#درتعظیم‌راس‌مبارک #حضرت‌امام‌حسین‌ع ــــــــــــــــــــــــــــــ ای جداده سیر ائدن شاه اولیاحسین حلقوی طواف ائدیر روح انبیاحسین اگلشیب اگرچی توز آلنووا،عذاروه منقصت یئتیشمئییب شأنووه وقاروه کعبه سویلورالسلام حلق زخمداروه مروه اول بوغازیدن اخذائدیر صفاحسین قاشلارون خبروئرورفیضدن، فتوحدن گوزلرون خراج آلورصبحدن، صبوحدن گؤرمیین اوگؤزلری بی خبردی روحدن گؤزلریم اوباصفاگؤزلره فداحسین نطقوی گؤرن دئیور احسن ای امام حق نحراولان بوغازیدن نشراولور پیام حق منبرون جدااوجی سؤزلرون کلام حق فخرائدوربومنصبه روح مصطفاحسین زینبه وئرئیدی کاش وقت وفرصت اشقیا زلفیلن توخئیدی تانوک نی ده متکا متکاده اگلشیب ذکرائدئیدون ای فدا پیکرمحبته جان گلئیدی تاحسین گؤردیلرکی یوخ جواب حجت مبینوه حربه ی جسارتی ووردیلار جبینوه دولدی آلنوون قانی چشم نکته بینوه قانلب گؤزله عشقوه وئردون اعتلا حسین نی ده ائیلوسن نظرگؤیده کی ملکلره یئرده باخموسان ولی اودلانان اورک لره قمچی لر ورورعدو گل لره چیچک لره نازنین اوشاقلارون ائیلئییرنوا حسین ای کشیده قاشلاری جانستان وخونچکان ترپننده کیپریگون عرش وفرش ائدیر تکان حقی واردئسون سنه حکمت اهلی لامکان گرچی ائتموسن مکان نوک نی ده یاحسین مات ائدیب ملک لری اوج معنویتون عقل وعلمه سیغماییرشوکت وجلالتون گیزلنیبدی نورده آفتاب صورتون تاکی لغزش ائتمه سین فهم اصفیاحسین آند وئرّم ای امام حُسن دلپذیروه جلوه ی جمالوه،طلعت ضمیروه رحمتیله قیل نظر"شاهی"شهیروه مشکلات ائدیب اونون گوندوزون قرا حسین #استاد_شاهے_اردبیلے ـــــــــــــــــــــــــــ

✅ ندور اسرار مگو؟... ندور اسرار مگو؟ من نه بیلیم! نیه خوشگلدی او مو؟ من نه بیلیم! آلوسان زلف سیاهون الووه سویلیورسن نَدی بو؟ من نه بیلیم! سر کویونده کیمین قانی آخور؟ کیم دیور فاعتبرو؟ من نه بیلیم! نیه حلّاج که حیرانم اونا قیلدی قانیله وضو؟ من نه بیلیم! نیه یوخ شهریده بیر عاشق مست؟ دفن اولوب هاردا سبو؟ من نه بیلیم! نیه آی باش چیخادیبدور قویودان؟ لهلنیبدور نیه سو؟ من نه بیلیم! هاردا زاهد باشینا دولدی هوا؟ هاردا یئللندی کدو؟ من نه بیلیم! (شاهیِ) کم هنرین شعرینده جلوه ایلور نیه هو؟ من نه بیلیم! #استاد_شاهی_اردبیلی ـ❅🌼🌺🌼🌺❅ـ

شعری ناب از شاه الشعرا ــــــــــــــــــــــــــــــــــــــــ 🔷🔷🔷 اورکلر رشته رشته لایه لایه قارالمیش لکه لکه سایه سایه یخیلمیش حق بناسی پایه پایه دوشوب زندانه قرآن آیه آیه جهنم اهلی وصف ایلور جنانی 🔷🔷🔷 یاتوب هر مغزده بیر دیو ده پر او ده پر قان سورار چون مار نه سر او نه سر هشت خطدور هفت پیکر او پیکر باغلیوب ایمانه ششدر اوششدن پنج تن ایلر فعانی 🔷🔷🔷 چیخوب یاددان او بش کان کرامت ادوبلر شیطانا دورد اللی بیعت گوروب اوچ یول طلاقین آدمیت ایکی آرپیجا یوخ کیمده لیاقت بیر الهیله ایلر سر گرانی 🔷🔷🔷 🔷 #شاه_الشعرا 🔷 #استاد_شاهی_اردبیلی ــــــــــــ 👇👇👇 @Madahie_Torki