‏فایل صوتی از طرف 🌹الـهـی بـه امـیـدتـو🌹

🏴باتدی گون یاتدی عدو قورخولی طوفان گئجه سی 🏴قانلی میدانه سالوب سایه هراسان گئجه سی یاتدی آرامشیلن بو گئجه افراد سپاه یغیشوب بیر یاری یانمش چادرا عترت شاه گوردی بو صحنه نی گیزلتدی ئوزین ابرده ماه اولمادی روی مهون لحظه ای تابان گئجه سی خیمه دن چیخدی قرانلوق دا بیر اوچ یاشلی اوشاق ایله وحشتله بیاباندا ائدوب عشقی سراق چکدی گوداله اونی جاذبۀ عشق و فراق تاپدی گودالیده ایستکلی سین هجران گئجه سی گوردی گودالیده خلوت ائلیوب یاریله یار اولوب عشقیله لبالب گجه یاری او دیار سینه سیندن او شهون اوخلاری چون ائتدی کنار نور حق جلوه لنوب اولدی درخشان گئجه سی لامکان ورطۀ گودالیده چون ائتدی مکان کائناتون حرکاتینده گوروندی نوسان وئردی بو صحنه هامی ثابت و سیّاره تکان آز قالوب ثابت و سیّار اولا پایان گئجه سی گوردی آی هر ایکی قولدان تن عبّاسی جدا یخیلوب یان یانا میدانیده انصار خدا بوکولوب البسۀ آهنه سیمای هُدا یر و گوگ فخر ایلیور ناریله پیمان گئجه سی یردن افلاکه اودی نغمۀ شبگیر دوشوب صحن میداندا کسیلمیش الی بیر شیر دوشوب پرچمی بیر طرفه بیر یره شمشیر دوشوب تشنه لب قزلارا اولموش گجه بحران گئجه سی گرچه سو آختارار هر ملک ده دریانی گزر دولانور بو گجه اما گوزی میدانی گزر گزر آواره فراتون سویی سقانی گزر دولانور هر یری آواره پشیمان گئجه سی بیچمیش اوخ بیر سودان اُوتری نیه اصغر بوغازین اونداکی اوچدی کماندان هاوادا چالدی سازین گوردی یوخدور سو وئرن وئردی سویی چکدی نازین فکر ائله اولدی ربابون نجه نالان گئجه سی اکبرون باشدان آخوب صفحۀ رخسارینه قان قویمیوب آخدوقیجا لیلی بیچاره ده جان یخیلوب غشّ ائلیوب خیمه ده بی تاب و توان آلوب آرامین الیندن اونون هجران گئجه سی لیلی نون آه و نواسی گئدوب عرشه دایانوب ایستیوبدور باباسین خوابدن هر طفل اویانوب زینبون شمع وجودی اورگی روحی یانوب یانوب هر درد و غمه هر دم و هر آن گئجه سی گوردی هر سمتیده آی طوی دوتولوب داماده حجله و شمع و حنا دسته گلی آماده نجه داماد ئوزی نوباوۀ دل آزاده بزنوب طوی اطاقی شام غریبان گئجه سی نوعروسون باشینا زینب ائدر نقل شاباش باخار هر لحظۀ عروسه توکولور گوزدن یاش یولار آهسته قرانلوق گجه بیر گوشه ده باش طوی گونی اولموش اونون زلفی پریشان گئجه سی قولسوز آتدان یره چون دوشدی وزیرعرصات کیش ائدوب پیل صفت دشمنی شاه غزوات شه پیاده یخیلوب عرصۀ شطرنجیده مات زینبون سولدی رُخی شام غریبان گئجه سی سنه ای مدّعی گر عشق حسین دور پیشه قورخما محشردن آماندی ائلمه اندیشه دوت حسین دامنینی خاتمه وئر تشویشه عاشقون قبریده بیلم کئچر آسان گئجه سی دئمه" بیضایه " اولوب عشق حسین گمراهی بیل بو عشقینده اونون واردی دل آگاهی فخر ائدر یانسا جهنم اودونا واللهی اولسون عشق اوسته قویون دوزخه مهمان گئجه سی #بیضای_اردبیلے"ره" #من_حسین_نوکرین_نوکریم

