🌸🍃🌾🌼 🍃🌺🍂 🌿🍂 🌸 نوحۀ قتلگاه اصغر فرشچی ( عدلی تبریزی) آه اوساعتدن که زینب قارداشین عریان تاپوب مـاه تـک دوشموش محاقه نیّرتابان تاپوب فَلک امیدین گوروب مستغرق دریای خون وارسپهر پیکرینده یـاره انجمدن فزون غم فشاریندن اولوب رخصار زینب لاله گون مُلک تنده یاره لردن روضـۀ رضوان تاپوب شعبه لی اوخ قلبیده پـیـکان و خنجردن یـارا هـر گلن یـاره ویـروبـدی یـاره لر گلمز سانا نه الی نه واربـاشی سسلندی سنسن بو اخا قتلگاهون چشمه چشمه زخملردن قان تاپوب پیکربی جانیله ایسّی قوم اوستونـده یـاتان قالموشام بوچولده یوخدورقیدیمه کیمسه قالان آغلارام بوگوزیاشیلن مرهم اولسون هریاران تاباجون گورسون بوچولده جانینه جانان تاپوب اوخلاری بیر بیرکنارایتدی اولوبدی بی قرار نحرمنحرون اوپوب قانیاش توکوب گوز اشکبار سسلدی زهرا آنا گل زینب اولدی داغدار گل قزون زینب حسینی قانینه غلطان تاپوب ما سوالهون ویروب قـرآنه دنیاسون آتوب ایسی قوملاراوسته گل گورآرخاسی اوسته یاتوب کاسـۀ چشمونـده زینب اشکینی قانـه قاتوب قان دولوب گوزکاسسینده قان اولان مژگان تاپوب صرصر ظلم اسدی بوچولده تاپولدی مین بلا مـحـشر کـبـرایـه بنزورغملی دشت کربلا یدی قارداشدان بیری قالمور آنا یاور اولا گل بلا صحرا سینه زینب قدین چوگان تاپوب بـو بیابانی آنـا اوغلون قانی گلگون ایدوب قانی آخدوقجا یره گوی اهلنی دلخون ایدوب زینب بی خانمانی گل آنا محزون ایدوب قالمیوب تاب وتوان حسمینده چون خسران تاپوب واریری بوچولده من ایوای حسینیم وای دیم قطره قطره اشک چشمیم قان اولا ایوای دیم اصـغـریـن تاپسام اونـا بو سینه ده لایلای دیم گل یرین گوسترقیزون زینب دیسون مرجان تاپوب گل آنـا قـویـموللا بـوردا مـن حسینه آغلیم بـو یـارالی اوغلی اولـموش قـارداشا دل داغلیم باشی یـوخـدی وای منه تـا گوزلـرینی باغلیم همسرخولی باشین مطبخده چون مهمان تاپوب مشعل دینی خموش اولسون جهاندا قویمارام جسمیدن رخت عـزانی مـن اولونجه سویمارام آغلارام قارداشیما مـن آغـلاماقـدان دویمارام اشـگ چشمیله دیسونـلر زینبی عنوان تاپوب سیل اشکین (عدلی) هـرآن بـوغـمـه ایلر روان نام زهــرانـی حسینی ایلیوب ورد زبان وارامــیـدی کربلایه ایستسین شـاه جهان تـا گـوره وادی غـم بیربلبل خوشخوان 🌿 🌿💐 🌾🌼🌿

🍃 💐🍃🌿 🌿🌸🍃 🌸🍃 💐 شام غریبان حضرت سید الشهدا علیه السلام اصغر فرشچی ( عدلی تبریری) زبانحال حضرت زینب در شام غریبان در سبک شبانگاهان.... آنا زهـرا دشت کرب وبـلا ظلم دشمندن لالـه گون اولـدی بوگون غمدن خم اولوب کمریم قاندی بوجگریم گللریم سولدی یانان چادر منزلیم اولوب اورگیم گل قانیله دولوب گل آنا زهرا گل آنا زهرا پـرستـار اولـدوم سـحـردن تـا گون غروب ایدنی یاره باغلادیم حـسـیـنـیـوه مـن دل شـبـده شـام غـریبان دوتدوم آغلادیم سـالـوب ربـاب اصغـریـن یاده آغلیوب مـنـده سیـنه داغـلادیم بوگون غمدن خم اولوب کمریم قاندی بوجگریم گللریم سولدی یانان چادر منزلیم اولوب اورگیم گل قانیله دولوب گل آنا زهرا گل آنا زهرا فـشـار غــم غـصـّه زیـنـبـوون قامتین اگدی قــد کـمـان اولـدی چـمـن زارعـشـقـیـنـه اســدی صرصرجفا چون خزان اولدی سواوستونده صودامر بوغازی زهـرلـی تـیـره خونفشان اولدی بوگون غمدن خم اولوب کمریم قاندی بوجگریم گللریم سولدی یانان چادر منزلیم اولوب اورگیم گل قانیله دولوب گل آنا زهرا گل آنا زهرا بـیـرانـگـشـتـر اوستـه سـاربان ال کسـوب زیـنـبـدن تـوان آلدی او ال کسـن آغـلادوب بـاجیمی جـانـیـنـه یـانـان بیرشـررسـالـدی سـنـه بـنـز ربـیـرمـلـک مـنـظـر قـارداشـیـم قـیـزی آتـاسـیـز قالدی بوگون غمدن خم اولوب کمریم قاندی بو جگریم گللریم سولدی یانان چادر منزلیم اولوب اورگیم گل قانیله دولوب گل آنا زهرا گل آنا زهرا گلـسـتـانـدا آچـمـیـیـن گـلووی آسیـاب فـلـک چـون گلاب ایلدی بـیـراوخ گـلـدی حـنـجـره دگـدی خون اصغریوی خون ناب ایلدی گـولـوب اوّل یـومـدی گـوزلرینی قارداشیم قلبین چون کباب ایلدی بـوگـون غمدن خم اولوب کمریم قـاندی بـوجگریم گللریم سـولدی یانان چادر منزلیم اولوب اورگیم گل قانیله دولوب گل آنا زهرا گل آنا زهرا یـاری یانموش خیمده دوتدوم شــام عــاشـورا شــام غـریـبـان حسیـن بـاشی کـوللر اوستـونـده خـولـیـه اولـوب بـوگـجـه مهمان او قـانـلی گـودالـیـده دوشــوب سینه سی اوسته پیکری عریان بـوگـون غمدن خم اولوب کمریم قـاندی بـوجگریم گللریم سـولدی یانان چادر منزلیم اولوب اورگیم گل قانیله دولوب گل آنا زهرا گل آنا زهرا بــقــیـــده یــاتـــمــا مــزاریـــده کــربـلایـه گل قـالـموشــام تـنـها اوزن گل باش چک بوچولده گور هـانـسی یـراولــوب زیـنـبـه مـأوا صـحـر اولـسـا مـن آنـا نـیـنـیـم قــتـلـگاهـیـده قـارداشـیـم قـالـسـا بـوگـون غمدن خم اولوب کمریم قـاندی بـوجگریم گللـریم سـولدی یانان چادر منزلیم اولوب اورگیم گل قانیله دولوب گل آنا زهرا گل آنا زهرا غـم ایلمه (عـدلـی) وارگنهـون یـاز بو دربـاره بنده گلـمیـشـم الـیم بـوشدور روسیـاهـم مـن خجلتم وارشـرمنده گلمیـشـم نـواخـوان و ذاکرین گـلوری حاجت آلماقا منده گلمـشـم 💐 🌼🍃 🍃🌾 🍃

