#فاطمیه_مدح_و_مرثیه #هادی_قهرمانی ___________________________ بخش 2پایانی نلر اولوبدی بتوله علی او دم آندی گورنده صورت زهرانی اود دوتوب یاندی ___________🔸🔶🔸_________ لطیف گل کیمی یوزده گوروبدی دست لئیم بهار وقتی خزان نقشین ایلیوب ترسیم ___________🔸🔶🔸_________ او قدر قالمادی که روحی آیریلا تندن منی بیوردی حلال ائت خجالتم سندن ___________🔸🔶🔸_________ قوتاردی غسلی غرض چشم اشکباریله وداع آخرین ایلردی یار ؛ یاریله ___________🔸🔶🔸_________ یوزه سرشکینی شبنم کیمی دوزوبدی علی خدا بولور نجه زهرادن ال اوزوبدی علی ___________🔸🔶🔸_________ وجود شهرینی تسخیر ایدوبدی لشکر غم نه حالتیله کفن بندین ایلدی محکم ___________🔸🔶🔸_________ یانیبدی قلبی ؛ چیخوب دود آهی لاهوته چوخ احتیاطیله زهرانی قویدی تابوته ___________🔸🔶🔸_________ بیوردی زینبه گل سینه داغلیاق باهم داریخمیشام ؛ آناوا اوخشا آغلیاق باهم ___________🔸🔶🔸_________ یتیمین اشکی آخاندا اورکلری یارالار آنا جنازه سی اوسته دوشندیلر بالالار ___________🔸🔶🔸_________ بیری دیردی آنا ؛ رخت الفتی سویدون سبب نه اولدوکی بیزدن بو تزلیقا دویدون؟ ___________🔸🔶🔸_________ بیری دیردی که سنسیز نه ایو نه کاشانه سن اولماسان ویراجاق کیم بو زلفیمه شانه ___________🔸🔶🔸_________ بیری دیردی که ای چرخ عصمته کوکب فدا اولوم سنه آچ گوزلرون منم زینب!!! ___________🔸🔶🔸_________ آنا نولوبدی دل ماسوانی قان ائدوسن یتیمه زینبی باشسیز قویوب هارا گئدوسن؟ ___________🔸🔶🔸_________ مطول اولدی بو غمنامه ای قلم قورتار اگر چه یازماقا درد و غم ایلوری وادار ___________🔸🔶🔸_________ بو آستانیه عجزیله یوز قویوب (هادی) نقدر وار بو جهان و نقدر برپادی ___________🔸🔶🔸_________ علی و آل علی نوحه سین یازیب آغلار بو خیر عملریله ؛ کوله بارینی باغلار ___________🔸🔶🔸_________ بتوله آغلاماقین اجری بی نهایتدی علی ولایتی اهل ولایه عزتدی ___________🔸🔶🔸_________ ولایت اهلی دوزر هر بلایه ؛ قاش اگمز جهاندا هیچ کیمه غیر از خدای ؛ باش اگمز ___________🔸🔶🔸_________ خدنگ قهر زمانه ؛ اگر چه آماجم ولیک فخر ائدرم بیر حسینه محتاجم

 به شام غریبان حضرت امام حسین (علیه السلام) حسینیلن حسن آلدی خبر احوال زهرانی جواب عرض ائلدی اسماآنوز ترک ائتدی دنیانی آنا دیدارینه تحفه تدارک اولدی گوزیاشدان ایکی آزاده شهزاده عمامه گوتدیلر باشدان حسین سبقت ائدوب قاچدی الینی چکدی قارداشدان حسن آردینجا هر لحظه ائدردی آه و افغانی حسن سویلر بو محنتدن سارالدوق گل کیمی سولدوق بولوط تک غصه و غمدن دوتولدوق گور نجه دولدوق حسین سویلر حسن قارداش آنادان بیز یتیم اولدوق یووار کیم زلفیمی کیم رام ائدر بو قلب نالانی پریشانحال و افسرده اولوبدور داخل خانه آنا زهرا،آنا زهرا ،دیوب گلمشلر افغانه چیخیب پیشوازه نالان لار وئره تسکین پریشانه نجه ساکت پریشانلار ائدر حالی پریشانی بیری زینب بیری کلثوم گلوبدور غملری جوشه یولورلار تل به تل زلفی توکلر سینه و دوشه هره بیر قارداشین چکدی او ایکی باجی آغوشه بوسویلر صبر ائله قارداش اوسویلر بس آنام هانی باجون ئولسون حسین قارداش سنه زینب اولا قربان آنامون باشینون اوسته گل اگلش سن اوخی قرآن سنون قرآن سسون وئرسون تسلای دل سوزان الون قوی سینه مه ساکت ائله بو قلب سوزانی اویاندا هایهائیلن گلوب افغانه قارداشلار بی یاندا باجیلار گوزدن توکر جیحون کیمی یاشلار نجه که بیر چمن زاری بولوط دوتجاق یاغش باشلار اولوب اول مجلس ماتم گلستان مثل بارانی بو غمدن بو مصیبتدن بو ماتمدن بو عنواندان یازوب تا سوز بورا گلجک سوزی سوز چکدی هریاندان الهی یادیمه دوشدی همان شام غریباندان حسین بیکسون اول گون شب شام غریبانی سوزی ای بلبل طبعیم یاریدا قویما تئز باشلا اوزوی چوخ هلاک ائتمه گوگل ملکنده داغ داشدا گلور میدانه بیر دختر گئجه نین وقتی اوچ یاشدا آتاسین آختارور تاپسون دولانور قانلو میدانی جنازه یان یانا یاتمش او پر وحشت بیاباندا باخار بو نعشه اول نعشه ائدر حیرت بیاباندا اوجالدی غفلتی بیر سس همان ساعت بیاباندا قیزیم آرام جان ای بو چولون شمع شبستانی بو صحرای غم افزاده نشیمن ایلمه گوشه یامان وقتیندو گورم چون غم و دردون گلوب جوشه بالا آواره سر گردان دولانما تئز گل آغوشه سنه سینمده یر وئرم بالام جانی قیزیم جانی سنه بو "یحیوی"ای شاه مظلومان فدا اولسون آتام یحیا فدای خاک پای مرتضا اولسون آنام آغلار گوزیله فدیه سی خیر النسا اولسون فراموش ائمته یوم حشرده خیرالنسا اولسون شاعر : مرحوم یحیوی

تاريخ: ۱۳۹۷/۰۱/۰۴ زبانحال به حضرت فاطمه زهرا (سلام الله) دور ای بهارین گل یاسمنی دور ای بلشن قانا پیرهنی کفن یاراشمور ننه قامتیوه فدا اولوم یاره لی صورتیوه گوزلرون آچ ننه جان ایلمه قلبیمی قان قوی ایاقوندان اوپوم بو گیجه یاتما اویان اسور وجودیم هریانی بو دردیمون یوخ درمانی گوزوندن آتما دنیانی بو نالانی دور ای پیمبر ریحانی ای جانانی گل پیمبر آی ننه عزیز حیدر آی ننه بابام ییغوب باشینه گللرینی ائله چالور بیربیره اللرینی منی قوجاقینده نوازش ایدور دیور ننون ملک بهشته گیدور آغلاما چوخ آناوین روحی نویه گلر بیرگون اولار منیلن کرب وبلایه گلر دینده سن ایوای ننه آنان دیر ایوای سنه یانار مثال پروانه بو ریحانه گلر غمونده افغانه بو ریحانه گل پیمبرآی ننه عزیز حیدر آی ننه منبع : مجمع شعرا و مادحین موضوع: حضرت فاطمه زهرا (س) زبانحال , 