‏فایل صوتی از طرف 🌹الـهـی بـه امـیـدتـو🌹

دیوانه حسینم درمانه حاجتیم وار چون هر گئجه دخیلم زنجیره عادتیم وار اورگشمیشم بو رمزی عرشون ملک لریندن ال چکمرم حسینون قانلو اتک لریندن فطرس تک حاجت آللام پرخون بیلک لریندن اصغر کیمی قاباقدا اعظم وساطتیم وار فرمایش ایلیوبدور جعفر امام صادق هر کیمسه نون حسینه ایمانی اولسا لایق قلبینده شبهه قالماز الهام اولور حقایق بو باره ده یازیلمش بی حد روایتیم وار سنگر گورر گوزومده مژگان چشمگیری ئوز گوزلرینده گورمور اما سه شعبه تیری بی جا مذمت ایلور بو عاشق حقیری بیلمز نقدر حسینه عشق و ارادتیم وار ایمان ایچینده در نورافکنیم حسیندور ظلماتیده چراغ شب روشنیم حسیندور عکس حسین بهشتیم هم گلشنیم حسیندور هر گونده منزلیمده باغ زیارتیم وار ای مدعی عزیز ذات خدا حسیندور هر گوز اونی گورنمز شمس الضحی حسیندور صبحه صفا حسیندور ظهره ضیا حسیندور اول نوریدن اورکده شمع هدایتیم وار گوگدن یاغان یاغیشلار یک رنگ و یک صدادور داغدا آجی تیکاندور باغدا گل صفادور نام حسینده مثل باران پر بهادور سن بیر آجی تیکانسان من گل طراوتیم وار ای مدعی دخیلم گودال قتلگاهه یوز قویمیشام اوزاقدان شش گوشه بارگاهه یانمیش چوله سپیلمیش خرگاهه خیمه گاهه مصنوعی شیعه لردن قلبیمده نفرتیم وار یا مظهر العجایب یا مظهرالغرایب سال باشیم اوسته سایه سنسن بو باشه صاحب سن اهل فهمه ظاهر سن اهل جهله غایب شور محبتوندن باشدا علامتیم وار دنیاده بیر غریبم الله منیم پناهیم بیر بنده فقیرم دینیمدو تکیه گاهیم هم تربت حسیندور طاعتده سجده گاهیم حمد ایلرم خدایه روح عبادتیم وار من ریزه خار خوان پر زیور حسینم پروانه تک نثار نور سر حسینم هم خاک پای مولا خاک در حسینم قوم بنی اسدلن ارحامی نسبتیم وار وقتی کی جان ویرنده گوزدن چکیلدی پرده ظاهر اولور حقیقت سیمای خیر و شرده تصدیق ایدرسن اوندا گرداب پر خطرده آیا نیه حسینه دنیاده خدمتیم وار زنبور انگبینم هر گلدن آلمارام بار برگ محمدیدن قلببیمده شبنمیم وار یدی کتاب نوحه قویدوم ئوزومدن آثار عباسقلی آدیم دور" یحیوی "شهرتیم وار محشر گونی آقامدا چشم شفاعتیم وار چهارشنبه   ۳   شهریور   ۱۴۰۰   ساعت   ۱۹:۴۷   نوشته شده توسط   یوسف اکبری شاعر:   حاج عباسقلی یحیوی