نوحه محرم مرحوم شهاب تبریزی قان آغلیون ای شیعه که ایام عزادی زهرا باش آچوب صاحب عزا شیر خدادی نه طاق فلک یاسه باتوب آغلوری عالم سکان سما چیده ایدوب مجلس ماتم بو غمده گلوب نالیه پیغمبرخاتم ارواح رسل روح الامین نوحه سرادی ای شیعه ایدون مدنظرکرببلانی بیریاده سالون محنت شاه شهدانی قانه بلشوب یتمش ایکی پیر و جوانی باشسیز توکولوبلردیه سن کوه منادی ای شیعه قیامتلر اولوب اکبرالنده صدپاره گلوب قانلی کفن قانلی بدنده ساچلار یولونوب خیملره نعشی گلنده لیلانین ایشی حشره کیمی واولدادی اول دم که علمدارین عدو قانینی توکدی بو درد وغم ای شیعه حسین قدینی بوکدی دلدن کسیلوب تاب و توانی یره چوکدی بیل سندران عالمده غم مرگ اخادی ای شیعه ووروب حرمله اود کون و مکانه افلاکه سالوب رعشه بیر اوخ قویدی کمانه اصغربوغازین ایلدی بیرتیره نشانه گوربیرنقدر حرمله بی شرم و حیادی سلطان مدینه او بیابانی گزردی قانین یاخوب اعضاسینه اول طفلی بزردی اوجوندا گهی اخذ ایدوب افلاکه سپردی بلسونله او قان تحفه درگاه خدادی شاه الدی قشون سیندی ستم عرشه دایاندی اودووردولا اولاد علی خیمه سی یاندی عصمتلی حرملر سویولوب یاندی تالاندی رحم ایتمدی بیر کیمسه بولار آلعبادی

🌸🍃🌾🌼 🍃🌺🍂 🌿🍂 💐 زبانحال حضرت امام حسین علیه اسلام بر بالین حضرت ابوالفضل علیه اسلام . . حاج اصغر فرشچی ( عدلی تبریزی ) سبک : سن آغلوسان من دوزنمورم.... دور ای ویرن کوی عشقیده عالی امتحان قارداش دوروب باشون اوسته قدی خم شاه انس وجان قارداش . دورمشگوی بیرده آل اَله گوزون آچ اویان قارداش سوسوزقیزلارآز قالور ئوله منی تک قویان قارداش . . شراب وصلیله مست اولان کوی عشق قربانی گوزیوی آچ منله بیر دانش ای اولان وفا کانی سیلنموسن قوی اوزوم سیلیم گوزده کی آخان قانی بوسینوی اوخلارا عدو ایلیوب نشان قارداش . . دورای منیم اهل بیتومون باشینه سالان سایه حسینیله عشقیده اولان بو زماندا همپایه بوقان نه قاندوردوتوب یوزون بنزیین یوزی آیه قوجاقلاشاق یوخدی قوللارون آه والامان قارداش . . دور ای مواساتیده اولان اسوۀ جهان عباس ایکی قولون یوخدی باش یاراچشمی خونفشان عباس گلوبدی بو غمده نالیه ایندی قدسیان عباس مدینه ده بولسه آغلاسا حقی وارآنان قارداش . . گلنده یول اوسته گورموشم قوللارون دوشوب قارداش نه حاله قالدیم خدا بولور آخدی صورته قانیاش دیلیمده قارداش دیه دیه گلموشم بورا بیرباش جری اولوب شامیان گوروب سنده یوخ توان قارداش . . سن ای بنی هاشمون آیی ابرخونیده باتما کمک سیزام من اوغولسوزام قارداشون بیله آتما حرملریم گوزلوری یولون قان ایچینده خوش یاتما یارالارون قان ویرورنجه یاتموسان اویان قارداش . . ویروبلاراوخ مشکه سوآخوب سنده یوخدی سوعباس دیمه خجل اصغروندنم ای فرشته خو عباس دورحمل ایدوم خیمه وه سنی سیرتی نکوعباس سینوب بلیم بولمسین عدو خاصه کوفیان قارداش . . بو چولده سندنصورا منیم یوخدی بیرهوا داریم فدای جانان اولوبدولار یاوران غم خواریم قالورفقط سود امر بالام بیرده عابد زاریم بیری مریضدوربیری سوسوز باغریم اولدی قان قارداش . . اگرچه یوخ بو سپاهیده ذرّه آبرو عباس ها رایلا دِ قومِ کافره اِن قطعتمو عباس سن اولماسان تنگ ایدرمنه عرصه نی عدوعباس بو نحویلن قلبومون سوزون ایلورم بیان قارداش . . دورای علی دست پروری شیر صولتیم عباس دورانموسان باری آچ گوزون سرو قامتیم عباس منیم علی اکبریم اولوب چوخدی مِحنتیم عباس گیدن ره عاشقان حق اکبره چاتان قاردا ش . . یازی یازانلارکتاب ایدر شرح غمده حالاتون گجه نمازین اداسینی نصف شب مناجاتون الینده سو ایچمیوب ایدن قارداشا مواساتون بونیسگیلون اود سالورمنیم جانیمه اینان قارداش . . سن«عدلی»ای ذاکرحسین فارغ اول علایقدن اورزق مقسومه قانع اول راضی دوش او رازقدن دِ دردون عباس شاهده چک الون خلایقدن منیم دیلیمده دینه اونا اسمی جاویدان قارداش 🍃 🌾🌼 🍃🌾🌼 🌸🍃🌾🌼

