حسین غریب باجیوام اقربا دوشوب یادیما سارالمیشام چمن با صفا دوشوب یادیما   گوزل گولوم باجی قربان آچوب سولان یریوه نولیدی غم گونی زینب ویریدی جان یریوه   سلام اولا او گوزل تُربته،یاتان یریوه هایانداسان ئولورم کربلا دوشوب یادیما   من آشنای غم و یار عشقیوم قارداش باشمدا قاره علمدار عشقیوم قارداش   یتش هرایمه بیمار عشقیوم قارداش شمیم تربت دارالشفا دوشوب یادیما   یادوندا وار گوزلیم سن گیدنده میدانه؟ گلوب باشیوا دولاندوم مثال پروانه   لیوی سینمه قویدون ئوزون غریبانه غریبم ایندی همان ماجرا دوشوب یادیما   شهادتونده که اورنگ نازه چخدی باشون بدن نشیبده قالدی فرازه چخدی باشون   گلنده کوفیه من،پیشوازه چخدی باشون جدا باشندا کی بدرالدّجا دوشوب یادیما   گرک اورکده باجون آرزوسی دوفن اولونا گوزوم یورولدی زبس باخدی کربلا یولونا   الیم یتشمدب عباسیمین اوزون قولونا علینون اوغلی او مشکل گشا دوشوب یادیما   او زینبی که سو وَردون همیشه خاطرینی مقایسه ایله بیر اولّیله آخرینی   یتور الهب منه یدّی قارداشین بیرینی دلاوران دیار بلا دوشوب یادیما   انیس اولوب سنه خاطر غم زمانه منه نه خانه قالدی غمونده نه آشیانه منه   غریب آنام کیمی چوخ دگدی تازیانه منه بو حالدا حضرت خیر النّسا دوشوب یادیما   کلامی زنجانی #زبانحال_حضرت_زینب_(سلام الله) در حال احتضار

🏴نوحه زبانحال خانم زینب کوچ ازکوفه🏴 🎼باآهنگ : آچ گوزلریوی قارداشیم وای الده ئولن قارداشیم گوزدن آخوری قانیاشیم قارداش بوکولوبدورقدیم غمدن آغاروبدورباشیم سنله باجون شامه رواندور چکموش مصیبت باغریقاندور یانام باشون نوک جداده جسمون قالوبدورکربلاده(۲) بوکوفه ده چوخ آغلادیم غمدن سینه می داغلادیم مجلسده دوگولدی باشون قانیاش ئوزیمه باغلادیم گئتدیم اخا بزم زیاده اولدی غمیم اوردا زیاده قانلوباشون نوک جداده جسمون قالوبدورکربلاده باشون دوگولنده قارداش گوزدن من آخوددیم قانیاش قول باغلی دوروب اولادین یاندیم دوگولنده اول باش ابن زیادیاندیردی یاخدی ووردی آغاج قان تازه اخدی(۲) قانلوباشون نوک جداده جسمون قالوبدورکربلاده قارداش دئمه سن دینجللم آهیمله داشی من دللم شامه گئدرم ئولسمده باشون دالیسنجان گللم سنله گلم آرام جانم بوکوفه دن شامه روانم قانلوباشون نوک جداده جسمون قالوبدورکربلاده قول باغلو اسیردشمن غصمده ئوزون شاهدسن قیزلاردوگولنده قارداش ال قمچیلره وئردیم من قمچی دگوب ردین سالوبدی دشمن باجون صبرین آلوبدی قانلوباشون نوک جداده جسمون قالوبدورکربلاده(۲) اولموش باجیوی آواره یوخ دردینه اولسون چاره مهمان ائده جاقدورراهب سنله گئدیرم درباره چوخ یرلری سنله دولانام من باشلاراباخدوقجا یانام قانلو باشون نوک جداده جسمون قالوبدور کربلاده(۲) صاحب یانورایلورافغان قارداش سنه جانی قربان دعوت ایله بیرده شامه ائتسون اورقیین مهمان قوی باشینا نوکردی منت شام ودمشقه ایله دعوت ✍حاج عباسعلی دهقان (صاحب)۱۴۰۰/۶/۵ ____ 🏴السلام علیک یا اباعبدالله الحسین(ع) حسین امام من است و من غلام حسین هزار جان گرامی فدای نام حسین #محرم1402 #قتلگاه #اسارت

