حضرت موسی بن جعفر (ع) محبسده خَصم اَلینده اگرچه اسیریدی هر هفت شهر کشور عشقه امیریدی زنجیر گردنینده ایاقینده کُنده سی بو حالیله اسیر اونا خیل کثیریدی شیر اوغلی شیریدی اودی زنجیره بسته دی دقتله باخ بو صحنیه چوخ دلپذیریدی فتح ایلیوب او حالیله یکسر اورکلری عصرینده یوخ مثالی بونون بی نظیریدی حَقین ایدوب جفایله انکار خَصم دون اهل ولا جهاندا بو فعله بصیریدی جان جهانی ساخلاماق اولمازدی حَبسیده حَقدن مقّدراته بو شَه ناگزیریدی حلمی شکوه احمد مختاریدی بونون قلبونده حاجت اولسا اگر دستگیریدی هیچ سائل اولمیوبدی بو درگهده ناامید صدق دلیله سَسلَسه هر کیم نصیریدی باب الحوائج آدینه جانلار فدا اولا کیم منکر اولسا شانینه بالله حقیریدی هر کیمسه نین یئتیشمز الّی قبرینه #عتیق قبرین گورَن یقین ایله، پاک ضمیریدی #بداهه سرایی در گروه شعرا و مادحین در تاریخ 1401/11/20

#وداع گوزومون یاشی یوزه بی جهت، بو دم اولمیوبدی روان حسین باخیشین بیر اِیله باخیشدی که، منی اِیلیوب نگران حسین باخیشین بو دَمده آلور منیم ، گوروسَن که تاب و توانیمی نجّه حاله سالدی خدا بولور، آپارور فراقه گمانیمی نًدی سِرّی فاش اِیله گئتمَمیش ، چوخ اوجاتما آه و فغانیمی بو وداع آخرین اولمیا؟ ایله شرح حالی بیان حسین باخیشیندا گورسنیری بو دم باجیوا اولان او مُحبتی بو جهان عاریة ده اونون،آنام اوغلی یوخدی که قیمتی ولی ای مسافر عرش حَق،باجیوین بو یرده دی صحبتی اِیدَسن خیامه رجوع، و یا، اولاجاخدی باغریمی قان حسین؟ اِیدورم بو فعلی که پرس و جو ، بولوسَن که دیلده نه علته؟ اورکیم بولور که چوخ آز قالور ، یِتَسَن مقام شهادته اِیلیوبدی عامل آنام منی ، بو مکاندا نچٓه وصیته عمل اِیلیم او وصیته ، یِتیشوب یقین او زمان حسین آزالوبدی اَللی اِیله یِته، اِیدورم بو محنته آه و زار چوخ ئولوب دوباره دیریلمیشم، بو غمه مدینه ده آشکار گورنور علایمی مو به مو،اِیله بیر یِتور باشا انتظار نَدی سرّمطلب اوزون بویور، اورکیمدن آلدی توان حسین اودی گول کیمی اوپوپ اِیگلورَم، بو سوسوز بوغازیوی من اَخا آنامون وصیتیدور ! گَرک ، اِیلیم بو عهدیمه من وفا اوپورم ولی دویا بولمورم ، طلبیم قتالیوه قُوی قالا... اوپَرم او دم که بوغازیوین ، قانی اِیلیر فوران حسین نگران قالما بَلشسه گر، آغاران بو ساچلاریمی قانا دوتارام مدینیه یوز او دم گّلرم نوایه من ای اخا دِیَرم هرایمه تِز یِتیش یَم غمده غوطه ورم آنا سَسیمی آلوب منه سَس ویرر، قاپیسی ستمله یانان حسین بو دیار پر غم و غصه ده ، آنام اوغلی فکریمه قالما سن دئمه آز قالور یانا خیمه لر ، او غمی خیالیمه سالما سن باخوب حسرتیله رقیه وه ، اورکیم قرارینی آلما سن بیله فکر ایدور گئدیسَن گینه گَلسن خیامه الان حسین سَنه یاریدن یتیشوب ندا،اورکون اولوب بیله بی قرار اولوسان وصاله سن ایندی که، آنام اوغلی عشقیله رهسپار فَرس وصاله گل ایلیوم،بو دیاریده من اوزوم سوار دئمه کاش اولیدی بو دشتیده،منه بو عنانی دوتان حسین هله زینبون