به نام خدا #میلادیه_حضرت_علی_اکبر_علیه_السلام ((منیم ای تازه مولودیم بالام لایلای گلوم لایلای)) منیم ای تازه مولودیم بالام لایلای گلوم لایلای اویاندی بخت مسعودیم بالام لایلای گلوم لایلای ملک منظر بالام/علی اکبر بالام منیم زیبا گلوم حُسنون صفا بو گلشنه وئردی ائویم دؤندی گلستانه سنی الله منه وئردی بوکوب قرآن کیمی فضّه یاشیل پیراهنه وئردی مَه انور بالام/علی اکبر بالام منیم روح و روانیمسن چراغ آشیانیمسن بالامسان ارشد اوغلومسان پناه دودمانیمسن گولومسن دلسِتانیمسن صفای گلستانیمسن گل نوبر بالام/علی اکبر بالام گوز آچدون عالمه اوغلوم داخی حاصل مُراد اولدی آناوین روحی دینجلدی آتاوین قلبی شاد اولدی عذارین گوردی هر عاشق شعاری زنده باد اولدی وفا پرور بالام/علی اکبر بالام گل باغ وفا اکبر شبیه مصطفی اکبر هامی درده دوا اکبر گلستانه صفا اکبر سنه بو گوزلریم قربان نگار دلربا اکبر منه یاور بالام/علی اکبر بالام سنی حق ساخلاسون اوغلوم که سایونده عزیز اولّام اگر سن آغلاسان منده پوزولّام اشگریز اولّام ئولونجه ایلرم خدمت چکوب نازون کنیز اولّام گورر ائللر بالام/علی اکبر بالام قاداوی جانیمه آللام سنی گهواریه ساللام نقدری یاتمیوبسان سن یانوندان گئتمرم قالّام گجه اوغلوم اویاق قالّام سنه لایلای ئوزوم چالّام آغیر گوهر بالام/علی اکبر بالام شعر:استاد ولی الله کلامی زنجانی #موسیقی ‏ ————————— 🇮🇷@SANGAR_1🇮🇷 🇮🇷@SANGAR_5🇮🇷