☆{{ معارفهء بی نظیر غدیر خُم }}☆ جبریل گتدی حقدن فرمان غدیر خمدا تفسیر اولوبدی حکم قرآن غدیر خمدا احمد ولایت امرین ابلاغ ائدوبدی خلقه مولا علی تاپیبدی رجحان غدیر خمدا کون و مکان بو امره آگاه اولوبدی یکسر تکمیل اولوبدی دین و ایمان غدیر خمدا مولا علی الیندن دوتدی رسول اکرم حجّاجییدن آلیبدی پیمان غدیر خمدا مندن صورا علیدور بو امتین امیری اولدی امام راتب سلطان غدیر خمدا حجّاج ائدوبدی بیعت مولا ولیّ حقّه تاپدی ولایت عشقی سامان غدیر خمدا ئوزنعمت عظیمین تکمیل ائدوبدی الحق منّت قویوب خدای یزدان غدیرخمدا اکمال دین ئدیبدی اتمام نعمتِ حق امت آرا خدای منّان غدیر خمدا تهدید اولوبدی حتی بو امر اوچون پیمبر ائتسین ولایت امرین اعلان غدیر خمدا آلّلهِ ذوالجلالین امرین یئتیردی احمد مغلوب اولوب هماره شیطان غدیر خمدا شاد اولدی ختم مرسل بو اتنخاب حقدن گویده ملکلر اولدی خندان غدیرخم خمدا ما اُنزل الیکَ ، بَلِّغ بِحُکم لِله فرمان وئروب رسوله سبحان غدیر خمدا طاهایه اولدی نائبحکم حقیله حیدر جان وئردی جسم دینه جانان غدیر خمدا نور (ولایتیله) دونیا ایشیقلانیبدی آللهین امری تاپدی پایان غدیر خمدا مولا علی اولوبدی پیغمبرین وصی سی بَخّ ً صداسی اولدی برهان غدیر خمدا بایرامدی مسلمینه دنیا بویی بوخوش گون واردور یئری بزنسین هریان غدیر خمدا اسامی شعرا: حاج اصغرفرشچی( عدلی) حاج محمدتقی جابری سید جواد حسینی فرهاد گوهری صابر ثمودی محمدرضا صادقی(شیدا) خادم الشعرا الیاس ملک پور جمعه ۱۶ تیرماه ۱۴۰۲ روز عید غدیر

🎼سبک شعرفوق👆👆 🎤#بانوای_حاج_علی_سیفی_افشار ۱۴۰۲/۴/۱۶

🌸🍃 🌸🍃 🌾🌼 🍂 🌾🌼 🍂 از زبان قرآن مجید اصغر فرشچی( عدلی تبریزی) من کتاب ذوالجلالم ایلییون مندن اطاعت واردی علّت حکمران اولسام جهاندا سیز لره واردورسعادت ای جماعت حکمومی اجرا ایدین تا عالم اولسون مثل رضوان سیراولا راه ولایت خوش یاشار پا بند قرآن اهل عالم اهل عالم قرآنام من وحی مُنزَل حقدن آیات منده مزبور منده مسطور سوره سوره آیه آیه جنّ و انسه واردی دستو ر نعمت و نور دقّتیله ایت تلاوت آگه اول واردی نه منظور هانسی منشور من صراط مستقیه ایلرم خلقی هدایت تا قیامـت حکمومی اجرا ایدین تا عالم اولسون مثل رضوان سیراولا راه ولایت خوش یاشارپا بند قرآن اهل عالم اهل عالم منده دی دینون اساسی منده دی تقوا لباسی اهل عالم اهل عالم 🍃 🍃🌼 🌼🍃🌾 🍃🌼🍃🌺