🌸🍃🌾🌼 🍃🌺🍂 🌿🍂 💐 زبانحال حضرت سید الشهدا (ع) برسربالین حضرت ابوالفضل العباس (ع) . حاج اصغر فرشچی ( عدلی تبریزی) . سبک : بیش از ده سبک..... احوالیمیز یاماندی قان یاغدی کربلاده ... نبسته ام به کس دل ... . . یاتما بو ایسی یرده سینم گلوبدی درده سو مشگی اوخلانوبدی شیوندی خیمه لرده . واگیر سندی بلیم ابوالفضل آرخام ائلیم ابوالفضل . . . اولدی منه قیامت دشمن تاپوب جسارت دورپرچمون اَله آل ایله منه حمایت . . سندن الیم اوزولد ی دورحالتیم پو زولدی یوز قویدی غم سپاهی اطرافیمه دوزولدی . . اولدوردی قوم کافر قالموب کمک نه یاور گوزآچ منی دانشدیر قلبیم یانور برادر . . قان اشکیوه قاتوبسان مقصودیوه چاتوبسان یول گوزلوری سوسوزلار گوزدن مگرآتوبسان . . حالیم سنه عیاندی آچ گوزلرون اماندی یاندیم عمو صداسی عرشه اخا دایاندی . . قانون آخور گوزوندن قوی بیر اُپوم یوزوندن زهرا آنامی گوردون معلوم اولورسوزوندن . . ای سرسپاه لشگر سالما بو یرده لنگر دورحمل ایدیم خیامه قزلاریولوی گوزلر . . آتدان دوشن علمدار قاندان عذاری گلنار باش یاره لی آخورقان هاردا دوشوبدی قولار . . ای غم کش زمانه باتدون سو اوسته قانه باش اگمه دون منیم تک دونان شامیانه . . گتدون اله رضاسین چکدون حسین بلاسین جاندان گچوب یتیردون قارداشلیقون وفاسین . . (عدلی) اولوبدی مضطر قورخور اولاندا محشر مشکل گشاسن عباس سندن شفاعت ایستر . . 🍃 🌾🌼 🍃🌾🌼 🌸🍃🌾🌼

🌼🌸🍃🌼 💐🌺💐 🍃🌼 🍃 زبانحال حضرت سید الشهدا (ع) برسربالین حضرت ابوالفضل العباس (ع) .. #سبک_ایوای_یارالی_جان_یارالی . حاج اصغر فرشچی (عدلی تبریزی) . راحت بوقان ایچره یاتما آی تک بوزماندا باتما دوربیرده منه اول غمخوار وصلی بئله فصله ساتما . دورپرچمون بیرده اله آل سورمرکبون فراته یول سال یاندی حرم لرخیمه لرده سن قیدیمه قارداش اوزون قال سندی بلیم قارداش ابالفضل آغلارگوزوم قانیاش ابالفضل . . . . جسمونده یاران باش باشا ویرموش اثرین داغ داشا دورسیل غمون ایستوری قارداش بوباشیمدان آشا . آماج دورجسمون سیوفه دوشدون مَهِ هاشم خسوفه قدیم خم اولدی باشون اوسته ایلورشماتت اهل کوفه سندی بلیم …. . . . . سومشگینی نهره سالدون آرامی قوشوندان آلدون سوایچمدون اولسون سوخوار قیدیمده برادرقالدون . دوشدی قوشون ایچره هیاهو نهری آلوب رشید ومَه رو رام ایلیوب نفسین مُواسات تشنه چخوب میل ایتمدی سو سندی بلیم …. . . . . سنسن بوسپاهه سردار دورآچدی منه ال اشرار اطرافمی دشمن آلدی سندنصورا یوخ غمخوار . بولمول له من مصباح دینم دخت رسوله نورعینم سن جعفرطیّاریم اولسه بوچولده بی یارومعینم سندی بلیم …. . . . . ای قامتی قدّی طوبا مثلون گوره بولمزدنیا رحم ایتمدی سواوسته قوللاریوی سالدی اعدا . اطرافووی دشمن لرآلدی قوللاریوی ظلمیله سالدی آخدی قانون مشگون سوئی تک مشگ وعلم دوریرده قالدی سندی بلیم …. . . . . چاتدی بو دنی لرکامه گوندوز منه دوندی شامه سنسیز منی قویدی نوفَل لعنت بو سپاه شامه . گل تک سولوب خوردا اوشاقلار خشکیده دی تشنه دوداقلار بولمولّه مشگینده سویون یوخ تیکموش گوزون یولا قوناقلار سندی بلیم …. . . . . یازدی من حسینه نوحه ویرسین اثرینی نوحه(1) آلله من حسینه خاطر ثبت ایله سوزونی لوحه . ای درگهی رحمت پناهی وار(عدلینون) چوخ اشتباهی جرمون بغیشله من حسینه عفوایله بوغرق گناهی سندی بلیم قارداش ابالفضل آغلارگوزوم قانیاش ابالفضل . (1) حضرت نوح علیه السلام . . 🌼 🌾🌼 🌼 🌾🌼 🍃🌿🌸 🌾🌼

