یا فاطمه الزهرا(س) آن زمانی که نه دنیائی و نه عقبی بود نه خبر از ملکوت و ، و نه مافیها بود نه جنان بود و نه طوبائی و نه حورا بود نه خلیل اله و موسائی و نه عیسی بود موقع خلقت آدم که جهان،برپا بود در سماوات فقط نور حق یکتا بود غیر از الله،که صنعتگر لایحصی بود حسنین و علی و طاهره و طاها بود پیش حق منزلت آل عبا، والا بود خلقت دخت نبی از همه مستثنی بود در حدیثی که بفرمود خدا ، پیدا بود علت خلق جهان، فاطمه ی زهرا بود قوشآر: #فرهادی مراغه ای

حضرت فاطمه زهرا سلام الله علیها آل سفیان کیمی ابلیس صفت فرد اولماز کل دنیاده سیزون تک داخی نامرد اولماز مرد اودی حق دانیشوب حق دئینه یاور اولا نه کی ناحق دانیشوب دشمن پیغمبر اولا مرد اودی خانه نشین اولماقینا راضی اولا اولمیا راضی ولی ملتی ناراضی اولا مرتضی مرد سلحشوریدی یوخ همتاسی تیتردر پیکر اعدانی قد رعناسی ذولفقار الده اگر چیخسا علی پیکاره مین بئله لشگر اولا ویرمز امان اشراره منده حیدر کیمی شیرافکن بی پروایم همسر شیرخدا شیرزنم ،زهرایم نقدر امر به معروف ائلدی یار علی گلمدی حق یولونا دشمن خونخوار علی ال اله ویردیلر ئوز عهدیلرین سیندیرالار ثانی دستور ویروبدور قاپیا اود ویرالار یا امام زمان عفو ایله کی سوز گلدی بیله طوطی طبعیمی بو درد و محن گتدی دیله آچمارام چوخ سوزی تنها بیر اشاره ایدورم قاپیا گئتدی هجوم اوندا کی اشرار ظلم بیلمورم قالدی نه حاله گل طاها او زمان اود ویروبلار قاپیا آتش ایدوبدی فوران قاپیا حمله ائدن نچه نفر کافریدی قاپونیندا دالسیندا گل پیغمبریدی دیمورم هیج نه حالا قالدی او دریای وقار گل قالار گور در و دیوار آراسیندا نه اولار ایلدریم تک او زمان آتش محنت شاخدی ایستی مسمار باتوب سینه سینه قان آخدی گویده حورا باش آچوب نالیه عالم گلدی عرشیدن فرشه اودم حضرت خاتم گلدی پرپر اولدی گل طاها گلوب افغانه ملک عرش وفرشه چکیلوب قاره باتوب یاسه فلک عصمتیندن دیمه دی یاعلی امدایمه گل بیر فقط سسلدی فضه ئولورم دادیمه گل فلکین چرخی سینا قلبیمی آلقان ائتدی ظلمیله سیندی قولیم محسنیم الدن گئتدی باشیمه گلدی نلر ایسته میرم بیلسین علی گئت سن الله قاپیا قویماگیلان گلسین علی سینه مون قانی آخور بیرده قولومدا یارا وار منی بو حالدا اگر گورسه قیامت یارادار محنتیم آغلاداجاخ حیدرین آغلار گوزینی اونا فاش ائتمه میشم من هله سیلی سوزینی دین پیغمبره قربان ویرورم من جانیمی وار امیدیم گله بیرگون آلا مهدی قانیمی ایله #فرهادی دعا تیز گله زهرا بالاسی ایندیده وار یولونی گوزلوری مظلوم آناسی مهدی فاطمه حیدر کیمی بی واهمه دی آدینا قربان اولوم منتقم فاطمه دی واقعیتدی بو سوز وارث احمد گله جاخ قائم منتظر آل محمد گله جاخ ✍منکلام:استادحاج حسین فرهادی مراغه ای ‍ 🔴

مدح حضرت فاطمه زهرا سلام الله علیها سسله سرلوحه ى ايمانى دئنن يازهرا سير ايله عالم عرفانى دئنن يازهرا آدى هر بيتيده گلديقجه سالار مجلسه شور كيمدى گور شعريمين عنوانى دئنن يازهرا اى على شيعه سى احسنت سنون غيرتيوه راضى ايله شه مردانى دئنن يازهرا ئولونى ايسته سه احيا ائليه، عيساده چاغورار حضرت زهرانى دئنن يازهرا معتبر سوزدى كه زهرايه گروه حى قدير ياراديب عالم امكانى دئنن يازهرا نئجه زهرا كه يوزيندن ياغورى نور خدا مات ائدوبدور مه تابانى دئنن يازهرا نئجه زهرا كه اونون شأنينه كوثر گلدى اوخيان وقتيده قرآنى دئنن يازهرا كربلا نهضتينه قلبيده مين حسرتيله بسلدى شاه شهيدانى دئنن يازهرا دردمند اولسون اگر صدقيله گل بو قاپيا درديوين بوردادى درمانى دئنن يازهرا كيم مقدس اتگيندن دوتا مأيوس اولماز بوشلاما سنده بو دامانى دئنن يازهرا بويوروب حق كه بهشت اهلى ديلر فاطمى لر سئويسن روضه ى رضوانى دئنن يازهرا نگران اولما شب اول قبروندن سن ائده جاق قبريوى نورانى دئنن يازهرا ايستيسن گر سنه محشرده شفاعت ايليه ياده سال منشأء غفرانى دئنن يازهرا كيمسه#فرهادى اوركدن چاغورا زهرانى تاپاجاق رتبه ى شايانى دئنن يازهرا ✍منکلام:استادحاج حسین فرهادی مراغه ای 🔴