‏فایل صوتی از طرف 🌹الـهـی بـه امـیـدتـو🌹

مظلوم کربلا انصارین آختارور آل محمّدون غمخوارین آختارور هر دم نظر سالور اطراف عالمه ششگوشه قبرینون زوّارین آختارور ایوان عرشدن اوچ منظره باخار اوّل یخلدیقی قانلو یئره باخار بیرده عزا دوتان مجلس لره باخار بیرده ضریحینون حضّارین آختارور عصرون امامینه بذل اولدی ذوالفقار وترون قصاصینی آلسون او شهریار أذن الهیه زهرادور انتظار اوز أوغلینون گلن یولّارین آختارور هر کیمسه نون حسین گورسه حقیقتین ایلر روا اونون مقصود و حاجتین لطفیله آرتیرور نور محبّتین احبابینون دل بیدارین آختارور هر یئرده تعزیه اولسا نوا گلور آشفته قلبیدن محزون صدا گلور فوراً او مجلسه صاحب عزا گلور اهل حقیقتون دیدارین آختارور هر دهه ی عزا زهرای دیده تر بیر شیشه ی بهشت الده او خون جگر نام حسین اولان مجلسلری گزر آغلار گوزون دُر شهوارین آختارور أمر اولدی شمر دون اودلاندی خیمه‌لر یوز قویدی چوللره اطفال دربدر اول وقته زینب نالانی گوردیلر وارد اولوب اوتا بیمارین آختارور پروانیه اونون اولموشدی اوخشاری اوتدا تلاش ائدوب یاندى قانادلاری گوردیله دوتدی یوز ناگه نجف ساری امداده حیدر کرّارین آختارور شاعر: حاج عباسقلی یحیوی

‏فایل صوتی از طرف 🌹الـهـی بـه امـیـدتـو🌹

زبانحال امام حسین در شهادت حضرت علی اصغر(ع) گل باجی اصغریم قانه باتدی امدی پیکانی مقصوده چاتدی اوچ‌ پر اوخ چالدی لای‌لای بالاما دینجه‌لیب اللریم اوسته یاتدی من اوتاننام گله‌م خیمه‌گاهه گل باجی سن اوزون وعده‌گاهه *   *   *   *   *   * گل گوره‌ک نیلییه‌ک بو بالانی طاقه‌تیمی الیمد‌ن آلانی دفن ائد‌ک یا وئر‌ک بیز ربابه گیزله‌ده‌ک یا کی بو ماجرانی اصغری گورسه هئچ تاب ائده‌نمز کربلاده اولر دای گئده نمز *   *   *   *   *   * سن چاغیردون منی غملی خواهر گل حسین جان وئریر تشنه اصغر آل ربابین بالاسین الینده‌ن یورقون اولدو بو غمدیده مادر غصه‌د‌ن گور نه حاله قالیبدی اصغرین دردی دیلده‌ن سالیبدی 1 *   *   *   *   *   * ال آیاق چوخ چالیب آغلامیشدی آغلاییب داغ داشی داغلامیشدی چنگ آتیب اوز گوزون پارچالاردی اللرین مادری باغلامیشدی چیرپینیب دوشمیشیدی نفسده‌ن اینجیمیشدی اودور بو قفسده‌ن *   *   *   *   *   * آلتی گوشه بئشیک اشتیاقی مست ائدیب آلتی آیلیق قوناقی سینه‌می ایلر‌م حشر اولونجا اصغرین آلتی گوشه اْتاقی بو یارالی باجی من یارالی سینه‌مین خوشدو اولسون مدالی *   *   *   *   *   * ایستی گون شدّتیله شاخاردی اصغریم دیسگینیب چون باخاردی ایستی سالمیشدی حالدان بالامی گاه باخیب گوزلری گاه آخاردی نیسگیلی چوخدو دیلسیز بالانین گل ائشیت ماجراسین بالانین *   *   *   *   *   * 2 اصغرین گوزلری هی سوزه‌ردی قلبیمین ریشه‌سین لاپ اوزه‌ردی آغلییا بیلمئیوردی عطشده‌ن لب‌لرین مثل لاله بوزه‌ردی اوخ دگه‌نده دوداقلاری قاشدی لب‌لری قالدی حلقی گول آشدی *   *   *   *   *   * پئیکرینده باجی یوخ یاراسی یوخدو حتّی دئسه‌م چوخ یاراسی باورون یوخدو گل باخ اوزونده وار بوغازیندا بیر اوخ یاراسی حرمله چلّه‌سینده‌ن چیخیبدی اوخ دگیب گل ائویمی ییخیبدی *   *   *   *   *   * اصغری اوخ سالیب گور نه حاله آسلانیبدی باشی مثل لاله گوردو من آغلورام غیرتینده‌ن گولدو هئچ ائتمه‌دی ذرّه ناله سینه‌مه نخل ماتم اکیبدی غیرتی مُرتضیٰ‌یه چکیبدی *   *   *   *   *   * او منه گولدو من چوخ اوتاندیم 3 یاندیم اصغر جانی باجی یاندیم گوزلریم گورمه‌دی خیمه‌گاهی ساق سولا قتلگهده دولاندیم اصغریم قلبیمی چوخ سیخیبدی اکبرین دردی یاددان چیخیبدی *   *   *   *   *   * سسله‌دیم گل ابالفضل آماندی وئرمه‌دی سس سسیمه یوباندی چوخ ادبلیدی سن کی بیلیرسن قارداشیم اللرینده‌ن اوتاندی صود امه‌رده منی بوشلییبدی کوسدو منده‌ن اوخو خوشلییبدی *   *   *   *   *   * زحمتی وئردی آخر نتایج سکّه‌سی عالمه اولدو رایج کربلاده بیر ایش گوردو اصغر رُتبه‌سی اولدو باب‌الحوائج کیم دخیل اولسا بو شیرخواره دردینه ایلیر فوری چاره