🌿🌸🍃🌾🌼 🍃🌺🍂 🌿🍂 اجرا توسط استاد غلام تفکری یا حسین حاج اصغر فرشچی (عدلی تبریزی) . دردیمه درمان آلام گلدیم عزایه یاحسین دوزموشم دنیا غمینده هر بلایه یاحسین قوی قالا دنیا غمی هر حالیده شُکر ایلرم لیک بیر دردیم دوا اولمور دعایه یاحسین . روسیاه و پُر گناهم قد خمیده مو سفید شافع اول توبَم قبول اولسون خدایه یاحسین . بیر نظر قیل توبه کاره حُرّ تک نادِم گلوب آند ویرّم زینبه اوغلون رضایه یا حسین . خضر تک بیر جرعۀ آب حیاته تشنیَم انتظارم تا چاتام منده سقایه یا حسین . هدیۀ قابل یوخومدی جز بو گوزده گوز یاشیم عشقیمی ویرّم نشان گللّم نوایه یا حسین . من مریض کوی عشقم دردیمون درمانیسان سجدۀ شکر ایلرم خاک شِفایه یاحسین . منصب شاهانه سی وار درگهونده هر گدا من سگ دربارووام باخ التجایه یا حسین . کعبۀ آمال دور هر عاشقه کرب و بلا کیمیا دور خاک پاکون هر گدایه یا حسین . خالقون خاک مزاروندا شفانی خلق ایدوب ویرمیوب بو رجحتی هیچ اولیایه یا حسین . گونده یتمیش مین ملک اول قبریوی ایلر طواف خوش مطاف اولموش مزارون انییایه یاحسین . سفرۀ رحمت آچوبسان دعوت اوسته زایره زایروندی بهره مند لطف و عطایه یا حسین . جان زهرا و علی اکبرون احسان ایله «عدلیه» گلسون گینه کرب و بلایه یا حسین

🍃 💐🍃🌿 🌿🌸🍃 🌸🍃 🌿 طفلان مسلم ابن عقیل سلام الله علیه اصغر فرشچی (عدلی تبریزی) حارث قوناقووخ بیز رحم ایله باخ خدایه اولدورمه وار قیامت ظالم چاتار جزایه ویرما بلالیوخ بیز ائلدن آرالیوخ بیز گوزلوروطنده ایندی بیر مهربان آنامیز قالمور شهید ایدوبلر مسلم کیمی آتامیز بی یاورو غریبوخ وار دیلـده التجامیز ویروخ قسم سنی بیز زهرایه مصطفایه یثربده بیرباجیم وار قلبی دونوبدی قانه هجران اودی سالوبدی درده گلوب فغانه بلبل کیمی گل اوسته باشلوبدی بیرترانه قارداش دیلنده آغلارآهی چخوب سمایه چوخ گزموشوخ توان یوخ زار وملول وخسته بیرایل قفسده اولدوخ عنقای پر شکسته مندن یاتاردی با هم بوقارداشیم یر اوسته رازو نیازایدردوخ الله مقتدایه بیزقوش کیمی سیخلدوخ بوایوده چون بوداقه هیچ میزبان تاپولماز ظلم ایلسون قوناقه آغلار قالب آنامیز دوزمز بو قدر فراقه بولسه ایکی گل یاس پرپر اولوب جفایه باخ چشمه چشمه گوزدن بوگوزیاشیم رواندی سیلی بسیمدی ویرما قلبیم دولوبدی قاندی اولدورمه گل رها ایت رحم بیزه اماندی یثربده آل آنامون گویلون گلوب نوایه هرنه دیدی یتیملررحم ایتمدی اوخونخوار آیرودی باش لارین تا آلسون طلا و دینار گل جسم لر آتولدی نحره اولوبدی گلنار بیر قول بویون اولوبلار باخ غملی ماجرایه حارث ایدوب جنایت بلبل لراولدی خاموش باشسیز اولان بدنلر اولدی ندن هم آغوش قالموبلا توپراق اوسته عریان اولوب کفنپوش ثبت ایلیوبدی تاریخ شیعه باتار عزایه قولی اولمادی بدنده شه دین علی بالاسی اولا قول بویون گلنده باشی اوسته دین فداسی یتیشوب نه گوردی قارداش وارگوزونده اوخ یاراسی دیدی قد خمیده اولدوم ولی تابعم قضایه عباس آدیله (عدلی) چاتدی بو سوز تمامه اولدی بو غملی نوحه ویرمه سوزی ادامه ایسته براتی گلسون گیت قبرینه سلامه نطقون اولوبدی گویا شکر ایله کبریایه 🌾 🌾🌼 🍃🌾🌼 🌸🍃🌾🌼

🍃 💐🍃🌿 🌿🌸🍃 🌸🍃 🌿 زبانحال حضرت رباب علیها سلام . ✍️ حاج اصغر فرشچی (عدلی تبریزی) #سبک_ایران_اگر_دل_تو_را_شکستند . . یارب گل غنچه وقتینده سولوبدی قونداقی قانیلن دولوبدی چوخ ظلم ایدوب اوچ پرآتان اوخ قانین توکوب پرپر اولوبدی . . یارب سُها کیمی بالام باتوبدی هم آج همی سوسوز یاتوبدی بیر سور امر دلسیز اوشاقه بو اهل کوفه اوخ آتوبدی . . یارب بلشدی قانه ماهپاره باتوبدی مِهر و مَه ستاره اسوب بو چولده صرصر ظلم ویروبلا یاره اوسته یاره . . یارب دیار غمده گر غریبم اورک یارادی بی طبیبم بو نهضت اوسته ویرمدیم جان ولی مرامه هم نصیبم . . جانان ویرنده قان او اوخ یاراسی کسیلدی جسمیدن قواسی کسیلمیوب او آغلاماقلیق قولاقیمه گلور صداسی . . امّا یتوشموری بو غم تمامه ایشیق گونوز دونوبدی شامه ویروبلا باشلاری سِنانَه اسیر لر گیدورله شامه . . جانان چکوبدی نظمه بو بیانی فدا اولا بو دینه جانی او اهلبیته خادم (عدلی) ایدر حسینه نوحه خوانی . . 🌾 🌾🌼 🍃🌾🌼 🌸🍃🌾🌼

