قصيدة : عرسك يجاسم الشاعر : #وسام_الشويلي الرادود : #محمد_الجنامي #قصاید_محرم 🏴🏴🏴🏴🏴🏴🏴🏴🏴🏴 عرسك يجاسم صار دمعه و ونه وين الورد والشمع وين الحنه خطفوك من ايدي يوليدي يوليدي @@@ چنت بين إحشاي غافي يبني ويحرسك دليلي ولجل ترباتك يجاسم مساهره وما نمت ليلي انطيتك اعيوني ونظرها وراحتي ومهجتي وحيلي كل وكت احوم إعله المهد سهرانه لجلك ي الولد وأمحسبه بأيام الشدد إنت التبرد غليلي يا جاسم ابدم مهجتي رضعتك لمخالف اسنين الدهر ذاخرتك وبشوفتك عيدي~يوليدي يوليدي @@@ الضيم من اجلك حملته وإجرعت هضم الليالي يبني والمعبود يعلم بالسده إعليه وجرالي راح كل التعب عني من شفت طولك أگبالي گلبي تباشر وإنتعش تم البدر 14 وإبطولك البيت إنفرش وإنت لأمك صرت والي فرحانه بيك وبالدهر ماادري يحرمني منك يا سعادة عمري خانت مواعيدي~ يوليدي يوليدي @@@ آنه ام والام يجاسم بالولد غايتها تفرح يبني والليله زفافك گلبي بالآمال فرفح افرح بيومك ييمه وبالأماني الروح تسرح چنت احسب اعلگ شمعتك بيدي وأشوفن فرحتك تاليها دمك حنتك وحوفتك بالعرس مذبح خاناني دهري وگلب كل إحسابي ويوم العرس يوليدي صار أمصابي ونوحي اناشيدي~ يوليدي يوليدي @@@ يبني شيگول إعله حالك والدك لو إجه وشافك يجي إيواسيني إبمصابك لو يباركلي إبزفافك منهو مثلك يا اوليدي الموت يوم العرس ضافك يبني اش يصبر والدك فوگ الترب لو شاهدك عمك إبداله وسدك وي ابوك ابحزن طافك وآنه اصيحن ريت غابت روحي بعدك يجاسم بيش اضمد إجروحي وناتي ترديدي~ يوليدي يوليدي @@@ يبني ياهي ابتلت مثلي يوم عرس الولد تنعى وحوفتك بس للمناحه صارت وللونه دمعه ما تظل شمعه تضوي لون يمها اطيح دمعه صيوان عرسك منهدم وإنبنه صيوان اللطم للحزن امك والهضم صارت اب فرگاك مرعى ال چانت تريد ابعرسك اتهنيني يمي إجت وبفگدك إتعزيني ي أم الولد هيدي~ يوليدي يوليدي @@@ رحت والآمال راحت وإنهدم بيتي عليه وسلمت تعب الليالي وسلوتي للغاضريه ما ردت عمري يجاسم بعدك وردت المنيه ابيا عين اشوفك ع الترب مصروع وأدمومك تصب وآنه يمه اويه الغرب غصب راح امشي سبيه إنت طريح أبدمك إعله الغبره وآنه عله النوگ الهزل متيسره يا لوعتي زيدي~ يوليدي يوليدي 🏴🏴🏴🏴🏴🏴🏴🏴🏴🏴

قصيدة يدفان الشاعر : #محمد_الجماسي الرادود : #محمد_الجنامي #قصاید_محرم 🏴🏴🏴🏴🏴🏴🏴🏴🏴🏴🏴 دورلي ارض بيهه الحسين وبس الميت لو يطب للحضره يتنفس يدفان وديني يم احبابي يدفان وديني يم احبابي ،،،،،،،،،،،،،،،،،،،،،، لو ماكو گاع ابكربله ادفني بحسينيه اقبل ولو نص الصحن تحفرلي بس كاشيه كل عمري ناذرته بچي لحسين والمسبيه الله عجن وي طينتي نص وفه ونص حنيه بالشباك شدوني علگ اخضر وكتبوا إعله الگبر هاذي مرت حيدر يدفان صبعي انوكل بنيابي يدفان وديني يم احبابي ،،،،،،،،،،،،،،،،،،، تابوتي افتح خشبته لو يمهم اتوصلني وأقرالي لطميه ونعي بلكي الأجر يشملني گولولهم طاري الهجر وفراگم كاتلني وأدري الحسين ابلا نحر بالباب يستقبلني مو إلا الحسين ابوحشتي يصلي امبارك حتى لو عبدالله يفزعلي يدفان هيلوا عليه اترابي يدفان وديني يم احبابي ،،،،،،،،،،،،،،،،،،،،، حطني إعله ناگه