا جمیلا فخریله اوپ حسینون گل باب عشقین زینت تاپار یقیناً محراب عشقین سال بوینووا مدال نایاب عقشین قاپوسوندا شاه و گدا بیردی عرشِ حق ، قبریله مجاوریردی دربان حبیب ابن مظاهریدی سیدی یا اباعبدالله عشقون دوشوب باشیما اوله شبدن آیرلمارام ئولونجه بو سوز و تبدن آلدیم محبت عطرین منده وهبدن عشقی کی ابتداسی اولسا الستی گورمز داخی او عشقی بیرده بو هستی گلمز سایا او عشقین واللهی مستی کربلا دور میخانیه عشقی آباد اولسون کاشانیه عشقی عالملردی دیوانیه عشقی سیدی یا اباعبدالله گوستردی خلقه دینون اصلی صراطین برچیده ائتدی کفرون بند و بساطین قانیله قویدی عشقین بیربیر نقاطین اهل دل آنلار آخر والله بو سری صراف اولار خریدار گر گورسه دُری تک بیر باخیشون آقا مست ائتدی حُری تانیلوب حسنیله نام عشق ده آدون بو آدی پیام عشق مجلسیدی دارُالسلام عشق سیدی یا اباعبدالله سبک 👇👇👇👇👇👇👇👇👇

ای صاحب لوا حسین نص هل اتی حسین شاه کربلا حسین ، یاثارالله و شمس و الضحی حسین نیره هدا حسین ای خون خدا حسین ، یاثارالله ال آچمام هر نا کسه مدد ائت بو بی کسه نوکر ائله عابسه ، نوکریوم دهری گوزدن آتموشام هر یره گر چاتموشام سنله عزت تاپموشام ، چاکریوم لبیک یا حسین(۳)یاثارالله آند اولسون جلالیوه حُب لا یزالیوه جان قربان ملالیوه ، یاثارالله باخ منه زهیر اولوم نوکر بریر اولوم عاقبت به خیر اولوم ، یاثارالله سنله دل عزت تاپوب طاعتیم زینت تاپوب نوکرین قیمت تاپوب ، عالم ایچره حق ائدوبدور سر سنی عالمه سرور سنی شافع محشر سنی ، عالم ایچره لبیک یا حسین(۳)یاثارالله سنون همت ایستیرم هم زیارت ایستیرم من شهادت ایستیرم ، یاثارالله یوخ آیری کسیم حسین ای دادرسیم حسین سنسن نفسیم حسین ، یاثارالله کل خیر فی الباب الحسین این الاصحاب الحسین این الاحباب الحسین ، محرمدی یا سفینه النجات یا قتیلُ العبرات قان اولسان ای فرات ، زمزممدی لبیک یا حسین(۳)یاثارالله ای آب و گیلیم حسین ایسته تا گلیم حسین اوردا سسلیم حسین ، یاثارالله سنون ال اوزنمورم اشک اوزه دوزنمورم هجرانه دوزنمورم ، یاثارالله بیر رو سیه بندیم غمیله آکندیم آقا جان شرمندیم ، یا اباعبدالله بزم غمده ساقیم آقا غم اوراقیم حرمون مشتاقیم ، یا اباعبدالله لبیک یا حسین(۳)یاثارالله (وصال تبریزی)

ذاکر اهلبیت آقای سعید محمدی

بسمه تعالی نوحه حضرت علی اصغر (ع) اهنگ :اویان ای یار وفا داریم اویان ######## روز شب ذکریم اولوب ای وای اوغول چالیرام من سنه هی لای لای اوغول گجه لر بُوش بشگین ترپدیرم گوزومون یاشی اولوب قان آی اوغول ای گل نازیم علی خیردا سربازیم علی ######## سن سحر اولدوزو تک باتدین علی بیله گوزدن آناوی آتدین علی ظلمیلن قانه بویاندین سن علی کربلاده منی آغلاتدین علی ای گل نازیم علی خیردا سربازیم علی ######## هارداسان غنچه ی عطشانیم اوغول منه سس ویر قُوزی قُربانیم اوغول حرمله بیچدی بوغازین اوخولان بوغازی یاره لی طرلانیم اوغول ای گل نازیم علی خیردا سربازیم علی ######## اوخ آتان اَلری شَل اولسون علی گُلشن عُمری اونون سُولسون علی گورم الله اونی نابود ایلسین قاتلین ریشه سینی یُولسون علی ای گل نازیم علی خیردا سربازیم علی ######### یارالی گویلره معراج الدین عرشی سن قیرمیزی منهاج الدین گویلره سپدی آتان آلقانیوی یری اوز قانیوه محتاج الدین ای گل نازیم علی خیردا سربازیم علی ########## اوخا باخدین ایلدین خنده علی آنان اولدی اودی شرمنده علی آتان آغوشی اولوب قتلگهون قرانی ایتدی قانون زنده علی ای گل نازیم علی خیردا سربازیم علی ########## یُولادیم سن گیدسن سُو ایچه سن نه بیلیدیم گیدوسن گلمُویَسَن قالدی دیرناق یری سینمده نشان آرزو ؛ ایلردیم ؛ اوغول یُول گیدسن ای گل نازیم علی خیردا سربازیم علی ######## گون کیمی کوکبه برپا الدین قانلی میداندا تجلّا الدین اوخا گولدون سن اودم نازلی بالا اوخ آتان قاتلی رسوا الدین ای گل نازیم علی خیردا سربازیم علی ######## سن سیز اوغلوم اورگیم اودلانیری تَب مُحرقده بو جسمیم یانیری هارداسان اصغریم آی سود امنیم گُل کی سینمه ده سُودوم جُوشلانیری ای گل نازیم علی خیردا سربازیم علی ######### سن سیز آهیله اورک داغلیورام اوزومه قانلی یاشی باغلیورام سن سوسوز قانه بویاندین گوزلیم من یانان خیمه ده قان آغلیورام ای گل نازیم علی خیردا سربازیم علی ######### التماس دعا