🍃🌷دوشنبه خود را ‌معطر کنید به ‌عطر خوش صلوات بر حضرت مُحَمَّد (ص) و خاندان مطهرش🌷🍃 🌺🍃🌷اللّهُمَّ‌صَلِّ‌عَلي 🌺🍃🌷مُحَمَّدوَآلِ‌مُحَمَّد 🌺🍃🌷وَعَجِّل‌فَرَجَهُــم 🍃سلام دوشنبه تون مملو از معجزات الهی

نبش قبر حضرت زهرا (س)   ( انور اردبیلی) #ترکی قلم عاشقدی زبس حضرت زهرا آدینا باشلیور مطلبی صدیقه ی کبری آدینا بیر نچه کلمه یازا مفخر لعیا آدینا مام سبطین آدینا اولسا سرآغاز سخن وار امیدیم قلمیم ایلیه اعجاز سخن فاطمه آدی گلن مجلسین عزّت واریدی ارزیابی ایلین یوخدی نه قدرت واریدی حجّت قائم آل اللهه نسبت واریدی آغلیوب آغلادانا شخصاً اوزی ناظر اولار آنانین آدی گلن یرده اوغول حاضر اولار اوزی تاپشورموشیدی دفنی اودور قالدی گجه مرتضی گنج حیانی اوزی دفن ایتدی گجه دفن ایدندن صورا بولمم ایوینه گلدی نجه صبحه تک یاتمادی نوحه ایلدی اوز اوزونه یارین الدن ویره هر کیم یوخی گلمز گوزونه صبح آچیلدی چاغیروب اوغلون او خلّاق سخن آناوین ماتمی دور آچ قاپونی اوغلوم حسن بلکه پیغمبره خاطر بیزه ده اولدی گلن گیتدی زهرا اطاقیم محبس ظلمتدی منه کیم بو محبسده تسلّی ویره منّتدی منه مجتبی شخصاً اوزی آچدی او یانموش قاپونی ظلمیدن توستوسی افلاکه دایانموش قاپونی ایتمه ایراد دیسم قانه بویانموش قاپونی نکته باریکدی بو مطلبی هشیار بولر سینه ی حضرت زهرا ایله مسمار بولر باب ماتم آچوقیدی او گون اهل وطنه مرتضی شخصاً اوزی منتظریدی گلنه گلن اولمادی خطاب ایلدی اوغلی حسنه بیز بو یثربده غریبوق، قاپونی باغلیاقون ویره گون باش باشا ایوده اوزوموز آغلیاقون بزم ماتم بولوسوز زینتی دور هر اُلنون کیمی بیزدن صورا بو شهریده وار فاطمه نون بلبلی زینبیم اولسون بو سارالموش چمنون من اوزوم گرچه حسن اهل سخن سروریم بو شیرین دل باجیوین سوزلرینه مشتریم دورت بالا، بیر آتا زهرایه قوروب بزم عزا روح پیغمبر خاتمده قوشولدی اولارا ناگهان صحن سراده ایلدی فضّه صدا یاعلی تیر ستم قلبیوه آز قالدی ساچا ثانی ایستور خانموم فاطمه نین قبرین آچا فضّه نون غملی سوزی زینبی ایتدی نگران ایاقا دوردی یریندن چکوب ال اوخشامادان ذوالفقاری گتیروب گلدی بیانه باباجان چوخ یوبانسان بولوسن سمت بقیعه قاچارام آنامون قبرینه ال دگسه اگر باش آچارام گیچدی دیباچه ی سوز مطلبیمه ملتفت اول بو گریزی یازورام قلب ایلیور وحشت و هول زینبی واهمیه فضّه سالوبدور ایکی یول بیری یثربده ایشیتدور بولورم دقّتیله بیریده کرب و بلاده ایشیدون رقّتیله اسرانی باشینا یغمیشیدی زینب زار فضّه گلدی الی باشدا اوزی بی صبر و قرار قلب لشکرده چکور کوفه نین اهلی دیدی جار سوزی پردیله دیوم ایش چتینه یتدی خانم آتلارین نعلینی دشمنلر عوض ایتدی خانم دیدی فضّه کیمیمیز وار بیزیم امداده گله مرتضی یوخدی بو چولده آلا شمشیرین اله اگلشون سیز، یتوروم من اوزومی تلّه هله الی باشدا دایانوم قانلی بیابانه باخوم حرکات سپه فرقه ی عدوانه باخوم چخدی تلّ اوسته نظر سالدی جفا