القصيدة [ انتي عمري ] الرادود ؛[مُحَمَّد الجنَّامِيْ] الشّاعر ؛ [وسلم الشويلي ] ~~~~~~~~~~~~~~~~~~~~ انتي عمري ما ابالغ لو كلتلج انتي عمري الله يدري بكلشي غالي ما ابدلچ الله يدري ~~~~~~~~~~~~~~~~~~~~ انتي عمري واعز من روحي عليه بكل تفاصيلي أحس موجوده بيه كلشي وحشه بدون وجهچ يالزچيه انتي ماي العمر وتبده من اديه احاجيچ بالجروح منو ايعيش بلا روح ؟ العمر صار بچي ونوح مات صبري يوم بيه انگطع وصلج مات صبري ... الله يدري .. بكلشي غالي ما ابدلچ الله يدري ~~~~~~~~~~~~~~~~~~~~ حين شيعتچ احس شيعت گلبي وللگبر خلصته بس عثرات دربي رحت ادفن راحتي وابقى وي تعبي وارجع وعين الشماته عليه تربي صحت صوت يشمات علي اليوم هضم مات ولا اريد مواسات دمعي يجري والظهر مكسور لاجلج دمعي يجري الله يدري بكلشي غالي ما ابدلج الله يدري ~~~~~~~~~~~~~~~~~~~~ باب خيبر شلته ومن البصر لمحه هسه باب البيت ما اكدر افتحه تخلص سنينه ظلام الدفن صبحه وآنه هذا المايسد عيون جرحه يجي الليل والعتاب على الروح يفك باب ضوه العين بالتراب بيه جمري .. حسره حسره يشتعلج بيه جمري الله يدري .. بكلشي غالي ما ابدلچ الله يدري ~~~~~~~~~~~~~~~~~~~~ وسط بيتي باقيه اثار دمعج شما كمت للباب يتراوالي ضلعج الهلوكت يا فاطمه تونين اسمعچ بروحي انتي ومنها ما اكدر اطلعج تعيشين بالاحساس ضوه العين والانفاس ولا اشوف بعد ناس يبقى كسري .. يأم ظلع مكسور مثلج يبقى كسري الله يدري بكلشي غالي ما ابدلچ الله يدري ~~~~~~~~~~~~~~~~~~~~ اليلچم روحي ويزيدلي رزيتي هواي ضميتي عليه ما شكيتي انتي يا فاطمه بيتي ومن مشيتي صحت والحسره بدليلي انهدم بيتي منو يعيش بلا بيت يجي الموت تمنيت للأحزان أنه بگيت محني ظهري گوه امشي وانتحبلج محني ظهري الله يدري بكلشي غالي ما ابدلچ الله يدري ~~~~~~~~~~~~~~~~~~~~

▪︎ قصيدة ▪︎ [ ليش العتب يصحابي ] ▪︎ اداء | #محمد_الجنّامي ▪︎ الشاعر | #وسام_الشويلي ▪︎ رابط الفيديو 🔗🔗 https://youtu.be/KsufMKxWD9A ▪︎ المكان | #العراق - #ميسان ▪︎ عزاء هيئة أمير الخيام ‌ ‌#ويبقى_الحسين @Mohammadaljanami

گالولي کافي من الحزن گلت الحزن مو کافي مـاجـوز حـد مـا اندفـن هیـچ الیحـب یوافـي حگي من اون اذکر و احن لیـش العتـب یصحابـي دمعي یصب وسط الترب نزلـت بیـدي احبابـي #لیش_العتب_یصحابي #محمد_الجنامي

▪︎ قصيدة ▪︎ [ ليش العتب يصحابي ] ▪︎ اداء | #محمد_الجنّامي ▪︎ الشاعر | #وسام_الشويلي ▪︎ رابط الفيديو 🔗🔗 https://youtu.be/KsufMKxWD9A ▪︎ المكان | #العراق - #ميسان ▪︎ عزاء هيئة أمير الخيام @Mohammadaljanami