آی منیم نازی بالام؛ گوزلری ایجازلی بالام دمدیم دردمی هچ؛ آی سینی جازلی بالام… لبلری دوزلو بالام؛ سوزلری بالام سازلی بالام نیه سالدی سنی بو حالا لای لای؛ گولوم لای لای سارالان لاله لای لای بابام لای لای علی لای لای؛ منه هم ناله لای لای اوچ گجه اولمادی سو قنداغی اچدین بلدین؛ مشقی سقایه باخیب هی اوزوه گوز یاشیمی؛ سن الدیم من الدیم رباب اغلار دیر آهی؛ یاتان اقباله لای لای گولوم لای لای؛ سارالان لاله لای لای گوزلریمسن سن گوزلیم؛ ایستملیمسن سن گوزلیم هی ددیم اتما منی؛ سن ساغ الیم سن گوزلیم… جاویدان اولدو ادون من گزرم سن گوزلم گوتوردو اوخ سو یالانندا سنی آواراه لای لای؛ گولوم لای لای سارالان لاله لای لای آلتی آی بیر طرفه سون نفسین بیر طرفه؛ گولمین بیر طرفه ناله سسون بیر طرفه سوت غمین بیرطرفه؛ اوخ هوسین بیر طرفه… علی لای لای منه هم لاله لای لای؛ گولوم لای لای سارالان لاله لای لای بالام لای لای علی لای لای؛ منه هم ناله لای لای گولوم لای لای سارالان لاله لای لای… آی منیم نازلی بالام؛ گوزلری اعجازلی بالام دمه دین دردیوی؛ هچ ای اوره یی رازلی بالام… آی منیم نازلی بالام؛ گوزلری اعجازلی بالام دمه دین دردیوی هئچ؛ آی سینه سی رازلی بالام لب لری دوزلی بالا، سوزلی بالا سازلی بالا او اوچ پر اوخ نییه سالدی؛ سنی بو حاله لای لای گولوم لای لای سارالان لاله لای لای؛ بالام لای لای علی لای لای منه هم ناله لای لای؛ گولوم لای لای سارالان لاله لای لای اوچ گئچه اولمادی سو؛ قونداغین آشدیم بله دیم مشکه سقایه باخیب؛ سن مله دین من مله دیم هی اوزه گوز یاشینی؛ سن اله دین من اله دیم رباب آغلار دییه ر آهی یاتان اقباله لای لای نه گولوب آغلامیسان چاره یولون باغلامیسان؛ الین آشدین نییه بس سینه می دیرناخلامیسان؛ با ادب سن دمه رم حرمتیمی ساخلامیسان بیراز آغلا ییغیم اشکین قره دستماله لای لای

#ورود_به_مجلس_یزید ‍ امدن اسرابه مجلس یزید بامداحی استاد طالبی بسم الله الرحمن الرحیم بیرطرف ده ورلیئب  باده یزیدن الیئنه نئچه جلادآسیئب  زهرلئی خنجر بلیئنه وارد اولدی اسرا اجنبیئلر محفیئلینه بیرقزیل طشتن اچیئنده سرسلطان شهیئد خانم بیر باخدی اوضاعه مجلسئه گوردی تمام سفیران دمشق بزرگان شام هامیئسی جمع اولوب اسرایئه کربلا قولاری باغلی اسرایئه کربلا ایلشدی یره خانم تصمیم توتی بوردابیرکلمه ده یزیدنن دانشمیا اما بیرقزیل طشتین ایچینده سرسلطان شهید خیزران الده همان باشه  باخیب گولدی یزید استه دی ایلیه توهین شهدایه اوپلید دوردی بیردن ایاقا حامیه قرانه مجید دئدی یبن الطولقا من ازلی مشعلیم ( دئدی کیمسن دئدی شاگرده کلاسه علیم دئدی ایلش دئدی دوردوم باشواگول الیم الریم باغلیداولسا من ابولفظل الیم( 2 ) دئدی ظالم من دختر محبوب علی عربم جدمین شهرتی وار عرشیده والا نسبم نهضت کربوبلا عالمه لرزه سالاجاخ  سن یزید اولملیسن زنده حسینم