#وداع با ماه رجب دوباره سایه ی ماه کریمی از سرم کم شد به تعقیب رجب بودم که شعبان المعظم شد سلام ای ماه شعبان، ماه منجی، ماه پشت ابر که از مهرت ظهور حضرت قائم مسلّم شد رجب ماه علی(ع)، ماه محمّد(ص)، ماه زهرا(س) بود که با هجران هادی(ع)، ماه شادی محو در غم شد خوشا عطر امام باقر(ع) و جود "اباجعفر"(ع) که در ماه رجب، شیرازه ی اسلام محکم شد رجب یعنی وفا، یعنی وفات زینب کبری(س) که هر جا نام زینب بر زبان آمد محرّم شد جهان بی ماه شعبان رنگ آسایش نخواهد دید ببین بر درد دنیا، خنده ی آن ماه، مرهم شد دوباره خنده کردم، گریه کردم، تشنه جان دادم دوباره کربلا در پیش چشمانم مجسّم شد حسین(ع) و اکبر و سجاد(ع)، دلتنگ ابالفضل اند شگفتا شادی شعبان، محرّم در محرّم شد سر ماهِ بنی هاشم به روی نیزه ی خورشید سر خورشید، روزی پیش ماه هاشمی خم شد به شعبان می رسی دلتنگ ، شادان، نیمه جان ، زخمی دوباره باید آدم شد، دوباره باید آدم شد دوباره نیمه ی شعبان و دلتنگان بی تابش دوباره باید از چشم انتظاران همین دم شد

✔️وداع حضرت اباعبدالله الحسین علیه السلام ای یار و غمخواریم باجی زینب خداحافظ یاردو مددکاریم باجی زینب خداحافظ راه وفا و عزته قویدوم قدم زینب عهد الستی من گرک ایفا ائدم زینب نوبت منیمدور مقتله عطشان گیدم زینب ای پیر درباریم باجی زینب خداحافظ شهزاده اوغلوم دوغرانوب حالیم پریشاندی ششماهه عطشان سویگولوم مقتلده اوخلاندی عباسیمون جان وئرمگی بیر غملی عنواندی سن اول علمداریم باجی زینب خداحافظ سن سن کفیل عترتیم مندن صورا زینب گزمه رقیمدن اوزاق گئتسه هارا زینب بو قیزلارا قویما عدو قمچی وورا زینب یورقوندی قیزلاریم باجی زینب خداحافظ فیض شهادت تاپماقیم حقدن بشارتدی اگنیمده کی کوینک سنه یاخجی اشارتدی قسمت منه مقتل سنه بند اسارتدی روشندی اسراریم باجی زینب خداحافظ سرباز و سرداری ئولن شاه شهیدانم گل ئوپ بوغازیمدن گئدیم لب تشنه قربانم گؤزلور منی زهرا ننم زهرایه مهمانم گرم اولدی بازاریم باجی زینب خداحافظ ابوالفضل عباسی معروفان #ای_یار_و_غمخواریم_باجی #معروفان #وداع فایل صوتی👇👇👇 https://eitaa.com/Hazrate_Abalfazll

#وداع گوزومون یاشی یوزه بی جهت، بو دم اولمیوبدی روان حسین باخیشین بیر اِیله باخیشدی که، منی اِیلیوب نگران حسین باخیشین بو دَمده آلور منیم ، گوروسَن که تاب و توانیمی نجّه حاله سالدی خدا بولور، آپارور فراقه گمانیمی نًدی سِرّی فاش اِیله گئتمَمیش ، چوخ اوجاتما آه و فغانیمی بو وداع آخرین اولمیا؟ ایله شرح حالی بیان حسین باخیشیندا گورسنیری بو دم باجیوا اولان او مُحبتی بو جهان عاریة ده اونون،آنام اوغلی یوخدی که قیمتی ولی ای مسافر عرش حَق،باجیوین بو یرده دی صحبتی اِیدَسن خیامه رجوع، و یا، اولاجاخدی باغریمی قان حسین؟ اِیدورم بو فعلی که پرس و جو ، بولوسَن که دیلده نه علته؟ اورکیم بولور که چوخ آز قالور ، یِتَسَن مقام شهادته اِیلیوبدی عامل آنام منی ، بو مکاندا نچٓه وصیته عمل اِیلیم او وصیته ، یِتیشوب یقین او زمان حسین آزالوبدی اَللی اِیله یِته، اِیدورم بو محنته آه و زار چوخ ئولوب دوباره دیریلمیشم، بو غمه مدینه ده آشکار گورنور علایمی مو به مو،اِیله بیر یِتور باشا انتظار نَدی سرّمطلب اوزون بویور، اورکیمدن آلدی توان حسین اودی گول کیمی اوپوپ اِیگلورَم، بو سوسوز بوغازیوی من اَخا آنامون وصیتیدور ! گَرک ، اِیلیم بو عهدیمه من وفا اوپورم ولی دویا بولمورم ، طلبیم قتالیوه قُوی قالا... اوپَرم او دم که بوغازیوین ، قانی اِیلیر فوران حسین نگران قالما بَلشسه گر، آغاران بو ساچلاریمی قانا دوتارام مدینیه یوز او دم گّلرم نوایه من ای اخا دِیَرم هرایمه تِز یِتیش یَم غمده غوطه ورم آنا سَسیمی آلوب منه سَس ویرر، قاپیسی ستمله یانان حسین بو دیار پر غم و غصه ده ، آنام اوغلی فکریمه قالما سن دئمه آز قالور یانا خیمه لر ، او غمی خیالیمه سالما سن باخوب حسرتیله رقیه وه ، اورکیم قرارینی آلما سن بیله فکر ایدور گئدیسَن گینه گَلسن خیامه الان حسین سَنه یاریدن یتیشوب ندا،اورکون اولوب بیله بی قرار اولوسان وصاله سن ایندی که، آنام اوغلی عشقیله رهسپار فَرس وصاله گل ایلیوم،بو دیاریده من اوزوم سوار دئمه کاش اولیدی بو دشتیده،منه بو عنانی دوتان حسین هله زینبون سَنون ئولمیوب،من اوزوم سنی سالارام یولا منی قتلگاهیده سَسلسن،گَلرم بو زلفی یولا یولا نگران قالما داش آتسالا،داشیلان او مقتلی گر دولا چَکرم کناره او داشلاری،اِیدرم غمونده فغان حسین بولورم بو دشتیده ظلمیله ، اَل آچار جسارته اهل شام نه اِیدوم که عورته شرع دین ، اِیلیوب جهادی اَخا حرام هامی شخصه لازمه دور گرگ ، قویا حکم دینینه احترام قولومی بو مسئله باغلیوب، اولاجاخ بو چولده اولان حسین اورکیمده چوخدی سوزوم ولی ، سَنی چوخ یوباتمارام ای اخا بو سن ایندی بو ره عاشقی، بودا دشت پر غم و پر بلا بونا واقفم که گرک تاپا ، قَدر خدانی بو گون قضا نه یازوب مشیتیمیزده حَق اولاجاخدی عین همان حسین باجیوی دعا اِِیله دوش یولا، بو مکاندا ای شه مُحتشم ویر اجازه تَلی آشینجا بیر،اولا زینبون سنه هم قَدم بودی نیتیم گوتورم علم،سنیله او تَله کیمین گَلم گوره لر که تک دگوری هله،بو مکاندا شاه جهان حسین بو جهاندا صِدق دلیله گر، بیزه کیمسه نوحه یازا #عتیق اَل آتا او قاره داشا اگر، اِیلیر خدا او داشی عقیق او که خود نمالیق اِیدور او کس، دگوری جهاندا بیزه صدیق اِیدوری ریا بو خیالیله،ویرجاخ او شخصه امان حسین