🍃 💐🍃🌿 🌿🌸🍃 🌸🍃 🌿 . شهادت حضرت علی اصغر (ع) زبانحال حضرت ابا عبدالله الحسین (ع) به حضرت زینب (س) . ✍️ حاچ اصغر فرشچی ( عدلی تبریزی) # سبک_شبانگاهان . باجی زینب لشکرعشقه آخرین سربازقانینه باتدی زبس تشنه ایدی اموب پیکان اللریم اوسته گوزیوموب یاتدی باجی گل آل ویر آناسینا ایدرچاره اوخ یاراسینا یاوریم زینب یاوریم زینب . . . سموم کفرگلستانیمده آچمیین گولومی سولدوربدی باجی دگوب اوچ پراوخ بوغازیندان قانی قونداقین دولدوروبدی باجی قیامتین عالمین بو بالا عالم اهلینه قوپدوروبدی باجی فنادن تاپدی بقا ایلدی حقیلن سودا جاننی ساتدی . باجی گل آل ویر آناسینا ایدرچاره اوخ یاراسینا یاوریم زینب یاوریم زینب . . من آچدیم تا مکتب قرآن اصغریم ایتدی آلتی آی تحصیل منیله گلدی بو میدانه پایۀ عشقین ایلسون تکمیل ویروبلااوخ بوآخان قانی مُجمَلِ دینی ایلدی تفصیل بو تحصیل وبو شهادتده سود امربالام مقصده چاتدی . باجی گل آل ویر آناسینا ایدرچاره اوخ یاراسینا یاوریم زینب یاوریم زینب . . منه سرباز هنگ عشقیمده وصل معشوقه هریان آختاردی دئیدی لبیک هل معینمه تا بومناده گلوب قربان آختاردی حمایت ایتسون بوچولده منه یوسف مصریم کنعان آختاردی عزیزاولدی مصرعشقه بالام اوخلانوب قانین قانیمه قاتدی باجی گل آل ویر آناسینا ایدرچاره اوخ یاراسینا یاوریم زینب یاوریم زینب . قوجاقیمده خوشلادی یرینی غنچۀ نورس برگ گل آچدی ولی اولمازگل تکانسیز اولا اوچ پراوخ گتدی بیر تکان ساچدی ساچلمش یرایسّی قانویردی دیسگنوب بیردم رنگ رخ قاچدی منه باخدی گوزلری آخدی ایلدی خسوف آی کیمی باتدی . باجی گل آل ویر آناسینا ایدرچاره یاراسینا یاوریم زینب یاوریم زینب . . 🌾 🌾🌼 🍃🌾🌼 🌸🍃🌾🌼

🌿🌸🍃 🌸🍃 🌿 . . کوچ از قتلگاه زبانحال حضرت زینب علیها سلام . ✍️حاج اصغر فرشچی (عدلی تبریزی) سبک :: بدون واگیر :: یاران چه غریبانه … آی گویده کی اولدوزلار … ای یاره لی طرلانیم … با واگیر : ای شمع حرم خانه … آتدان یره چون دوشدی … . مقصوده چاتان شاهد جانانینه قربانیم باشون هانی بس قارداش ذبح ایلیوب عدوانیم . قویموللار بوردا من سنه آغلیام وای منه باشون یوخ گوزون باغلیام . .ای بار غم و مِحنت قدین خم ایدن قارداش ای دارو نداریندن بیرگونده گچن قارداش هم صود امرین قانین افلاکه سپن قارداش دورگور منیم اللرده قالدی نجه دامانیم . . چکدی منی چون عشقون گلدیم بو بیابانه عشقیم سنه معلوم دور بو لمز بونی بیگانه سن شمع محبّت سن زینب سنه پروانه حاشا اولاسان خاموش ای شمع شبستانیم . . من عاشق سرمستم سن شاه شهیدانه شرکت ایلدیم سنله بو نهضت شایانه ویردوخ ال اله گتدوخ عدوانی اخا جانه سن جان بکف اسلام حامی سنه یزدانیم . . من زمزمۀ عودم سن زمزمه پردازیم من دردم وگر اشکم سن دلده نوا سازیم من هنگیوه بیرسربازسن شاه سرافرازیم من سسلۀ موجم سن سسله جنبانیم . . من دشمن بی دینه عجز ایلمرم قارداش دفنونده قصوریم یوخ قویموللا ایدم اوباش گوردوقجا گلورموجه گوزلرتوکوری قانیاش اوچ شعبه لی پیکانه وار نالۀ مستانیم . . ای حقّه اولان مِرآت قانی دِیَه آللاهه هرگزدیمرم گون تک باتدی نیه آللا هه لازمدی چوخور یرده زینب دیه آللاهه قربانی قبول ایله ای خالق رحمانیم . . اهدافووی عالمده اعلان ایدرم قارداش قول باغلی اسیراوللام شامه گیدرم قاداش یوللاردایزید ظلمون خلقه دیرم قارداش بو نهضت خونینه قرباندی منیم جانیم . . سن یوسف زهراسن بیردنیا خریداری من«عدلیم»و عشقون چوخداندی گرفتاری بیرجام می ایشسون ویراول ایوده کی بیماری سویلرآناسی هر دم وار دور دل سوزانیم . . 🌾 🌾🌼 🍃🌾🌼 🌸🍃🌾🌼