سَنون ئولمیوب،من اوزوم سنی سالارام یولا منی قتلگاهیده سَسلسن،گَلرم بو زلفی یولا یولا نگران قالما داش آتسالا،داشیلان او مقتلی گر دولا چَکرم کناره او داشلاری،اِیدرم غمونده فغان حسین بولورم بو دشتیده ظلمیله ، اَل آچار جسارته اهل شام نه اِیدوم که عورته شرع دین ، اِیلیوب جهادی اَخا حرام هامی شخصه لازمه دور گرگ ، قویا حکم دینینه احترام قولومی بو مسئله باغلیوب، اولاجاخ بو چولده اولان حسین اورکیمده چوخدی سوزوم ولی ، سَنی چوخ یوباتمارام ای اخا بو سن ایندی بو ره عاشقی، بودا دشت پر غم و پر بلا بونا واقفم که گرک تاپا ، قَدر خدانی بو گون قضا نه یازوب مشیتیمیزده حَق اولاجاخدی عین همان حسین باجیوی دعا اِِیله دوش یولا، بو مکاندا ای شه مُحتشم ویر اجازه تَلی آشینجا بیر،اولا زینبون سنه هم قَدم بودی نیتیم گوتورم علم،سنیله او تَله کیمین گَلم گوره لر که تک دگوری هله،بو مکاندا شاه جهان حسین بو جهاندا صِدق دلیله گر، بیزه کیمسه نوحه یازا #عتیق اَل آتا او قاره داشا اگر، اِیلیر خدا او داشی عقیق او که خود نمالیق اِیدور او کس، دگوری جهاندا بیزه صدیق اِیدوری ریا بو خیالیله،ویرجاخ او شخصه امان حسین

#حضرت_زهرا_س نوایه گَلمه قیزیم،نِی کیمی نوا اِیلمه یِتوب دوداقیمه جانیم خدا خدا اِیلمه مثال سیل اَلمه اشک آلیوی یوزیوه بهار عمریوی بو نوعیله فنا اِیلمه غمیمده عهد اِیلیوبسن اگر بو آغلاماقی گوزون فداسی اولوم عهدیوه وفا اِیلمه اَجل تری دوزلوب آ ننیما چیخور جانیم یومانمورام گوزومی ناله و بکا اِیلمه کَسوبدی روحیم علاقه بو خسته جانیمدن منیم حیاتیمه گَل دم به دم دعا اِیلمه جهان عاریه ده، جانه دویموشام غمدن گوزون یاشیلا منیم دردیمه دوا اِیلمه مدام خاطریوه سالما زخم مسماری گوزونده نقشه مسماری بر ملا اِیلمه سنون نه وقتیویدی یاره باغلیوب آچاسان بو کاری یاره مه باخدوخجا آه و وا اِیلمه من اوزموشم اَلیمی رشته یِ حیاتیمدن حیات رشته سینی سن ولی رها اِیلمه سَنه مُقدّر اولوب دهریده بلایِ عظیم اورکیوی هَله آلامه مبتلا اِیلمه قاباقدا قارداشیوین کربلاسی وار زینب اورکده خانه یِ غم ایندیدن بنا اِیلمه من آغلورام آتاوین حالینه، منه باخما آخان بو گوز یاشیما چوخدا اعتنا اِیلمه سن آغلیاندا نوایه گَلور حسین و حسن بو غملی صحنه نی بونداندا غمفزا اِیلمه هنوز اوچ یاشینا چاتمیوب باجون کُلثوم اونون یانیندا بو قَدری آنا آنا اِیلمه آنا دینده گَلور جوشه بحر مهر و وفا اوزون کیمی اونودا درده آشنا اِیلمه اونوندا وار باشینون چوخ بلاسی عالمده گوزونده گوندوزونی ایندیدن قرا اِیلمه اوتور دییوم سنه من غملی سرگذشتیمدن مگر دئمزدون اوزون دَردون اختفا اِیلمه منیم اورکده غمیم سایسالا سایا گلمز بیری بیریندن آغیر دردیدور سوا اِیلمه گرکدی سِرّین آچام بیر به بیر مصائبیمین ائشیت ولی اورکون توش ابتلا اِیلمه ویراندا اود قاپیماظلمیله او ثانی دون دیدیم که ظالم اوتان ویرما اود، جفا اِیلمه ولی اوتانمادی اود ویردی درگهیم یاندی ثنا ایدوردی او