🌸🍃 🌸🍃🌾 🌾🌼 🍂 🌾 مولود حضرت امام موسی کاظم علیه السلام اصغر فرشچی ( عدلی تبریزی) گلدی صادق بالاسی جهانه دوندی دنیا بو گونده جنانه دولدوروب عطرینی هرمکانه مـاهِ مُـنوّر= اللهَ مَظهر= آچدی بودنیایه گوزون =موسی بن جعفر باب الحوائج = موسی بن جعفر بیت صادق اولوب نوره پرنور اهل عشقین اولوب قلبی مسرور دشمنین کاش اولا گوزلری کور شهرتی رایج = دردَه مَعالِج= نام نیکوسی آدلانار= باب الحوائج باب الحوائج = موسی بن جعفر گوزلروز روشن ای اهل عالم گلدی موسی اولا شاه اعظم وارث دین وقرآن وخاتم مِهرَه مثلدی=چون بی بدلدی= دنیانون اهلی بولوری = گلدن گوزلدی باب الحوائج = موسی بن جعفر شکر اولا خالق مهربانه حجتین یوللادی بو چهانه مژده اولسون بو گون شیعیانه بومه انور= روحی مطهر= گلدی اولا آتا کیمی =عالمه رهبر باب الحوائج = موسی بن جعفر گورمیوب روزگار بیربیله گل عارضی لاله تک زلفی سنبل سایه سینده گلوب شوره بلبل خورشیدسرمد= عزیزاحمد= پیرایه ویردی عالمه = گل محمد باب الحوائج =موسی بن جعفر یر یوزی نورونا دولدی نوره حالت رشک یوز ویردی حوره گلدی بلبل گلستاندا شـوره قامتی دلجو=کاظم خوش خو= عالم علمه آفتاب سیرتی نیکو باب الحوائج = موسی بن جعفر معدن جود دورکنزرحمت باب حاجات وهم کان رأفت هفتمین پیشوا دینه حجت خالق سبحان=صاحب رضوان= لطف ایلیوب بوبالانی شیعیه احسان باب الحوائج = موسی بن جعفر هر باغون باغبانی گلی وار عاشق گل اولان بلبلی وار خادموز(عدلینون) مشکلی وار درده دواسن_کان سخاسن مشکلی واردی حل ایله مشکل گشایم باب الحوائج. موسی بن جعفر

🌸🍃 🌸🍃🌾 🌾🌼 🍂 🌾 مولود حضرت امام موسی کاظم علیه السلام اصغر فرشچی ( عدلی تبریزی) گلدی صادق بالاسی جهانه دوندی دنیا بو گونده جنانه دولدوروب عطرینی هرمکانه مـاهِ مُـنوّر= اللهَ مَظهر= آچدی بودنیایه گوزون =موسی بن جعفر باب الحوائج = موسی بن جعفر بیت صادق اولوب نوره پرنور اهل عشقین اولوب قلبی مسرور دشمنین کاش اولا گوزلری کور شهرتی رایج = دردَه مَعالِج= نام نیکوسی آدلانار= باب الحوائج باب الحوائج = موسی بن جعفر گوزلروز روشن ای اهل عالم گلدی موسی اولا شاه اعظم وارث دین وقرآن وخاتم مِهرَه مثلدی=چون بی بدلدی= دنیانون اهلی بولوری = گلدن گوزلدی باب الحوائج = موسی بن جعفر شکر اولا خالق مهربانه حجتین یوللادی بو چهانه مژده اولسون بو گون شیعیانه بومه انور= روحی مطهر= گلدی اولا آتا کیمی =عالمه رهبر باب الحوائج = موسی بن جعفر گورمیوب روزگار بیربیله گل عارضی لاله تک زلفی سنبل سایه سینده گلوب شوره بلبل خورشیدسرمد= عزیزاحمد= پیرایه ویردی عالمه = گل محمد باب الحوائج =موسی بن جعفر یر یوزی نورونا دولدی نوره حالت رشک یوز ویردی حوره گلدی بلبل گلستاندا شـوره قامتی دلجو=کاظم خوش خو= عالم علمه آفتاب سیرتی نیکو باب الحوائج = موسی بن جعفر معدن جود دورکنزرحمت باب حاجات وهم کان رأفت هفتمین پیشوا دینه حجت خالق سبحان=صاحب رضوان= لطف ایلیوب بوبالانی شیعیه احسان باب الحوائج = موسی بن جعفر حق اونا چون ویروبدی امامت مسلمینی ایدردوزهـدایـت تابعانی تاپارتا سـعادت مهرهلالی=حسن وکمالی= واردی بوکاظم امامون= شأن و جلالی باب الحوائج = موسی بن جعفر حقیلن باغلیوب عهد وپیمان عالمه ایلسون دینی اعلان دینه خاطر اولا جانی قربان باب هُدادی=کان وفادی = جدّی حسن حسین تک = دینه فدادی باب الحوائج = موسی بن جعفر سِجن لرده آچار جا نمازی روزوشبلرقیلارحق نمازی آغلادارکونی سوزوگدازی به حکم نادان= بدون برهان= اون بیرایل عمرتا اولارگوشۀ زندان باب الحوائج = موسی بن جعفر هـرباغون باغبانی گلی وار عاشق گل اولان بلبلی وار خادموز (عدلینون )مشکلی وار درده دواسن=کان سخا سن= مشکلی واردی حل ایله =مشکل گشا سن باب الحوائج = موسی بن جعفر 🍃 🍃🌼 🌼🍃🌾 🍃🌼🍃🌺