تاريخ: ۱۳۹۷/۱۱/۰۴ زبانحال حضرت فاطمه زهرا (سلام الله)به فضه ای غم گونومون یاوری هم محنتی فضه گل فاطمه نون وار سنه بیر صحبتی فضه اوّل بودوکی من گیدورم دار فنادن نالانم اگر قورتارورام جور جفادن بو چرخ فلک چکموری ال آل عبادن وقت اولدی بو گون عالم عقبایه گیدوم من آخر حسنینیله خداحافظ ایدوم من من فضه بو گون ایلمشم منزلی خلوت واردور سنه چوخ قورخولی بیر غملو وصیت بو کوینکی آل ساخلاگلان مندن امانت بیر گون گلجک سنبل غارتدی بو کوینک محشر گونی اسباب شفاعتدی بو کوینک اولگون که یاغار بارش غم دشت بلاده غم قافله سی لنگ اولاجاق کرب و بلاده اوغلوم بو حسین نعشی قالان وقته اراده عریان بالاما حایل اوگون پیرهن اولسون اللرده ئولن اوغلوما کوینک کفن اولسون سینم گلیدور فضه بیلورسن بو حسینیم من سیز دوشه جک زحمته بو نور دوعینیم دریای غمه غرق اولاجاقدور حسنینیم زهریله حسن خانه سی ویران اولاجاقدور یالقوز بو حسین قاننه غلطان اولاجاقدور بیرگون گلجک قالّام او گون فضه اوغولسوز علقمده دوشر اوغلوم ابالفضلده قولسوز اول وقته قالار تشنه حسین عرصه ده یالقوز حالی اولاسان اوندا ئوزون مطلبه فضه بلدورمیه سن کوینک ایشین زینبه فضه هر وقته حسین ایستدی بو کوینگی آلسون وقتی باباوای ناله سیدور عرشه اوجالسون کیمدور او زمان زینبیمین قیدینه قالسون زینب باش آچوق قتلگه ساری قاچاندا قارداش باشی اوستونده باجی باشین آچاندا: حیدر قیزییام رحم قیل ای شمر اماندور بیر جرعه سو ویر قارداشیمون حالی یاماندور لشگر داغیلوب اوغلی اولوب قدی کماندور بو یاره لی نون آز گل گلزارینی سولدور ظالم بو حسینون یرینه گل منی ئولدور ای فضه یانار قلبیم اوگون نور دو عینه فرمان ویریلر آت چاپالار نعش حسینه نه حاله قالار زینب بیچاره سکینه جهد ایله اوگون زینبه امداد ایده سن سن امداده ابالحارثی فریاد ایده سن سن یاز «نادری» بو مطلب ایدوب باغریمی القان زهرا بالاسی تشنه حسین قورخولی میدان گون ایستی قوم اوسته بدن یاره لی عریان شرم ایلمیوب فاطمه دن قوم عداوت زهرا ویرن اول کوینگیده ایتدیله غارت شاعر : مرحوم  نادری موضوع: حضرت فاطمه زهرا (س) زبانحال ,  زبان شعر و شاعر: نوحه ترکی , نادری 

‍ ‍ زبانحال حضرت زهرا سلام الله علیها سبک :ای منی آواره قویان... گل ئولورم چوخدی سوزوم عم اوغلی عم اوغلی آغلا منه باغلا گوزوم عم اوغلی عم اوغلی من گل پرپر شدۀ فراقم فراقم دای بو نفس چکماقا یوخ علاقم علاقم ایوده سنه آخشاما چان قوناقم قوناقم بیردی گجیلن گونوزوم عم اوغلی عم اوغلی اوندا که اود چکدی شرر قاپومدا قاپومدا ووردی قضا زنگ خطر قاپومدا قاپومدا فضّه بیلر اولدی نلر قاپومدا قاپومدا ایندیده بیمارم ئوزوم عم اوغلی عم اوغلی گوش دلیم سنده دی بیر مقال ائت مقال ائت غصه لی قلبی گینه پُر ملال ائت ملال ائت زینبه خاطر منی گَل حلال ائت حلال ائت گول ئوزومه گولسون ئوزوم عم اوغلی عم اوغلی آیریلیرام آیریلیقا نه چاره نه چاره دای گوره بیلمم یوزیوی دوباره دوباره دوشدی بو یورقون نفسیم شماره شماره وای نئجه سندن اَل ئوزوم عم اوغلی عم اوغلی ناله وی مَغسَلده گویه اوجاتما اوجاتما غسلیمی ویرسن باشیوا اَل آتما اَل آتما تندن عزا کوینگیمی چیخاتما چیخاتما پرده لی قالسون بو سوزوم عم اوغلی عم اوغلی دردیمی دلدن آقا سان بیلَرسن بیلَرسن تک اوتوروب گوزیاشیوی الَرسن الَرسن قبریمون اوسته گئجه لر گلَرسن گلَرسن آیریلیقا یوخدی دوزوم عم اوغلی عم اوغلی منسیز اوشاقلار که فغان سالالّار سالالّار عطریمی یانمیش قاپودان آلالّار آلالّار بو گئجه دن دای آناسیز قالالّار قالالّار قالدی حسینیمده گوزوم عم اوغلی عم اوغلی کلامی_زنجانی

‍ حالات غسل صدیقهٔ طاهره سلام الله علیها قویدی مغسل اوسته یارین یارینه یار آغلادی دیل آچیب گلدی دیله دلداره دلدار آغلادی جسمی اولدی نچه دم بیگانه یورقون جانینه إئتدی سیزقین ناله نی تحمیل محض افغانینه جان عالم حسرتیله باخدی بیر جانانینه داغلی دیلدن چکدی بیر آه شرر بار آغلادی ائیلدی غسله اراده تا امیرالمومنین ال آپاردی خارج ائتسین سرّ حقین کوینگین اللری اَسدی ائله بیر حاله قالدی ، دل غمین مغسل اوسته حالینه آهسته غمخوار آغلادی گول سریلجاق اوستونه ناگه گلاب اولموش نثار گول نه گول سینمیش بوداقی ظلمیله فصل بهار آشکار اولدی او دم کی سینه سینده زخم خار باغبان ای وای دئدی حسرتله گلزار آغلادی اولدی آثار جراحت چوخ مؤثر حیدره هر اثر پوزدی پوزولموش حالی بیرده یکسره بیر اثر القصّه احساسی یئتیردی بیر یئره اوز اوزه قویدی ئؤرکدن شاه ابرار آغلادی سویلدی ای إئتمین اهل ستمدن واهمه کیم دئدی بیر بیله محنت چک منه امّا دئمه من سنی آخر نجه تغسیل ائدوم یا فاطمه بو نه غمدور کی بونا هر نه غمیم وار آغلادی ایستدی تا طاهر ائتسین طهر محضی شستشو سویلدی اسمایه اسما گل اله آل بیر سبو وار یاراسی قیل رعایت توک ولی آهسته سو که بو یاره اوسته قانه باتدی مسمار آغلادی توش اولوبدور شیشه ی قلبی ملالت داشینا باغلی گوزلر اوسته بیر باخ جمع اولان گوز یاشینا بیرده اسما چوخ یاواش توک سو آغارمیش باشینا کیم بو باشین محنتینده چرخ دوّار آغلادی اهل باطل بو حقیقتله مقابل دوردولار ذلّت اوسته خیمه ی دعوانی ناحق قوردولار بو وجودی کی وجودومدور منیم چوخ ووردولار سانمادی هر بیر ووران کی بو وفادار آغلادی چشم عین الله اولوب همدم سرشک غربته اشکی گویا غسل وئردی سمبل حریته مغسل اوسته تا گوزو دوشدی گویرمیش صورته بیرده یاندی داغلی قلبی چشم خونبار آغلادی بیر یئره ختم اولدی محنت دوشدی طاقتدن بئلی ناگهان سینمیش قولا دگدی یدالهین الی قویدی دیواره اوزون ای وای دئین لحظه علی ناله سیندن در فغانه گلدی دیوار آغلادی ائتدی فرمایش اولان ای اشکی جاری دامنه گوزلریم آخرده دوشدی گور نه حالتده سنه دوشموسن باخ گور نه حاله فاطمه ای وای منه وای کی بو غمده عم اوغلون چکدی بیر جار آغلادی دست محنت پوزدی بیر بیر نقشه ی پرگاریوی ائیلدی غرق ملالت کشتی افکاریوی قیل بیان سالموش بو حاله کیم سولان رخساریوی کیم بو سرَّ واقف معنای اسرار آغلادی بیر وصیت ائیلدون آخر منه جان اوسته سن نه وصیت که إئشیدجاق آغلادیم گیزلینده من کیم گوروب یار ایلسون اوز یارینه غسل و کفن بو خبردن اولدی ائوده کیم خبردار آغلادی دیده ی (( دلپاک )) اولور همدم سرشک آلیله ماتمینده گورسنور گوز یاشلی قاره شالیله چکدی تا شعره ملال غسلی پوزقون حالیله دفتر اوسته خط به خط شوریله اشعار آغلادی ** رضا غلامپور(دلپاک)