🍃 💐🍃🌿 🌿🌸🍃 🌸🍃 🌿 . . سنده اولدی نهضت خونین نمایان کربلا خطاب به کربلا . ✍️حاج اصغر فرشچی (عدلی تبریزی) . سنده اولدی نهضت خونین نمایان کربلا پاکبازان سربداران دینه قربان کربلا . باغبان و برگ و گل غنچه ایدوبلر اتحّاد خالی اولسون خاریدن دینی گلستان کربلا . نهضتی که سنده اولدی حشره تک پاینده دی قانیلن تضمین ایدوبلرجان فدایان کربلا . سنده بیر عده مجاهد قانینه غلطان اولوب باش ویروبلرزنده قالسون دین و قرآن کربلا . نا برابر جنگیده کامه چاتوبدی کوفیان کسدیلرسویوللارین قالسونلاعطشان کربلا . ایرمی یدّی سنّیده شهزاده اکبردوغرانوب بو فراق ایتدی آتاسین خانه ویران کربلا . سالدیلار بیرمشک سو اوسته او سقّا قوللارین دولدوروبلارسو یرینه مشکینه قان کربلا . بیربه بیراولدوردولر قارداشلارین اوغلانلارین فاطمه احوالینه دللردی سوزان کربلا . اوخلیوبلر سنده لب تشنه علی اصغری حنجریندن ویردیلار اوچ شعبه پیکان کربلا . اولمادی سود ایچمدی سو قالدی حسرتده رباب آج سوسوز قرآن یولوندا بذل ایدوب جان کربلا . ذبح اولوندی مِن قَفا شمرین الینده چون امام باتدی گون اسدی قرایل اولدی طوفان کربلا . سنده غارت ایلیوبلر اهلبیت عصمتی اود ویروب یاندورماقا اَخیامی عدوان کربلا . عالم معناده گلدی قتلگاهه فاطمه اوغلونی باشسیزگوروبدی یرده عریان کربلا . دورمیوب یکسرگلوب مطبخ سرای خولیه تا قورا بزم عزا شام غریبان کربلا . عمردور«عدلی»یازار سن کربلانون غملرین یازدیقی اشعاریله اولموش نوا خوان کربلا . . 🌾 🌾🌼 🍃🌾🌼 🌸🍃🌾🌼

🍃 💐🍃🌿 🌿🌸🍃 🌸🍃 🌿 آغلا بو بزمیده گوزوم گوز یاشوون بهاسی وار بزم عشق گریز به شام غریبان . . حاج اصغر فرشچی (عدلی تبریری) . . آغلا بو بزمیده گوزوم گوزیاشوون بهاسی وار محفل عشق دور بویرگور نقدر صفاسی وار . زندۀ عشق ایدر بو یرعشقه اسیر اولانلاری اهل دله صفا ویرر درد دلین دواسی وار . بهشتی عشقینه آلارکیم اولسا عاشق حسین سویله اوعاشقی گله دلده خدا رضاسی وار . واردی آقامدا چوخ کرم سائلی مأیوس ایلمز گلنلرین گیدنلرین حاجتونون رواسی وار . دردیوی گل بو یرده سن سرسپه امامه دئ مشکل آچاندی اللری الده اونون لواسی وار . اورکده واردی گر سوزون دِئ سودامر بالاسینه باب الحوائج اصغرین اللرونون عطاسی وار . قطعه به قطعه دوغرانان سسله علیّ اکبری حاجتینی روا ایدر کیمسه که التجاسی وار . زینبی سسله سس ویرر آند اونی ویر حسینینه زینب آدیندا وار دوا دنیا بویی وفاسی وار . بو بزمه صدقیلن گلن دوا تاپار شفا آلار بو یردی کربلا یری مریض لرین شفاسی وار . ویرولسا هر یره علم آناسی فاطمه گلر او یر که عاشقان دوتوب حسینونون عزاسی وار . اولار بو یرده میزبان قدی خمیده فاطمه دیر کیم آغلاسا منیم حسینیمه جزاسی وار . همان آنادی گلدی تا گوره او قتلگاهیده دوشوبدی اوغلی باشی یوخ نه ساتر و لباسی وار . توکوب عذاره گوز یاشین دیوب باشون هانی بالا بلیم بوکولدی دور اوغول بو قلبیمون بکاسی وار . حسابیدن چخوب یاران گلن ویروب گیدن ویروب کسوبدی ساربان الون اونون بیوک خطاسی وار . یارا یارانی چاک ایدوب آخورقانی بوتوپراقا یوخوندی صاف یرین اوپم بوجسموون یاراسی وار . یاپوشسا زخمه کوینگون سویاندا اینجیدوب سنی کیمون باشوندا بیربیله بلاسی کربلاسی وار . او باشی بسلیوب آنان قویاردی گل لر اوستونه گیدوبدی خولیه قوناق اونون دیمه حیاسی وار . ویررله گوز یرینده یر قوناقه رسمیدی اوغول ویرر کول اوسته یر سنه او ظالمون جفاسی وار . دوروم گیدوم او یرده من قویوم دوداق دواقیوه سیلیم بو گوز یاشیله من دوتوبدی کول نماسی وار . باشون نقدر بلالیدی ائلدن اوغول آرالیدی زینب دوتوبدی یاسوی دلینده وا اخاسی وار . قوروبدی بیر یاری یانان چادردا آغلوری سنه ویروبله سس سسه هامی او یرده غم اساسی وار . گیدوبدی غارته قزون رقیه گوشواره سی قولاق یارا اورک یارا صدای وا اباسی وار . لیلی سریه هم رباب سسلور دیور ایوای بالام او چادرایچره غم یاغورایوای اوغول صداسی وار . من تک گیدوب او محفله ویردوم تسلّی زینبه شام غریبان ساخلیوب دردین آلام نواسی وار . آندوردوم آغلاما قیزیم صبرایت بلایه دوزقیزیم باشوندا شام و کوفه نون بیر غملی ماجراسی وار . بو غم لرونده«عدلیده» منیم کیمی یانار توکر عذاره اشکینی اوغول نه صبح و نه مساسی وار . 🌾 🌾🌼 🍃🌾🌼 🌸🍃🌾🌼