💐🌸🍃🌾🌼 🍃🌺🍂 🌿🍂 💐 ورود محرم اصغر فرشچی ( عدلی تبریزی) سبک: امام علی ... دوتوبدی عالم حسینه ماتم عزاسی باشلاندی سیه پوش اولدی آناسی زهرا نواسی باشلاندی حسین حسین جان حسین حسین جان حسین حسین جانم چکولدی قاره ارض وسمایه عرش خدا آغلار فلک ملکلر حسینی سسلردلده نوا آغلار حسین سونلرغمین بولنلردوتوب عزا آغلار محرم اولدی حسین حسینون صداسی باشلاندی حسین حسین جان حسین حسین جان حسین حسین جانم علی آتاسی دلده نواسی ایدرفغان آغلار عذاره اشکین مهدی غمگین توکنده قان آغلار محنت وغمده گلنده درده پیرو جوان آغلار اهل جفانون کوفه وشامون جفاسی باشلاندی حسین حسین جان حسین حسین جان حسین حسین جانم گرک حسینه بوگونده هرکس بزم عزا قورسون ادب یوزیلن کیمسه گلنده ایاقینه دورسون نوحه اوخونسا سینة عشقه دست غمین ویرسون دشت بلانون کرب وبلانون بلاسی باشلاندی حسین حسین جان حسین حسین جان حسین حسین جانم حسینه نوکربوآستاندان بیرآن کناراولماز آغلاساهرگوز جزا گونونده اشکباراولماز آندولا حقّه هرایکی دنیا خوارو زاراولماز دوتون بوآیدا حسینه ماتم عزاسی باشلاندی حسین حسین جان حسین حسین جان حسین حسین جانم حسین بوآیدا ایدوبدی نهضت هم عهدینه ایفا داروندارین ویروب خدایه زادۀ زهرا اوقان که اوندان توکوبلرایندی قطره سی دریا (عدلی) قان آغلو قلم سیزیلدوربکاسی باشلاندی حسین حسین جان حسین حسین جان حسین حسین جانم 🌾 🌾🌼 🍃🌾🌼

🌸🍃🌾🌼 🍃🌾🌼 🌾🌼 ورود ماه محرم اصغر فرشچی ( عدلی تبریزی) گینه یاران گلوب ماه محرم باتوب یاسه بو عالم غرق ماتم گلستانلار گلی افسرده اولدی چمنده لاله لر پژمرده اولدی خزاندی گلشن آل پيمبر گلوب آه و نوايه دخت حيدر بوآی بير محشر كبرا اولوبدی سو سوزدان گلشن طاها سولوبدی گلون شيعه بو آی سيز شورشينه عزاداری ايداق تشنه حسينه شهيدان يرده بی غسل و كفندی عيال آل حيدربی وطندی ايدوبلر قانه غلطان قوم نا پاك شبيه مصطفانون قلبينی چاك ديوللر قطعه قطعه دوغرانوبدی آتا گورجاق ديوب قلبيم يانوبدی ايا صاحب زمان باشون سلامت يرآغلورگويده وار شور قيامت بو آی جنتده زهرای شهيده توكر قانياش اولار قدی خميده گلرتا قتلگاه عشقه باخسون حسين قانين او یرده زلفه ياخسون ديسون باشسيز بالا نور دوعينيم آنان جانی سنه قربان حسينيم غزالان حرم بی خانماندی گرفتارعدو وكوفياندی تنورخوليده باشون نهاندی منی درده سالان اول خيزراندی باشون مطبخ سراده كوللراوسته اوباشی بسلموشدوم گوللر اوسته قيزيم زينب دوتوب شام غريبان ديور وای قارداشيم با چشم گريان ويرورسس زينبه كلثومه آغلور توکور قانیاش سکینم سينه داغلور رباب آغلور ديور وای اصغريم وای باتان اولدوز كيمی بير اختريم وای ويروللر سس سسه اونلا يتيمان پوزوبلار حاليمی اولدوم پريشان ندن من اولماديم باشون كسنده قوپوپ طوفان قراء يللر اسنده اجازه وِيرگلوم مطبخ سرايه اولوم مهمان سنه اتمه گلايه اوپوم قانلی گوزون قانلی دوداقون نچه ساعت آنان اولسون قوناقون گوروم شمری ايكی الدن شل اولسون بوخولی عمرونون گلزاری سولسون اوغول من بو گجه شب زنده دارم آناوام روحوم آغلوربی قرارم غمونده گرچه (عدلی) خونفشاندی قیامت حالینه چوخ ناگراندی اونا سن التفات ایت روز محشر اولوبدی عمرونی درگاهه نوکر 🌾 🌾🌼 🍃🌾🌼 🌸🍃🌾🌼

