ای شهنشاه ولایت کوفیاندا یوخ شرافت

شعر شماره ۲۰۳ احوالات ورود به کوفه @Navayebikas ◼️🔶◼️🔶◼️ @Navayebikas ای قانه باتان قارداشیم جاریدی یوزه گوزیاشیم باشوندان آخیر تازه قان سالم نجه قالسین باشیم گچن گجه هاردا یاتوبسان ایوای منه کوله باتوبسان گوزیاشیمی قانه قاتوبسان ایوای حسین ایوای یارالی @Navayebikas ◼️🔶◼️🔶◼️ @Navayebikas قرآن اوخی سن نیزه ده تفسیر ایلیم ناقه ده گورنه گونه قالدی زینب قول باغلی گزور کوفه ده دینون ایوین بولار یخیبلار پشوازه کف زنان چخوبلار بو قلبیمی قارداش سیخوبلار @Navayebikas ◼️🔶◼️🔶◼️ @Navayebikas قیزلار مَلشولر قارداش رخساره توکوللر قانیاش بیر بیله جفا ایدوبلر دویمور گینه قوم اوباش قیزلاریوا قمچی ووروللار دامدان حسین داش یاغدیروللار مگر بو کوفیان دویوللار @Navayebikas ◼️🔶◼️🔶◼️ @Navayebikas ای شاه لب عطشان قارداش قلبیمده واریم قان قارداش غملر سایا گلمور نیلیم جانیم سنه قربان قارداش جدا اوستن باخ بیر ربابه رحم ایت حسین بو دل کبابه غم غصه سی گلمور حسابه @Navayebikas ◼️🔶◼️🔶◼️ @Navayebikas باشلار گزوری جداده اهلون گلوری فریاده بیر باشی ولی گورمدیم ای پادشه آزاده عبّاسیمون باشی هایاندا گورسنموری نوک سِناندا تازه بلا واردور باشیندا؟ @Navayebikas ◼️🔶◼️🔶◼️ @Navayebikas (بیکَس) بس ایله گفتارون شایسته ایله رفتارون شاید سنه بیر لطف اولدی شیرین تر اولا اشعارون عرض ایله ای شاه خجسته لطف ایله بو بی پا و دسته جان اوسته گل سن باشیم اوسته @Navayebikas ◼️🔶◼️🔶◼️ @Navayebikas #ای_قانه_باتان_قارداشیم #کوفه #محرم التماس دعای فرج الاحقر مهدی عبادی http://eitaa.com/Navayebikas https://t.me/Navaye_bikas

ای قانه باتان قارداشیم جاریدی یوزه گوز یاشیم

شعر شماره ۲۰۴ شروع ماه محرم ( آواز خان _ محسن چاووشی) @Navayebikas ⚫️🛑🛑⚫️ @Navayebikas گلدی مَهِ غم ، ماهِ مُحرم ، آنام چیخاتدی بوخچادان ، ماتم لباسین قاره می گییدیم ، اولدوم مُهَیّا ، سوسوز ئولن اَربابیمون ،دوتام عزاسین لیلایه سویله ، فرصتی واردی ، اکبرینین قامتینه کفن بیچِیدی دیون ربابین ، صوداَمر اوغلی، باغلانمامیش سو یوللاری بیر آز ایچِیدی @Navayebikas ⚫️🛑🛑⚫️ @Navayebikas ناقه یاواش گیت ، یاتیب اوشاقلار ، دیسگینمه سین رقیّه سی آقام حسینین دوشمیه ایکاش ، ناقه نین اوستن ، چوخ ایستییَر شاهِ شهید نورِ دوعینین مُخدّرات اوز ،قلبیده دردین ، زینبِ کُبرایه دیور غمله دولاندا یوللاردا قیزلار ،پناهی واردی ، دردینی عبّاسه دیور سوسوز اولاندا @Navayebikas ⚫️🛑🛑⚫️ @Navayebikas قیزلار گوروللر ، گَلنده یولدا ، سَسلر ابوالفضل عَموسون نازلی سکینه چَکمز خجالت ، سو ایستییندن، سو مشکینی اوخلامامیوب لشکرِ کینه ویرون خبر سیز ، قوخمیه قیزلار ، قوشون هجوم ایلمه میش خیامه یاتسین نه واردی سیلی ، نه تازیانه ، دویولماقین خیالینی ، باشیندان آتسین @Navayebikas ⚫️🛑🛑⚫️ @Navayebikas #گلدی_مه_غم #محرم #هلال التماس دعای فرج الاحقر مهدی عبادی http://eitaa.com/Navayebikas https://t.me/Navaye_bikas