وللگمر عباس اغبش بيه لف الجنازه بسلسله وذكرني بالمسبيه للطف أمانه من تطب والنهر تشرب ميه اصرخ يشيال العلم قد ماتت البدويه ربيته بيديه شلون ينساني اچفوفه امگطعه بيش ايتلگاني يدفان مگلوب صار احسابي يدفان وديني يم احبابي ،،،،،،،،،،،،،،،،،،،،، عباس لو شاف النعش نسوان مابي تصرخ يمكن يسوي بكربله يوم الحشر والبرزخ يم فاطمه الزهره وعلي بوليدي باچر اكشخ عباس يالراسك صعد فوگ الرماح وما طخ آنه ام البنين الما امگمطتك بس لفيت بزنودك حجاب اختك يدفان يم الفرات احجابي يدفان وديني يم احبابي ،،،،،،،،،،،،،،،،،،،، الميت اذا طب كربله ادري الحسين إيعدله إيرجعله روحه لو دعا وعند الله كلش سهله مشتاگه انصب موكب ازغير اباب القبله الما خادم ابموكب خسر من هسه روح وگله واليقره بثوابي الفاتحه انحسبه مثل الخاتم القرآن بالكعبه يدفان هنياله اللذي يدگ بابي يدفان وديني يم احبابي ،،،،،،،،،،،،،،،،،،،،، ي ام البنين اب هالحلم عشتي العمر وأيامه لو عايشه الهذا الوكت چا هم لطمتي الهامه ملايه چا صرتي وعلي وشاركتي هاللطامه والمهدي باچر لو ظهر هم صرتي من خدامه گلبج زينبي وروحچ حسينيه يالمنتظره نسمه تدخل الريه يدفان صلى الوفه ابمحرابي يدفان وديني يم احبابي 🏴🏴🏴🏴🏴🏴🏴🏴🏴🏴🏴

اسم القصيدة : يا ام لا تنتظرين اسم الشاعر : #صباح_امين اسم الرادود : #محمد_الجنامي #قصاید_محرم 🏴🏴🏴🏴🏴🏴🏴🏴🏴 يا ام لا تنتظرين~ عباس بالطف ظل يم حسين~ عباس اب هاي المدينه~ ماتشوفينه يا ام لا تنتظرين عباس @@@ عن ليالي احزان عمره غابت انجوم الثريه و إنتظارج للأربعه صار اشد من المنيه و المسافه ابعيده بين الصبر بين الغاضريه عين انتظارچ بالامل من يوم ابو فاضل رحل و لا خبر من الطف وصل من ابو فاضل و أخيه ما ودالچ اخبار~ عباس يوم الطف بيه اش صار~ عباس لا يا حزينه~ ماتشوفينه يا ام لا تنتظرين عباس @@@ بالمدينه اعيون حزنچ عله الخد ينكت صبرها و بين ضلع و ضلع جمره تنتظر نسمه تمرها و المدينه ابلا كواكب ظلت اب اظلم سهرها اب حزن الليالي المظلمه عينچ على باب السمه متنطره يا فاطمه للمدينه يرد گمرها منتظره ليچ إيعود~ عباس بالرايه وذاك الجود~ عباس وال تـٍريدينه~ ماتشوفينه يا ام لا تنتظرين عباس @@@ اربعه ي ام البنين ابكربله وافوا رباهم قدم العباس اخوته و الوفه اتقدم اوياهم صاروا اقمار الشهاده وصارت ارض الطف سماهم من سما العزه والفخر نزلوا كواكب والگمر دمهم ضوى من كل نحر كربله احتاجت ضواهم راد الطف منه ابدور~ عباس قدمها ابأرض انحور~ عباس وكل بطل وينه~ مانشوفينه يا ام لا تنتظرين عباس @@@ تنتظر المن اعيونج و الگلب سهران خوفه و بعد ميمر أعله ليلج گمر واعيونچ تشوفه و القدر ع النهر من دم ابنچ ايگطرن اسيوفه ساعه و وصل ليچ الخبر ابعينه غفى سهم القدر و اچفوفه ظلن ع النهر و خيلهم تسحگ اچفوفه بدوا من جوده الماي~ عباس گطعوها اچفوفه هاي~ عباس و أنطفت عينه~ ما تشوفينه يا ام لاتنتظرين عباس @@@ إنتي يا ام البنين هناك لو ع النهر يمه چا وضعتي ابحضن صبرچ راسه و اتمسحين دمه و چان من عينه بيديچ ال ترتعش طلعتي سهمه و دورتي بعيون الصبر