بسم الله الرحمن الرحیم💎 موضوع : امیرالمومنین (شعر حماسی) علی عالی سن اعلادی علمیلن ادبین کی ماسوالر اولوب، مست وادی طلبین تمام بتلاردی سن قبله گهده سیندیردین یقین خلیله چاتیب دور اصالت و نسبین محبتین کی چکیلدی جنانه، گللر آچیب جهنم اوتدا یانیر، چون شرر چکیب غضبین زمانی مست الیبدور ضریحده کی عنبین جهانی سائل ادیبدور او نانیلن رطبین فقط سنین بیر الینن یقین چالامازلار عجمله ال بیر اولاندا، تمامی عربین وجب وجب تانیرسان یرین قدم قدمین قدم قدم دولانیبسان گوین وجب وجبین بیر آیری جلوه شق القمردی عالمده شهادت رمضاننان ولادت رجبین گونش گوز آچدی سنی گوردی سجده گاهینده و آیدا گورمدی هیچ ترک اولا نماز شبین علی ضیافتی ایچره ایکی خورشت اولماز اولونجه سوفرادا ترک اولمویوب بو مستحبین جهانه جاندی باغیشلیر حسینیلن حسنین عقول عالمی حیرتده قویدی زین ابین عربده معترف اولدی به اتفاق نظر که جلوه لندی ابالفضده غیرت و غضبین دوشوبدی تور توخویان صهیونیسم تیترمغه بیلنده حیدر خیبر شکن اولوب لقبین جهاندا ظالمه قران دلیجه وعده ورین «بقیه الله» آدیندا علی سنون طلبین #امیر_المومنین #امام_علی #صهیونیسم #بقیه_الله ✅ پایگاه اطلاع رسانی و انتشار اشعار کربلایی علی حبیبی: 🆔 @SherealiHabibi