Mohsen Chavoshi - Avaze Khoon.mp3

شعر شماره ۲۰۵ هلال ماه محرم (با آهنگی لطیف و ترکیبی) @Navayebikas 🟦⬛️🟦⬛️ @Navayebikas حسینین ماتمی چوخ قلبی داغلار اودور باشه چوخی بیر قاره باغلار حسینیم وای دییَر عاشقلر آغلار حسینه یرلر آغلار گویلر آغلار بَتول و مرتضی ، پیغَمبر آغلار @Navayebikas 🟦⬛️🟦⬛️ @Navayebikas گینه آه و نوا عرشه دایاندی باتان بو ماتمه پیر و جواندی گینه جَنّتده زهرا نوحه خواندی یارالی گورسه اوغلون مادر آغلار @Navayebikas 🟦⬛️🟦⬛️ @Navayebikas بلایه زینبی سالدی زمانه خدنگِ محنته اولدی نشانه گَزر قارداش غمینده یانه یانه یارالی باش گورنده گوزلر آغلار @Navayebikas 🟦⬛️🟦⬛️ @Navayebikas نجف یاسه باتوب آغلور مدینه ویرون باش ساقلیقی سالارِ دینه آتاسیز قالماقا دوزمز سکینه یَتیمه اولسا هر بیر دختر آغلار @Navayebikas 🟦⬛️🟦⬛️ @Navayebikas دیون ناقه یاواش گیت یول اوزاقدی عراقه نِچّه شَهزاده قوناقدی قوناقلارین چوخی خیردا اوشاقدی چالار لایلای رقیّه اصغر آغلار @Navayebikas 🟦⬛️🟦⬛️ @Navayebikas شکایت ایلرَم خَلّاقِ حَیّه ایله ظلم ایلیوب آلِ اُمیّه بابام ایوای دییَر هر دم رقیّه داش آغلار ، حَنجر آغلار ، خَنجر آغلار @Navayebikas 🟦⬛️🟦⬛️ @Navayebikas شکسته دیللری غَم غُصّه داغلار حسینی لر بو آیدا قاره باغلار سو مشکین گورسه کیم سَقّایه آغلار دییَر عَبّاسه ایوای حیدر آغلار @Navayebikas 🟦⬛️🟦⬛️ @Navayebikas #حسینین_ماتمی_چوخ_قلبی_داغلار #محرم #هلال التماس دعای فرج الاحقر مهدی عبادی http://eitaa.com/Navayebikas https://t.me/Navaye_bikas

