کمالی دخیل قبر بی نشانم: توسل به حضرت ولیعصر علیه السلام با آهنگ شبانگاهان 🌹🌹🌹🌹🌹🌹🌹🌹🌹 ابا صالح گَل سنه قربان هاردا قالدین آقا غملی بحراندی آشوب داشدی ایندی درد بلا چیخدی عرشه نوا عالم حیراندی گُل زهرا گَل سنه قربان اولوب مولا سینه لر سوزان یا ابا صالح یا ابا صالح 2بار یتش داده فاطمه بالاسی شیعه لر آقاسی گَل گُل طاها چیخوب عرشه ظلم جور و جفا دهریده قالدی شیعه لر تنها ایدور ظالم ظلمیده طغیان ای مه تابان تز گل ای مولا ظهور ایله اذن حقیله ای مه انور شیعه گریاندی گل زهرا گل سنه قربان اولوب مولا سینه لر سوزان یا ابا صالح یا ابا صالح 2بار آقاجان گل الده قانلی علم قوی گوز اوسته قدم یا ابا صالح قالوب شیعه گوزلری یولدا ایله لطف کرم یا ابا صالح خانم زهرا قبرینین اوسته وور بقیعده علم یا ابا صالح نشان ویر سن قبر زهرانی تنگه گلدی ئورک سینه سوزاندی گل زهرا گل سنه قربان اولوب مولا سینه لر سوزان یا ابا صالح یا ابا صالح 2بار گلوب داده شیعه نی شاد ایت هستی عالم سن سن ای مولا گلوب دولدور عدل دادیله عالمی یکسر ای شه والا عدالت قوی بر قرار اولسون شاه عالمیان ای گل زهرا یانان ایندی ظلم ظالمده ای مه تابان اهل ایراندی گل زهرا گل سنه قربان اولوب مولا سینه لر سوزان یا ابا صالح یا ابا صالح. 2بار سنی ویرم مصطفایه قسم قالما غیبتده شیعه گریاندی بو عالمده شیعه نین یکسر قلبی قان اولدی سینه سوزاندی نظر سال سن حال زاره آقا ایله نورین عیان غملی بحراندی یوران چوخ بو دار دنیاده امتی مولا درد هجراندی گل زهرا گل سنه قربان اولوب مولا سینه لر سوزان یا ابا صالح یا ابا صالح 2بار آشوب داشدی ایندی جورو ستم ظالمان زمان ظلم ایدور تز گل چیخوب یاددان عالمی یارادان قوم شمر و سنان ظلم ایدور تز گل اولوب شیعه دهریده نگران حاکمان جهان ظلم ایدور تز گل عیان ایله شمع رخسارین حسنوه یکسر عالم حیراندی گل زهرا گل سنه قربان اولوب مولا سینه لر سوزان یا ابا صالح یا ابا صالح 2بار گل زهرا جان طاها گل ایله لطف کرم حال بو زاره دخیل اولدوم درگهینده سنون روسیاهم من درده قیل چاره سنون عشقونده یانا یانه گلمیشم ایندی من بو درباره یازار «مهدی» شأنیوه نوحه خوان احسانه ایندی مهماندی گل زهرا گل سنه قربان اولوب مولا سینه لر سوزان یا ابا صالح یا ابا صالح 🌹🌹🌹🌹🌹🌹🌹🌹🌹

ولادت حضرت فاطمه سلام ا... علیها (از نگاه یاران ،به یاران،ندا میرسد) 🛑🛑🛑🛑🛑🛑 دیلده وار تَرانه/بَهانه/دوشوب اَللره پای ویروب خداوند/گوزل گول بوگون ائل لره عرش کبریادن/سَمادن/مَلَک لر گلور فاطمه گَلنده/گلوبدی/صفا دیل لره دخترِ رسوله/بَتوله/دیون مرحبا یُمنِ مَقدمیندن/اورکلر/تاپوبدی صفا شاد اولوب اَحِبّا/گورنده/جمالین دِدی او گوزل آدینا/یادینا/اولا جان فدا سسله سنده زهرا/یازهرا/یازهرا