قالاجاخ کیمدی بودانیئشان البیر علی گلوب شامه البیر قهرمان ابوالفضل دانشیر دئدی یزید تانیماسون تانی شمع دلسوخته انجمن پنج تن م ظاهرا باخما قولئم باقلی جلای وطنم سن بت اولساندا علینن قزییام بت شکنم یزید گلموشم تختوچورم باشوا باخدی دئدی کیمدی بودانشان دئدی کیمدی بو عورت خانم سسلندی ظالم زینبم چکدی هنداوغلی دئدی ایستیسن منن علی کیمین دانیشاسان استیسن منی خارعدسن دئدی ظالم بلی  زینبم چکدی هند اوغلی دئدی قدرته منده مرحبم اقازوباغلا دئدی مرحبلر باش ایئمرم سن اگر مرحبده اولسان من ذولفقار حیدرم اگر مرحب دع اولسون من ذولفقار حیدرم زوب اوغلان نارااولونر یارو یولداشسیز گلیب دی چوخلار زهراننه ام تک  بورا قارداش سیز گلیب دی گوردی زینب دانشیر الینده اوچوب خیزرانی ورر اویارالی باشه باخدی اوی داغلان ورما اتاسیز بالا وارورما اوغلی اولن ننه وار ورما قرداشی اولئن باجی وار التماس دعا دوزدی بواوغلی اولننر یارویولداشسیز گلیب چوخلاری زهراننه ام تک بورا قارداشسیز گلیب اوی داغلان  ورما بالالر باخیر اخی رقیه باخیئر سکینه باخیئر یاالله سوزی یتنده بویره موجه گلدی غم داشدی خیزران جنبشه گلدی بالالار اغلاشدی زینب گوردی خانمن معجرن چکیللر  یاالله امام زمان منی باقیشدا اقاجان روضه اغرروضه دی اقاجان زهرابالاسی هارا مجلس یزیدهارا  رباب هارا یزید هارا زینب هارا مجلس شراب هارا خانم  گوردی  معجرن چکیئلر گوردی بیله باخانداگوردی او نازدانه بالا یواش یواش دیر عمه دای دانیشماعمه  سن الله صحبت المئه خانم باخدی قزیم نیه دانشمیم سنئی اتاسیز قویدلر منی قارداش سیز قویدلار یواش یواش دیره عمه دیلوا بالار قربان اولا عمه بوناگوردیرم  دانئشما عمه سن دانشاندا بابامین یارالی باشینان آقاج  ورر عمه دای دانئشما گوی خیزرانی گوی سین یره اقاج دینده حسینن سوسیز دوداغینا اوزینی سالدی سکینه  زینبن ایاقنه عمه دای دانئشماعمه دای دانیشما گورخورم دای بابامی اینجیده دوداغن اقاج عمه الله اکبر عمه دنئن یزیده سئن قانی دوداغی ورماسین الله هیچ بالا ن گوزنن قاباقندا بابانین یارالی پیکرین گورمئسین الله سکینه باخیر رباب باخیر لیلا باخیر اویارالی باشا چوب خیزران دینده اهل شام دایانب گوردلر اوبالاجابالا دوزمئدی دوردی ایاقه عمه دنن یزیده سئن قانی دوداقی ورماسین یارالی دی دوداغلری تشنه قوناگی ورماسین عمه باشو دولانم عمه یارالی باشین عشقینه شهرلر دولانمیشام دشمن اودنده عطرینی غملی اوره دن المیشم بیراتاسی اولئن قیزام عمه باشیما قاره سالمیشام اوجادان سسله یاحسین بیر اتاسی اولئن قیزام باشیمه  قراسالمیشام زینب بیر باخدی قیزم نگران اولما عمون سن قربان اولابالا یزیده خوار الرم تختن چورم باشینه بردابیر متوسل اولاخ امام زمانا آقایا بیرلحظه نظرنده مجسم ایله اوعظمت مجلس   اوغلی اولن ننه لر جلالی داغلان باجی لار یاالله راوی دیر گوردیم امام زمان اقا منی باقیشدا معذرت ایسترم سنئن بیرمرد شامی وارد اولدی مجلسه دایاندی یزیدن تختنن برابرینده