ظلمه ددیم ثنا اِیلمه رسول قلبینه اود ویرمیسان سن ای ظالم بو ظلمی اِیلمیسن گَل داخی خطا اِیلمه علی ولی خدادور اوزون که واقفسن لگد ویروب قاپیا چوخ سر و صدا اِیلمه پیمبر امر اِیلیوب باب علمیدور حیدر اوزووی مَکریله بو خلقه رهنما اِیلمه غرض که ایتدی مخاطب منی او شوم و دغا دیدی ولایته سن جانیوی فدا اِیلمه دیدیم ولایت مولایه فاطمه قربان دیدی خلیفه ابوبکریدی اِبا اِیلمه خلاصه سَسلدی تِز سیندرون یانان قاپونی بیر عده ده دیدی گَل ظلم ناروا اِیلمه نه علته قاپونی سیندرورسان ای ظالم اماندی وحی ایوینین حرمتین فنا اِیلمه قیزیم یانان قاپونی سیندران زمان ثانی ددیم شقی اوزووی بَندیِ حیا اِیلمه دیه دیه سوزومی ناگهان آچیلدی قاپی علینی هاتف غیبی دیدی ندا اِیلمه اوجا سَسیله چاغردیم اودور که فیضّه نی من دیدی هرایوه گلدیم خانم نوا اِیلمه بوقدری وار که او دم محسنیم شهید اولدی نه حاله قالدی آنان کشف ماجرا اِیلمه توکولدی زاغ و زغن باغلادی علی قولونی دیدیم الهی علیدن منی جدا اِیلمه او وضع و حالیله دامان حیدری دوتدوم اتام بویورموشیدی دامنین رها اِیلمه او کشمکشده نَلَر اولدی بیر خدا بولوری علی بویوردی که ظالمدن التجا اِیلمه قولومی قنفذ او دم سیندروب جفایله دیدیم اَلون قورسون ظلمیوی روا اِیلمه اودور بیر اَللی ویراردیم بو زلفیفه شانه تمنی دیلی، مبنای مدّعا اِیلمه #عتیق سویلدی نیلوم سوزوم اولا مقبول جواب ویردیم اونا شعریده ریا اِیلم

اربعین زبانحال حضرت رباب س آفت هَزارین اِیتسه خزان لاله زارینی درد و اَلم آلار اورکیندن قرارینی باخدوقجا اوز سولان گولونه بلبل حَزین اِیلر چمنده صبح و مسا ناله کارینی وار حکمتی بو مسئله نین روزگاریده بلبل اودور که ترک اِیلمز گول جوارینی جَبراً اگر آیرسالا گولدن او بلبلی ناچار اولوب سالار دیله هجران شرارینی گَلدی اورکده مقصد و منظوریمی اَله بیر غنچه گولده آلدی ربابین قرارینی دائم دیردی قید اسارت قوتارمادی من تا آلام او قبر شریفین کنارینی طوف اِیلیم مزار حسینی زمانه ده دنیاده چَکمیم هامی غملر فشارینی کِچدی غرض خرابه ده بیر مدت مدید درک اِیلدی دوباره او محنت دیارینی سالدی اوزون مزار حسینه نوایله اَلده بهانه اِیلدی اوز شیرخوارینی اصغر ددی دویونجا حسینه بیر آغلادی آچدی مزاری اوسته گوزون آبشارینی دوندی مخاطب ایتدی علی اصغرین رباب سالدی خیاله درد و غم بی شمارینی سَسلندی ای آناسینی آغلار قویوب گِیدن ترک اِیلمز بو نوعیله هیچ یار یارینی یِتدی او دم که سمعیوه هَل مِن مُعین یار گوردون بصیرتیله غم آشکارینی گَلدون نوایه، آلدی سَسون خسرو حجاز نای غمیله ساز اِیلدی هنگ تارینی آخر بو چولده قانه بَلشدون قئیتمدون عرشه اوجاتدی بی کس آنان آه و زارینی دریا قوتولمازیدی سو ویرسیدیلر سنه آغلاتمازیدی کرب و بلا شهریارینی سَندن صورا آچیلدی فراتین یولی او گون گوردوم سو کاسه سینده سَنون گلعذارینی اِیچدیم نه اِیچدیم اِیله بیر اود دوشدی جانیمه گوردی او سو حیاتیمین انجام کارینی بیر