مدد 🛑🛑🛑🛑🛑 مَفخَرِ زنانِ جهاندی/بو بَحرِ شَرف دُرِّ پُر بَهایِ/حیایه/اولوبدی صدف مُجتبا و زینب/حُسینین/ آناسی گلوب شأنه باخ اولار چون/عَیالِ/امیرِ نَجف من کیمم خدایا/کی زهرا/خانیمدان دییَم خیرة النِسانین/مقامین/بیان ایلیَم قطریَه یاراشماز/جهاندا/یازا بَحریدن گراجازه ویرسه/بَسیمدی/آدین سَسلیَم سسله سنده زهرا/یازهرا/یازهرا مدد 🛑🛑🛑🛑🛑 هانسی بیر قیزا اوز/آتاسی/آنا سویلیوب بَطنیده آناسین/دیوللر/خانیم دیندیروب باخ کرامته سن/جهاندا/گورَن اولمییوب کی شبِ عروسی/لباسِ/قدیمی گییوب عشقی هر اورکده/یِر آلسا/قیامت ایدَر (بیکَس)وگدایه/همیشه/عنایت ایدر نوکری مِدالین/سینن ده/اگر ساخلاسان عرصه گاهِ محشر/بو دختر/شفاعت ایدر سسله سنده زهرا/یازهرا/یازهرا مدد 🛑🛑🛑

‍ نوحه حضرت رقیه(س) رقیه رقیه ای زهرای سه ساله سن اولدون عموون حالی دوندی ملاله بیزلری گوزدن آتما،،،عمّوی گل قوجاتما لای لای رقیه لای لای(2) عزیز. قارداشیم. ، ایوای رقیم ایوای منیم یول یولداشیم ایوای رقیم ایوای آخِّر بوگوزیاشیم. ایوای رقیم ایوای بلالدور باشیم ایوای رقیم ایوای بیزلری گوزدن آتما،،،عمّوی گل قوجاتما لای لای رقیه لای لای(2) گدورم. وطنه ای وای مهپاره قزیم دورگدک آلارام سنه گوشواره قزیم ای باخان حسرتله غملی یولاره قزیم عمّوون قلبنی گل ایتمه یاره قزیم بیزلری گوزدن آتما،،،عمّوی گل قوجاتما لای لای رقیه لای لای(2) وار یری اوزومه نیسان کمی یاش گلسون هی دیردیم. بابون ویرانیه کاش گلسون یاکه دیداریوه وفالی قارداش گلسون هیچ دیمزدیم بالا طشتده بیرباش گلسون بیزلری گوزدن آتما،،،عمّوی گل قوجاتما لای لای رقیه لای لای(2) دوریاتما ای اولان دردی بی درمان بالا گوزلریوه اولسون بوعمون قربان بالا ای اولان یولاردا ایاقلاری قان بالا ماتمینده سنون من اولّام گریان بالا بیزلری گوزدن آتما،،،عمّوی گل قوجاتما لای لای رقیه لای لای(2) غم ایتمه شاماته بیرگونی. گلم قزیم هامدان قدریوی من چوخلی بلّم قزیم قبریوین توزونی من اوزوم سلّم قزیم آخر بو. شامده حسرتله اولّم قزیم بیزلری گوزدن آتما،،،عمّوی گل قوجاتما لای لای رقیه لای لای(2) نوروزی. یازاندا بومطلبی آغلادی رقیه اولنده اورکلری داغلادی یازگلان عمه سی گوزلرینی باغلادی اولونجه بو قزین عزاسینی ساخلادی بیزلری گوزدن آتما،،،عمّوی گل قوجاتما لای لای رقیه لای لای(2)