التماس دعا عدلی تبریزی

🌾🌼 🌼 حضرت علی اکبر علیه السلام حاج اصغر فرشچی (عدلی تبریزی) اکبرین سالدی یولا عشقین یولی معنا اولا کیمدی بو ماه منور تک جهان آرا اولا سرّ اكبردور کی اوّل عزم میدان ائیلیوب مطلع الانوار نور عَلّمَ الأسما اولا شوقیله ائتدی تجلیگاه عشقه بدرقه دین و اسلام و شریعت قانیله احیا اولا تنفِقُو مَمّا تُحِبّوُنَ آیه سیندن درس آلوب تاکی حق قربانی قربانگاهده زیبا اولا باخدی اکبر قدینه یاده سالوبدی جدینی آز قالوردی قلبیده هنگامه ای برپا اولا بسلمیشدی اشبه پیغمبری بو نیته عازم کوی منای روز عاشورا اولا کوفیانیله ایدوب اکبر اوگونده تا مصاف کربلای پر بلاده یاور بابا اولا تا گلوب اظهارایده من تشنیم سوویرآتا آز قالوربوتشنلیق منده توان فرسا اولا باخ آتالیق مهرینه قویدی لب لعلین لبه تا مبادا راز و رمز عاشقی افشا اولا سوی میدانه قیتدی تشنه لب جان خسته سی لشکر بی دینیله بار دگر دعوا اولا نوش جان ایتدی شهادت جامی اکبر ویردی جان (عدلی ) یاز بو مطلبی دشمنلری رسوا اولا 🌿 🌿💐 🌾🌼🌿 🌸🌾🌼🌿

🌿🌸🍃 🌸🍃 💐 حضرت علی اکبرعلیه السلام زبانحا ل حضرت لیلی س در وداع حاج اصغر فرشچی ( عدلی تبریزی) قیامت ایلـورعالمده عـلی بو قامت رعنا شبیه احمد مرسل بو حسنون ایلوری غوغا هزاران آفرین اولسون سنه صانع اولان خلاق چکوب صورتده طاق ابرووی منزلگه کسرا لب لعل گهربارون سَحاب عشق ورحمت دور زمین شوره گریاغسا اولارگل بوته سی پیدا او مشگین طرّه لربوئی بهاران ایلوب دشتی گولورگوللراوخوربلبل ایدورعشقی اوغول معنا گل اگلش شانه ویرسون تا بوزلف عنبر افشانه ایدرآرایش زلفون اولارعالم چمن آرا سن ای بازارعشق ایچره ایدن سودای هـرمستی رضایم گیت بوسودایه باشا قوی تاج کرّمنا سنی جام شهادت مست ایدوبدی بومناده گیت صبوراولّام غم هجره غم ایتمه ای گل زیبا کرم قیل بیرجه آهسته قدم ویرتا بویون گورسون گورر بیرده بویون لیلی دم محشر دم عقبا الون قـوی سینمه بلکه دوزه قلبیم فراقوندا شهادت جامی نوش ایتسن آنان لیلی قالار تنها اولیدی کاش ویریدیم سوسنی عطشان یولا سالسام گونون بوایسَی وقتینده سوسوزمشگل ایدردعوا بورسم اولموش سپللرسوسفرده هرگیدن اولسا دالونجا سوسپم یوخدی سپر گوز یاشنی لیلا ارادتمندیدی(عدلی) بیزه نوحه یازار دائم ولایت گلستانینده اولوبدی بلبل شیدا 🌿🌸🍃🌼