اشاره ایلدی یزید اوی داغلان منه قول ورمشدون پیروزاولاسان اسرای کربلادن بیرن عیالیم کنیز ورسان بوروضه احسان اولا  شهدای کربلا شهدای جنگ وشهیددلرن اتااناسینن بخصوص بانی مجلسین اولنئری دیه یاد اولا قول وربسن اسرادن بیرن عیالمه کنیز ورسن اخ زینب باخیراوند اشاره ایلدی امام حسینن اوجوان بالاسنا ایله سخلدی زینبن یانین عمه گیشدی عزیزلیگم بی بی استمیرم عزیز اولام گورمه میشم کنیزلی ایندی نجه کنیز اولام خانم بیر باخدی یارالی باشا بیر باخدی امام حسین اقان اوجوان بالاسنا دیدی  زینب او پریشان قیزا سن گوخما بالا هیچ کسن قدرت یوخدی سنی منن ایرا حامیدان چوخدی غمون بالاواردی قولاگیندایارا اوجادان دی یاحسین

‍ روضه کوچ از قتلگاه (فضه دیور زینبی یولا سالدوخ بخت ایوینه نصف شب دوردوم گوردوم ابی عبدالله صحنیده قدم ورور گه صاقا صولا بیر گون ایکی گون اوچومونجی گون عرض الدیم حسین جان نیه گجه لر استراحت المیرسن بیوردی فضه بویون اوچ گوندی زینبدن آیرلمشام فضه یوخوم گلمورصاباحلاری ابی عبدالله دوردی گلور باجی ایوینه حسین گلور زینبون ایوینه گلدی یتیشدی زینبین ایوینه اله وارد اولدی صحنه گوردی گون پنجره دن دوشوب زینبین یوزونه زینب مشغول استراحت عباسین چینینن گوتوردی حائل اله دی گونون قاباقنا مبادا گون زینبی اذیت الیه بولمورم بیر دیقه بیر ساعت باجی گوزلرین آچدی گوردی قارداش عبا الینده دایانوب قویمویا گون زینبی اذیت ایلیه دیدی حسین ئولمرم بو یاخجلیقوی جبران الرم آی قارداش محرمین اون بیری او چوخور یردن آیرلاندا بولمورم حسینین جنازه سین نه حالدا گوردی دیدی حسین او یاخجلقین یادمنان چخمیوب ) چوخدور ئولن الرده سنون تک ئولن اولماز (حسین ولی منیم عبامدا یوخدی الرین آتدی ساچلارینا ) زلفومدن علاوه سنه قارداش کفن اولماز غیرتی اولسا گرک دای نهرعلقم آخماسون ناگران اولما گونه تاپشورموسام چوخ شاخماسون آی گون آزات حرارتیوی یاندی قارداشیم نوحه وی قارداش اسن یلر دیسون یا من دیوم قتلگلهوندن کوچن ائلر دیسون یا من دیوم آیرلیق شرحین بو آغ تلر دیسون یا من دیوم الی دورت ایل التفاتونله اوجالدی زینبون ایش برعکس اولدی یاریم گونده قوجالدی زینبون بوچوله گلمیشیدیم عزتیلن یاوریلن ایندی شامه گیدیرم شمر جفا پروریلن دور دعا ایله منی بو کسیلن حنجریلن (محرمین ایکیسی کاروان که وارد اولدی کربلایه تمام خانملاری تمام بالالاری عباس رکاب دوتدی علی اکبر رکاب دوتدی قاسم رکاب دوتدی تمام خانملار بالالار اندیله یره اما کربلادن آیرلاندا زینب هامیا رکاب دوتدی هامی میندی ناقیه هامینی زینب ئوزی میندیردی ناقیه لیلانی ربابی سریه نی سکینه نی هامینی خانم میندیردی  حرکت ویریبلر) غرض که شمری گوروبلر ره ظلاله گیدور وروبدی بانگ دورون  سایه لر زواله گیدور کبوتران حرم گوندولار کجاوه لره (هامی میندی ، بیر باخشنان، بیر نظریلن زینب گوردی اله بیر او امانت یوخدی او که حسین تلین اوسته تاپشروب اوچ یاشندا بالا یوخدی ناقه ده(این رقیه) صاقا