‏فایل صوتی از طرف 🌹الـهـی بـه امـیـدتـو🌹

زينبــــم قارداش حسين قلبي يانان عاشقيوم           کوفه و شامي دالونجـــــا دولانان عاشقيوم محک عشقيوه صــــراف اجل چکدي منــــي             گوردي سرگشته عشقم سنه گوستردي مني  اي آنام فاطمه نـــــون يوسف گل پيرهنــي               الي قوينوندا گوزي يولــــدا قالان عاشقيوم هارا گيتدون ديمه دون قتلوون اول گيجه سي                  قتلگاهون آنام اوغلـــي او مجلل گيجه سي نصف شب قانلي بيلکندن کسلـن ال گيجه سي               بيلوسن قارداش حسين من نگران عاشقيوم هر يره گيتسون اگر اي يارالي بـــاش منه دي             طاقتيم يوخدي منيم هجروه قارداش منه دي ديمـــــورم دگسه يارالي باشوا داش منه دي            يارالي پيکريوه ســـــــايه سالان عاشقيوم مني ديندير آنام اوغلي بو قدر ناز ايلمــــــه                  ئوزووه قاتل بيرحموي همـــــــراز ايلمه طاقتيم يوخدي منـيم روحيمي پــــرواز ايلمه                   قالميوب  منده داخي تاب و توان عاشقيوم ئوره گيم ياره ليدي ياره لنن اعضــــــــا تک                 موج ايدر درد و غميم موجه گلن دريا تک اوج اعلاده گنه سيــــــــــــر ايدرم عنقا تک           صحنه عشقي حسين جان ،پر آچان عاشقيوم هم مرام سنيلن ، سن که مراميم بيـــــلوسن                  سن آنام فاطمه نون گلشنون بير گلي سن من سنه سويگولويم ، سنده منه سويگولوسن                     غم هجرونده سنون قدي کمان عاشقيـوم مني ديندير آنام اوغلي ايليوم درديمي فاش               ئوره گيم ياره ليدي سن کيمي اي ياره لي باش دوتما يانه يوزووي من باجيام سن قــارداش                قتلکهده باشــــون اوسته پر آچان عاشقيوم زندگي ويرديم حسين عشقوي آلديـم نيلک                  سن دوشن ورطه طوفانيـــده قالديم نيلک گل کيمي گلشن عشقونده ســـارالديم نيلک              يوسفيم ، کوي وفاده قوجـــــالان عاشقيوم نيزه ده ايله تماشــــــا بيــــله تماشا اولماز             سن کيمي يوسفه فکر ايتمه خريــدار اولماز شهد عشقوندن ايچن ديده سي خونبار اولماز                 الده آغ زلفيـــم حسين پيره زنان عاشقيوم از : مرحوم نخستين

‏فایل صوتی از طرف 🌹الـهـی بـه امـیـدتـو🌹

‏فایل صوتی از طرف 🌹الـهـی بـه امـیـدتـو🌹