‍ روضه حضرت علی اصغر(ع) @okhshama اوغولسوزون غمینی اوغلی ئولموین بوله بولمز همیشه آغلار اوغلسوز ننه دیوب گوله بولمز بیری ئوله باجیسی عمه سی اگرچه چوخ اوخشار ننه نین اوخشاماسیندا ولی بیر آیری اثر وار هر آه و داد و نوا اوخشاما حساب اولا بولمز هر اوغلون اوخشویان عورت خانم رباب اولا بولمز سوزوب نه سن تک سن ای بختیمین سهیلی گیدورسن بالا الیوی باغلامشیدوم یقین گلیلی گیدورسن دیور راوی گیده بولمیدی حضرت خیمیه ساری اوجا بوی بیر خانم تل اوسته سسلور یا اخا گوردوم حسین گل خیمیه قربانیوی چولده دولاندورما گویه سن قان سپن وقته گولوردی اشقیا گوردوم آناسیندان اوتانما اوغلونون اصلا آدین دوتماز او گوندن که گلین گلدی ربابی با حیا گوردوم دیدی زینب منه شرمنده لیک ویرمه سنی عاشقلره فرمانده کل قوا گوردوم ننه مین یاره سین فضیله اسما باغلیانمیدی ولی سن باغلادون زهرا بویوردی مرحبا گوردوم بابامین باشینه محرابیده شمشیر انن گونن سنی دستمال الینده زخم بند مرتضی گوردوم حسن قارداشیمون طشته جگر قانی آخان وقته دوداقلارون یوردون جان دیوردی مجتبی گوردوم توکوم من گوز یاشی سن اصغرین قانلی بوغازون یو دیدی حسین اجازه ویر فقط بیر یول رباب او قانلی قونداقی گورسون (ربابه قانلی قنداقی گتیردیلر بولمورم ننه بالانی نجور اوخشادی ) منیم پرپر گلوم لای لای ، نوالی بلبلوم لای لای ننه سیندن دویان لای لای ، اوخا دردین دین لای لای (ابی عبدالله دیدی زینب ربابده اوغول ویریب گیدک ربابه ده بیر تسلیت دیاخ ) سن دوش قاباقا باجی بو بیر امر ثوابه لازمدی تسلی ویریله ایندی ربابه قلبیمده منیم واردی سوزوم اول قلبی کبابه دور منله گیدک گویلون آلاق دردی آزالسون هر درده دوزوب دایره صبریده قالسون (زینب قاباخدا حسین دالدا گلیلر ربابین خیمه سینه رباب آقانین عطرین آلدی گوردولر خیمه دن ئوزون آتدی آقانین قدملرینه آقا جان بالامدا سنه قربان ئوزومده سنه قربان ) قربان گوزوه آغلاما یاندرما ربابی اشک غم و ماتمله بویاندرما ربابی سن بیل ننوین حقی اوتاندرما ربابی (دیدی آقا من شرمندیم سندن ، دیدی نیه سنینده بالان منیم دینیمین یولوندا گیدیبدی دیدی آقا) قوچون یاراشیقی وار من ولی قوزی ویردیم ولیک سن آقاسان اوزگه بو نثاره گولر آقا اجاره ویرسن اگر منده باشیوه دولانوم @😭😭😭😭🌹

‍ سبک سینه زنی واحوالات چکلون کناره اوزوم گلیم بالامی مزارینه تاپشوروم اوپوم آنینی بالامون اوزوم بونگاری یارینه تاپشوروم   بوخرابه گوشه سی یوخ بوگون بوناغسل ورماقا فرصتیم ندی چاره غسلونی من گرگ گوزوم آبشارینه تاپشوروم   آغاران بو ساچلاریمی کفن ایدرم بو خسته وجودینه کفنه یوخومدی گمان اگر بونی زلف تارینه تاپشوروم   قوری یرده یاتماقا گرچه بونه زماندی عادت ایدوب ولی بو خرابه یرده بوتوپراقا بالمی مزارینه تاپشوروم   بیز آدامسیزوخ بو دیارده هانی قبرینی قازان ای خدا بونا قبر قازماقی زینبین دل بی قرارینه تاپشوروم   سولوب عمرومون گلی ای عجب بو ربابه بیر جه نما قالوب بو خرابه شامده روحومی بویرین غبارینه تاپشوروم   سارالوبدی غنچه گلوم منیم داخی پرپر اولدی زمانه ده بوخرابه شامده من گرک گلی لاله زارینه تاپشوروم   گویرن جمالینی