کربلایی محمد: مدح حضرت فاطمه زهرا سلام الله علیها ائتمسیدی خلق اگر ذات خدا زهرانی نه نبی نی یاراداردی نه علی مولانی رتبه ده برتر نسوانِ ایکی عالمدی وار کنیزی او خانم کی گتیروب عیسانی سبب خلقت اولاد بشردی بو خانم او بونون نوریدی سینایه چکیب موسانی خلق ائدندن سورا خلّاق ، بشر مثلینده آتا، شأنینده ائدیب خلق شه بطحانی گوردی یوخ خادمه لایق بونا جنتده اولا گتیروب آسیه نی بیرده خانم سارانی شأنه باخ جاهینه باخ مرتبه و عزّته باخ اولدی جبریل امین درگهینون دربانی بو حسن اوغلودی صلح ایلدی دین رشد ائتسون سربلند ایلدی تا حشره کیمی قرآنی گوردی دین زنده قالار قاندی اونون لازمه سی ایلیوب کرب و بلاده بالاسین قربانی عقل حیراندی ائده درک خانم فاطمه نی ایله بیر شخصیدی مبهوت ائلیوب دنیانی بو جلالتده خانم یوخدی گلن دنیایه مام خلقت گتیرنمز بئله بیر حورانی بو خانم کفوّی فقط شیر خدا مولادی او کی تقسیم ائده جاق جنّتیلن نیرانی بو او بانودی که چادر سرینین سایه سینه چووروب امّت موساده اولان ایمانی بو او بانودی که حقّینده مقال اولدی بو سوز بضعةٌ منّیً دیوب کل بشر سلطانی بو او بانودی کی اعمادن اوزون گیزلتدی بو حدیثون نَیه لازم دی اولا برهانی بسدی شأنونده کی قرآندا بونا آیه گلوب و هی الکوثر و نازل ائدوب اعطینانی نه قدر یازدی #حسینی بو خانم مدحینده نه قدر وصف ائلیوب#سائل ایله عنوانی نه قدر یازدی#کلامی بیله بیر بانودن نه قدر#منزوی و #انور اولوبدور بانی ایستدی#صادقی یازسین بونی درک ائتدی فقط نه قدر یازسا قلم یوخ سوزونون

احوالات حضرت ابوالفضل (ع) هزاربیتی بخش۱۲ -(ایلین ساعت عموم عزم جدال) ۴۸۲ ایلین ساعت عموم عزم جدال وعده ویردی سو منه اول مه جمال پوزماسا افکارین اوضاع مصاف اولمیوب اولماز عموم وعده خلاف یا اوزی ایچدی او غیرت معدنی سو ایچنده سالمادی یاده منی شه ایشیتجک اوز قیزیندان بو سوزی مشک تک دولدی سرشکیله گوزی ائتدی فرمایش داخی دوتمور دلیم بیرقیم یاتدی قیزیم سندی بئلیم بو غمیم نه آشنا داغلار یادی نه عمو آدی گتور نه سو آدی شاه بی لشگر پریشان حالیه خیمه گاهه گلدی بو منوالیله هاشمیاته نه ائتدی التفات زینبه نه باخدی میر کائنات دلده قارداش گوزده قانیاش یکسره وارد اولدی خیمۀ سرلشگره خیمه نین سالدی ازل دامانینی تا بُلوندورسون غم پنهانینی صیحه چکدی بی سپه شه آغلادی اولدی آل حیدر آگاه آغلادی شه ئوزی دوتدی علمداره عزا اولدولار ماتم نشین آل عبا سسلنوردی وای وفالی قارداشیم وای مصیبت لی گونومده یولداشیم وای آتام اوغلی امیدیم یاوریم وای عزیزیم وای نشان لشگریم اللری باشینده دخت مرتضی باخدی بو حاله دئدی واضیعتا خون دل قاتدی سرشک آلیله شاهه عرض ائتدی زبانحالیله سوال حضرت زینب دادخواه آل پیغمبر هانی قارداشیم عباس نام آور هانی ای آنام اوغلی بیان ایله گوروم رزملرده تالی حیدر هانی پرچمون اسمور اوزون پژمرده سن بس علمدار وفاپرور هانی بو بیاباندا سنوبدور لشگرون لشگر اسلامه سرلشگر هانی اکبرون ئولدی بو حاله قالمادون هجر اکبردن غمی اکبر هانی گورسنور حالوندن آثار شکست جنگ لرده سنمیان لشگر هانی نه گلوب عباسه یالقوز گلموسن سندن آیری دوشمین یاور هانی گرچه امیدیم کسیلمیشدی ولی