📜 قصيدة :- ليش العتب يصحابي . ✍ كلمات :- الشاعر وسام الشويلي . 🎤 أداء :- الرادود محمد الجنامي . ❤️🍀🍀❤️🍀🍀❤️ كالولي كافي من الحزن كلت الحزن مو كافي ما جوز حد ما اندفن هيج اليحب ايوافي حـگي من اون .. اذكـر واحـن ليش العتب يصحابي دمـعـي يـصب .. وسـط التـرب نزلت بيدي احبابي ❤️🍀🍀❤️🍀🍀❤️ مرات مو وكته العتب .. والراحه مو مثل التعب ايلومك الما يعرف سبب علة ونينك هـوه الالم ما ينـشرح .. و ايتعبك الما منجرح هذا آنه طير ابلا جنح گدام عينك اتصورني ناس ابلا وطن والدنيا غربه احسبني عطشان ابوسط صحره اشيشربه هم شايفه الرايد هوه وصخره اعله گلبه هيج آنه وأكثر بالوصف واجروح بيه اهوايه ما كول اوگف يانزف خليني اصير احچايه عـمري نذبح .. مـات الفرح صار الحزن جلبابي دمعي يصب .. وسط الترب نزلت بيدي احبابي ❤️🍀🍀❤️🍀🍀❤️ مـعـذور ابـقـى منـكـسر .. وادموعي تتناثر جمر وي فاطمة عشرة عمر طيبة مشاعر ماشفت من عدها الجفه .. ماكــو مـثلها بالوفه راحت واحس بيتي طفه ومو بيتي صاير معذور إذا وكت المشي شفتوني اعثر جانت اعيوني فاطمه لا والله اكثر فرگتها كل يوم اليمر سنتين اكبر بانت تجاعيد الوجه والشيب تارس راسي مخنوك بس وين اتجه تحت التراب أنفاسي وحـدي صرت .. و اتحيرت مخنوك قافل بابي دمعـي يصب .. وسط الترب نزلت بيدي احبابي ❤️🍀🍀❤️🍀🍀❤️ ابجي ابعقل وابعاطفه .. والدمع نوع امن الوفه جمر الموادع ما طفه باحساسي شلته دنياي وحشه و مكدره .. و ابعيني حلوه المكبره مو فاطمه التحت الثره گلبي دفنته استاحش ابيتي الذي من الزهره خالي و اتعلقت بالمگبره البيها الغوالي عايش بأمل و الملتقى ابيوم ارتحالي احجيليها ومن الگبر و أم الحسن تحجيلي و اشكليها ما ظل صبر يالغاليه ادعيلي يام الـحـسن .. ويـه الزمن ماظن يفيد اعتابي دمعي يصب .. وسط الترب نزلت بيدي احبابي ❤️🍀🍀❤️🍀🍀❤️ عمار رايدني اختضب .. واترك دمع عيني اليصب ما تدري باحزان الگلب آنه بمصيبه اتلاثين عام الي مضن .. وجن امس ميته ام الحسن ما اگدر ابطول الزمن انسه الحبيبه حتى إذا داري أصبحت عنها بعيده تبقى قريبه فاطمه ابگلبي ابوريده اشما اكبر احزاني ترد الها جديده كل ما كبر بيه العمر تكبر اوياه اجروحي فاطمه روحي و منتظر نتلاگه آنه وروحي هـيـه الـهـوه .. هيه الضوه هيه الدوه لصوابي دمعي يصب .. وسط الترب نزلت بيدي احبابي ❤️🍀🍀❤️🍀🍀❤️ يا روحي حسره اتوهجي .. دنياي منها اشارتجي تانيت ابن ملجم يجي و آنه بصلاتي بس موتي بي راحه الي .. ونخلص احزاني بمقتلي صدگوني يا ناس وهلي رايد وفاتي وينك يبن ملجم آنه عايش مآسي سيفك المسموم سوكت ينزل ابراسي بالطبره انه الكسر الضلع رايد اواسي ياسيف صوب هامتي خل دمي يخضب شيبي ارتاح آنه ابموتتي و يخلص الم تعذيبي و الـخـاتـمه .. يـا فـاطـمه لاجلج هويت امصابي دمعي يصب .. وسط الترب نزلت بيدي احبابي @Alwaili2

علینة الجاي یتفرج ولي یروح وعبید اهلي غدت تأمر علیه💔 📍البصره_النشوة_هیئة نهج علي (ع) #البصره #محمد_الجنامي

وانه مثلك راسى شیب بصغر سني لمي انحب🥀 📍البصره_النشوة_هیئة نهج علي (ع) #البصره #محمد_الجنامي

کون بیعة هاي لطمة ایده کون اللهم عجل نغمته وتردیده✨ 📍البصره_النشوة_هیئة نهج علي (ع) #البصره #محمد_الجنامي

صافنه وایدي اعله خدي انتو رحتوا وانه وحدي...💔 📍البصره_النشوة_هیئة نهج علي (ع) #البصره #محمد_الجنامي

کلشي یهون لخاطرك💔 📍البصره_النشوة_هیئة نهج علي (ع) #البصره #محمد_الجنامي

قبل ایام الملا محمد الجنامي مع خدام الحسین ع في البصره✨ #محمد_الجنامي #مرتضی_حرب #مصطفی_حرب #حسین_الساعي #حیدر_البزوني #حسین_الجنامي

وَ في خِدمة الحُسَین فَلیَتَنافَس المُتَنافِسونْ❤️ #البصره #مرتضی_حرب #محمد_الجنامي