توپراقا  قویوب آغلارام بوخرابه ده که بنفشه مرهم ایده قبول اونی گل عذارینه تاپشوروم   دیمورم نه چکدی بالام منیم بوخرابه شامده من گرک هامی نسگلین بالامون بو مرقد رازدارینه تاپشوروم   نقدر اذیت ایدوب بونا بوخرابه شامده شامیان یورولوب بالام بو مزاریده حق کردکارینه تاپشوروم   سینه مین گلی ایکی غنچه گل آلوب اختیاریمی آغلارام گرک اصغری بوناتاپشوروب بونی شیرخوارینه تاپشوروم   چوخ اولوبدی غصه و محنتیم بالاما آنالیق ایده مدیم آنالیق و هم آتالیق ایده شه تاجدارینه تاپشوروم   بالامون مزارینون اوستونه  نه بولوم گلوب گیدنی اولار بورا بیر گلوب گیدن اولماسا اونی رهگذارینه تاپشوروم   گله جاقدی مهدی فاطمه او (فغانی ) حقینی آلماقا بونون انتقامون او حضرتین دم ذوالفقارینه تاپشوروم

کوفه و راه شام . . حاج اصغر فرشچی (عدلی تبریزی) . ای کلام الله ناطق نطقوه قربان حسین گویلونی آل زینبون بیرده اوخی قرآن حسین . زینبون اولسون فدا قارداش لب عطشانیوه ام حَسبتَ سسلنن خوش لحنیوه قرانیوه هم مرام و دینوه هم قوّه ایمانیوه حیرته داودی سالموش نطق خوش الحان حسین . سن فراز نیزده عرش اوسته کامه چاتموسان دین حق اوستونده دنیا ماسوانی آتموسان واردی کول آثاری یوخسا کول لر اوسته یاتموسان کول دوتوبدور مه جمالون باغریم اولدی قان حسین . نیزده ای ماه زینب گوهر کنز ولا ای اولان چشم و دِله خاک رُخی چون توتیا سن دانش گویلوم آچیلسون لطفوه جانیم فدا ظلموده بو قوم کافر ایلوری طغیان حسین . وارتعجّب اهل کفره بو باشون قرآن اوخور باش نه باش ساطعدی نوری بویری ایلوبدی طور حیف اولا قارداش یوزونده واردی آثار تنور جسم پاکون قالدی چولده بیکفن عریان حسین بیر نظر قیل زینبه گلمز غمیم قارداش سانا وار کول آثاری یوزونده دوندرور قلبی قانا بیر باخوش باخسان بسیمدی قویماسان قلبیم یانا مونسیم سنسن بو چولده ایت منه احسان حسین . دوتدون عمرونده مقّدم عهدیوی ایمانیوی اگمدون دونانه باش سندیرمادون پیمانیوی ظلم الیله کسدیلر باشون توکوبلر قانیوی قانه باتدون تا آیولسون ملت دوران حسین . سن شهید اولدون بو دینه اهل دین آگاه اولا عاشق جانان اولان لازمدی خاطر خواه اولا ظلم ایدن اللر گرکدی دینیدن کوتاه اولا سینه وه دوزدون اوخی سر نیزه و پیکان حسین. عشق جانان اوسته جانون دینه قربان ایلدون عشقوین اندازه سین دنیایه اعلان ایلدون اولدون اما درد دینه لیک درمان ایلدون قویمادون غاصب لری دینه اولا سلطان حسین . انقلابینده مرام خاص وار معلوم دور ظلم ایدوب هرکیم جهاندا حکم اولا محکوم دور هر بنا ظلمیله قاخسا عاقبت معدوم دور سن بنای ظلمی ایتدون تا قالا ویران حسین . دشمن دینون بولوردون وار خیانت پیشه سی قان ایچه لازمدی گوردون نخل دینون ریشه سی سنگ ظلمه باخمادون