وين الچفوف اب يا كتر و چان من شمس الظهر ابرايته غطيتي جسمه شوفي ابطف الاحزان~ عباس ع الماي و ظل عطشان~ عباس ساقي الظعينه~ ما تشوفينه يا ام لا تنتظرين عباس @@@ حسين چانت تفييله الرايه من بالشمس يطلع و لن على صدره تفيي الخيل و بساحة المصرع عافته وللخيم راحت تسلبه وتسحگ الرضع صدر الحسين امن انهشم من عنده ركضن للخيم حرگت وسلبت للحرم نشدي زينب لمن ترجع ما يدري اب زينب وين~ عباس من ظل ابلا چفين ~ عباس اهناكه چفينه~ ما تشوفينه يا ام لا تنتظرين عباس 🏴🏴🏴🏴🏴🏴🏴🏴🏴

قصيدة : شكر الظعن الشاعر : #احمد_اللامي الرادود : #محمد_الجنامي #قصاید_محرم 🏴🏴🏴🏴🏴🏴🏴🏴🏴🏴🏴 مشكوره بسمي واسم كل الظعن مشكوره ي الصرتي لولادي وطن مو خادمه إنتي إبيتي ام ولدي ي الربيتي مشكووووووووره ،،،،،،،،،،،،،،،،،،،، آنه فاطم وإعتنيتچ يالوفيه غمضي ي ام عباس عينچ بين ايديه إنتي عند الناس محسوبه إبدويه وآنه احسبج مثل زينب هاشميه بدويه لكن حليبچ فاطمي بدويه بس جبتي كافل هاشمي عنج گلت علويتي ام ولدي ي الربيتي مشكووووووره ،،،،،،،،،،،،،،،،، الشكر چلمه وآنه بشكري افعل لان اسمج فاطمه ولجلي تبدل جاي اگلچ اخذي إسمي وشكري يكمل واليصيح إعليچ ام حسين اقبل مرخوصه ام إنتي لحسين وحسن مرخوصه إخذي إسمي وإشهد يازمن بسمج الي ضحيتي ام ولدي ي الربيتي مشكووووووره ،،،،،،،،،،،،،،،،،،، كربله إنترست وفه وغرگها طيبچ ال هالوكت والناس بس تحچي بحليبچ إشراضعتهم ولدچ الوفوا حبيبچ مو غريبي حسين احسبه هم غريبچ مديونه لأطهر لبن طهر نهر مديونه ع الماي بديتي گمر وإبلا ضوى ظليتي ام ولدي ي الربيتي مشكووووووره ،،،،،،،،،،،،،،،،،،،،، عايشه اتمنيت حتى إبنج اشوفه چا صحتله حسين اخيك لاتعوفه وهاي زينب ياگمر والدنيا كوفه وراسي ينزل حتى اقبلهن چفوفه هذا ابني وكافل بناتي والخدر هذا ابني والبوسه لچفوفه شكر وبي للخيم وفيتي ام ولدي ي الربيتي مشكوووووره ،،،،،،،،،،،،،،،،،،،،، كون ارد دينچ عليه دمعه دمعه ومثل نعيچ لبني للعباس انعى وأدري نعشچ ابن ماعندج يشيعه مثل متبعتي الظعن راح آنه اتبعه شيعوها هذا نعش شايل وفه شيعوها ماتت اليوم العاطفه يلي اورثت حنيتي ام ولدي ي الربيتي مشكووووووووووره 🏴🏴🏴🏴🏴🏴🏴🏴🏴🏴🏴

قصيدة : احلى جرح الشاعر : #فاضل_مقدم الرادود : #محمد_الجنامي #قصاید_محرم 🏴🏴🏴🏴🏴🏴🏴🏴🏴🏴🏴 إنت يا احله جرح بيه عشت للتالي والله ممنونك أنه جيت وسكنت ابالي بكل مكان~~ يا أباعبدالله بكل زمان~~ يا أباعبدالله ~~~~_~~~~ هذا لطف الباري الخلاني اب هالحاله مثلي بين الوادم حب حسين اباله الما يشم اعتابك ما عايش دلاله والتقبله ابدربك خيعونه وهنياله خدمتك يعني الهوى وهي شميم انفاسي يا ملك~~ گلبي ألك شوگي الك احساسي للحياة~~ يا أباعبدالله للممات~~يا أباعبدالله ~~~~_~~~~ الدنيا شلت حالي وآمالي يم بابه طينتي معجونه ومرهونه بترابه ابچي وأرفع صوتي حد موتي لمصابه عابسك سويني وخليني إعله اعتابك آنه ما عندي امر انت تآمر روحي انت صح جرحي لچن انت طبيب اجروحي انت روح~~ يا أباعبدالله والجروح~~ يا أباعبدالله ~~~~_~~~~ هايم بإحسانك وأحزانك عنواني انت دم