لشکرینه کوفه نین ملّتینی گوردی دگوب بیر بیرینه دقّتیله قولاق آسدی اولارین سسلرینه بولدی شورشدی قوشون ایچره اوجالموش غوغا حرّون ائل طایفه سی ایستیور ایتسون دعوا آرادان گیتدی دیولّر داخی ملّیّتیمیز سیزون آت چاپّاقوزا یوخدی بیزیم صحبتیمیز ولی حرّیله بیزیم وار بولوسوز نسبتیمیز بی تعصّب دگیلوق آدیمیز اولسون رسوا بو عملدن ایده سوز حرّی گرک مستثنی سعدین اوغلی ایله که مسئلیه اولدی خبیر آز قالور گوردی دوشه لشکره بیر جنگ کبیر امر ایدوب شورش ایدن قومه او ناپاک ضمیر سیزه من عفو ایلدیم حرّی گیدون کفن ایلیون هارانی ایسته سه گوگلوز آپارون دفن ایلیون حرّون اقوامی گلوب دوره لدی رهبرینی قتلگهدن گوتوروبلر یارالی پیکرینی باخدی زینب اولارا قان ایدوب اشک ترینی گوردی عزّتله یولا دوشدی حسینون قوناقی کثرت عشق و تعصّبدن اسوب دل دوداقی دیدی حرّین واریدی بوردا حمایت ایدنی حمل ایدوب قویمادیلار زحمته دوشسون بدنی کمک اولسیدی حسین قویمازیدیم یرده سنی کیم آدامسیز اولا رخسارینه گوزیاشی آخار چاره سیز قالسا باجون تک گوزی اطرافه باخار هر باجی لازمه دور حامی اولا قارداشینا اولماسا خدمته آماده کول اولسون باشینا باجیوین رحم ایلین یوخدی حسین گوزیاشینا اورگیم پارچالانوب دردیمی هیچ کیم بولمز نیلیوم دشمنه یالوارماق الیمدن گلمز مقتله یوخسا گتورّم قره معجرلریوی یالواروب دشمنه آلّام یارالی پیکریوی دوتاروق مرکز میدانیده دور و بریوی گوتورر نعشیوی یردن بو یورولموش نفرات قائل اولّوق سنه ده حرّ کیمی تشریفات نه باخان واردی بیزیم ناله ی جانکاهیمیزه نه یانان واردی حسین اشکیمیزه آهیمیزه بیز سنی تاپشوروروق بیر اولان اللهیمیزه بوندان آرتوق نه روا فاطمه نون قلبی یانا یارالی سینوین اوستونده سنون آت دولانا ایستیور کوفه نین اهلی ایده بیر ظلمه قیامت ویره لر تند روش آتلارا مقتلده لجام قاریشا خاک شِفایه شهدا عضوی تمام دوغرانان جسمیوه سعد اوغلی اهانت ایلیه اهل اسلامه نصاراده شماتت ایلیه

نوحه حضرت زهرا سلام الله علیه در سبک گلمیشم فغانه آغلارام  بقیع ده  یانه  یانه زهرا گلمیشم غمونده منده جانه زهرا یاتما دلبریم یاتما دور علینی آغلاما آی یارالی زهرا وای یارالی زهرا دوقوز ایل ائویمده هر غمه دایاندون حیدر آغلیاندا خوابیدن اویاندون پشت درده آخر قانیوه بویاندون فاطمه گلوم سولدی دورد بالام یتیم اولدی آی یارالی زهرا وای یارالی زهرا کاش وفالی زهرا دردیوی بلیدیم آغلیاندا گزلین گوزیاشین سلیدیم سن ئولن زماندا منده کاش ئولیدیم ئولمدیم عجب قالدیم قبرون اوسته یول سالدیم آی یارالی زهرا وای یارالی زهرا فاطمه علینون یوخدی بیر یانانی گئتدی دیزلریمون  طاقت و  توانی قویموشام مزاره سن کیمی جوانی غم یلی اسور زهرا صبریمی کسور زهرا آی یارالی زهرا وای یارالی زهرا ائوده آغلاسام من آغلیار اوشاقلار سینه داغلاسام من آغلیار اوشاقلار قاره باغلاسام من آغلیار اوشاقلار چولده آغلارام زهرا سینه