قانلی سود بو چولده گَلوب دولدی سینه مه اوزگه بیر حاله سالدی بو غملر دچارینی سَسلردیم ای آناسینی گوزدن آتوب گِیدن سَسلور آنان هراینه پروردگارینی آلسان اگر منیم سَسیمی دادیمه یتیش گل گور یانان چادردا غم جانشکارینی احوالیمه او لحظه منیم عمّون آغلادی یاندوردی درد و غم، جگر داغدارینی بی کس آنان مزاریوی اوندا تاپانمادی ایندی قویوب مزاریوه اما عذارینی گوز کاسه سینده یاتما اویان سو گتیرمیشم ای اوچ پر اوخ خزان اِیلین نو بهارینی قربان اولوم بوغازیوین اول اوخ یاراسینا من گورمدیم او حنجر بس زخمدارینی احوالیوی بیان اِیلینده علی قیزی دردون احاطه ایتدی دل بردبارینی درد و غمون یقین آناوی غصّه مرگ اِیدر چوخ چَکمَسن بو بیر خبرین انتظارینی قویما بقیه عمروی چوخ فوت اولا #عتیق یاز نوحه آغلا عرشه اوجات آه و زارینی

‍ ‍ #زبانحال_امیرالمومنین_علی_ع #دفن دفن اِیلدی بقیع ده علی اوز نگارینی بیر آه چَکدی قویدی مزاره عذارینی سَسلندی یات دعاوی خدا اِیتدی مستجاب یومدون گوزون چووردون علی روزگارینی دینجل گیلَن ایویمده منیم دینجلمدین ترک اِیلدون سن اِیندی که محنت دیارینی یخدون عم اوغلووون ایوینی اِیلدون خراب سالدون بو قلب زاریمه هجران شرارینی دوندردون اولماقونلا علینون دونرگه سین دور گور مزارین اوسته غم آشکارینی ایندی غمونده قلب ایوینی داغلیان منم عرشه یِتورموشم اورکیم آه و زارینی قربان اولوم او قلبه کی گیزلیندی غملری عالم رقم وورا بوله بولمز شمارینی نی تک سزلدورام نئیه بس ویرمیسن جواب اَلدن ویروب و یا کی علی اعتبارینی آخر نه گلدی دلده او مهر و محبته درک اِیت مزارون اوسته بو غملر دچارینی ترک اِیلیوب مزاریون اوستون گیدنمورم هجرون آلوبدی دیزلریمون اختیارینی الله بولور که قبره قویاندا نه چَکمیشم آچدوم مزاریوه گوزومون آبشارینی آغلار گوزوم ساتاشدی ایکی آشنا اَله آلدی او صحنه دلدن علینون قرارینی خجلت تری قارشدی گوزوم یاشینه منیم چَکدیم او لحظه من ایکی دنیا فشارینی سالدی گره گُشایه غریبه گره فلک یغمایه چَکدی ظلمیله دار و ندارینی بولمم بو یرده مسکن اِیدوم یا دوروم گیدوم من بی کسین چَکور بالالار انتظارینی گیدسَم یولوم او سن دوگولَن کوچه دن دوشَر بیر کوچه که خزان اِیدوب عمرون بهارینی زینب نواسی یدی فلکدن کِچوب بو دم سالسا اگر مزاریون اوستن گذارینی... اوندا یقین شور قیامت اولار به پا یاندیردی غم اونوندا دل داغدارینی دنیا بویی فراقیوه قان آغلیاخ گرک یاد ایلیاخ بو غم گونونون غمگسارینی یاز نوحه آغلا فاطمیه روز و شب #عتیق بو فعلیوین جهاندا اِیله افتخارینی