🌿🌸🍃 🌸🍃 🌿 شام غریبان زبانحال حضرت زینب (س) به حضرت زهرا (س) .سبک : حسین جان گل علمدارون حاج اصغر فرشچی (عدلی تبریزی) . #فارسی من آن مرغ شبم افسوس ندارم لانه ای امشب به زیر بال من طفلی ندارد دانه ای امشب به صد شورو به صد افغان گرسنه خسته و عطشان . . نه غمخواری نه دلداری منم صد پاره دامانم چه می پرسی در این صحرا چسان پاشیده شد جانم که خونِ دیده آبم کرد وخاک مرده ها نانم به شمع محفل ظلمت منم پروانه ای امشب . . در این صحرا به خون غلطید حسین ولشکرش دیدم شنیدم حرمله میگفت گلی که غنچه بود چیدم گرفتم از برادر تا گلویش را چو بوسیدم خُمارم کرده آن بوسه منم مستانه ای امشب . . بیا مادر حسینت شد فدای مکتب هستی شکست آخر دل زینب به صد جور و به صد پستی سر طفلان فرزندنت بکش با خونِ دل دستی ببوسم دست تو مادر بباش همسایه ای امشب . #ترکی . ستمله سولدوروب دشمن سولوبدی گللریم گلشن جفای خاریدن اوج ایلیوبدی گویلره شیون اولوبدی پاره چادرلر قضادن زینبه مسکن دوتوبدی یاس حسینه گل آنام شام غریباندی قیزون زینب پریشاندی آنا محشر نمایاندی . ایدوب برپا عزا زینب بو یرده یوخدی غمخواری پوزوب گوندوز ستم بادی قالوب ویرانه گلزاری اوشاقلار آغلاشور یوخدی ویرن بو یرده دلداری بلالی زینبون گل گور آنا باغری دولی قاندی . حسین یاتدی قوری یرده منه فصل خزان اولدی گلستاندا آچان گل لر سموم ظلمیله سولدی سالوب شیون آتاسیز لار مِحندن قلبلر دولدی دوشوب باش سیز حسینیم یوخ لباسی تنده عریاندی . حسینه عاشقم مادر بودی دیلده اولان منظور حقیقت عالمی چکدی اولام عشقه اسیر نه زور اگر دشمن ایده مین بار بو روح و قلبیمی رنجور دیله حاشا گله زینب حسینیم دینه قرباندی . یول اوسته رسمیدی یولداش دورار یولداشنی ایستر خزان گورموش گل و بلبل یوزه گوز یاشینی ایستر بولر عالم که زینبده حسین قارداشینی ایستر او قارداش که سُور زینب اولوبدی قانه غلطاندی . جفا اهلی بو گون مندن قرار و صبریمی آلدی پوزوب احوالیمی آغلار قویوب محنت لره سالدی اورک دوزمور آنا زهرا روقیم گل یتیم قالدی دیور عمه بابام هاردا بو قلبیم اود دوتوب یاندی . ریاست اوسته نا حق لر حقی اولدوردولر عطشان جدا تندن حسین باشی اولوبدی خولیه مهمان گجه شام غریباندی اولوب عاشقلری گریان بو غم بو مِحنته (عدلی) دوتوب قلبی اولولاندی _ 🌾 🌾🌼 🍃🌾🌼 🌸🍃🌾🌼

🍃 💐🍃🌿 🌿🌸🍃 🌸🍃 🌿 وارنه علت عرش وفرشی دولدوروب غوغا بوگون #عاشورا #سبک_زینبم_جان_اوستیم … 4 سبک . حاج اصغر فرشچی ( عدلی تبریزی) . وارنه علت عرش وفرشی دولدوروب غوغا بوگون یوم عاشورادی گویا محشر کبرا بوگون . . بوهمان گوندورحسین غلطان اولوب اوز قانینه سانه گلمز یاره لرآلدی دین اوسته جانینه جرعه سو ویرموبدی شمر کربوبلا قربانینه کسدی باشین آخدی قان هرقطره سی دریا بوگون سیرایله گورکیم ویروب باش کسماقا فتوا بوگون . . بو همان گوندورکه کوفه اهلی طغیان ایلدی دعوی قرآن ایدنلر ترک قرآن ایلدی بیر مه تابان سحاب آلتوندا پنهان ایلدی ظلمت اولدی تا باتوب مهرجهان آرا بوگون طور سیناده چکولدی دارینه عیسی بوگون . . بوهمان گوندورابوالفضل قوللاری اولدی قلم اوخ دگوب سومشگینه یوخدورتوان دوتسون علم خجلتیندن سینه سینده جمع اولوب بار الم کاسۀ چشمونده یر ویردی اوخا سقا بوگون ایلیوب گور نه مواسات ایچمیوبدی ماء بوگون . . بو همان گوندور ویروبدی پیر و برنا ال اله مست اولوب مروه صفاده ایلیوبلر هروله باش ویروب لر قان ویرروبلر چاتماقا سرمنزله ایلیوبـلر تک خدائیلن اولار سودا بوگون آگه اولسون هر مسلمان پیرو هم برنا بوگون . . بوهمان گوندورعطشدن سود امرایلوبدی غش بیر طرفدن خیمده واردور صدای العطش قتلگاه ایچره ایدور شمریله زینب کشمکش اللرین خنجرکسوب ایت مطلبی معنا بوگون حفظ ناموس و حجابه ایلیوب ایما بوگون . . بو همان گوندورکه شهرکوفه نین ارزللری قانه غلطان ایلیوبلر شبه طاها اکبری ظلم الیله اوخلیوبلر شیر خواره اصغری جانویروبدی آلتی آیلیق طفل مه سیما بوگون پرپر اولدی گلستاندا غنچۀ رعنا بوگون . . سجده گاه عشقیده زینب گوروب شاه حجاز قانیلن اولموش وضوسی یرده آچموش جانماز بو تراب اوغلی تراب اوسته ایدور راز و نیاز باش ویره معنی اولا تا روز عاشورا بوگون آغلیه وار دور یری دنیا و ما فیها بوگون . . قاره یل اسدی ایدنده آفتاب دین زوال اولدولار دنیا یوزونده ذیحیات افسرده حال سینه سین سنگین ایدوبدی زینبین درد وملال غارته ال آچدی دونان ایتمدی پروا بوگون ایتدولرامر یزیدی مو به مو اجرا بوگون . . مشگله دوشدی بوگونده دختر مشگل گشا سسلوری امداده گل شیرخدا یا مرتضا اود ویروب یاندوردولاراخیامی بوقوم دغا سس دوشوب ارض وسمایه آه و واویلا بوگون باش آچوب جنّتده آغلورحضرت زهرا بوگون . . نقش اولوبدی لوح دیلده «عدلیا» بو ماجرا یاز که هرگون یوم عاشوردی هریرکربلا اهلبیته نوحه خوان اول ایل بویی باشدان باشا شرح عاشوراده یاز اولسون یزید رسوا بوگون ایسته حقدن لطف ایده نطقون اولا گویا بوگون . .🌾 🌾🌼 🍃🌾🌼 🌸🍃🌾🌼

