ای تاپان بیت خدا ایچره ولادت یا علی ای وجودی عالم امکانه رحمت یا علی اولماسیدون سن صفا تاپمازدی قران مبین اهل ایمان کسب ائدیر سندن شرافت یا علی سن ازلدن ائیلمیشدین دعوت حقی قبول کلمه توحیده وئرمیشدین شهادت یا علی تا رسول الله تاپیپ فیض رسالت حق دن سن همان گون دعوتین ائتدون اجابت یا علی اولمادی بیر کس سلونی دن بیله منظوریوی باغلامیشدی گوزلری دست جهالت یا علی اولمادی بیر همدمین دردین فقط چاهه دئدین آچدیلار هر عرصه ده باب عداوت یا علی کیمده واردیر علم و قدرت تا مقامین درک ائده خالق منان سنه وئرمیش جلالت یا علی سن نه بیر گون نه بیر ایل نه قرن ، تاریخین بویی تاپمییوبسان درد غربت دن فراغت یا علی ایندی اون دورت قرن دن صونرا یئنه تک قالموسان اولموری حق و حقیقت دن حمایت یا علی دولدوروب ریب و ریا، کفر و جفا محفل لری حقین اهلی باشلییبدور راه عزلت یا علی مدعی لر دولدورب دونیانی یوخ مرد عمل کور ائدیب دی گوزلری حب ریاست یاعلی ای نماز اوسته عنایت ائیلیین ساییل لره روح تاپدی سنله محراب عبادت یا علی آه او گوندن نهروانین شیخلری ائتدی ستم قانیله رنگین اولوب محراب طاعت یا علی کوفه ده محراب طاعت ده سن ای صبح ازل آرزو ائتدین نصیب اولدی شهادت یا علی سن هدائت رکنی سن افسوس دست ظلمیله قانه غرق اولدون سینیب رکن هدائت یا علی کوفه ده یوزلر یتیمه باش چکردون هر گئجه سن شهید اولدون اولوبلار غرق حسرت یا علی اوندا کی جسم شریفون دفن اولوندی توپرآقا سن نه بلکه دفن اولوب روح عدالت یا علی ایستورم منده یازام مدحینده نئچه بیت شعر نیلیوم یوخ الده بوندان چوخ بضاعت یا علی اینتظاروخ حضرت مهدی بالان ائتسین قیام عالم امکان تاپا غمدن فراغت یا علی روز محشر کی اولار آیدین نهان اسرار لر وار اومیدیم سندن ای کان کرامت یا علی سن امیریم سن منیم من عاشق و #مدهوشیوم بو اوزی قاره غلامه قیل شفاعت یا علی #محمد_هوشمند