اعروگي وكل شوگي بشرياني الهج بآياتك چلماتك بلساني ابخيمتك للتالي ي الغالي تلگاني ماشفت عندي درب هو درب دمعاتي حسين بس انت شرف انت تطهر ذاتي للوجود~~ يا أباعبدالله للخلود~~ يا أباعبدالله ~~~~_~~~~ من فتحت اعيوني اعله امصابك وتشوفك بالمهد ينعولي ويحچولي من احروفك والگلب ي الوالي مجنونك ويطوفك راحتي ابتعابك والموتي ماعوفك اعطش الخدمه يمن يجري نهر عاشورك ظلمه دنيانه فقط انت تضوي بنورك انت نور~~ يا أباعبدالله للعصور~~ يا أباعبدالله ~~~~_~~~~ الخدمه يا محلاها وطرواها بچم آيه وأربعينك غايه وماعوف هاي الغايه بيدي رافع رايه وتحديني المشايه بكربله يلاگيني ابلاچف راعي الرايه اسمع ينادي هلا الجيتوا الي وخطاري كربله داري لچن ضيفي تملك داري بصوته صاح~~ يا أباعبدالله للصلاح~~ يا أباعبدالله 🏴🏴🏴🏴🏴🏴🏴🏴🏴🏴🏴

قصيدة : غبرة نينوى الشاعر : #وسام_الشويلي الرادود : #محمد_الجنامي #قصاید_محرم 🏴🏴🏴🏴🏴🏴🏴🏴🏴🏴 يا علي ما وصل يعقوب حزنك إلك چم يوسف هوى عله غبرة نينوى يا علي ما وصل يعقوب حزنك @@@ ياعلي السجاد حزنك ما وصل يعقوب يمه هو فارگ ابنه يوسف وإنت فارگت ابو اليمه رجع يوسف من مغيبه وغاب ابوك ابفيض دمه يعگوب بوليده انتعش من رجع وإنت 17 لاچفن لا إلهم نعش وين هضمك وين هضمه ذاك المفارگ عله الدار عود وإنت گلبك ما هجع راح منك مارجع ياعلي ماوصل يعقوب حزنك @@@ گعد وي يعقوب يوسف وإنجمع شمله اويه أخوته وإنت اهل بيتك وأخوتك ظلوا إعله الغبره موته مارجعلك غير مهر حسين ينخاك اب نخوته يصهل ودمعاته تسح إيگلك إهنا ي المنطرح والدك رايح ينذبح وبالظليمه ارتفع صوته اش حالك وعود الميمون خالي ينتخي وشتجاوبه دم ابوك امخضبه ياعلي ماوصل يعقوب حزنك @@@ لون يعقوب ابمچانك حاضر ابعملة العاشر چان مو بس تعمه عينه إمن البچي اطيح النواظر شم قميص ابنه ورجعله الشوف واستبشر الخاطر وإنت يمهضوم الگلب ذاك القميص ال منسلب خله الدمع من دم يصب والجمر بحشاك شاجر بالقميص ادموم من فيض نحرك وكون اليصيبه العمه يشوف بعيونه الدمه ياعلي ما وصل يعقوب حزنك @@@ ما اظن يرجعله شوفه لون شايف هالفجيعه وچا عرج گلبه تگطع اويه الچفوف الگطيعه و ودع الدنيا ابوفاته ع الحصل ويه الوديعه هذا ال مصاب ابكربله يعقوب مايتحمله يوگع اب نبلة حرمله گبل الحسين ورضيعه إيشوغ شوغة طفل مذبوح ظامي و لون عاين للسهم چان ناداك اب ألم ياعلي ماوصل يعقوب حزنك @@@ ارد اسولف يبو الباقر عن حزن گلبك وضيمه وما اظن يعقوب شاهد ع الحرم محترگه خيمه ولا نظر يمه عدوه وسوط يضربله يتيمه وهذا انت بعيون الصبر شاهدت ربات الخدر يضربهن ابسوطه الشمر هالله هالله اش هالهضيمه اگبال عينك لوع السوط زينب اش هالهضيمه ياعلي الحرم يمك تنولي ياعلي ماوصل يعقوب حزنك @@@ اشكثر گلبك يبو الباقر حمل ضيم اشكثر قاسه تشوف ابوك إعله الوطيه الجسم وٱعله الرمح راسه وفوگ هذا ~ اخيول اميه تهشم اضلوع القداسه والاعظم امصاب السبي ابعينك تشوف الاجنبي ال زينب يگلها ادولبي ابلا كفيل ولا حراسه عگب عباس~ الشمر صار حادي جمر هضمك ما طفه ع ال خذوها امچتفه ياعلي ماوصل يعقوب حزنك 🏴🏴🏴🏴🏴🏴🏴🏴