قارداش سنار جان شیشه سی دین و اسلامی بو قانون ایتدی جاویدان حسین . دینون استقلالینه شش ماهه اصغر ویرموسن اکبرون تک نوجوان شبه پیمبر ویرموسن اوچ جوان قارداش بالاسی دورت برادر ویرموسن هربیری دین گو لشنونده بیر گل رضوان حسین . بیر گولون واردی دوشر گلزاریده گل رشگینه قولارین دشمن سالاندا قان قاروشدی اشگینه نا امید اولدی دگنده اوخ اونون سو مشگینه باشنی بولمم عدو هاردا ایدوب پنهان حسین . بیر گلون وار نیزده ممتازلر ممتازیدی هنگ عشقه آلتی آیلیق جان فدا سربازیدی تشنه لب اوچ شعبه پیکانی امن جانبازیدی بحر عشق ایچره اولان بیرگوهر رخشان حسین . کفریله سالموش بوکوفه اهلی ظلمت سایه سی آدلاری مسلم ولی اسلامه خفّت مایه سی نطقیمیله من یتورّم یوخدی ظلمون پایه سی خلقه آندورّام مرامون واردی تا امکان حسین . اصل نهضت مذهبی لازمدی من اظهار ایدم جام جهلین مستنی بوکوفه ده هوشیار ایدم آتشین گفتاریلن یاتموشلاری بیدار ایدم باخماسونلارکوفه اهلی زینبم گریان حسین . بنزوری سر نیزده باشون گوزل بیر اختره سن منای عشقیده قربان اولوبسان اکبره نوکروزدی #عدلی قارداش ثبت نام ایت دفتره اللی ایلدی غملرونده ایلوری افغان حسین .

‍ تنور خولی زبانحال حضرت زهرا سلام الله علیها آی تشنه قربانیم لایلای اوغلوم شاه شهیدانیم لایلای اوغلوم یاتما کول اوستونده باغریم قاندی قربان سنه جانیم لایلای اوغلوم روح روانیم سن آرام جانیم سن اولدوز کیمی گویدن آخدیم گلدیم ساچلاریما قانون یاخدیم گلدیم سینووه مقتلده باخدیم گلدیم اولمادی درمانیم لایلای اوغلوم کیم باشووی کسدی اوغلوم عطشان قزلارون چوللرده قالدی ویلان آتلار قباقینده گریان نالان بیر سوری جیرانیم لایلای اوغلوم بو یارالی باشه من قربانم اوچ گوندی چوللرده سرگردانم سندن ساری نامرده مهمانم آی غملی سلطانیم لایلای اوغلوم زهرانی بیر تازه درده سالما سس وئر آنون قربان ساکت قالما بو فرصتی مندن اوغلوم آلما آی قانلی قرآنیم لایلای اوغلوم زهرا پریشاندی دیداروندن یاندی یانان قلبیم گفتاروندن قوی بیر ئوپوم قانلی رخساروندن شمع شبستانیم لایلای اوغلوم چوللرده اوغلوم بی کسدی گوردوم گودالیده طوفان اسدی گوردوم قاتل باشون تشنه کسدی گوردوم باشلاندی طوفانیم لایلای اوغلوم

حضرت #امام_زمان عج الله فرجه الشریف عاشقم بیر گُله من،عاشق اونا گُللردی گُل نه گُل، گُل یوزی آئینه پیغمبردی مین خزان گَلسه ده سولماز، بو گُل حیدردی سایه سینده بو گُلون، مُلک و مَلک دالدالانور گونده اوچ دفعه اونون باشینه، دنیا دولانور گُل نه گُل، نوروینی بوندان آلوری شمس و قَمر حیف دیر طلعتینی یوسفه اوخشاتسام اگر تک بونون بیر باخیشی یوسف کنعانه دگر نور ذات اَزَلی اون بیر امامین گوزودی بو گُلون مُشتریسی حضرت زهرا ئوزودی گُل نه