حضرت قاسم ابن حسن مجتبی علیه السلام زبانحال حضرت سریه سلام الله علیها اصغر فرشچی (عدلی تبریزی) یاتما بو چولده اوغول دور باغریمی قان ایلمه هرنه وار دردون بیان ایت دیلده پنهان ایلمه آچگوزون دلبند مادر گلموشم گور نالیه اوز دیلونله من آنایه سویله افغان ایلمه باغبان تک سن گلی من بسلدیم شادان گورم دورگولوم گول بوآنان پژ مرده گریان ایلمه مجتبادن درس آلوب اولدون بوگون دینه فدا ای مه تابان من ترک شبستان ایلمه عقده لر وار بو دیلیمده قانلی زلفون تک اوغول عقده می آچ باخماقونلا دل پریشان ایلمه یاتموسان نازیله سن من زارو هم سرگشته وم گل منی سر گشتۀ دشت و بیابان ایلمه سسلورم سس ویرموسن ای قانه غلطانیم بالا آتش غمده یـانان بو قلبی سوزان ایلمه باغریمی قان ایلیوب سالما منی بوچوللره گل آناوی مبتلای درد هجران ایلمه من دیردیم توی دوتوب قول بوینوا سالام اوزوم بو گویول آباده سین دور یاتما ویران ایلمه قلبیده وار آرزوسی هر آنا گورسون عروس دور منی یوسف کیمی یعقوب کنعان ایلمه باخورام یاره لره گل کیمی اوخدان پرآچوب باغ و گلشندی وجودون ترک رضوان ایلمه هرگلون بیرعطری وارکاشانه ی دل دور را بو تن گل بو دل کاشانه سین سن لیل ظلمان ایلمه ایت آنالیق حقی بیر دفعه اوغول آچ گوزلرون من باخوم سن باخ منه ترک سرو جان ایلمه بیر نگاهونلا بالا دینجد منی چوخ خستیم غرق دریای غم و اندوه و حرمان ایلمه بیر باخیش باخسان بسیمدی گل محبت ایله باخ من اسیرم کاروان یولاندی لنگان ایلمه پیچ و خم وار شام و کوفه یولاریندا دردو رنج آچماموش گوز سن روان شام ویران ایلمه (عدلیه) بیرالتفات ایله دیور چوخ قورخورام یـالوارور دادارینه محشر ده نالان ایلمه

🌸🍃🌾🌼 🍃🌺🍂 🌿🍂 💐 سنون اوستونده حساب ایلموشم اصغرفرشچی (عدلی تبریزی) ساقيا من هوس بادۀ ناب ايلموشم* قوخمادولدورقدحی زاهدی خواب ايلموشم زاهدا من دليم موعظه آز ايله منه پوزموشام دفتری ديوانی خراب ايلموشم* گجه معشوقه نی مست می عشق ايلماقا آييلان اولدوزا بير يرده جواب ايلموشم* دفترايچره يازيلان شعر و غزلدی ؟ نه گولوم باغريمون قانيدی كه زيب كتاب ايلموشم بيت بيت هرسوزی يازدوقجا اورك قانه دونوب دايانان وقته قلم ديده پرآب ايلموشم هريازاندا من حسين سسلموشم آغلاموشم اصغرين ياده سالوب قلبی كباب ايلموشم بيتينه مُلك سُليمان وِیرولَه اُولمازعوض نینورم دنیا مالین حشره ثواب ايلموشم ايل بويی هفته لری محفل غملرده گيدوب نوحه خوان اولماقوچون چوخلی شتاب ايلموشم هرجمعه سسلموشم تا گله زهرا بالاسی بولمورم راه خطا يا كه صواب ايلموشم اولمادی نعمت وصلی منه بيرقسمت عمور اوزومی اوزگنی بيهوده عذاب ايلموشم محفل غمده چاتوب باشه بوعمروم قوتولور دل دوشوب تاب وتبه هجرينه تاب ايلموشم بارالها هامودان ال اوزولوب تك قالالی گينه ده من سنون اوستونده حساب ايلموشم (داد مهرين) سوزی شيريندی سويوب «عدلی»اونا نچه خط يازدی دِیدی دفتره باب ايلموشم 🌿 🌿💐 🌾🌼🌿 🌸🌾🌼🌿