#حضرت_زهرا_س #زبانحال_امیرالمومنین_علی_ع #غسل زهرا اولَنده چَکدی علی بولمورم نَلَر اَسما دییر که ناله سی اِِیتدی منه اثر تا باخدی حسرتیله وفالی نگارینه گوزدن سرشکی سیل تک آخدی عذارینه بیر حاله قالدی فکر اِیلدیم جان ویرور او شه یاندی دیلیم بو محنت بس جان شکارینه غسلون ویرنده قالدی دوباره او حالته باخدوقجا مغسل اوسته غم آشکارینه قویمازلا یار یارینه غسل ویره، ولی سالدی فلک او شاهی بو محنت مدارینه خاصه او مَیْت ی که ویرور زخمی تازه قان سالدی یارا علی اورکین غم حصارینه پی دَر کفن عوضلدی اول شاه مشرقین آغلار گوزیله دهریده غملر دچارینه مسمار یاره سیندن آخان قان کَسیلمدی اود سالدی غم دوباره دل داغدارینه فکر ایلدیم که گورسه او نیلی عذارینی وار ممکنی آپارسین آلین ذولفقارینه اما او دم که معجرینی اِیلدی کنار آهسته بولمدیم نه دیدی یار یارینه دوندی قویوب عذارینی دیواره آغلادی اود دوشموشیدی بس که دل بی قرارینه سَسلوردی گل هرایمه یا ختم الانبیا لطف اِیت یتور اوزون من زارین کنارینه بولدوم گوزونده جلوه لنوب غم نشانه سی قلبیم دوام اِیتمدی اول طرز کارینه عرض اِیلدیم بو شدتیله آغلوسان نَدَن امر ایتدی باخ ولایتین آیینه دارینه مسمار علاوه باغریمی قان اِیلیوب منیم قلبیم یانور باخاندا بتولین عذارینه ناموسیمه آچوبدور اَلین ثانی دغا قان آغلامور علی بو دم اوز اختیارینه پیغمبرین وصیتینه باغلیدور قولوم یوخسا سالاردیم اوت بولارین روزگارینه .عمروم بویی بو غملره قان آغلیام گرک داغ دگر چَکوبله دل داغدارینه آسان سایما بو غم عظمانی حیدره درد آرتروبدی غملری غم شهریارینه بولدوم نَدن دوتاردی منه فاطمه یوزون جان جهان فدا، بو دل بردبارینه تقدیره باخ بو یرده قضا اقتضا اِیدوب... دردین دیوب خفاده فقط کردگارینه هیهات بیرده قلبیم آچیلسون بو باره ده چوخلی، بو فعل اولوبدی سبب احتضارینه قبره قویاندا وای منه گر دیده رسول دوشسه اگر یوزونده غم جان شکارینه تنها بویورسا آیینه قلبیمی سینوب بسدور بو سوز حیاتیمین انجام کارینه توشه اولار بو نوحه لرون محشره #عتیق چون که قلم اَلونده آخیر اوز آخارینه بیر عده نی  بیرعده آلوب روزگاریده سن باخما جیره خواریلرین جیره خوارینه یاز نوحه آغلا جیره وی ارباب اوزی ویرر کَسمز محبتین گل زهرا هَزارینه زکات علم نشرآن است التماس دعا

#حضرت_زهرا_س #زبانحال_امیرالمومنین_علی_ع قبر زهرایه علی دائم اورکده تاب و تب یول سالاردی ناله ایلردی ولیکن نصف شب سَسلنردی بو منم نالان فرقت فاطمه قلبیمی اِیلوب اِحاطَه درد و محنت فاطمه گوگلوم اِیستیر روز و شب بو یرده سینه داغلیام روز روشن قسمت اولمور بو سعادت فاطمه مرتضانی آیری بیر احواله سالدی فرقتون تنگ اولوب سنسیز منه دنیای ظلمت فاطمه آچ گوزون دور قبریدن باخ گور نه حاله قالموشام بی سبب آخمور عذاره اشک حسرت فاطمه ای منیم اِیستکلی دلداریم نه خوابه گِتمیسن نطقه گل درد و غمیندن اِیله صحبت فاطمه درد اَلیندن دینجَلوبسن قبریده یایوخ هله؟ من کیمی دردون و یا اِیلوبدی شدت فاطمه اولمادی بیر دم گورم آسوده خاطر اولموسان ! درد و غمدن قبریده اولدون نه راحت فاطمه احمد مختارین اشکی مَرهَم اولدی یاره وه من که اشکیله اِیدنمزدیم طبابت فاطمه آغللادوقجا یاره لر قان آغلاداردی حیدری خشگ بند اولموردی سیننده جراحت فاطمه دردیوه چوخ سعی قیلدیم تاپمادیم اما دوا بو مصیبتده نهاندور هانسی حکمت فاطمه لازمیمیش غم غم اوستوندن قالانسین قلبیوه قالسین آغلار حاکم عدل و عدالت فاطمه من دعا اِیتدیم نصیب اولسون شهادت اولمادی سن دعا ایتدون ولی اولدی اجابت فاطمه تک نه سن چاتدون اورکده مقصد و مقصودیوه قسمت اولدی محسنه فیض شهادت فاطمه سسلدون تا پشت درده فیضّه نی امدادیوه نچّه یول اولدوم دیریلدیم من او ساعت فاطمه کشمکشده همتون حاشا که خاطردن چیخا کیم بولر اِیتدون منه آیا نه نصرت فاطمه کوچه ده ای کاش اولیدیم منده اما اولمادیم اقتضا اِولدی منه اوندا مشیت فاطمه نصف شب غسلون ویرنده سرّون اولدی برملا قاتلون گوردوم ایدوب اوزگه جسارت فاطمه آیری بیر احواله قالدوم تا گوزوم گوردی یوزون جانیمی آز قالدی آلسین بو عبارت فاطمه ناگهان گوردوم حسن آچدی او کوچه صحبتین گورسنوب گویا قیامتدن علامت فاطمه مجتبانین قلبی غمدن اِیلیوب ایله وَرم عاقبت دلدن سالار بو درد و محنت فاطمه کاش حسینه اولمییدی ظلم ثانی برملا کربلاسینده اونون وار چوخ مصیبت فاطمه بیر اِیله احواله قالمیشدی بالالارون او دم گِتمیشیدی اللریندن صبر و طاقت فاطمه باغرینا باسمشدی کلثومی او دمده زینبون واردی بیر دنیا بویی اوندا لیاقت فاطمه همتین تنها اویرده اِیتمیوبدور بر ملا اِیلدی شام غریبانونده همت فاطمه بیر ایله شام غریبان حشره تک اولماز اولا آیری بیر عالم یارانمشدی او ساعت فاطمه سس ویروردی زینب و کلثومه هر دمده حسین قلبینی آلموشدی درد بی نهایت فاطمه سسلنیردی ای قویان آغلار بو عالمده منی اشک چشمیندن بیر آن اِیتموب قناعت فاطمه گر چه هیچ کیم گلمدی شام غریبانه اودم ماتمه ویردی حسینون آیری زینت فاطمه نوحه یاز بو ماتم عظماده آغلا ای #عتیق دستگیرون تا اولا روز قیامت، فاطمه #طهمورثی_عتیق

#حضرت_زهرا_س #زبانحال_امیرالمومنین_علی_ع ای ماه پر فروغ دل و خانهء علی جان رسول خاتم و جانانهء علی جانا شکسته نِی کیمی غمدن سیزیلداما رحم ائت منه،، سن ای دُر شاهانهء علی جانیم فدا او قلبه که کاشانه دور غمه تحمیل ایدوب او غملری بیگانهء علی بیر حاله قالموسان که باخاندا عذاریوه... ناله ایدور بو جمع حرمخانهء علی باخ گور نه وضع و حاله قالوب زینب حزین غمدن بیر آز قالور ئوله فرزانه علی سَسلور هاچان که زینبون ای وای منه آنا موجه گَلور سرشکیله پیمانه علی آلسان اگر منیم سَسیمی سَس یتور منه اود دوتدی یاندی بو دل شأن شانهء علی گئتمه سکوته فاطمه منله دانیش بیر آز بلکه صفا تاپا دل ویرانهء علی آهین سمایه اوج ایلیبدور او لحظه که... یاندی جفا الیله دَر خانهء علی سویله بولوم که نولدی اودم آستانه ده سیندی صَدفده گوهر یک دانهء علی قربانی ذبح ائدله ولی سقط اولوب بالام طعنه ویروب سِماعیله دردانهء علی خنجر اوتاندی کسمدی، مسمار اوتانمادی قانه بَلَشدی نو گل گلخانهء علی قلب امام عصری #عتیق ایلمه ملول قان آغلیور او عاشق مستانه علی