قاچدی صولا قاچدی  قیزیم هارداسان بالا قیتدیلر گوردولر ئوزون سالوب بابانین سینه سینه من بابامدان آیرلمارام ساربانلار نقدر اله دیلر بوبالانی حسینون سینه سینن آیرانمادلار اوندا گوردولر شمر ظالم گلدی قاباقا چکیلین دالا جوردولر او کسیلن حنجره دن سس اوجالدی) گل اوسته بلبل دستان سرانی ورمازلار دده جنازه سی اوسته بالانی ورمازلار یارالی سینه قیزیم نیزه خنجرین یریدی دو سن خرابیه گیت سینم اصغرین یریدی (رقیه نی ده آیردیلار اربابین سینه سیندن هامی ایلشدی ناقه ده وکاروان حرکت اله دی ) بوینی چینینده دونوب باخدی او عریان بدنه دیدی ایستور السون طی مراحل زینب کسیلن الری قالخیز باجوی ایله دعا علم نهصتیوه تا اولا حامل زینب (حسین مسافرین دالیجا اذان ویرلر بیر اذان ویر زینبی یولا سال گوردولر دوباره او کسیلن دامارلار او باشسیز بدن بیر تکان یدی بیر حرکته گلدی (اذان) دولر آغلادی سنان بن انس بو وضعیتی گورنده دیدی دینمیون الان من حسینی ساکت الرم او نیزه ینن نجه ظلم اله دی آقانین حلقومینه اوزینبی که دیردی حسین اذان ویر منی یولا سال گوردولر دیدی حسین دای اذان ویرمه  من گیتدیم

حضرت رقیه سلام الله علیها اوخشامالار – بیاتی لار . ابوالفضل عباسی معروفان . رقیه ام غم گولونه بوداقام قارداشسیزام ائللریمدن اوزاقام بیلمدیلر منه طعنه وورانلار بش اون گونلوک خرابیه قوناقام . . رقیه ام نوش ایتمیشم هر غمی غملر اولوب بو غریبین همدمی اولماسیدی عمم چوخدان ئولموشدوم الله منه چوخ گؤرمه سین عمه می . . رقیه ام خرابه ده سفیرم اوچ یاشیم وار یورکلره امیرم کربلادن شامه کیمین یوللاردا دؤیولموشم شمر الینده اسیرم . . عزیزلریم کربلاده قالدیلار قافله نی چؤلدن چوله سالدیلار غارت گونی نامردلر الیمدن اکبر آلان گوشواره می آلدیلار . . رقیه ام چوخ ایستورم اکبری حالیم پوزار اکبریمون غملری بابام گئتدی قارداشیما سو آلسون اوخلادیلار الی اوسته اصغری . . محبت گؤیونون دان اولدوزیام ائللریمون هم دادی هم دوزیام اوچ یاشیم وار یورولموشام فلکدن من ربابین قرا یازی قیزیام . . بهار گلدی من بیر نازلی گل اولدوم خزان اولدی کؤچری بلبل اولدوم هجران اوتی سالدی شرر جانیما ائله یاندیم یاواش یاواش کول اولدم

عشق حسینی گریز به عشق دردانه حسین (ع) ،حضرت رقیه (س) . . مرحوم شب خیز . شهر بند عشقیده بیر عمریدور دیوانیم شمع عشقین شعله سینده اودلانان پروانیم عقلی ویردیم زاهده علامه اولسون دهریده اوزگه عالم دور جنون قوی سویله سین دیوانیم . بو جنونیله کی مین عالَمدی هر بیر لحظه سی عقلی یوخ عاقل دگور هر کیم دیسه فرزانیم گوز قجیردیب زاهد بیچاره حور و جنته عیبی یوخ منده هواخواه می و میخانیم . یوخ سوزوم احکام دینه آشنادور شیخ شر منده شکر اولسون ریادن حیله دن بیگانیه م میثم طمار تک جام ولا سرمست ایدوب چکسه لر داره گینه مشتاق بو پیمانیه م . اگمَرَم باش ذلته باشیم کسیلسه کینه دن عاشقم عشقیمده ئولسم یوخ غمیم مردانیم من حسینین آستانین وئرمرم مین جنته اللی ایل دور شرمسار دولت احسانیم . گلشنیم باغیم گلستانیم بهشتیمدور حسین عندلیب نغمه خوانم عاشق مستانیم. کفره محکوم ایتسه قوی ایتسون منی عشقیمده شیخ عشق اگر کفر اولسا منده کافر جانانیم . آند اولا عشقه حسینون عشقی مجنون ایلیوب دوشموشم آواره چوللرده گزن دیوانیم

