#خلایق_جفاسی خلایقدن جفا گوردوم،تماما بی وفا گوردوم وفاسیز آشنالردن،عجایب ماجرا گوردوم 💠💠 اولار کی لاف یکرنگی ووروب آخر دو رنگ اولدی تمام اقربا لر عقرب اولدی،جان گزا گوردوم 💠💠 کیمه بئل باغلادیم قطع اولدی امیدیم بئلیم سیندی فقط بیر آشنا دنیا و عقباده،خدا گوردوم 💠💠 فقط بیر تخم مرغی ساده و یکرنگ بیلمیشدیم اونوندا کوینگین رد ایلدیم،رنگین دو تا گوردوم 💠💠 جهاندا قورخما دشمندن،همیشه آشنادن قورخ نه اینکه آشنانون حیله و مکرین،خفا گوردوم 💠💠 الوندن اوپسه آلانما،چکر آخر ایاقوندن سو اوپسه پای دیواره،یئخیب ویران سرا گوردوم 💠💠 زلیخا ایستمیردی یوسفی،ئوز نفسین ایستیردی حامی اوز نفسینین محبوبیدور،دنیانی لا گوردوم 💠💠 صمیمیت،محبت،عشق بازی ایتده کاملدی بو حیوانین وفاسین،راه حقه آشنا گوردوم 💠💠 #زنده_یاد_استاد_منعم_اردبیلی ـ❅🍃🌼🌺🌼🌺🍃❅ـ