💎 بسم الله الرحمن الرحیم💎 📕 روز  مستضعفین 🌹🌹🌹🌹🌹🌹🌹 دیشب دوباره یادی از آن گلعذار شد باران گرفت و از گل رویش بهار شد ای ماه چارده که تویی چاره ساز ما   بیچاره شد کسی که به عشقت دچار شد یوسف اگر چه دیده شفا داد،دل بسوخت همدرد آن پدر ، پسر مهزیار شد غربت که خوب نیست بیا ، چونکه بهجتی آمد به شهر خویشتن و شهریار شد. 🌹🌹🌹🌹🌹🌹🌹 #امام_مهدی_عج #حضرت_مهدی #نیمه_شعبان ✅ پایگاه اطلاع رسانی و انتشار اشعار کربلایی علی حبیبی: 🆔 @SherealiHabibi

بسم الله الرحمن الرحیم💎 📕 روز مستضعفین 🌹🌹🌹🌹🌹 بیر نفر پرده غیبتده گزیز ایامی      گلمینجن سحر اولماز بشرین آخشامی بیر نفر واردی کی آئینه بو قراندی    کل اجدادی کیمین یاور مظلوماندی بیر نفر اجر نبوتدی اونون پیمانی   کی عدالتلن اوزی دولدوراجاخ دنیانی آدی مهدی ، ولی گمنام لرین گمنامی دردیلرین تسکینیدی قلبیلرین آرامی یوسفین شیعه سی هیچ یوسفی یاده سالیسان  جمعه لر گوز یاشیلان  گوزلری یولدا قالیسان نیچه یوز ایلدی بیزیم یوسفیمیز غیبتده  ندی علت هله یعقوبلاری زحمتده او مگر دونیادا مظلوملارین یاری دگیل   او مگر حیدریلن فاطمه دلداری دگیل او مگر شاه شهیدان قانینی آلمیاجاخ شیطانین بوینونا زنجیری مگر سالمیاجاخ او مگر واسطه فیض دگیل دنیایه    یا مگر منتسب اولمور نسبی طاهایه او همان نور علی ابن ابی طالبدی    مرتضی تک هامی دشمنلرینه غالبدی او حسندور بو دینین تهجه قالان سرداری      کی جفادن قان اولوبدور جگر خونباری او حسیندور یارالی تک دولانیر میدانی سسلیور دادینه آزاده اولان  انسانی جدی سجاد کیمی شرح وریر عرفانی   صبح و شب یاده سالیر صحنه عاشورانی شانیده باقر علم و ادب و عرفاندی     صادق آل محمددی سوزی قراندی ....... دوزدی گاه سوریه ده گاه یمن و لبناندا  بو همان موسی جعفردی قالیب زنداندا بو رضا دو کی هامی دردیلره درماندی   بو غریب الغربا یاور مظلوماندی کرم و جود و سخاوتده  محمد تقیدی  علم و ایمان و  هدایتده علی النقیدی گل زیبای امام حسن عسگریدی  مین یوز هشتاد ایل اولار حیدریدی حیدریدی ای آدین شیعه قویان سویله آقان نان نه خبر مین یوز هشتاد ایلی غیبتده قالان نان نه خبر هانی موسی کی عصانی چالا قان دریاسینا خط بطلان چکه فرعونلرین دنیاسینا سسلین اللهی .... موسی چاغیران اللهدی باش قویاخ درگاها درگاه همان درگاهدی سن اگر سسلسن الله یکه شیطان هوادی  اللهین تک آدی هر درد و بلایه داوادی کیم اینامیر سوزومی دریادا گورسون یمنی نیجه ال قولتوغ ادیبدور بو یکه اهرمنی شرط اودی اللها خاطیر گوتورن هر قدمی قویمویان یرده قالا قانلی ابالفضل علمی نقدر عهد دعاسینده چالیرسان دیزیوه نقدر ندبه ده هیچ یالواریسان گوزلریوه نقدر عشقینه گوز یاشین آخیر رخساره نقدر  غربتینه یوز قویوسان دیواره بو قدر قان توکولور قان آپاریر دنیانی      نقدر آختاریسان منتقم زهرانی انتظار مشکلی ایلشمغینن حل اولماز آغلاماخ یا کی فقط گولمغینن حل اولماز شرط اودی صدقیله هر ساعت اولان منتظری شرط اودی غیبته وصل ایلیسن سن غدیری    سوره یوسفه باخ گور نه گلیب قراندا علت هجر اودی یعقوب قالیب کنعاندا چیخماسایدی قوجا یعقوب اگر کنعانان تا قیامت قوتولامازدی غم هجرانان منتظر. ... منتظر اولماز داهی ایستی سرینه یعقوبین چیخماغی بنزیر سفر اربعینه بیز گرک یوسفین اللهینه هی یالواراغین بیز گرک یوسفی کرببلادان آختاراغین امامین امری قولاخلاردا قالار تا به ابد راه قدس از سفر کرببلا می گذرد نیه مهدی بویوروبدور اوزی امر فرجه عممه آندیورین اللهی گوندوزله گیجه عمه زینب بیزه بیر رمزیدی سوریه قالا آقا ایستیردی بوجور وسعت ایران چوخالا مرز ایران چکیلیبدور لب اسرائیله ئولور اسرائیل الان یالواریر عزرائیله بیز گرک گوز یاشینان یاد ادخ عاشورانی قرانا عامل اولاخ حفظ الیخ قرانی منتظر مهدیه  گوزلر شهدانین قانینی ساتماز آمریکا یا اسرائیله اوز ایرانینی   منتظر مهدیه رهبردن آلار فرمانینی قورخوسی یوخدی وره رهبره خاطر  جانینی   منتظر مهدیه اوز جانین آلار اللرینه مین جانی اولسادا قربان ور اوز رهبرینه   منتظر مهدیه اوز رهبرینین یاوریدی جان ورن لحظه یه جن حیدری دی حیدریدی   منتظر مهدیه آندولسون علینین جانینا لحظه لحظه باخاجاخ رهبرین اوز فرمانینا   منتظر مهدیه مهدیه گوره همت ادر مهدینین عشقینه گهواره ده سرباز بیجه در منتظر مهدیه تاخیره نمازین سالماز   معرفت اهلیدی بیر لحظه وضوسیز قالماز منتظر مهدیه اوز یولداشینی خار المز  یار اولار فامیله همسایه نی آزار المز منتظر مهدیه دایم اوخویار قرانی           قرانیلان تاپار اوز دردینه هر درمانی منتظر مهدیه گوز یاشیله ساخلار اوزونی     کوچه بازاریده نا محرمه تیکمز گوزونی منتظر مهدیه سالماز اوزونی عزتدن         چونکی چیخماز ایاغی دایره عفتدن منتظر مهدیه گوزلر گوزونی عالمده محرم اولماز او کی دایم گوزی نامحرمده منتظر مهدیه غیرتلی اولار ناموسه     جان ورر توپراقی ورمز ولی بی ناموسه شیعه  بو وعدیه دلخوشدی دیر یا مهدی قلبیدن عشقی اگر جوشدی دیر یا مهدی #حضرت_مهدی #امام_مهدی #نیمه_شعبان ✅ پایگاه اطلاع رسانی و انتشار اشعار کربلایی علی حبیبی: 🆔 @SherealiHabibi