داغلارام زهرا آی یارالی زهرا وای یارالی زهرا فاطمه مزارون بی نشان قالوبدی زینبین بو غملر صبرینی آلوبدی مرتضانی  اما  چوللره  سالوبدی درد محنته یانٌام اود دوتوب الولانام آی یارالی زهرا وای یارالی زهرا یاز(جواد) علینون محنت و ملالین ویردلار ائوینده باغری  قان عیالین تپراق اوسته یازدی گوزیاشیلاحالین فاطمه  منی  آتما دور علینی آغلاتما آی  یارالی  زهرا وای یارالی زهرا

آچ گوزللریوی بیرده باخ مرتضایه زهرا یالقوزعم اوغلوی دور تاپشورخدایه زهرا لای لای امیدحیدر لای لای وفالی همسر ایله حلال علینی لای لای حسینه مادر ایوای یارالی زهرا لای لای یارالی زهرا ثانی آلوب غدیرین حیدردن انتقامین پیغمبرین اورکدن سلب ایلیوب قرارین هیزوملاویردی ظالم پیغمبرین نگارین گوی اهلی گلدی یکسر ماتمسرایه زهرا دنیاده بوعلینون یوخ بیرکسه گمانی قویماعلینی یالقوز دای قالمیوب توانی بیرده عم اوغلی سسلن سن بیل حسین جانی دورقیل نماز صبری شیرخدایه زهرا ای اللهین عزیزی گویللرده عزتین وار یدی فلک ستونی منصوره شهرتین وار کرسی وعرشه زینت جنتده رتبتین وار نورین ویریبدی زینت عرض وسمایه زهرا سنن صورا یتیمللر نازین چکممرم من ایوای ننم دینده زینب دینممرم من بغض ایلسه حسینیم اشکین سیلنمرم من دورت نازدانئیله گلم نوایه زهرا دور ای بهارحیدر دونمه خزانه زهرا توصیف عشق و غیرت گلمور زبانه زهرا محنت ویریب اورکده تازه جوانه زهرا منلن گوتورگولن ال ایندی دعایه زهرا ای مام زینبینیم دیندیر امامی بیرده ال قوی بو سینمه اوسته آرتوردوامی بیرده سنن صوراکیم آلسین منن سلامی بیرده سنسیز بوتون امیدیم گیتمیش فنایه زهرا بو مرتضایه ویردی خاتم سنی امانت دست قضادوزتدی اما منه شرارت صورتده سیلی ردی سینونده قان علامت صدمه یتوبدی نینیم قد رسایه زهرا یاندی قاپیم اوگونن چوخ دوشموشن فشاره امرحقیدی یانسون باب بتولی ناره حیدر اوگون قوجالدی قان ایلدی فواره ای کاش اوگون ایدیدون منن گلایه زهرا امروصیتوندی قبره گیجه گیدرسن تاحشرجن مزار مخیفیده گیزلنرسن مظلوم علینین هردن سن خوابینه گللرسن گل ویرتسلی منتک دردآشنایه زهرا سن بیل خانوم اوگونللر اشک فشان زینب ایوای نه نه دیردی هرآن زبان زینب باخ بورجبیده سن بیل فغان زینب لطف ایله بلکه گیتسون کربوبلایه رهرا

﷽ «نوحه قدیمی» از استاد حاج ولی الله کلامی زنجانی ــــــــــــــــــــــــــــــــــــــــــ زبانحال حضرت علی علیه السلام در شهادت حضرت زهرا علیها سلام ــــــــــــــــــــــــــــــــــــــــــ غمون علینی ایلدی غم آشناسی فاطمه گَتوردی تنگه سینمی سینون یاراسی فاطمه بو رسمیدور که اهل دل دل اهلینون سسین تانور دلیمده سسلورم آدون دل ملائک اودلانور جواب ویر بو بی کسه اورگیمون باشی یانور دانیش که تا اله گَله اورک رضاسی فاطمه علینون حقّی وار اگر هی آغلیوب ملول اولا فنا جهاندا قورخورام بو زندگیده طول اولا قالینجا کاش تیز ئولم مرام دل حصول اولا