سویلمزدیم عونیله جعفر هانی بیر امیدیم قارداشیم عباسیدی بس امید زینب مضطر هانی بیر ابوالفضلیم دیردیم وار منه ایلین جرأت جفا گستر هانی بو رشادت که علمداریم ده وار آل طاهادن آلان معجر هانی ایمدی بو قانلی علم بو اوخلی مشک گوسترور عباس شیر نر هانی آغلاما آغلار گوزون قربانی من گوز یاشون پاک ایلین اللر هانی گوزلری یاشلی گورنمزدی سنی محرم راز دلون دلبر هانی کشتی صبرون دوشوب قارداش گله ساحل امیدیوه لنگر هانی موج اشکون گوزده طوفان ایلیوب ناخدای آل پیغمبر هانی اکبرون تک یوخسا قارداشون ئولوب ایمدی بس بیر یاور دیگر هانی چوخ یازانلار دفتر غم باغلیوب ای « #حسینی » بیله بیر دفتر هانی چوخلار ایلر ادعا من نوکرم سن کیمی منظور شه نوکر هانی حشرده وار چوخ شفاعتچی سنه سوزلرون تک شافع محشر هانی بیتیوه بیر بیت وار جناتیده بو سوزی رد ایلین کافر هانی دوشموسن فکره سنه ظلم ایلین ظلم ائدن ظالملره کیفر هانی انتقامین حضرت عباس آلار آز بیان ائت منتقم داور هانی شه پریشان گوردی حال زینبی آشکارا کشف قیلدی مطلبی ائتدی فرمایش زبانحالیله باجی دولدور چشمون اشک آلیله جواب امام حسین ای منه بو گون شریک غم باجی قلبیمون اسرارینه محرم باجی پوزدولار اهل جفا پرگاریمی تشنه کام ئولدوردولر سرداریمی من کیمه بو چولده درد دل دیوم بُلدوروم آیا کیمه اسراریمی محرم اسراریمی ئولدوردولر آلدیلار الدن منیم غمخواریمی ئولدوروب قارداشیمی - دولدوردولار قانیله بو دیدۀ خونباریمی بیرقیم یاتدی داغیلدی لشگریم یخدیلار قولسوز سپه سالاریمی حیف اولا بوردا دگل ام البنین اوخشاسون شیر اوژن پیکاریمی دوتماقا بزم عزا قارداشیمه باشیمه یغ عترت اطهاریمی من توکوم گوز یاشی قارداش وای دیوم ایلیوم خالی دل سرشاریمی اهل بیتیم باش آچوب ائتسون فغان اوخشاسونلار قافله سالاریمی خورداجا قیزلاردا وا عمّا دیسون شرح ویسونلر غم دلداریمی باجیسی کلثوم باشینده قرا گورسون اشک چشم و آه زاریمی آغلاسون آغلاتسون آل حیدری یاده سالسونلار مآل کاریمی قارداشیم عباسه بیر ماتم دوتاخ یاندوروم من آه آتشباریمی ئولدی عباسیم یقین اولدی منه لشگر اعدا سویار قیزلاریمی ظلمدن دویماز بو چولده اهل نار یاندوراللار خیمۀ زر تاریمی قول کیمی سعدی اوغلی بازاره چکر دست بسته عابد بیماریمی شهده بو احوالی گورجک طاهرات دولدی داد و شیونیله شش جهات بُلدولر تا دختران مه لقا وار اجازه باش آچوب ساچ یولماقا شوریله اگلشدیلر یکسر یره باشلاریندان توکدولر معجر یره ادامه در بخش ۱۳ چهارشنبه ۲۴ بهمن ۱۳۹۷ ساعت ۱۰:۲۹ نوشته شده توسط ابوالفضل عابدی پورشاعر: سعدی زمان سیدرضا حسینی

مدح حضرت فاطمه زهرا سلام الله علیها ائتمسیدی خلق اگر ذات خدا زهرانی نه نبی نی یاراداردی نه علی مولانی رتبه ده برتر نسوانِ ایکی عالمدی وار کنیزی او خانم کی گتیروب عیسانی سبب خلقت اولاد بشردی بو خانم او بونون نوریدی سینایه چکیب موسانی خلق ائدندن سورا خلّاق ، بشر مثلینده آتا، شأنینده ائدیب خلق شه بطحانی گوردی یوخ خادمه لایق بونا جنتده اولا گتیروب آسیه نی بیرده خانم سارانی شأنه باخ جاهینه باخ مرتبه و عزّته باخ اولدی جبریل امین درگهینون دربانی بو حسن اوغلودی صلح ایلدی دین رشد ائتسون سربلند ایلدی