شعر شماره ۲۰۶ هلال ماه محرم و اشاره به ایّام عزا (با آهنگی جدید ترکیبی) @Navayebikas 🟤🟤🟤🟤 @Navayebikas گینه گلدی مَهِ ناله ، مَهِ غم مَهِ اَشک و مَهِ ماتم ، مُحرم وورور باشه پیمبر ، حیدر آغلور اوغول وای سَسلنور زهرا دَمادم قرا علملر آچیلدی گلوب ملائک نوایه حسین حسین سَسلور عالم گیدور اورک کربلایه باشیمه ، من قَرا ، باغلارام باغلارام یاحسین آغلارام آغلارام سینه می داغلارام یاحسین @Navayebikas 🟤🟤🟤🟤 @Navayebikas گلور زینب گینه دشتِ بلایه سالا غوغا دیارِ نینوایه چخون پِشوازینه یولدان یتیشدی گلور مهمان رقیه کربلایه حسینین بو دُردانه سی علی، اکبرین دلبری چَکور نازینی عمّه لر داغیلسین اونون غملری حیف اولا ، بو بالا ، غم اَلینده سولار یا حسین هر قَدم ، مونسی ، چولده کی خار اولار یا حسین @Navayebikas 🟤🟤🟤🟤 @Navayebikas وطن فکرین بولار باشدان آتیبدی اورک قانین سِرشکیله قاتیبدی چیخاردون سیز قاباقه گاهِواره ربابین صود امر اوغلی یاتیبدی آل‌ب قوجاقه آناسی هَله جفادن اَثر یوخ علی ایدیب خوابِ راحت سه شعبه اوخدان خبر یوخ وای منه ، کاش اولا ، حرمله گَلمیه یا حسین اصغرین ، حلقینی ، اوچ پر اوخ بولمیه یا حسین @Navayebikas 🟤🟤🟤🟤 @Navayebikas هَله دیللر عطشدن یانمیوبدی اوشاقلار سینه سی اودلانمیوبدی سوسوزلار سو آلور سقّا اَلیندن هَله سو یوللاری باغلانمیوبدی بویوکلرین سایه سینده حَرم ایدور استراحت هَله اوشاقلار بولموری یاخینلاشور قتل و غارت کوفیان ، شامیان ، چوخ جفا ایلییَر یا حسین خیمه لر ، یانسالار ، قیزلارون ، نِیلییَر یا حسین @Navayebikas 🟤🟤🟤🟤 @Navayebikas #گینه_گلدی_مه_ناله_مه_غم #محرم #هلال التماس دعای فرج الاحقر مهدی عبادی http://eitaa.com/Navayebikas https://t.me/Navaye_bikas

شعر شماره ۲۰۷ در وصف کربلا و عشق حسینی (با آهنگی جدید و شورانگیز) @Navayebikas 🔵🟢🔵🟢🔵 @Navayebikas کعبه ی جان ، کرب و بلا کَهفِ اَمان ، کرب و بلا اگر چه ، با صفادی دیارِ ، پُر بَلادی یاتیبدی ، اوردا ارباب بهشتیم ، کربلادی اوچوب مُرغِ دیلیم مِنای عشقه کیچیک بیر بَندییَم خُدایِ عشقه گَدایم گدایم ، فدای عشقه من مِیِ نابِ حسینین ، روزو شب سَرمَستییَم آسِتانیندا اوشاقلیقدان بولور پابَستییَم شُکر اولا من نوکرم بیر رهبرِ آزادییه کیم حسیندن دَم وورا من نوکرِ دربَستییَم @Navayebikas 🔵🟢🔵🟢🔵 @Navayebikas خاکِ شفا ، کرب و بلا روحه صفا ، کرب و بلا او آلتی ، گوشه قبرین گوزلدی ، خاکِ پاکی حسینی، ایستیینلر اولوبدور، سینه چاکی عزیزِ فاطمه یاتیب او چولده او توپراقه قانین قاتیب او چولده خدایه جانینی ساتیب او چولده کربلا عشقی منی مجنون ایدیب دیوانییَم شمعِ عشقینده حسینون بیر یانان پَروانییَم کربلادن یا حسیندن کیم دیسه من دویمارام کیم حسینی اولماسا ، اوندان بولور بیگانییَم @Navayebikas 🔵🟢🔵🟢🔵 @Navayebikas جَنّتیمیز ، کرب و بلا عزّتیمیز ، کرب و بلا بیر طرف ، وار وزیری بیر طرف ، واردی شاهی بیر طرف ، تَلِّ زینب بیر طرف ، خیمه گاهی نور آلوبدی دیلیم ، نورِ هُدادن دویمارام تا اَبد آه و نَوادن چَکمرم اَل حسین ،کرب و بلادن دوشموشمم مدّتدی بیر درده دوا مشتاقیم غصّه دن خشکیده نی تک مین نوا مشتاقیم روز و شب وردیم حسین ، ذکریم حسین ، فکریم حسین من حسین بیماریم خاک شفا مشتاقیم @Navayebikas 🔵🟢🔵🟢🔵 @Navayebikas #کعبه_جان_کرب_و_بلا #محرم #هلال #ورود_به_کربلا التماس دعای فرج الاحقر مهدی عبادی http://eitaa.com/Navayebikas https://t.me/Navaye_bikas