گُل، رشک آپاران حُسنونه گُللردی بونون دئمَرَم آی، ئوزی آیداندا منوِّردی بونون حُسنونه بنده اولان جمله گوزللردی بونون گلشن جنّت الاعلایه بو گُل، سؤ گُلی دی باغ جنّت گُلی یوخ یوخ، دئنه زهرا گِلی دی گُل نه گُل، مثلی نه گُلزار و نه گُلشنده اولار باخسا آی حُسن دل آراسینه شرمنده اولار گون دئدیم سهو ائلدیم، گون بو گُله بنده اولار اهلبیتون گوزلی، شاهد حُسن اَزَلی باغ جنّتده دئیلر بونا زهرا گوزلی گُل نه گُل، حق بونی ئوز ذاتینه مظهر یارادیب مَه جمالین بو گُلون مهردن اَنور یارادیب دیمَرم یوسفه، پیغمبره مظهر یارادیب تک نه یئرلرده، سمالرده بو دلبر سوزودی گوزلری قاشلاری، سیماسی پیمبر ئوزودی گُل نه گُل، شرح ائلیه وصفینی قاصردی زبان گُل نه گُل، حُسنی ملک، غنچه لبی، قاشی کمان گُل نه گُل، هر تِلینه باغلیدی مین حور جنان بونی خلّاق اَزَل حُسن ازل خلق ایلیوب گُل گوزلدور، بونی گُلدنده گوزل خلق ایلیوب جمله دلخوشدی هره، بیر دل و بیر دلبرینه هر کس ئوز یارینی تشبیه ائدی بیر تازه گُله یئر یوزی دولسا گُلیله، گینه چاتماز بو گُله روحیمیز روز اَزَلدن بو گُلون شایقیدی تک نه بیز، حضرت زهراده بونون عاشقیدی بیز که دنیانی فدا ایلَمیشوق عشقیمیزه وئردوق ای مُدّعیلر جیفۀ دنیانی سیزه بسدی تنها پسر فاطمه نین عشقی بیزه ثبت اولوب دفتر عشّاقیده باشدا آدیمیز مهدی فاطمه دیر ایمدی بیزیم هر زادیمیز دئمیون یوخدی بیزیم، ساقی جان پروریمیز دئمیون یوخدی بیزیم، سروریمیز، رهبریمیز دئمیون یوخدی بیزیم، سؤگُللومیز، دلبریمیز حُسنی آیداندا گوزل، دلبریمیز واردی بیزیم یوسف فاطمه تک رهبریمیز واردی بیزیم قوی نفاق اهلی دئسونلر بیزه دیوانه دیلر نه تانور عشقی اولار، عشقیله بیگانه دیلر اولارین سوزلری هم ئوزلری افسانه دیلر عشق سرمستی بولر لذّت مستانه لیقی وئرمه روق هر ایکی دنیایه بو دیوانه لیقی بزم خلوتگه وحدتدی بیزیم هیئت میز نام و شهرت نَدی، پرچمدی بیزیم شهرت میز نیلروخ ثروتی، مهدی دی بیزیم ثروت میز او بیزه عشقدی جانانه دی دلبردی بیزه او گُل حضرت زهرادی، او رهبردی بیزه گَل آقا مصئبۀ عدلی مقام ائت ئوزیوه قویما حسرت قالا عاشقلریوی گُل یوزیوه گَزمه گوز یاشلی بیابانلاری قربان گوزیوه سنه زیبنده دی مؤمنلره سرور اولاسان سنه تنها یاراشیر عالمه رهبر اولاسان بیز حسین غملرینه، سینه میزی داغلیاروخ نَقَدر واردی نفس، سینه ویروب آغلیاروخ هر محرّمده قرا باشمیزه باغلیاروخ دوداقین بوزمه محرّمده قرا باغلیانا دوداقوندان چالی بیر یول دیساق عبّاس آقیا «عدلجو» سانما که شاعر اولی هر نوحه یازان اوچولار ائو، گوره معمارین ایشین قبر، قازان هر گَلن نوحه یازان اولسا، نه لازمدی یازان صدقیله نوحه دیوب آخسا اگر گوز یاشون بونی بول نوحه یازاندان چوخ اولار پاداشون