تا حشره کیمی قرآنی گوردی دین زنده قالار قاندی اونون لازمه سی ایلیوب کرب و بلاده بالاسین قربانی عقل حیراندی ائده درک خانم فاطمه نی ایله بیر شخصیدی مبهوت ائلیوب دنیانی بو جلالتده خانم یوخدی گلن دنیایه مام خلقت گتیرنمز بئله بیر حورانی بو خانم کفوّی فقط شیر خدا مولادی او کی تقسیم ائده جاق جنّتیلن نیرانی بو او بانودی که چادر سرینین سایه سینه چووروب امّت موساده اولان ایمانی بو او بانودی که حقّینده مقال اولدی بو سوز بضعةٌ منّیً دیوب کل بشر سلطانی بو او بانودی کی اعمادن اوزون گیزلتدی بو حدیثون نَیه لازم دی اولا برهانی بسدی شأنونده کی قرآندا بونا آیه گلوب و هی الکوثر و نازل ائدوب اعطینانی نه قدر یازدی #حسینی بو خانم مدحینده نه قدر وصف ائلیوب#سائل ایله عنوانی نه قدر یازدی#کلامی بیله بیر بانودن نه قدر#منزوی و #انور اولوبدور بانی ایستدی#صادقی یازسین بونی درک ائتدی فقط نه قدر یازسا قلم یوخ سوزونون پایانی ✍منکلام:کربلایی محمدرضا صادقی متخلص به شیدا ‍ 🔴

شهادت امام هادی (ع) من کلام #حسینی حسینچی حشریده اولماز بلا گرفتاری اولان امام علیّ النّقی عزاداری فغان و داد سپهرین بو کجمداریندن گوتورمز ال ستم و جور بی شماریندن ایدوب رسول کرام اهل بیتینی مظلوم اوتانمیوب اولارین چشم اشکباریندن تمام آل محمّد اولوب بلایه دچار سالوب فلک اولاری آری غمگساریندن نظر امام علیّ النّقی شهادتی دور گرک یازام اونون اوضاع روزگاریندن او سروری متوکّل ایدوب جلای وطن آیردی اول شه دینی دیار و داریندن گلوب امام ایدوب سُرَّ مَن رَآده مقام سالوب جهانه شرر آه شعله باریندن ایگیرمی ایل شه دین سُرَّ مَن رَآده قالوب ولیک چخمادی بیر گون بلا حصاریندن یازولّا قرخ ایکی ایلدن بیر آز اولوب عمری یانوب مدام دلی درد و غم شراریندن ایدوبدی عاقبت اول شاهی معتمد مسموم نه شرم ایدوب آناسیندان نه کردگاریندن علیحده خبریله شهید ایدوب مُعتزّ امان او ظالمین انگور زهرداریندن ز بس موثّر اولوب زهر کین آخوب قانی باباسی تک لب لعل شکر نثاریندن رجب آیی ایکی یوز الّی دوردِ هجرتده اوچومجی گون قوتولوب دشمن انزجاریندن و یا قالاندا ایکی گون جمادِ اُخرادن خلاص اولوب شه دین حال اضطراریندن ایدوب دوشنبه گونی رحلت اول امام غریب قصوری وار قلمین شرح احتضاریندن ایدوبدی غسل و کفن اوغلی اون بیریمجی امام گتوردی ضجّیه افلاکی آه و زاریندن ایاق یالین باش آچوق چاک ایدوب گریبانین تعجّب ایتدی گورن اول شهین شعاریندن امامه بیر نفر عرض ایتدی بو نه عالمدور؟ مگر آتاسی اُلن ال چکر وقاریندن پوزوب بو سوز حسن عسکرینون احوالین اوجاتدی ناله و شیون دل فگاریندن بویوردی حجّت حقدور آتام، اُلوب مظلوم سزادی من تک اوغول گیچسه اعتباریندن آتا جنازه سین ایلر بلی اوغول تشییع گیچر قرار و توانا و اختیاریندن بونی بو حالیله قوی سُرَّ مَن رَآده قالا ایشیت بیر عکس خبر کربلا دیاریندن شهید ایدوبله امام حسینی اهل جفا او شه گیچوب ره جاناندا هر نه واریندن غریب آتاسینی دفن ایلینمیوب سجاد اوزوب جفائیله ال باب تاجداریندن آتا جنازه سین عریان گوروب، جگر قانین ایدوب روانه یوزه نرگس خماریندن #حسینی اولادی دنیانی آتشین سوزیله دوباره سپدی سو اوز شعر آبداریندن