🍂 حرف دل مولا در سوگ یار 🍂 باغلادون بار سفر دارِ  بقایه  فاطمه اُف اولاسَنسیز بِله مُلک فنایه فاطمه ای ائوینن اَل چکن،سالدون ایاقدان حیدری رحم ائله بیرده گوزآچ باخ مرتضایه فاطمه جسمون ائودن چیخمامیش قدیم دوزَلمور دورماقا ذوالفقاریم حیف اولا دوندی عصایه فاطمه چوخ تزیدی گئتمگون ای نَیّر تابان عشق کوثرطاها بو ائودن کَسدی سایه، فاطمه من دئدیم باهم کوچوردک زینبی ائودن گَلین احتیاجی وار عروسون چون آنایه فاطمه سن دئدون من تک اونونداقسمتینده یوخ نَنَه مات و مبهوتم ئوزومده بو قضایه فاطمه من دئدیم قوی محسنه ایلوم مُهیّابیر بِشیک   چال اونا لایلای دَمادَم گَل نوایه فاطمه سن دئدون یوخ احتیاجی محسنون گهواریه گوندرر گهواره سین کرب وبلایه فاطمه من دئدیم باهم دویونجاباخمادوق بیر گوزگوزه   قاره یِللر اَسدی چون باغ صفایه فاطمه سن دئدون گرچه جوانم اوزمیشم دنیادن اَل   تاپشوروبدور ئوز ائوین ذات خدایه فاطمه بیرگجه گِنَن باخوردوم قبله ده طاعاتووه بیراَلون گوردوم ولی قالخوب دعایه فاطمه وارنَه مدّت دردی چکدون کیمسیه بیلدیرمَدون بوگجه بیلدیم دوزوبدورچوخ بلایه فاطمه سوتوکنده غُسلووَه اَسما، اوقَدری آغلادیم   گوزلریم یاشی اولا غُسله کِفایه فاطمه اَللریم قوینومدادور قرآن چیخوب شیرازه دن سَسله مهدی اوغلووی گلسون هَرایه فاطمه کُنج خلوتده سنه (نادر) اَلر گوز یاشینی   غربت قبرینده باخ بو آشنایه فاطمه شاعر حاج نادر بابایی

📸 تیزریاواره شهدای عملیات والفجر ۴ و شهدای محله ائمه و پخش از شبکه سبلان 📆 زمان: پنج شنبه ۲۴ آبان ماه ۱۴۰۳ بلافاصله بعد از نماز مغرب و عشاء 📍 مکان: مسجد ائمه اردبیل

🌱 فاطمه(س) خاموش گشت 🌱 مرغ شب امشب شده دَستانسرای فاطمه فاطمه می کوچد امشب از سرای فاطمه جِبرَئیل از عرش  بَهر سر سلامت  آمده چون نِی بشکسته نالد در عزای فاطمه عرشیان این نوحه را خوانند باهم یکصدا برعلی صبری عطا کن ای خدای فاطمه میوَزد باد سحر آوای  غم سر میدهد چون نمیآید دگر صوت دعای فاطمه آن نِدای حق دِگرخاموش گردید ای عجب چون حمایت از علی گشته خطای فاطمه سینهء خاک  سِیَه  اُمّ اَبیها   می رود نوحه می خواند پیمبر از برای فاطمه در دل شب شهریثرب شاهد یک ناله بود نالهء  واغُربَتای   مرتضای     فاطمه این غریب شهر خود دیگرندارد هَمدمی یار  خود  گُم کرده  یار  باوفای  فاطمه آب اَسما ریزد و شوید علی آن جسم زار اشک می ریزند اَمّا  بچّه های   فاطمه زد کنار آب روان زُلف سپید از روی او بَرمَلا   گردد به حیدر تا نَمای  فاطمه چون بدیدآن چهرهء نیلوفری باگریه گفت گشته نیلی بوسه گاه  مصطفای  فاطمه حال دانستم چرا این  دُرّ گَنج  سَرمدی روی می پوشانده از شیر خدای   فاطمه ای خوش آنروزیکه (نادر)این تن ناقابلت   گر چه ناقابل بوَد ،باشد   فدای  فاطمه شاعر استاد حاج نادر بابایی