#حضرت_زهرا_س #زبانحال_امیرالمومنین_علی_ع ای ماه پر فروغ دل و خانهء علی جان رسول خاتم و جانانهء علی جانا شکسته نِی کیمی غمدن سیزیلداما رحم ائت منه،، سن ای دُر شاهانهء علی جانیم فدا او قلبه که کاشانه دور غمه تحمیل ایدوب او غملری بیگانهء علی بیر حاله قالموسان که باخاندا عذاریوه... ناله ایدور بو جمع حرمخانهء علی باخ گور نه وضع و حاله قالوب زینب حزین غمدن بیر آز قالور ئوله فرزانه علی سَسلور هاچان که زینبون ای وای منه آنا موجه گَلور سرشکیله پیمانه علی آلسان اگر منیم سَسیمی سَس یتور منه اود دوتدی یاندی بو دل شأن شانهء علی گئتمه سکوته فاطمه منله دانیش بیر آز بلکه صفا تاپا دل ویرانهء علی آهین سمایه اوج ایلیبدور او لحظه که... یاندی جفا الیله دَر خانهء علی سویله بولوم که نولدی اودم آستانه ده سیندی صَدفده گوهر یک دانهء علی قربانی ذبح ائدله ولی سقط اولوب بالام طعنه ویروب سِماعیله دردانهء علی خنجر اوتاندی کسمدی، مسمار اوتانمادی قانه بَلَشدی نو گل گلخانهء علی قلب امام عصری #عتیق ایلمه ملول قان آغلیور او عاشق مستانه علی

‍ ‍ #زبانحال_امیرالمومنین_علی_ع #دفن دفن اِیلدی بقیع ده علی اوز نگارینی بیر آه چَکدی قویدی مزاره عذارینی سَسلندی یات دعاوی خدا اِیتدی مستجاب یومدون گوزون چووردون علی روزگارینی دینجل گیلَن ایویمده منیم دینجلمدین ترک اِیلدون سن اِیندی که محنت دیارینی یخدون عم اوغلووون ایوینی اِیلدون خراب سالدون بو قلب زاریمه هجران شرارینی دوندردون اولماقونلا علینون دونرگه سین دور گور مزارین اوسته غم آشکارینی ایندی غمونده قلب ایوینی داغلیان منم عرشه یِتورموشم اورکیم آه و زارینی قربان اولوم او قلبه کی گیزلیندی غملری عالم رقم وورا بوله بولمز شمارینی نی تک سزلدورام نئیه بس ویرمیسن جواب اَلدن ویروب و یا کی علی اعتبارینی آخر نه گلدی دلده او مهر و محبته درک اِیت مزارون اوسته بو غملر دچارینی ترک اِیلیوب مزاریون اوستون گیدنمورم هجرون آلوبدی دیزلریمون اختیارینی الله بولور که قبره قویاندا نه چَکمیشم آچدوم مزاریوه گوزومون آبشارینی آغلار گوزوم ساتاشدی ایکی آشنا اَله آلدی او صحنه دلدن علینون قرارینی خجلت تری قارشدی گوزوم یاشینه منیم چَکدیم او لحظه من ایکی دنیا فشارینی سالدی گره گُشایه غریبه گره فلک یغمایه چَکدی ظلمیله دار و ندارینی بولمم بو یرده مسکن اِیدوم یا دوروم گیدوم من بی کسین چَکور بالالار انتظارینی گیدسَم یولوم او سن دوگولَن کوچه دن دوشَر بیر کوچه که خزان اِیدوب عمرون بهارینی زینب نواسی یدی فلکدن کِچوب بو دم سالسا اگر مزاریون اوستن گذارینی... اوندا یقین شور قیامت اولار به پا یاندیردی غم اونوندا دل داغدارینی دنیا بویی فراقیوه قان آغلیام گرک یاد ایلیم یامان گونومون غمگسارینی یاز نوحه آغلا بو غم عظماده ای #عتیق بو فعلیوین جهاندا اِیله افتخارینی #هیت_انصار_الحسین_تبریز #زبانحال_امیرالمومنین_علی_ع #مداح_حاج_یحیی_صادق_پور

