#شعرے_بهار_ایلہ_غزل...
ـــــــــــــــ
دووزگیلن دال دالا هِی واژه، قطار ایله غزل
روحِ شعری او قطار ایچره سوار ایله غزل
🔷🔷
سِیر عرفان ایله تا معرفته ال تاپاسان
معرفت عطری گَلن مُلکه گذار ایله غزل
🔷🔷
چوخ زاماندور که قَحَطْلیک، قورودوب سوزلریمی
سارالان فکریمه یاغ شعری بهار ایله غزل
🔷🔷
چَک خیال عالَمی بیر هوش آپاران نقّاشی
اوخیان گوزلری مست ایله، خمار ایله غزل
🔷🔷
جان وئروب دووز دانیشان واژه، عزا مجلسی دوت
اگنیوه قاره گیوب، حالووی زار ایله غزل
🔷🔷
بوشلا بیرآن غزلی، مرثیه یاز، اوخشاما قوش
آغلادوب قافیه‌نی تعزیه‌دار ایله غزل
🔷🔷
ماهنی قوش مرد اولان انسانه، ولی نامرده...
توخیوب واژه‌لری حلقهٔ دار ایله غزل
🔷🔷
حق دِیوب حق دانیشان شخصیلرین اوخشا بویون
یاراد عزّت حقْ ایچون، باطیلی خوار ایله غزل
🔷🔷
(فیضی) ئولسه، اونی یادّان چیخادار اهل زمان
اونا بیر فاتحه هر هفته نثار ایله غزل
🔷🔷
قبر ائوی اولسا قرانلوق ئوره‌گیم چوخ داریخار
لیلۂ قبریمی دوندر چو نهار ایله غزل
🔷🔷
#رحیم_فیضی_اردبیلی
ـ┅┅┅❅🌼❅┅┅┅ـ
♡ ㅤ ❍ㅤ ⎙ㅤ
ˡᶦᵏᵉ ᶜᵒᵐᵐᵉⁿᵗ ˢᵃᵛᵉ