🍁 وصیت حضرت فاطمه(س) 🍁 آز قالدی مزاره گِئدم ای شاه خُجسته گَل بیردانیشاق سون نَفَسیمده سفر اوسته یوخ ذَرّه بو دنیاده گوزوم گرچه جوانم شوقیله بو گون ساحَت معبوده روانم سندن بو سفر اوسته عم اوغلی نگرانم مندن صورا غم باشووَه سایه سالاجاقدی عَدلین دَدَه سی ائوده کمکسیز قالاجاقدی دنیایه گوره آخرتی ساتدی بو اُمّت کور ایلدی ظُلّامی نَدن حُبّ ریاست باغلاندی غریبانه بو گون بابِ امامت ظُلمون عَلمی‌ عَدلین آدیلا اوجالوبدور خیبر شِکنون اَللَری قوینوندا قالوبدور مندنصورا بیرده بِله بیر کشمکش اولسا وحشی لَر اگر اِئتسه تَهاجم اِئوه دولسا باغلانسا قولون گُللریمیز صحنه ده سولسا اِمدادووَه آردونجا سنون کیم قاچاجاقدور باغلی قولووِی اوندا  کیم آیا  آچاجاقدور عِرفانین حِجاباتیده مَفهومی سنیدون غم دفترینون باشداکی مَغمومی سنیدون مَظلوملرین  دَهریده  مَظلومی سنیدون ایکاش ائله امکانیم اولیدی دایانیدیم گوزیاشلی سنون باشووه بیرده دولانیدیم  اَسرار مِحن فاش اولوری غملی سوزوندن بیر هالِه ی ماتم گورونور ایندی یوزوندن من گِئتدیم عم اوغلی سن ئوزون گوزلَه ئوزوندن هرچند گئدور فاطمه ای خسرو خوبان باشون ساق اولا آغلاما گوزیاشووه قربان ای فَخر ائلیَن عِزَّتینه آدم و حوا دوققوز ایل ائووندَه سنه غمخواریدی زهرا بومُدّتی حَقّونده قُصوریم اگر اولسا اِغماضِ نَظر گَل منه ای نیک خِصال ائت سن بیل بوحسینین جانی زهرانی حلال ائت نِسگیل لَریمون ایندی بو نِسگیلدی کَبیری واضحدی قزیم زینب اولار غملر اَسیری زهرایه گورَه یاخشی دانیشدیر او صَغیری بیرگون که قَدَرایستدی طوی قسمتی اِئتسون اولمازنَنَه سی سن گَلینی سال یولا گِئتسون بیرده سنه بیر سوز دیورم ای شه مَحشر وئرکوینگیم اوستَن منه غسل اولسا مُیسّر تَدفینیمی ساخلا گجیَه اولما مُکدّر گیزلینده عم اوغلی منی حمل ایله مزاره تادردیمه ائتسون گجه نون قاره سی چاره حُرمت بیزایچون ساخلامیوب شهریده اُمَّت خوشدور که اِحاطه ائلیَه قبریمی غُربت تا محسنیمون قاتیلینه دوشمیه فُرصت مَکتوب غمی ایله نهان قوی قالا بسته تیترر بدنیم گَلسه عُمر قبریمون اوسته (نادر) دیوری خامه دایان یوخدی توانیم حیدر حالینون ذکرینه عاجزدی بیانیم واردور یری قوزانسا اگر عَرشه فغانیم  قبره قویولاندا گجه نون عالمی زهرا آغلاردی  علی حالتینه   گُنبد مینا شاعر استاد حاج نادر بابایی

بار المیله بوکولوب قامت زهرا یتدی بوکولن قامتیله رحلت زهرا گوزدن گوزل اطفالینی مین دردیله آتدی اوز زینبین آناسیز قیزلارا قاتدی دولدی گوزی اولدی یوزونون رنگی پریده عمری گونی باشه یتشوب قدی خمیده دنیادن او مظلومه خانم گیتدی شهیده گیتدی اوزی قورتولدی غمین دللره سالدی دنیاده هامی درد و بلا زینبه قالدی سیرین قوتاروب چرخ حیا بدر کمالی گون تک یتشوب اول شب عمر زوالی باش ویردی او دم زبنبینون غصه هلالی باشلاندی بلالی خانمین درد و بلاسی باجادی دیسم یتدی غم کرب و بلاسی خلقتده ایدوب وضع خدا مهر بناسین گل اوسته چکر صاحب گل، خار جفاسین ایستر آنالار قیزلارینی، قزلار آناسین قز اوز آناسیندان آنا قزدان دونه حاشا خاصه آنا زهرا اولا، قز زینب کبری قزلار آنالاردان دونه بولمزله، بو دوزدی زینب ال اوزوب فاطمه دن بس نجه دوزدی الله ئوزی عالمدی ال اوزدی نجه اوزدی اوزدی الینی دوزدی شرار غمه یاندی جسمیندن ایله بولدی که روحی آرالاندی اهل دله گزلین دگی واضحدی بو مطلب صبر ایتدی آنا آریلقیندا نجه زینب نه نوع آنا تابوتینی سالدی یولا زینب سالدی یولا تابوتی دالینجا گوزی قالدی قلبینده آنایه دیمه لی چوخ سوزی قالدی حقلیدی علم اوج مصیبتده ساچیدی حقلیدی پوزوب حالین اگر باشین آچیدی تابوت دالنجا آناوای دلده قاچیدی نه سریدی یا رب نه خانم باشینی آچدی دوزدی آنا تابوتینون آردینجا نه قاچدی زهرا قزی دوزدور که دونمزدی آنادن آردینجا گیدنمزدی ولی کثر حیادن آغلار گوزیله حسرتله سپردی سو قفادن قالموش متحیر ایکی مشکل آراسندا جاگیر ایکی حسرت اودی بیر دل آراسندا دوردی دولی گوزلی بیر آنا آردیجا باخدی هجران اودی یاندیردی یانان قلبینی یاخدی یاندی اورگی گوز یاشی گوزدن یوزه آخدی حسرت الی قوینوندا او مظلومه قیتدی یوزده آناسیزلیق توزی پوزقون ایوه گیتدی اولدی ایوه وارد غمیله مظهر زهرا گوردی که یریندن یغیلوب بستر زهرا بوش گورجاق آناسی یرینی دختر زهرا ایله پوزولوب نالیه گلدی او دل افکار احوالینه قان آغلادی مطلق در و دیوار زهرا دولانان یرلری گوردی او وفالی غم ایتدی گلوگیر آخوب اشک زلالی ایوده دایانا بولمدی چخدی او بلالی گلدی قاپونون دوردی دالیندا اوزی سوزلی گوزولوب آتاسیله حسنینی دولی گوزلی دوردوقجا پوزولدی دیمه احوالی دوزلدی یولدا گوزی تیر غمیله قلبینی دلدی ناگه آتاسیله ایکی قارداشلاری گلدی گوردی حسنین اشگی وورور موج گوزونده وار گرد یتیمی اولارین سولموش اوزونده باخدی آتیه، دوندی گوزی بیر دولی ابره آغلار گوزیله عرض ایدوب اول معدن صبره تاپشوردون آنامی باباجان سن نجه قبره؟ زهرا سنه بیر جانیدی، جاندان نجه دویدون؟ دوزدون نجه سولموش یوزونی توپراقا قویدون؟ بیر عمر یانام واردی یری گر بو سوز اوسته یاتدی نجه توپراقلارین آلتندا او خسته ال یاره، قولاق یاره لی، پهلوسی شکسته نیلی یری وار قامتینون صاق و صولوندا سیلی یری یوزده، اثر قمچی قولوندا بیر گنج حیا ایلموسن ای بابا مدفون هیهات گوره مثلینی بو دیده گردون مین گوهر غم دلده گیدوب قبره او دلخون دلخونیدی مین لر اورگی قان ایلیوبدی چوخ دللری قان، گوزلری گریان ایلیوبدی بولمزدیم آنام گون کیمی آخشام باتاجاقدی بولمزدیم آنام تز منی گوزدن آتاجاقدی تک قبرین ایوینده نجه من سیز یاتاجاقدی حسرت زده ایلوب ئوزونه قاتدی علینی اودلی ئورگین داغلادی، آغلاتدی علینی شاه آغلادی شهزاده لری داشدیلا بیردن هم ناله اولوب سس چکوب آغلاشدیلا بیردن دلده آناوای ذکری قوجاقلاشدیلا بیردن بیر سمتده زینب ئورگین تیر غم اویدی بیر یاندا حسینیله حسن یوز یوزه قویدی... مرحوم #تائب التماس دعای فرج