‍ ‍ ❣﷽❣ ‍🎆 #سینه_زنی_امام_حسین ع 🔘 #ترکی #وداع 🎆 #محمدباقرمنصوری خداحافظ ای آنام باجی آغلاما یانا یانه رقیمی ساخلا من گیدیم جلوه گاه جانانه 🔘من گرک باتام قانه قان آخا بو میدانه یول چکم قزل قاندان خط سیر قرآنه گرک دیم خنجر آتدا من یاغفور و یا الله شهید اولام قتل صبریلن تشنه فی سبیل الله کسوک بوغازیله سسلنم لا اله الا الله جهاندا نابود اولا بت و بت پرست و بتخانه 🔘من گرک باتام قانه قان آخا بو میدانه یزیددن بیز آلاق گرک حق خلق محرومی خلاص ایدک قید ظلمیدن بیگناه و مظلومی همیشه لیک باطل ایلیک شایعات مسمومی جهانی بو انقلابیلن دوندرک گلستانه من گرک باتام قانه قان آخا بو میدانه یزید اگر صحبت ایلسه تاج زر نشانندن شمادت و طعنه باشلاسا فتح داستانندن ورارسان ئوز مشت محکمون هرزه گو دهانندن کفایت ایلر اومشت ئوزی مغز پوچ مستانه 🔘من گرک باتام قانه قان آخا بو میدانه گوزل باجیم شیرزن باجیم یاوریم هواداریم ئولوب عباسیم علم یاتوب سنسن ایندی سرداریم بو قانلاری قویما محو اولا قهرمان علمداریم مبلغ اول شام و کوفه ده مکتب شهیدانه 🔘من گرک باتام قانه قان آخا بو میدانه شهادته مایلم باجی من بیر امتیاز اوسته دعا ایده قانلی لبلریم شیعمی نیاز اوسته نمازی پاینده ایتمگه باش ویرم نماز اوسته منازلی سجدگاه ایدم مسجدی عزاخانه 🔘من گرک باتام قانه، قان آخا بو میدانه بویولاردا جان سنون باجی جان یتیمه قزلارین مواظب اول مقصده یتور ناخوشیله بیمارین دمشقیده سنگر ایلیون سیز خرابه دیوارین مبارک اولسون رقییه پایتخت بیگانه 🔘من گرک باتام قانه قان آخا بو میدانه فلک دیمور آل هاشمون ایولرینده کیم قالدی بیزی وطندن آیرماقا بیلمورم نه کام آلدی بو نازپرورده قزلاری گتدی چولره سالدی بیرعده سین کربلایه بیر عده شام ویرانه 🔘من گرک باتام قانه قان آخا بو میدانه خطرلیدور بوسفر باجی همت ایله یولاردا یتیملره حق رضاسینه خدمت ایله یولاردا ربابیدن چوخ خجالتم حرمت ایله یولاردا مباد اوغول داغی سخت اولا یوز قویا بیابانه 🔘من گرک باتام قانه، قان آخا بو میدانه ✍زنده یاداستادمنزوی اردبیلی 🌹هدیه به حضرت معصومه سلام الله علیها (صلوات)🌹

سینه زنی _امام حسین #وداع #ترکی #محمد باقر منصوری