جعفر مطلبی #زبانحال_حضرت_زینب_بربالین_مادر #نوحه_زبانحال #اوخشاما الهی بو شب هجران ننم زهرا دن آیریلدوم منه دونیا اولوب زندان ننم زهرا دن آیریلدیم گووزم یاشی اولور جاری شب ظلمت گئجه یاری آتام حیدر قالوب تنها بیزه ایلور دی دلداری آتامدی قلّه ی ایمان ننم زهرا دن آیریلدیم آتام غسلین وئرور تنها گئجه گیزلین قرانلوقدا آتام غسل ائدسی زهرانی کمک لیک ایلیور اَسما یاراسون گورموشگ الان آنام زهرا دن آیریلدیم منافق لر چموش اولدو ننم مسماره توش اولدو چراغِ خانه ی حیدر بوظلم ایلن خموش اولدو دوتوبدی عمرونی طوفان ننم زهرا دن آیریلدیم اوگوندن کی قاپی یاندی ننم اُوتدا الو لاندی عیان اولدی ننم قالماز نئچه گون بیزده مهماندی قیتمز بیرده بو مهمان ننم زهرا دن آیریلدیم بابام مظلوم اولار دهره ننم گیزلین گئدور قبره آتام حیدر جلال ایلن منی دعوت ائدور صبره من اولدوم صابر دوران ننم زهرا دن آیریلدیم الهی سن یئتوش داده اوشاقلار گلدی فریاده منه خوش گون تمام اولدی اُزوم گولمز بو دونیاده الهی قالمشام حیران ننم زهرا دن آیریلدیم سنه من آغلارام زهرا یارا وی با غلارا م زهرا نقدر عمرایلسم سن سیز سینمی داغلارا م زهرا ئوزوم گولمز منیم بیرآن ننم زهرا دن آیریلدیم (#سعیدی)

‌‌💐🍃🌿🌸🍃🌾🌼 🍃🌺🍂 🌿🍂          🌸 #در_وصف_پدر رسم دنیا بئلدی هر ائوه سلطان #آتادی غزلیم آخر ینه واژه ی پایان آتادی گوگلیم ایستور قاباران ال لرینی نظمَ چکم قاباران ال لر ائلن سفره لره نان آتادی ائوده آذوقه تاپاماز ئوزونی سیر ائلیه تک قالاندا ائوینه فکر ائله مهمان آتادی ائوین اهلی نه زمان دوشسه اگرچه خطره گئجه لر یاتمیا جاق عالی نگهبان آتادی آتالار سقّلینه بوسه وورون بو گئجه لر بو ادب رسمیدو دنیاده #سلیمان آتادی بایرام اولسا هامونون تازه لباسن آلاجاق یری واردور که دئیم طاهر عریان آتادی مُحرِم اول حاجی کیمن گئد آتاون محضرینه معرفت اهلی بیلور قبله ی جانان آتادی معرفت درسی وئرر هربیر آتا ئوز ایوینه معرفت درسنه بیر حلقه ی عرفان آتادی هرکیمن دردی اولا چاره ودرماندی آتا ولی ئوز دردین ائدن خانه ده پنهان آتادی دهریده کسرت وغم هرکیمی یورسانه زمان مرهمون تاپماسا گرحضرت #لقمان آتادی زال ورستم اوزو افساندی حتما بیلوسوز گزمه سن رستمی بورستم دستان آتادی ائوده صادق دولانار اهل وعیالون باشنا شمع وپروانه کیمن شعله ده سوزان آتادی سجده اولسایدی اگر غیر خدا بیر نفره من یازاردوم که همین سجده یه شایان آتادی قارداشون قارداش ایلن اُلفتی اولسا شکراب صُلحا دعوت ائلین عدل ایله دیوان آتادی ای(#سعیدی)گوروسن دین ودیانت قوجالوب گئنه بو معرکه ده اصلِ مسلمان آتادی #قدیر_سعیدی_پویا 🌸 🌿 🌾🍂            🍃🌺🍂 💐🌾🍀🌼🌷🍃