زبانحال حضرت امیرالمؤمنین کنار قبر مطهر صدّیقه ی طاهره سلام ا... علیها (العجل ، صاحب زمان ، آقا) گَلدیم ، قَبرون اوسته من گجه ، یاری بوردا، ایلییَم گوزیاشیمی ، جاری زهرا ، گَلمیشم گیزلین مزار ، اوسته سَس ویر ، لااَقل سن حیدره ، باری من نجه سنسیز گولوم ، زهرا کاش اَجَل گَلسین ئولوم ، زهرا ای وفالی دلبریم ، زهرا ای یارالی یاوریم ، زهرا زهرا ، کیم سنون تَک عشقی سان ، ویردی سن تک ، کیم وفاداری نشان ، ویردی سالدون ،مندن اوتری جانیوی ، درده هم سن ، هم بالان ظلمیله جان ،ویردی اوز قاپیمدا دویدولر ، گوردوم دویدولر ،ئولدوردولر ، گوردوم ایتدون ، سن وصیّت ای گُلِ ، رضوان تا من ، قبریوی زهرا ایدم ، پنهان گیتدون ، یاره لی زهرا اوزون ، قبره ایکاش ، منده سنله تاپشیرِیدیم جان باخ عم اوغلوندا اولان ، صبره روحومی من قویموشام‌، قبره میخِ ، دَر نَدن شَرم ایتمه دی ، سندن دَیدی ، سینه وه قانین آخوب ، تَندن زهرا ، غسلودا گوردوم یارالارون ثانی، ظُلموله آلدی سنی ، مندن حیدری درده سالوب ، ایوای درگَهیمده قان قالوب ، ایوای #گلدیم_قبرون_اوسته_من_گجه_یاری #حضرت_زهرا_س #فاطمیه الاحقر مهدی عبادی

#حضرت_زهرا_س #زبانحال_امیرالمومنین_علی_ع قبر زهرایه علی دائم اورکده تاب و تب یول سالاردی ناله ایلردی ولیکن نصف شب سَسلنردی بو منم نالان فرقت فاطمه قلبیمی اِیلوب اِحاطَه درد و محنت فاطمه گوگلوم اِیستیر روز و شب بو یرده سینه داغلیام روز روشن قسمت اولمور بو سعادت فاطمه مرتضانی آیری بیر احواله سالدی فرقتون تنگ اولوب سنسیز منه دنیای ظلمت فاطمه آچ گوزون دور قبریدن باخ گور نه حاله قالموشام بی سبب آخمور عذاره اشک حسرت فاطمه ای منیم اِیستکلی دلداریم نه خوابه گِتمیسن نطقه گل درد و غمیندن اِیله صحبت فاطمه درد اَلیندن دینجَلوبسن قبریده یایوخ هله؟ من کیمی دردون و یا اِیلوبدی شدت فاطمه اولمادی بیر دم گورم آسوده خاطر اولموسان ! درد و غمدن قبریده اولدون نه راحت فاطمه احمد مختارین اشکی مَرهَم اولدی یاره وه من که اشکیله اِیدنمزدیم طبابت فاطمه آغللادوقجا یاره لر قان آغلاداردی حیدری خشگ بند اولموردی سیننده جراحت فاطمه دردیوه چوخ سعی قیلدیم تاپمادیم اما دوا بو مصیبتده نهاندور هانسی حکمت فاطمه لازمیمیش غم غم اوستوندن قالانسین قلبیوه قالسین آغلار حاکم عدل و عدالت فاطمه من دعا اِیتدیم نصیب اولسون شهادت اولمادی سن دعا ایتدون ولی اولدی اجابت فاطمه تک نه سن چاتدون اورکده مقصد و مقصودیوه قسمت اولدی محسنه فیض شهادت فاطمه سسلدون تا پشت درده فیضّه نی امدادیوه نچّه یول اولدوم دیریلدیم من او ساعت فاطمه کشمکشده همتون حاشا که خاطردن چیخا کیم بولر اِیتدون منه آیا نه نصرت فاطمه کوچه ده ای کاش اولیدیم منده اما اولمادیم اقتضا اِولدی منه اوندا مشیت فاطمه نصف شب غسلون ویرنده سرّون اولدی برملا قاتلون گوردوم ایدوب اوزگه جسارت فاطمه آیری بیر احواله قالدوم تا گوزوم گوردی یوزون جانیمی آز قالدی آلسین بو عبارت فاطمه ناگهان گوردوم حسن آچدی او کوچه صحبتین گورسنوب گویا قیامتدن علامت فاطمه مجتبانین قلبی غمدن اِیلیوب ایله وَرم عاقبت دلدن سالار بو درد و محنت فاطمه کاش حسینه اولمییدی ظلم ثانی برملا کربلاسینده اونون وار چوخ مصیبت فاطمه بیر اِیله احواله قالمیشدی بالالارون او دم گِتمیشیدی اللریندن صبر و طاقت فاطمه باغرینا باسمشدی کلثومی او دمده زینبون واردی بیر دنیا بویی اوندا لیاقت فاطمه همتین تنها اویرده اِیتمیوبدور بر ملا اِیلدی شام غریبانونده همت فاطمه بیر ایله شام غریبان حشره تک اولماز اولا آیری بیر عالم یارانمشدی او ساعت فاطمه سس ویروردی زینب و کلثومه هر دمده حسین قلبینی آلموشدی درد بی نهایت فاطمه سسلنیردی ای قویان آغلار بو عالمده منی اشک چشمیندن بیر آن اِیتموب قناعت فاطمه گر چه هیچ کیم گلمدی شام غریبانه اودم ماتمه ویردی حسینون آیری زینت فاطمه نوحه یاز بو ماتم عظماده آغلا ای #عتیق دستگیرون تا اولا روز قیامت، فاطمه #طهمورثی_عتیق