که یوخدی سنسیز عالمین منه وفاسی فاطمه گونوزلر ایوده اگلشوب یانان قاپینی باغلارام یتیم اوشاقلاریم باخار دیزیمی من قوجاقلارام هامی ایوه گیدن زمان گَلوب بقیعده آغلارام بقیعده سنله دفن اولوب ایویم صفاسی فاطمه بجادی روز و شب منیم سرشکیم آخسا دامنه زمانه ایلدی سنی نشانه تیر دشمنه نه اولدی دردیوه دوا نه قالدی محسنون منه الیم بلیمده قالدی ای الیم عصاسی فاطمه نیه دانشموسان داخی بو رازداره رازیوی؟ علی ئورکده ضبط ایدوب نوای جان گدازیوی اذان چاقیندا زینبون آچاندا جانمازیوی گوزیمی آغلادار اونون هر اوخشاماسی فاطمه منی قوجاتدی ئولماقون اورکده تاب قالمادی تعجّبم نیه اجل بو جانی مندن آلمادی باشون غمی آزالمادی یارالارون ساقالمادی شماره گَلمدی سنون باشون بلاسی فاطمه دور ای حبیبه ی خدا منیله سینه داغلیاق یانقلی آهیلر چکاق عذاره اشکی باغلیاق ویراق بو چولده سس سسه حسینه باهم آغلیاق حسینیمون سولوب یوزی ئووب آناسی فاطمه بو بس دگول که اهل کین اهانت ایتدیلر سنه بو بس دگول توکولدولر در ولیّ ذوالمنه گیچنده ایندی کوچه دن سنی ووران گولر منه دعا ایله ئولوم داخی دلون فداسی فاطمه ای عشقباز ممتحن منیمده عشقه خو واریم کلامی یَم سیزه گوره یوزومده آبرو واریم بو درگهه یخلمیشام ئورکده آرزو واریم دوتوبدی پاک دامنون قاپون گداسی فاطمه ــــــــــــــــــــــــــــــــــــــــــ مأخذ: عاشقان شهادت تاریخ انتشار: ۱۳۶۴ ــــــــــــــــــــــــــــــــــــــــ

او زمانیکی یوخیدی هله خلقتدن اثر نه دوزلمیشدی سماوات و نه شمس و نه قمر نه ملائک واریدی عرشیده نه یرده بشر قوی دیوم ذات خدا اوندا نه اعجاز ایلدی دئدی "یافاطمه" ئوز خلقتین آغاز ایلدی

#نوحه_جدید ▪️زمزمه هیئتی و مسحدی ✍بقلم حاج علی سیفی افشار 🎼اجرای سبک: #بانوای_حاج_علی_سیفی_افشار ۱۴۰۳/۸/۲۷ ای چاره سیزلر چاره سی پیغمبرین مه پاره سی الله سنی خلق ایلیوب علامه لر علامه سی یافاطمه یافاطمه(۲) زهرا آدی سینم ده دی عشقی بیزه زیبنده دی الله آند اولسون خانم آدون همیشه زنده دی یافاطمه یا فاطمه(۲) چوخلی بلا گوردو باشین جاری اولوبدی گوزیاشین ثانی ووراندا کوچه ده حیف اولمادی بیر قارداشین یا فاطمه یا فاطمه(۲) بو پرچمین اللرده دی عاشقلرین چوللرده دی مولایه آند اولسون خانم زهرا آدین دیللرده دی یا فاطمه یافاطمه (۲) عقشین خانم بو باشدادی عاشقلرین داغ داشدادی هیئتی لر بیلسین بوگون اجرت فقط گوز یاشدادی یافاطمه یا فاطمه(۲)

روضه حضرت زهرا(س) بسم الله الرحمن الرحیم چرا زیوسف زهرا خبر نمی آید؟ چرا غم شب مارا سحر نمی آید؟ عزیز فاطمه مهدی بیا به مجلس خود مگر به روضه مادر پسر نمی آید؟ سن گلمسون بو مجلسین اولماز دوزی دادی زهرا ننون گلر سوروشار اوغلوم هاردادی؟ آقا به جان مادرت، آن مادر غم پرورت مارا مرانی از درت، یابن الحسن یابن الحسن آقا هلالی قاشیوه، اوچ یوز اون اوچ یولداشیوه گلسون دولانوخ باشیوه، یابن الحسن یابن الحسن یابن الحسن یابن الحسن(۴) تار موی تو به دنیا ندهم یا زهرا خاک کویت به ثریا ندهم یا زهرا آن در سوخته را که در عرش خداست به در جنت العلی ندهم یا زهرا آن قنوتی که به یک دست ادایش کردی به نماز شب اسرا ندهم یا زهرا ای بنازم شرفی را که به هستی دادی به دو عالم شرفت را ندهم یا زهرا ای عالم اسلامین صبحونده صفا زهرا امدادایله اسلامه یافاطمه یا زهرا ای احمد مختارین دلبسته ودلخواهی گون عرش جلالونده بیر نقطه دی واللهی گون نقطه اولان یرده آیدان نه دیسین شاهی شاهی سنی وصف ایلر نه شیخ وشهنشاهی سنسیز نیه لازمدی شعر وشعرا زهرا سن صبح ولایت سن،سن عمر امامت سن سن روح کرامت سن،سن عین عبادت سن سن کوثر رحمت سن،سن جوهر عصمت سن سیلی سنه نئیلر سن،باشدان باشا غیرت سن قلبوندی  سنون مکه،دردوندی منا زهرا فاطمه مشتاقی گرچه درد و سوز و داغ اولار فاطمه مشتاقینی آتسان اوتا اوت باغ اولار سن چراغ رهنماسن جانلارا یا فاطمه سنسیز انسان غرق اولار اعصیانلارا یا فاطمه سن منه بیر یول بویورسان ای گدای درگهیم تا عبد ناز ایلرم سلطانلارا یا فاطمه آی گویلره یردن چوخ آوازه سالان احسن سن آتشه امر ایتسون اول گلشن، اولار گلشن بسدور سنه بو منصب ای قلبی یانان غمدن سلطان شهیدانی سن تربیت ایتدون سن سن محشر کبراسن یا کرب وبلا، زهرا؟ اوجالدی شعله سرشک ملال توکدون سن حیات گلشنیوه بذر ماتم اکدون سن قاپی دالندا خانم بولمورم نه چکدون سن بونا امام زمان آشنادی یا زهرا (خانم یوزون دولاندردی زینبه) اوحالدا آچدی گوزون مادر قبیله عشق بویوردی زینبینه قوخما ای عقیله عشق غم ایتمه گر آناون غم سراسی واردی قیزیم سولوبدی یاسمنی بزم یاسی واردی قیزیم یازم بلیمیش اویمده سنا قابرقالارم الیوی سینمه ورما یاراسی واردی قیزیم دیمه بو شهریده یوخ بیر کسی غریب آنامین هله غریب آناوون مرتضاسی واردی قیزیم الیمی دوت دولانوم بیر عمواغلومون باشنا طواف کعبه عشقون صفاسی واردی قیزیم باش آچما باشیمون اوستونده ای فرشته غم سنون باش آچماقوون ماجراسی واردی قیزیم بو قدری آغلاما زینب توکمه گوز یاشیوی قاباخدا قارداشیوون کربلاسی واردی قیزیم (اما زینب یوزون دولاندردی ننه سی زهرایه ننه بولورم نه دیرسن) گوز آچ یاتما ننه آغلور حسینین آغلور حسینین غمونده سینه سین داغلور حسینین داغلور حسینین قاباخدا وار منه چوخ غملی گونلر چوخ غملی گونلر اوچولده سسلرم مظلوم حسینیم مظلوم حسینیم نجه طاقت گتیریم قمچیلره دوزه بولمم ننه جان قمچیلره قاپیوی یاندران اعدا بولورم وراجاخ اوت ننه جان خیمه لره زینب سنه قربان ننه قلبیم اولوبدی قان ننه لای لای ننه لای لای ننه

