قصيدة : بالوهم عايش حیاته الشاعر : #وسام_الشویلی الرادود : #محمد_الجنامي #استشهاد_الامام_العسکری 🏴🏴🏴🏴🏴🏴🏴🏴🏴🏴🏴 بالوهم عايش حياته الما عرف انت الحقيقه سيدي واش بيدك انت عله الما يعرف طريقه الما توجهلك بگلبه وين راح بصير دربه الما عرف انت الحقيقه ~~~ غايب ولكن سيدي آحنه الذي امغيبينك وإذنوبنه هي احجبت ما بينه وما بينك بأقوالنه نريد الفرج بأعمالنا امأخرينك گدامنه انشوفك تجي لكن نگلك وينك مثل شمس الله وجودك والشمس كلش عظيمه واللي ما شافك امخلي بينك وما بينه غيمه المنحجب عنك ابذنبه وين راح يصير دربه الما عرف إنت الحقيقه ~~~~ ي المهدي لو هاي البشر تتجه وإدگ بابك چان أنفتح باب الفرج وإنكسر قفل اغيابك غيرك نسأله إعله الفرج ونگول وين إجوابك والمشكله انسمعك عتب وإنصيح عفت احبابك أحنه منطينك ظهرنه ونحچي بسمك ويه غيرك اتصيحنه بس ما نسمعك وشكثر نجرح ضميرك العيشك بسنين غربه وين راح يصير دربه الما عرف انت الحقيقه ~~~ ي المهدي ذابحنه العطش والماي بس بچفوفك ليش السراب اندوره نركض عليه وأنعوفك لو كلنه نطلع نندبك وإنظل نرتل احروفك ما چان طالت غيبتك مسرع تجي وإنشوفك أنگول منتظرينك احنه وهو إنت المنتظرنه إلك إحنه لو الغيرك لازم إنحدد أمرنه المو إلك حالته صعبه وين راح يصير دربه الما عرف إنت الحقيقه ~~~ ال ميتاني من عندك فرج ي المنتظر شيتاني لو ما توجهنه إلك نبقى ابجرحنه أنعاني عشنه بشتات وتفرقه واحد يعادي الثاني وذوله الأعداء أتجمعوا يم راية السفياني على باطلهم إجتمعوا وأحنه عن حقنه افترقنه والمصيبه عايفينك وغير بيبانك طرقنه العافك وما قره الندبه وين راح يصير دربه الما عرف إنت الحقيقه ~~ عايش وحيد ابغربتك محد يداوي اجروحك وبكل صباح وكل مسه إعله حسين صرخة نوحك ي المهدي ما ندري الحزن شمسوي هسه ابروحك وكل يوم لمصاب الخدر سهم الهضيمه إيلوحك عايشه اوياك المصيبه وبالگلب نار الهضيمه مره تبچي الخدر زينب مره ع الماتت يتيمه الما اوياك الدمع صبه وين راح يصير دربه الما عرف إنت الحقيقه ~~ ي المهدي منك نعتذر وأحنه شكثر قصرنه وإعله ال بدر منه ابجهل يبن الحسن اعذرنه الخاطر حسين وعمتك زينب~~تجي وتحضرنه الخاطر ضلوع ام الحسن مو من أجل خاطرنه حتى لو ما نستحقك يستحق تظهر الثارك وراية العباس عمك يبو صالح بإنتظارك وذاك خصمك من ترعبه وين راح إيصير دربه الما عرف إنت الحقيقه 🏴🏴🏴🏴🏴🏴🏴🏴🏴🏴🏴