#فاطمیه_مدح_و_مرثیه #مرحوم_شانی حضرت زهرا س گریز به شام غریبان امام حسین ع بو گیجه ای شیعه دلدن خانۀ زهرایه باخ بوینی چیگنینده پریشان زینب کبرایه باخ ____________🔹_🔷_🔹______ ائتسه هرکیمسه تصوّر مرتضانون حالینی اودلانار قلبی توکر رخساره اشک آلینی باشینه ایمدی او مولا جمع ایدوب اطفالینی بیر پریشان اهلبیته بیر شه والایه باخ ____________🔹_🔷_🔹______ رسم عالمدور جهاندا هر کسون ئولسه کسی خویش و ایل شام غریباندا اولور همناله سی اوز یتیم اولادینون گوز یاشلاری شیون سسی حیدرون اولدی انیسی بو دنی دنیایه باخ ____________🔹_🔷_🔹______ بیر طرفده زینب کبری دیور ایوای آنا بیر طرفده غم دیزینه باش قویوب دور مجتبی بیبر طرفده باش آچوب گلگون قبای کربلا دیده گریان مو پریشان عترت زهرایه باخ ____________🔹_🔷_🔹______ گه باخوب اطفالینه اشکین توکر شیر خدا گه سیلر گوز یاشلارین آرام ایدر میر هدا گور نه چکدی بو گیجه صبحه کیمی اول مقتدا آیت کبری گوزوندن موج ایدن دریایه باخ ____________🔹_🔷_🔹______ شام هجرانی دوزنموب صبح فرقت ایتمدی صبح اولونجا فرقت زهرایه طاقت ایتمدی فرقته دوزدی دیمه دیداره سبقت ایتمدی نصف شب دوردی ایاقه همت مولایه باخ ____________🔹_🔷_🔹______ یوز قویوب قبر بتوله دیدۀ گریانیله قبرینه گلدی دوشندی شیون و افغانیله درد دل آچدی او بزم رازیده جانانیله بزم وصل خاصّه باخ خلوتگه و ماوایه باخ ____________🔹_🔷_🔹______ سویلدی توپراقلار آتدا یاتما راحت فاطمه بو ترابون قلبینه ویرما جراحت فاطمه دورگیداخ گور زینب ایلور نه قیامت فاطمه ساکت اولمور ناله دن فریاد وآه و وایه باخ ____________🔹_🔷_🔹______ آغلادی قلبین بوشاتدی بسکه افغان ایلدی کلّ ایتامه آتا یاد یتیمان ایلدی دوردی دولت خانیه رجعت شتابان ایلدی گورنجه گلدی نه گوردی حال غم افزایه باخ ____________🔹_🔷_🔹______ دل داش اولسا بو ملال و محنته مشگل دوزه گوردی یا بیدار اولوبلا یا یوخی گلموب گوزه قول بویون اولموش آناسیزلار قویوبلار یوز یوزه آغلاشولا شدتیله شور جان فرسایه باخ ____________🔹_🔷_🔹______ ویردی چوخ شیرین دیلیله تسلیت اطفالینه گوز یاشین سیلدی ایدوب بیر بیر نوازش حالینه وای خانم کلثومه ایوای زینبون احوالینه آچگوزون ای دل اویانمیش خیمه ده غوغایه باخ ____________🔹_🔷_🔹______ ایستدی خوار اولماسین شام غریبان حسین جمع اولوب بیر خیمیه اطفال نالان حسین صبحه دین نی تک سیزیلداشدی یتیمان حسین عزّت شام غریبان شه بطحایه باخ ____________🔹_🔷_🔹______ نه قالوردی قاسم واکبر نه عباس جوان زینب وکلثوم اوزی اولموشدی گویا پاسبان بسکه چوخ خستیدی زینب گئتدی خوابه بیر زمان استراحت سیرین ایله گوردوقی رویایه باخ ____________🔹_🔷_🔹______ هولیله بیردن اویاندی سسلدی کلثوم اویان یوخسا یاتمیشدون منیم تک سنده باجی باغریقان دور گوراخ هانسی بالاگیتدی کناره باجی جان قورخولی چولدور گورورسن پر خطر صحرایه باخ ____________🔹_🔷_🔹______ سسلدی اطفالی زینب ویردیلر بیر بیر جواب هر قدر سسلندیلر سس ویرمدی امّا رباب عمّه لر قارداش بالاسین تاپماقا ایتدی شتاب زینب و کلثوم ایدن بیر همّت عظمایه باخ ____________🔹_🔷_🔹______ چیخدیلار یانمیش چادیردان دلده بی حد اضطراب قویدولار یوز قان دولان صحرایه با چشم پرآب گه گیدوب گه سسلنوبله هارداسان سس ویر رباب صورت مطلبده بیر محصول اولان معنایه باخ ____________🔹_🔷_🔹______ شه دلیل اولدی اوزی گوستردی خط جاده نی تاپدیلارآغوش شهده نازنین شهزاده نی باغرینا جان تک باسوب شهزاده ی آزاده نی دویمیوب دل پاره سیندن چاک چاک اعضایه باخ ____________🔹_🔷_🔹______ بی ثمردور «شانیا» بو عالم پر شور و شر گورمیوب بوندان ثمر کام دلینجه بیر بشر ایسته سن گر نونهال عمریدن شیرین ثمر سوز یازاندا شور گوز یاشین توکوب قتلایه باخ _____________🔹🔹_________

نوحه لر - توحید قربانعلی زاده | نظرات قلبیم چکیر شراره دلداریم ئولدی الله زبانحال حضرت علی (ع) درغم از دست دادان حضرت زهرا (س) قلبیم چکیر شراره دلداریم ئولدی الله محنت سالیب حصاره غمخواریم ئولدی الله طاها ایدنده رحلت باران غم توکولدی بو آستانه قوم ثانی شیم توکولدی بیعت بهانه سیله اهل ستم توکولدی اودلاندی آستانم درد و الم توکولدی حرمت گیدیب فنایه معیاریم ئولدی الله دیوار و در بولور کی زهرا نه حاله قالدی نه چکدی پشت درده تا ناله سی اوجالدی جاندان گیچبدی جانیم جانین بلایه سالدی صدمه گوروب جفادن گل تک سولوب سارالدی عشق و ارادتیله سرشاریم ئولدی الله یوخدور بیلن کی یاریم نار جفایه یاندی کیمدور بیلن کی عمروم سرمایه سی تالاندی زهرا نه حاله قالدی شاهد بو آستاندی هاردا دوشوب تواندان هاردا یره اوزاندی جاندان دوشوبدی فخر ابراریم ئولدی الله یاریم یارا گورنده دنیا خراب اولیدی نه درگهیم یانیدی نه اضطراب اولیدی نه گوزلریم گوریدی نه دل کباب اولیدی نه آب عشق حیدر ناگه سراب اولیدی دل محنتی چوخ اولدی دلزاریم ئولدی الله مین درد و مین بلایه توش اولدی درده دوشدی جانی مخاطراته وقت خطرده دوشدی ناگه لهیب ظلمه سوزان شررده دوشدی هر درده دوشدی یاریم اول پشت درده دوشدی نالان درد زخم مسماریم ئولدی الله یوخدور بیلن کی زهرا دوشدی نه تز ایاقدان کیمدور بیلن کی حیدر قالمش ندندی گریان نه روشن اولدی دردی نه اولدی درده درمان او گیتدی اولدی راحت من قالمشام پریشان قلبیم یانیر کی قلبی بیداریم ئولدی الله یاریم یارالی گیتدی مندن آرالی گیتدی یثرب دوشوب صفادن یثرب مارالی گیتدی جان قویدی دوشدی جاندان قبره یارالی گیتدی دنیایه هاردا گلدی اولدی هارالی گیتدی خیرالنّسای زیبا افکاریم ئولدی الله اسدی سموم محنت بو گلشنه جفادن زیبا گلوم سارالدی گلشن دوشوب صفادن یاغدی بلا تگرگی قورتارمادوخ بلادن وَرد حیا سارالدی طغیان بی حیادن پرکار درد و غمده پرگاریم ئولدی الله محبوبۀ خدادور دارادی فرّ و مجده هر نیمه شب ایدردی درگاه حقّه سجده زهرا ایدنده سجده عالم گلردی وجده ال سینه ده دعاده قالدی گوزی فرج ده گوز یولدا قالدی نیلی رخساریم ئولدی الله الله ایویم یخلدی برهم اولوب تفاقیم زهرا کی یوخدی مثل زندان اولوب اطاقیم حاشا کی شاد اولام من حاشا گوله دوداقیم رویاده واردور آرزیم زهرا اولا قوناقیم حوری صفت ، ملائک رفتاریم ئولدی الله کبم بیلدی کی عزیزیم قانه ندن بویاندی کیم بیلدی پشت درده زهرا ندن دایاندی او دوردی پشت درده شاید عدو اوتاندی الله یانیدی دشمن زهرا نجیکی یاندی یاندی جفایه صورت گلناریم ئولدی الله بوالفتنه گان دهری خوار ایتدی گیتدی زهرا ترک ایتدی مرتضانی طاهایه یتدی زهرا گیتدی ئوزی علینی آزرده ایتدی زهرا حوریدی صدمه گوردی ناگه قیتدی زهرا زیب جنان و زیب درباریم ئولدی الله مندن حمایت ایتدی دوشدی باشی بلایه جام بلانی ایچدی غرق اولدی ابتلایه مندن بو دوقّوز ایلده هئچ ایتمدی گلایه سالدی ئوزون بلایه حامی اولا ولایه چشمی بصیر و قلبی بیداریم ئولدی الله درد آشناسی گیتدی دردیم دواسی گیتدی اشکیم آخیر عذاره دیدم ضیاسی گیتدی آمالی قالدی دلده ، دلده یاراسی گیتدی روحیم دوشوبدی تنگه روحیم صفاسی گیتدی همدرد و هم عقیدم همکاریم ئولدی الله مین زهره دن ایشقلی زهرا گیدیب الیمدن حسّ ایلورم کی ایندی طاها گیدیب الیمدن چرخ سپهر و طاق مینا گیدیب الیمدن زشتی قالیب جهانده زیبا گیدیب الیمدن مهر مضیء چرخ دوّاریم ئولدی الله دنیا دولاندی کام اهل نفاقه دوندی آهنگ چرخ گردون کام فُساقه دوندی عشقیم چراغی سوندی وصلت فراقه دوندی غم چکدی جانه دویدی مندن علاقه دوندی معیار طهر و حسن و ایثاریم ئولدی الله رحلت ایدنده طاها مندن زمانه دوندی غم وردی مرتضایه کام فلانه دوندی دنیانی خوار اولیدی نه ظالمانه دوندی زهرا کی گیتدی الدن گوزیاشی قانه دوندی یاندیم فراق اودوندا چون یاریم ئولدی الله آرام جانیم ئولدی آرام جان آپاردی گیتدی ئوزی مزاره مندن توان آپاردی آز عدّه جسم پاکین قبره نهان آپاردی پهلو شکسته یاریم قولدا نشان آپاردی درمانسز اولدی دردی بیماریم ئولدی الله عالی عیاریم ئولدی صبر و قراریم ئولدی خستیدی دوشدی دلدن دل پر شراریم ئولدی دوشمز غلط دیسم کی دار و نداریم ئولدی هم اعتباریم ئولدی هم اقتداریم ئولدی عالی عیار و درّ شهواریم ئولدی الله دل داغلیام ، غمینم دل دردیمی بیلن یوخ گوزدن سالیب زمانه گوزیاشمی سیلن یوخ زهرا کی یوخ ایویمده کیمسه گیدیب گلن یوخ چوخدور ئولن (هدایت) زهرا کیمی ئولن یوخ معموره چرخی دونسون معماریم ئولدی الله هدایتی تبریزی منبع : تورکی نوحه لر - توحید قربانعلی زاده +