#حضرت_زهرا_س #زبانحال_امیرالمومنین_علی_ع ای ماه پر فروغ دل و خانهء علی جان رسول خاتم و جانانهء علی جانا شکسته نِی کیمی غمدن سیزیلداما رحم ائت منه،، سن ای دُر شاهانهء علی جانیم فدا او قلبه که کاشانه دور غمه تحمیل ایدوب او غملری بیگانهء علی بیر حاله قالموسان که باخاندا عذاریوه... ناله ایدور بو جمع حرمخانهء علی باخ گور نه وضع و حاله قالوب زینب حزین غمدن بیر آز قالور ئوله فرزانه علی سَسلور هاچان که زینبون ای وای منه آنا موجه گَلور سرشکیله پیمانه علی آلسان اگر منیم سَسیمی سَس یتور منه اود دوتدی یاندی بو دل شأن شانهء علی گئتمه سکوته فاطمه منله دانیش بیر آز بلکه صفا تاپا دل ویرانهء علی آهین سمایه اوج ایلیبدور او لحظه که... یاندی جفا الیله دَر خانهء علی سویله بولوم که نولدی اودم آستانه ده سیندی صَدفده گوهر یک دانهء علی قربانی ذبح ائدله ولی سقط اولوب بالام طعنه ویروب سِماعیله دردانهء علی خنجر اوتاندی کسمدی، مسمار اوتانمادی قانه بَلَشدی نو گل گلخانهء علی قلب امام عصری #عتیق ایلمه ملول قان آغلیور او عاشق مستانه علی

زبانحال حضرت فاطمۀ زهرا علیها سلام (سبک : ای ویرن ویرانه یئرده ...) باغبانم باغ عشقه دویمادیم اوز گول لریمدن بو غمه بلبل لر آغلار آیری دوشسم ائل لریمدن باب کینه مِحنت و غم تا آچیلدی باغبانه دست ظلمیله ویرولدی سیلی و هم تازیانه من بتول مصطفایم همسر شیر خدایم من گل باغ رسالت خار الینده پرپر اولدوم یاندی درگاهیم یاناندا ابرتک آلامه دولدوم پشت درده تا یخیلدیم گول کیمی اول یرده صولدوم یوز کبود بو سینه ده وار سوزش مسمار یاراسی قویدی مادرسیز جهاندا زینبی ثانی جفاسی من بتول مصطفایم همسر شیر خدایم داندولار مولا علینون حقینی درده دچارم من ولایت اوسته محزون هرگیجه شب زنده دارم من مرید شاه مردان شهریار تاجدارم سسلرم گلسون او مولا گویلومی بو یرده آلسون ایلسون قرآن تلاوت غصه و دردیم آزالسون من بتول مصطفایم همسر شیر خدایم عمر کوته ده من آچدیم مکتب عشق و محبت ویرموشم نسوانه درس عفّت و حُجب و دَیانت حیف مثل لیلۀ قدر قدریمی بولمز بو اُمّت خسته جسمیم نصف شبده تا گیده تاریک قبره بش بالام آغلار سرشکین اوخشادار بیر قاره ابره من بتول مصطفایم همسر شیر خدایم ربِّ گلهای امیدم باغ حُسنون باغبانی اورگدن درس حجابی فکر و بینش هم بیانی بسلیین آغوش نازه دین فدا و قهرمانی بو حسین شمع حقیقت عشقینه پروانه زینب دور شمعه یاندورار پر عاقل و فرزانه زینب من بتول مصطفایم همسر شیر خدایم ثانی تا اود ویردی یاندی باب وحیه من دایاندیم زخمدار اولدوم قاپومدا قانیمیله من بویاندیم کربلانون محنتیندن بو غمی من سهل ساندیم وار باشوندا بو حسینون کربلانون ماجراسی یوم عاشوراسی الده اوخلانان عطشان بالاسی من بتول مصطفایم همسر شیر خدایم وار نقدری ((عدلی)) عمرون الده خامه فرصت ایله عشقینی قلبینده هتک ایت نوحه سین یاز هِمّت ایله نوحه خوان اول بزم غمده درگهینده خدمت ایله توک گوزون یاشین عذاره آغلا آغلات عاشقانی جمع ایدیم گوز یاشلارون من سنده اول بوامره بانی من بتول مصطفایم همسر شیر خدایم ** حاج اصغر فرشچی (عدلی تبریزی )

🖤ایام فاطمیه 🌴تا سینه را شکستند 🌴دست امام را بستی حاجی سید محمد عالمی روضه سیه زنی ترکی