شعر شماره ۲۰۸ عرض ارادتی خدمت حضرت امام حسین علیه‌السلام (با آهنگی جدید و زیبا) @navayebikas 🟩🟩🟩🟩 @Navayebikas ای عزیزِ دلِ زهرا خَلَفِ علیِ اَعلا سنه یوخدی حسین هَمتا اَبی عبدالله آقا اَبی عبدالله تیره شَبلَره مهتابیم دیلده طاقتیم ای تابیم منیم ای گوزل اربابیم اَبی عبدالله آقا اَبی عبدالله اولموسان آقا دار و نداریم، یارالی آقام اِی سَنه باغلیدی شأن و وقاریم ، یارالی آقام اِی گجه گوندوز اولوبدی شعاریم ، یارالی آقام اِی ،یارالی آقام اِی (اَبی عبدالله ، آقا ) ۲ اَبی عبدالله @navayebikas 🟩🟩🟩🟩 @Navayebikas سنه منده عزادارم نَظر ایله گرفتارم گوروسن کَسیلیب چاره م اَبی عبدالله آقا اَبی عبدالله غم اَلینده کی تاراجم تیرِمحنته آماجم آقا من سنه محتاجم اَبی عبدالله آقا اَبی عبدالله سالما گوزدن اوزون بو گَدانی ، ایله دیده تَرَم ایشیدیرسن او آه و نَوانی ، سنی سَسلییَرَم گویلوم ایستوری کرب و بلانی ، نولی بیرده گورَم ، نولی بیرده گورَم (اَبی عبدالله ، آقا ) ۲ اَبی عبدالله @navayebikas 🟩🟩🟩🟩 @Navayebikas سَسلَرم آدیوی هرآن دردِ عالَمه ای درمان سنه جانیم اولا قربان اَبی عبدالله آقا اَبی عبدالله چیخسا جان بو قوری تَندن دویمارام آقا من سندن سنده کَسمه نَظر مندن اَبی عبدالله آقا اَبی عبدالله گوزل آدیوی سَسله سه هر کیم ، گَلَرم یارالی گوزومون یاشینی سنه خاطر ، اَلَرم یارالی سنه آغلیه بولمه سَم ارباب ، ئولَرَم یارالی ،ئولَرَم یارالی (اَبی عبدالله ، آقا ) ۲ اَبی عبدالله @navayebikas 🟩🟩🟩🟩 @Navayebikas ای آقالارین آقاسی جَنَتین گُلِ زیباسی یوخدی دهریده هَمتاسی اَبی عبدالله آقا اَبی عبدالله آقالیق سنه عادَتدی نوکره آدون عزّتدی حَرمون منه جَنَّتدی اَبی عبدالله آقا اَبی عبدالله جان ویرینجه بو رَختِ عَزانی ، سویمارام بولوسن قَره پرچمه چَپ باخا کیمسه ، قویمارام بولوسن نَقَدر سنی سَسلییَم ارباب ، دویمارام بولوسن ، دویمارام بولوسن (اَبی عبدالله ، آقا ) ۲ اَبی عبدالله @navayebikas 🟩🟩🟩🟩 @Navayebikas #ای_عزیز_دل_زهرا #محرم #جلالت #مقام_نوکری #سیدالشهدا_علیه_السلام التماس دعای فرج الاحقر مهدی عبادی http://eitaa.com/Navayebikas https://t.me/Navaye_bikas