🍂یا صاحب الزمان ادرکنی سرود درغیبت امام زمان علیه السلام🍂 🎶سبک:ای منی آواره قویان اباالفضل اباالفضل.... پرده غیبتده نهان آقام گل آقام گل شهیدلرین قانین آلان آقام گل آقام گل گوزلریمز یولدا قالوب یوبانما یوبانما هجرونده گللرسارالوب یوبانما یوبانما یول گوزیلنلرقوجالوب یوبانما یوبانما قامتمیز اولدی کمان آقام گل آقام گل فاطمه جانی آقا جان داریخدوخ داریخدوخ یوردی بیزی دورزمان داریخدوخ داریخدوخ صورتیوی ائتمه نهان داریخدیخ داریخدوخ چشم چراغ عاشقان آقام گل آقام گل بند دل شیر خدا آقام گل آقام گل ای شرف اهل ولا آقام گل آقام گل شیعه ائدرآه و نوا آقام گل آقام گل گوز یاشمیز اولدی روان آقام گل آقام گل ای گُل باغ مصطفی آقام گل آقام گل یرده قالوب خون خدا آقام گل آقام گل ایله بیزه لطف و عطا آقام گل آقام گل (جواد) ائدوب وردزبان آقام گل آقام گل #امام_زمان_عجل_الله

جنازیه دیور اسما سویی توکوردوم من امام آغلادی،بیلدیم آغیر مصیبتدی دئدیم آقا نیه بس غسلیدن الون چکدون بیوردی دلده اولان غصه بی نهایتدی دئدیم آقا ئوزون امر ایلمیشدون آغلامیاق دئدی نئدیم ئورگیم کوره حرارتدی دئدیم آقا خانمین گل یوزی نیه گووَریب دئدی بو مطلبی آچما علی خجالتدی دئدیم قولوندا اولان دستبند تیره ندور؟ دئدی نشانه ایثار و استقامتدی دئدیم الون نیه قالمیش اورک باشندا آقا دئدی نئدیم خانمین سینه سی جراحتدی دئدیم نیه دئموسن قونشلار گله کمگه دئدی منه خانمیمدان بئله وصیتدی دئدیم مدینه لیلردن خانم نیه کوسدی دئدی سوروشما بو دردی که درد حسرتدی همین مدینه لیلر باخدیلار قاپی یاندی بو اهل شهرین ایشی طعنه دی شماتتدی کیمین امانتینه بیز خیانت ایلمیشوق بونون آتاسی امیندی،بودا امانتدی منیم یولومدا بونون قول قابیرقاسی سیندی تعجبم او گئدوب مرتضا سلامتدی الهی محسنیمون کیمدن انتقامین آلیم که من تکم اولار اوچ یوز نفر جماعتدی #کلامی

تاريخ: ۱۳۹۷/۱۱/۰۳ زبانحال امیرالمومنین حضرت علی (علیه السلام) در احوالات حضرت فاطمه زهرا (سلام الله) گلون فغانه که باغ و بهاریمیز گئتدی پوزولدی گلشنیمیز گلعذاریمیز گئتدی او بیر گُلیدی که گلشن لر افتخاریدی داها نه گلشن و گل افتخاریمیز گئتدی منیم بالالاریم ای، فاطمه یتیم لری دورون ایاقه که دار و نداریمیز گئتدی یغون یرین آنازین گوزلریم قباقندان گوزوم ایشقلیقی آیدین نگاریمیز گئتدی دئدیم دایان منی بو غم زمانی تک قویما دایانمادی او دلی داغداریمیز گئتدی اماندی قویمیون اولسون آنا عزاسینی خوار اگر چه قبره غریبانه یاریمیز گئتدی قرا چکون ائوه خاموش ائدون چراغلری که یاندی اودلارا پروانه واریمز گئتدی بو شهرده بیزه اولماز گلن تسلّیه که هر نه وارسا قالان اعتباریمیز گئتدی فرشته لر قُروقیدی همیشه منزلیمیز فرشته همدمی عصمت حصاریمیز گئتدی اونون وجودی منه مین حماسه دن باشیدی حماسه یاتدی قرار و مداریمیز گئتدی ائوی یخلدی علینون قاپوسی باغلاندی غمی غم اوسته قویوب غمگساریمیز گئتدی جوان آنانی گوزل اوخشار،اوخشاسا زینب قویون بالام دیه وای جان نثاریمیز گئتدی تمام ماخلقه شاهکاریدی آنامیز تمام طایفه ده شاهکاریمیز گئتدی نه گلدی بولمورم آز وقتیده آنام باشنا آغاردی زلفی قرا روزگاریمیز گئتدی آنام قالیدی سیخلمازدی غصه لی دللر یارالی دللره مرهم گذاریمیز گئتدی الیم اوزولدی یامان یرده دامنوندن آنا نجه دیوم ، نجه الدن قراریمیز گئتدی سنی گورنده دییردیم بس ئولمیوب طاها سنیله جلوه ی جدّ کباریمیز گئتدی گونون باتان چاقی باتدون عجب قرابتیدی که حُسن باقیه آیینه دار یمیز گئتدی آپاردیلار گجه وقتی سنی هارا نه بولوم دالونجا کوکبه ی شهریاریمیز گئتدی بابام مزاریده گیزلتدی روحونی گلدی توان و تاب دل کامکاریمیز گئتدی غمون نه تک منی،قویماز آتامی ساکت اولا که سنله طاقتیمیز اقتداریمیز گئتدی استاد حسین ساکت موضوع: حضرت فاطمه زهرا (

