عرض ادبی خدمت رئیس جمهور شهید آیت ا... سیّد ابراهیم رئیسی (ره) و شهدای همراه
(با آهنگی ساده و محزون)
ای پِیروِ ولایت
یانیبدی قلبِ اُمّت
خوشا سنون حالیوه
نصیب اولوب شهادت
شهیدِ راهِ خدمت
شهادتون مبارک
غَمون آغیر غم اولدی
سایه ن نه تِز کَم اولدی
گَلدی خبر گیدیبسن
ذکریم دمادَم اولدی
شهیدِ راهِ خدمت
شهادتون مبارک
ای رهبره گوزل یار
ایتدون بیزی عزادار
گیتدون نه تِز وطندن
چوخ گوزلر اولدی آغلار
شهیدِ راهِ خدمت
شهادتون مبارک
ای راهِ حَقده باقی
سَنگین اولان فراقی
اولدون سن عاقبتده
موسی الرضا قوناقی
شهیدِ راهِ خدمت
شهادتون مبارک
حَق اوسته چوخ چالیشدون
سن ملّته قاریشدون
خدمت یولوندا آخر
یاندون عجب آلیشدون
شهیدِ راهِ خدمت
شهادتون مبارک
سَدِّ غَم ایتدی سَرریز
غَم دیلدن اولدی لَبریز
اَلدن ویریب آتاسین
واقِعده اَهلِ تبریز
شهیدِ راهِ خدمت
شهادتون مبارک
گَلمز سنون سُراغون
تَک قویمادون قوناغون
جنابِ آلِ هاشم
قالدی اورکده داغون
شهیدِ راهِ خدمت
شهادتون مبارک
گُل تَک اگر سارالدون
دیللرده زنده قالدون
ا... سنی بَیَندی
اِخلاص مُزدون آلدون
شهیدِ راهِ خدمت
شهادتون مبارک
#امام_رضا_علیه_السلام
#ثامن_الحجج
#شهدا
#رئیسی
#آل_هاشم
التماس دعای فرج
الاحقر مهدی عبادی
در رثای شهدای خدمت آیت ا... رئیسی و همراهان شهیدش
(به شُکوهِ عَلَمِ تو دل سِپُردم)
دیللره دوشدی گینه آتشِ حسرت
تازه دن یاندی دلِ اهلِ ولایت
وار دلیلی آخوری گوزیاشی گوزدن
واردی مجلسده گینه بویِ شهادت
مَشامیمه ، گلدی گینه عطرِ شهید
اورکلره ، صفا ویرر ذکرِ شهید
سلام اولا ، شهیدِ راهِ خدمته
سلام اولا ، فداییِ ولایته
سیّد ابراهیمه وار چوخلی علاقه
حیف اولا سالدی قضا ، بیزدن اوزاقه
یِری راحتدی یقیناً بونا سوز یوخ
او گِیدَندن یانیروخ نارِ فراقه
رَئیسیه ، صَداقَتی ویردی نَجات
شهادتی ، ویردی اونا تازه حَیات
شُهدا عشقلرین ایلیوب اِثبات
هرکَسه اوز قَدَری اولدی عنایات
دوزدی عالِم لره یِر وار گوزوم اوسته
آلِ هاشم ولی تکرار اولا ، هِیهات
دیسَم اگر ، خطا دَیور بو صُحبتیم
اوزی گیدوب ، ایدیبدی تبریزی یَتیم
بیر گُلُستاندی شهادت گولی سولماز
هَر کَسه نامِ شهیدی دیماق اولماز
مالکِ رحمتینی یاده سالوم گور
گوزون اَشکیله دولار ، گورنجه دولماز
چَتین یولی ، صدقیله آسان گیتدی
جوانیدی ، اکبره مهمان گیتدی
کِذب اولوب چوخلارینا ،شرطِ سیاست
چوخ سیاست لی لرین یوخدی دیانت
چوخ وزیر ایندیده وار ، خدمته مشغول
گیچن ایل تاپدی بیری فیضِ شهادت
چوخ ایسته رَم ،شهیدِ عالی جاهی
او با صفا ، اَمیرِ عَبدُاللهی
#شهدا
#رئیسی
#آل_هاشم
التماس دعای فرج
الاحقر مهدی عبادی