عشق حسینی گریز به عشق دردانه حسین (ع) ،حضرت رقیه (س) . . مرحوم شب خیز . عشق حکم ایلوب حسینون گوشه ویرانه ده جان ویرن قول باغلی بیر قربانینین قربانیم . بیر گهر دفن ایلیوب ویرانه ده تقدیر الی حشره تک اول گوهر دردانه نین حیرانیم عالم و آدم بو دُرّون عشقینه دیوانه دور تک نه من عالم آرا مجنون اول دردانیم . اهل دنیایه ئوز عشقون عاشقانه گوستروب سویلدی شهزادیم چون ساکن ویرانیه م هر ایکی دنیاده ئوز عشقیم سرافراز ایلدی خاکسار کوی عشقم ، عشق سرگردانیم . نوبهار عمریمی عشقیمده پاییز ایتموشم داغدار اولسامدا ایندی زینت گلخانیه م تاج کرمنا بنی آدم قویوبدور باشیمه حضرت جانان اودور اوز جانمون سلطانیم . دامنیمدن صدقیله هرکیم جهاندا وورسا چنگ حاجتین قیلام روا چون درگه شاهانیم شاعر آل محمددور بو شب خیز حقیر افتخار ایلر که روح القدسیله هم خانیم . مفتخر قیلسا خانم دربارینه دربانلیقا فخر قیلام عالمه گور من کیمون دربانیم ای خانم لطف ایت قونوم درگاهیوون ایوانینه بیر کبوتر تک نچون محتاج آب و دانیم

اولماسیدی علی قیزی زینب (س) 🏴 ندای عاشورا 🏴 -------------------------------ه او لماسیدی علی قیزی زینب پر چم انقلاب یا تمیشد ی ائتمه سیدی قیام اگر زینب شهدا نینده قانی باتمیشدی 🥀🏴🥀🏴🥀🏴 اولما سیدی علی قیزی زینب بوحسین آدی زنده قالمازدی قا لماسیدی حسین آدی زنده کربلا پرچمی اوجا لمازد ی 🥀🏴🥀🏴🥀🏴 اولما سید ی علی قیز ی زینب کو فد ه فا تحییدی ابن ز یا د فا تح او لسید ی ابن مر جانه عدل ودادی یازازدی شروفساد 🥀🏴🥀🏴🥀🏴 اولماسید ی علی قیز ی زینب قید ظلم و ستم قیر یلمازدی شام و کوفه مُسَّخراولمزد ی قصر سبزه علم و وریلمازدی 🥀🏴🥀🏴🥀🏴 نطق ز ینب بیر انقلاب ائلد ی کوفده قوپدی شورش وغوغا نطق آ تشفشا ن ز ینبد ن بِن زیاد اولد ی شهرد ه ر سو ا 🥀🏴🥀🏴🥀🏴 السلام ای سفیر عا شو ر ا خواهر شا ه تشنگان زینب السلام ای عقیله ی علو ی عمه ی صاحب الزمان زینب 🥀🏴🥀🏴🥀🏴 السلام ای مقام صبری ائد ن خصم قرآنی بی امان زینب الحق الحق که کوفه شهرینده وئردون.اسلامه.تازه.جان زینب 🥀🏴🥀🏴🥀🏴 بو خانم کیمدی عر صه ی غمده باج آ لو ر غمکشان د و ر ا ند ان داش وورولارگورور حسین باشینا تا ج آ لو ر با شینه قیزیل قاندان 🥀🏴🥀🏴🥀🏴 السلام ای یزیدی خوار ائلیین بزم شُرب و شر اب ونخوتده امپرا طور شامی بنده چکن کربلا قهر ما نی یا ز ینب 🥀🏴🥀🏴🥀🏴 مرحبا مرحبا علی قیز ینا که اولوب شمع عشقه پروانه قصر سبز یزیده قاره چکوب کاخ ظلمی ائدیب عزا خانه 🥀🏴🥀🏴🥀🏴 جاهدا. عرشیدن گلور بو ندا بو خانم روح عشق و ایماندی جان نثار قیام عا شو را جان فدای قیام قرآند ی 🏴 🥀🏴 ندای عاشورا 🏴 التماس دعا....... جاهد .