بابا ویرانه ده دلگیر و زارم #حضرت_رقیه 🏴🍀▪️🏴🍀▪️🏴🍀▪️ #زبانحال حضرت رقیّه علیها سلام . #سبک_کجایید_ای_شهیدان #سبک_جوشی_زنجیر . مرحوم غمکش . بابا ویرانه ده دلگیر و زارم گلم امّا اسیر دست خارم سنی گؤزلر گؤزوم یولدا شب و روز ئوزه اشکیم آخار من دلفکارم . . ندن اکبر منی بیر یاده سالمور گلوب آغوشینه مهریله آلمور باجی نون فکرینه قارداشی قالمور خرابه گوشه سینده اشکبارم . . قولوم باغلی اؤزوم محزون و خسته دمشق اهلی گلوللر دسته دسته تماشایه بو زار و دلشکسته دئمیللر بی وفالر داغدارم . . داخی قلبیمده یوخدی تاب و طاقت ائدوللر عمّمه هر دم اهانت ویروللار قلبیمه تیر شماتت هارا آیا قاچوم من یوخدی چارم . . طناب ظلم و جوره دست بسته او قدری یاتمیشام توپراقلار اوسته جهاندان اولموشام السّاعه خسته کی آز سنّیمده چوخ درده دچارم . . شب تاره دؤنوب گوندوز گؤزومده اثر یوخ آه و نالمده سؤزومده بابا گل سیلی ردّین گؤر ئوزومده نه نم زهرا کیمین نیلی عذارم . . اسیرم کینه جو شمر و سنانه اله هر دم سالور اعدا بهانه ویریللار باشیمه هی تازیانه من آماج بلای بی شمارم . . دئنن قارداشیمه بو دردی آخر اولوب قلب رقیّه زار و مضطر اؤزون گل اشکینی سیل ئوزدن اکبر گؤزوم یوللاردادی چشم انتظارم . . کیم اولسا آشنا بو درده آغلار حسین عاشقلری هر یئرده آغلار یازار غمکش غمیم دفترده آغلار بابا ویرانه ده دلگیر و زارم . . . #حضرت_رقیه_شهادت #بابا_ویرانه_ده_دلگیر_و_زارم #غمکش #نوحه_های_محرم_غمکش #ترکی .

بابا اگر اوزون مرامه چاتدون #حضرت_رقیه ▪️🌱▪️🌱▪️🌱▪️🌱 #زبانحال حضرت رقیه سلام الله علیها . حاج روح الله رمضانی . #سبک_ایران_اگر_دل_تو_را_شکستند . بابا اگر اوزون مرامه چاتدون لوای دینی سن اوجاتدون دیار کربلا ده اما رقیه نی گوزوندن آتدون . یانام شراره ی غم وملاله (۲) . . . . گتدون الیکی دشت کارزاره وئریلدی غارته اشاره نه قالدی معجریم باشیمدا نه ده قولاقدا گوشواره . یانام شراره ی غم و ملاله(۲) . . . . غرقم بابا یم غم وملاله ندن باشون دوشوب بوحاله کیمه قوناقیدون عزیزیم قونوبدی کول بو گل جماله . یانام شراره ی غم وملاله(۲) . . . . بابا منیله غملر آشنادی گونوم خرابه ده قرادی تیکان باتیبدی شام یولوندا ایاقلاریم بابا یارادی . یانام شراره ی غم ملاله (۲) . . . . گلمز ملا ل و محنتیم بیانه گتورم عالمی فغانه یوزومده واردی سیلی ردی قولومدا رد تازیانه . یانام شراره ی غم وملاله (۲) . . . . قلبیم دونوبدی غصه دن کبابه گوزومده باخ سرشک نابه اولوبدی اهل بیته منزل بابا سقف سیز خرابه . یانام شراره ی غم و ملاله(۲) . . . #حضرت_رقیه_شهادت #بابا_اگر_اوزون_مرامه_چاتدون #رمضانی_خاکی #ترکی