#حضرت_زهرا_س #زبانحال_امیرالمومنین_علی_ع #غسل ویرنده فاطمه نین غسلونی امام زمان مصیبتین اثری اِیلیوبدی باغرینی قان امام آغلاماز عالمده شدت غمدن نه غَمدی خون دیلون ایلیوب عذاره روان باخوردی دیده حسرتله دلبره دلبر بسان بلبل مهجور ایدردی آه و فغان چمنده بلبل شیدا نجه قرار تاپار بهار فصلی گوره گلشنی اولوبدی خزان بیر اوزگه عالمیدی دودمان مولاده حرایم نبوی اولدی جمله سی نالان حسین فاطمه سسلوردی وای آنام ای وای دِیوردی دَردون اولوب قلب مرتضایه گران حَسن، حسین سسینه سس ویرردی آغلوردی حسین حَسن سسینه سس ویرردی ناله کُنان امام حُزن تمامیله نوحه خوان اولدی بویوردی اوخشا قیزیم آغلیاخ که ئولدی آنان علاوه دیل ددی دوتدی دیله بالالارینی که بلکه قمری غم آرتوق اولمیا نالان سکوت محض خلاصه اولوب او دم حاکم اگر چه فکرت زهرا ویروب امامه تکان بنا به عهد و وفا و وصیت زهرا وصیته عمل ایلوردی میر متقیان تهیه ایلدی اول دمده مغسله مانند یارالی دلبره ویردی او مغسل اوسته مکان قیتدی سویلدی اسمایه اولسا بیر پرده گتیر منه که بُولوم صحن خانه نی یاریدان که بلکه گورمیه اهلیم بو غملی منظره نی دوباره اولمیا زهرا بالالاری گریان گتیردی پرده نی اسما ویروب ولی حَقه بولوب اوصحنی ایکی قسمته امام زمان مصمم اولدی ویره یار یارینین غسلون مزاره تاپشورا زهرانی خسرو مردان ازل باشنداکی اُول معجری کنار ایتدی گوروبدی نقش دگر صورتینده اولدی عیان کمال حزنیله ایتدی نظاره صورتینه سرشکیدن اولوب آلوده عارض و دامان جمال اشگ نثارین قویوبدی دیواره اورکلنوب اوجادان آغلادی شه خوبان حزین سسیله ددی وای عم اوغلوا زهرا ویرور عوالمه بو نقش صورتون حِرمان اودور وصیت ایدوبسن گیجیله غسل ایله منی مزاریمه تاپشور اولونجا وقت اذان اودور دوتوردون علینی گورن زماندا یوزون بو نیسکیله یری وار اُود دوتوب اولام سوزان اگر بو فعل گوزومدن اوزاخ قالوبدی منیم مشیت ازلیدور، گرک اولا پنهان امام کون و مکانم واقف اسرار هانی ولی حقه آیری بیر امور نهان بَلی بلایه دیوب ابتلایه لا دئمدون جهاندا صبره فقط تکیه ایلدون هرآن قاپوم یاناندا جفایله شاهدم من اوزوم دیدون هرایمه گل فیضه عمروم اولدی تالان وصیت نبوی باغلامیشدی قولاریمی ایدردیم عالم امکانی یکسره ویران قاپی دالندا اولان ظلمه واقف محضم لزومی یوخدی ایدم شرحینی دوباره بیان معاینه گورونور زخم کاری مسمار یارالی، یاره آچوب گوز اولوبدی خون افشان نه نوعی غسل ویروم ایلیوم کفن سنی من تکان یِدوقجا بو جسمی یارالار آغلوری قان دوشوبدی مشکله مشکل گشا علاج ایله قالوب عم اوغلوی زهرا بو دمده سرگردان اوزون دعا ایله تا خشگ بند اولا یاراوی فدا اولوم سنه ای فخر فخر عالمیان نه یاتموسان گوزون آچ حیدرین یامان گونیدی هرایمه یتیش ای کشته ره قران یتوب عم اوغلوا عالمده چوخلی احسانون دوباره ایله بو دمده عم اوغلوا احسان سنی بو حالیله گورسه پیمبر رحمت یقین باشین آچار سَسلَنر سنه قربان سزادی گور سنی بو حالیله جنان اهلی مشاهده اِیده ای غمکشیده دوران مشاهده ایلسه گر سنی نه حاله قالار بو وضع و حالیله آیا او دم خدیجه آنان ((#عتیق)) جفِِّ قلم لازم خیالیمدور الونده خامه دل شبده آغلیور گینه قان #طهمورثی_عتیق