💐عرض ادبی خدومت زهرای سه ساله حضرت رقیه سلام الله علیها💐 (با آهنگی جدید و لطیف) لُطفِ کِبریا رقیّه/ معدنِ سَخا رقیّه دَرگَهونده واردی بانو / روز و شَب گَدا رقیّه دِه یا رقیّه بَزمِ عشقین صفاسیدی دِه یا رقیّه آدی دردین دَواسیدی عَلَمین ئوپَرَم ، اورکده چوخ سوزوم وار عَلَمین ئوپَرم ، اِحسانینا گوزوم وار یا رقیّه یا رقیه سایه وَه سیخیلسا هر کیم اوزگه کولگَه سینده یاتماز سُفره وین دوزون دادانلار آیری سُفریه اَل آتماز دِه یا رقیّه آچا گوز بَختون اولدوزی دِه یا رقیّه سنه باخسین ، حسین قیزی عَلَمین ئوپَرَم ، اورکده چوخ سوزوم وار عَلَمین ئوپَرم ، اِحسانینا گوزوم وار یا رقیّه یا رقیّه آدیوین مِدالِ عشقین چوخی سینه اوسته ساچدی اَللرون کیچیکده اولسا چوخ بویوک دوگونلر آچدی دِه یا رقیّه واسطه سال اَکبرینی دِه یا رقیّه قویماز آغلار نوکرینی عَلَمین ئوپَرَم ، اورکده چوخ سوزوم وار عَلَمین ئوپَرم ، اِحسانینا گوزوم وار یا رقیّه یا رقیّه ویرمه صبریوی اَلوندن دَردون اولسا چوخ داریخما اوزگه آسِتانه گیتمه ایسته سَن دَوا کیریخما دِه یا رقیّه باخا بابَ الحوائجَه دِه یا رقیّه اولا دردون مُعالجَه عَلَمین ئوپَرَم ، اورکده چوخ سوزوم وار عَلَمین ئوپَرم ، اِحسانینا گوزوم وار یا رقیّه یا رقیّه صاحبِ کَرَم رقیّه سیزه نوکَرم رقیّه ایله گویلومه دوشوبدی او گوزَل حَرَم رقیّه دِه یا رقیّه (بیکَسه) وار عنایَتون دِه یا رقیّه خانیم اِحساندی عادَتون عَلَمین ئوپَرَم ، اورکده چوخ سوزوم وار عَلَمین ئوپَرم ، اِحسانینا گوزوم وار یا رقیّه یا رقیّه التماس دعای فرج الاحقر مهدی عبادی #اعیاد_شعبانیه۱۴۰۳ #هفدهم_شعبان #بیست_سوم_شعبان #ولادت_حضرت_رقیه_سلام_الله_علیها

🌸ولادت حضرت رقیه سلام الله علیها🌸 (با آهنگی شور انگیز) یثرب اولوب گُلشن اولسون گوزوز روشن ارباب ایوینده واردی بیر غوغا باخ دخترِ شاهه طَعنه وورار ماهه خالق، عجب خلق ایلیوب زیبا شاد اولدی زینب عمّه سی اولسا مِدالِ سینه سی لایقدی مُژده ویروللر اَکبره اَکبر بو ماهِ اَنوَره عاشقدی باش سَجدیه قویدی حسین، خَلّاقِ حَیّه اوپدی جمالین، گول آدین، قویدی رقیّه مولاتَنا مولاتَنا جانم رقیّه بِنتِ حسین بن علی، جانم رقیّه حُسنی دل آرادی به به نه زیبادی بُرجِ ولایتده چو کوکَبدی ماهِ مَلَک مَنظَر زهرایه چوخ بَنذَر حُجب و حیاده مِثلِ زینبدی آدین دییَنده غَم گیدر هر درد اولا درمان ایدر عالَمده آلِ عَبانین دلبَری مشکل گُشادی اَللری هر درده حُسن و مَلاحتده یوزی بیر یاسه بَنذَر باب الحوائج مَنصبی، عبّاسه بَنذَر ای دُخترِ ارباب دیللر اولوب بیتاب سائل لرون سندن عطا ایستَر ای عادتی احسان جانیم سنه قربان عاشقلرون کرب و بلا ایستَر ای غُنچه ی باغِ عَدَن بیز دویماروخ ششگوشه دن ای بانو معنای ایثار اوردادی قبرِ علمدار اوردادی ای بانو اوردا زیارت ایلروخ سُلطانِ عشقی آللوخ باباندان تَذکره، خاکِ دمشقی التماس دعای فرج الاحقر مهدی عبادی #اعیاد_شعبانیه۱۴۰۳ #هفدهم_شعبان #بیست_سوم_شعبان #ولادت_حضرت_رقیه_سلام_الله_علیها

#اعیاد_شعبانیه۱۴۰۳ #هفدهم_شعبان #بیست_سوم_شعبان #ولادت_حضرت_رقیه_سلام_الله_علیها #کانال_باب_الحوائج http://eitaa.com/torkiy