شعر جدید چاپ نشده ایام فاطمیه ۱۴۰۳ 🏴🏴🏴🏴🏴 فاطمیه   سینه   داغلار   شیعه لر گوز یاشین رخساره باغلار شیعه لر تسلیت   صاحب   زمانه   سویلیوب حضرت   زهرایه    اغلار    شیعه لر فاطمیه  دردلر درمان اولار بو قاپیدا سائله احسان اولار درد الینن کیم  یورولا دهریده چوخ بلالی باشلارا سامان اولار فاطمیه  هیت عاشق گلر عاشقانه عاشق صادق گلر فاطمه مجلسینه دعوت اولان فخر ایلین   نوکر لایق   گلر فاطمیه  عاشق پرچم گلر اختارا کیم دردینه مرحم گلر هرگلنه قاپی اچمازلار یقین کیم اولا زهرایه او محرم گلر فاطمیه بیز نوادن دویماروق قورولان بزم عزادن دویماروق عالمی بیز بوشلاروق اوز باشینه بو گوزل کوی ولادن دویماروق فاطمیه  کیم اولا با فاطمه مرز عشقی رد ایدر تا فاطمه قاره گیوب دشمنی خوار ایلیر سسلیر   غیرتیله     یافاطمه

زبانحال حضرت زینب علیها السلام به دنبال تابوت مادر (با آهنگی لطیف و دلنشین) سینه‌ ن هَله ، یارالیدی ، قال بو گجه بو ایوده سن، گیتمه آنا من باخورام، پیکریوه ، یاراشموری سنه کَفن ،گیتمه آنا گیتمه آنا گیتمه آنا یارالیسان گیتمه آنا گیتمه آنا (ایوای آنا) (لایلای آنا) (لایلای ننه) بابام منه ، هِی تاپشیریر یاواش قیزیم، همسایه لر،اویانماسین آغلامیوم ، من نیلیوم یوخ بیله تَشییعی گورَن ، گیتمه آنا تابوتیوین ، دالینجا من ، گَلَنمورم چاره سیزم ، سن بولوسن زینبیوین ، درد و غمین مدینه ده یوخدی بولَن ، گیتمه آنا هر یارانان ، ئولمَلیدی بویورموسان من بولورم، بو مطلبی سن کیمی یوخ ، غریب ئولَن، ای قاپیسیندا دویولَن ،گیتمه آنا یارالانوب ، سینَه ن اوگون یانان قاپی دَگن زمان ، گول جسمیوه یالان دَییر ، بیله دیسَم ای یاراسی دوزَلمیَن ، گیتمه آنا خزان ووروب ، گُلشنیوی، غُنچه ن اَیاق آتدا قالیب ،جفائیله غُنچه مگر ، قالار اولا اوچ یوز نَفر گولی دَرَن ، گیتمه آنا مسجده سن ، گیدن زمان جَمالِ اَنوَرون آنا، سالیمیدی نَلر اولوب ، او کوچه ده هَر نِیلورَم دیمور حَسن ، گیتمه آنا زینَبیوین ، گوندوزونی ، تیره شَب اِیلمه آنا ، هجرانیله بیزدن نیه ، دویدون بیله بالالاریندان دویمییَن ، گیتمه آنا چوخ اوشاقین ، آناسینی من بولورم اَجل آلار ، زمانه ده سن ولی چوخ ، جوانیدون ، قامتی ای تِز بوکولَن ،گیتمه آنا مدینه نی ، دشمن ایدیب بیزلره زندانِ بلا ،گوردون اوزون غریب و (بی کَسدی) آتام بو شهریده سن بولوسَن گیتمه آنا #سینه_ن_هله_یارالیدی #حضرت_زهرا_س #فاطمیه الاحقر مهدی عبادی

‍ ‍ روضه حضرت زهرا(س) تابوته وردیلر حرکت زینب آغلادی                                 گویا ائدیب آناسینا بونوعی کشف راز ظلمت گئجه آنا گئدیسن هانسی منزیله                            ترک ائیلی سن(حسینوی)بو منزیلی ای بانوی حجاز قال بو گئجه بیزیله، گونوز (سحر) باری دوش یولا              شب زنده دارلر گئجه دن ائتمز احتراز صبحه کیمین آنا دی یه رم یاتمارام آنا                               چیخسین گوزوم اگر گوزومه گله خواب ناز سندن صورا مصیبت عالم منیم کیدی                                 ماتم منیم دی ، آه منیم ، غم منیم کی دی تابوتیلن او یدّی نفر غملی آشنا                                         مشغول اولوبلا گئتماغا آرام و بی صدا آهسته یول گئدردیله بیر کس اویانماسین                             ایجاد زحمت ائیلمه سین قوم اشقیاء زهرا نی تا یئتیردیله قبرین کنارینه                                   ایستکلی یاری قبر آچیب ایستکلی یارینه سلمان ایدی اباذر و مقداد بولموره م                                  تشییع ائدن او بانوی والا تباریدن زهرانی تا یئتیر دیله قبرون کنارینه                                  زهرانی بیر محبتیله باسدی باغرینا اسگیلمه دی شرار محبت او قلب پر شراریدن                      سسلندی فاطمه دیدار قالدی محشره بو آیریلیق علی نی سالار اعتباردن                                   ای کاش اجل گلیب منی ده راحت ائیلی یه قویدی زهرانین یوزون توپراقه میر مقتدا                            باخدی بیر سمت بقیعه سسله دی وا ابتا سسله دی ای خاک تیره بو علینین روحودی                        ساخلا راحت ائیله حرمت سینه سی مجروح دی

زبانحال امام علی بر بالین فاطمه شاعر..اسکندری ..ساعد.زنجانی سبک نوحه : ای صفای قلب زارم هرچه دارم از تو دارم ای مسلمانان عالم باشلانوبدور فاطمیه لعنت اولسون دشمنان خاندان حیدریه گلوب ماه عزا گیوب مهدی قرا او گیزلین قبرینه هامی عالم فدا مدد یا فاطمه مدد یا فاطمه(۲) گلشن باغ رسوله صرصر ماتم اسیلدی فاطمه جان ویردی عرشِ داوره قاره چکیلدی داغ اوستون چم دوتوب کنارین غم دوتوب جوان زهراسینه علی ماتم دوتوب مدد یا فاطمه مدد یا فاطمه(۲) ترک ایدوب بو روزگاری حیدرون دار و نداری زینبینه قالدی اوندان خانه داری یادگاری غمه توش اولدولار هم آغوش اولدولار پیمبردن صورا فراموش اولدولار مدد یا فاطمه مدد یا فاطمه (۲) ای شکسته بال حیدر قمری بی حال حیدر می روی بعد از تو زهرا وای بر اقبال حیدر از آن روزی که من گرفتار توام خدا می دونه که بدهکار توام مدد یا فا طمه مدد یا فاطمه(۲) ای پرستوی مدینه گفته ی پیغمبر اینه اهل عالم اهل عالم حبّ زهرا اصل دینه ✨اَللّهُمَّ عَجِّل لِوَلیِّکَ الفَرَج✨