🌿🌸🍃 🌸🍃 🌿 . #سبک_یارالی_جان_یارالی … 4 سبک … شهریاریمسن حسین … کربلا منتظر ماست … . مرحوم محمد شیخ زادگان ( مبکی تبریزی) . زینبون باغرینی بو نسگل ایدر قان یارالی گون قباقینده قالوب پیکرون عریان یارالی کر: بو نه عالمدی حسین سن یارالی من یارالی . . شرعیده واجب فوری دگی بو هر ئولنی تز ویرون غسلنی قویمون قالا یرده بدنی بو نه مذهبدی حسین اوچ گجه گوندوزدی سنی قوری یرلرده قویار لشکر عدوان یارالی . . گلشن فاطمه گویا دیه سن ایندی سولوب شور شینیله آنام اوغلی بلا دشتی دولوب یارالاروندان آخان قان گورورم غسلون اولوب یوخ سنی دفن ایلین بیر جه مسلمان یارالی . . بو نجه نعشیدی بیر صاف یری هیچ یوخدور حسین داش قلج اوخ ویرولوب یاره سی چوخ چوخدور حسین دوندرن گوز یاشیمی قانه بو بیر اوخدی حسین کیم ویروب قلبیوه اوچ شعبه لی پیکان یارالی . . باخورام گل کیمی صد پاره اولان پیکریوه اودلانور قلبیم حسین نحر اولونان حنجریوه دی گوروم بس باجون ئولسون نه گلوب اللریوه ایندیده قطع اولونان یردن آخور قان یارالی . . حشره تک یاندیرا آز دور دلیمی بو مِحنون خَس و خاشاک بو گل جسمه اولوبدور کفنون هانی بس مندن آلان مندرس اول پیرَهَنون کیم سویوب ظلمون ایدوب بیله فراوان یارالی . . سنی دعوت ایلموشدی بو چوله قوم یزید تابع امر اولالار یا ایده لر بوردا شهید نجه بو ظلمی روا گوردی سنه شمرعنید سو کنارینده کسوب باشیوی عطشان یارالی . . اولمیوم بس نجه بو وقتیده دل زار و ملول قالوب اشرارین الینده یارالی آل رسول آیرور ظلمیله سندن منی بو قوم جَهول بیر نفر یوخدی تَرَحُّم ایده بو آن یارالی . . دوزرم مین بیله ظلم اولسا حسنیم بو لوسن دوره می یکسر آلوب یانمورام اشرار زمن باشیما قمچی ویرور غیظیله هربیر یتیشن یاندیرور چوخ منی امّا غم هجران یارالی . . نه باخور شمر شقی گوزدن آخان گوز یاشیما آغلیام قویموری ظلمیله ئولن قارداشیما یاخارام قانوی قویسا بو آغارمیش باشینا ایدرم ظلمنی عالم لره اعلان یارالی . . دولدوروب قلبیمی بو درد و ملالون گیدیرم محشره قالدی آلام عطر وصالون گیدیرم باشیمه جمع قیلوب بی کس عیالون گیدیرم قیل دعا حافظ اولا خالق رحمان یارالی . . من بو صحرایه حسین گلمیشیدیم عزّتیلن قاسم و اکبر و عبّاس او با همّتیلن گیدیرم شامه اسیرم نجه گور ذلّتیلن غم زده زلف پریشان دل سوزان یارالی . . ای اولان ظلمیله بو دشتیده لب تشنه قتیل سعد وقاص ویروب لشکره فرمان رحیل بوینی چیگنینده دَوَه اوسته او بیمار علیل ایدوری حسرتیله ناله و افغان یارالی . . قارداشیم شاه شهیده ( مبکیا )اول نوحه گر وار قاباخدا بیرآغیرگون ایلسن سنده سفر قوخما محشرده آنام زهرا سنه ایلر نظر یاز دیلمجه داغیلان پیکره قربان یارالی بو نه عالمدی حسین سن یارالی من یارالی 🌾 🌾🌼 🍃🌾🌼

🍃 💐🍃🌿 🌿🌸🍃 🌸🍃 🌿 . شهادت حضرت ابوالفضل العباس علیه السلام . #سبک_ای_باد_صبا… 7 سبک . حاج اصغر فرشچی (عدلی تبریزی) . قارداش داغی اكبردن حسينه بتراولدی قول سوزبدنين يرده گوروب ديده تراولدی . . عباس اُلومی آلدی توانين جانا دُويدی تاراولدی گوزی صحنۀ غم قلبينی اُويدی آلدی باشنی ديزلرينه يوزيوزه قويدی دين شمسی باتوب قانه باتوردان قمراولدی . . سسلندی اولان قلبيمون ای صبروقراری سالدی مِحَن وآهون اودی قلبه شراری گوزدن نجه گوربارش ايدورابربهاری بوداغ دلون قارداشواغم شرراولدی . . باخدی اوگوزل پيكرينه گوردی يوخ اللر گوی سمتينه يوزدوتدی ديدی قادروداور قديم بوكولوب گورنجه شاداندی بولشكر قارداش ديوب آغلاردی باجی با خبراولدی . . عرض ايتدی حسين قديوی دوزساخلا اماندی عباسه نه گلدی دِی باجون چوخ نگراندی گوردوم كه محاسن بويانوب قرمزی قاندی بولدوم كه بيلون سندی باجون كول بسراولدی . . اوللام من علمدارون حسين صاحب هرغم گوزياشنی گل منله آخورداخ اولا تا يم توكساخ باجی قارداش گهرچشمنی باهم دل اهلی بولر دامنيميز پرگهراولدی . . سقّا اُلومون تشنه لبان بولدی ايناندی فريادعطش ياندوم عموعرشه داياندی بوغملره زينب نجه دوزسون ايله ياندی خشكيده لبان آغلاديلاربی اثراولدی . . آی باتدی گرگ گون ده باتا فرصتی يوخدی شه اُولسه وزيری ياشاسا لحظه ده چوخدی قسمت منه بوچولده باجی شعبه لی اوخدی قالسا بوحسينون گوره سن خون جگراولدی . . هربيت سوزونده نقدرغملی شرروار بوآه جگرسوزودی نوحنده اثروار آغلاد هامونی«عدلی» قيامتده ثمروار هركس كه حسين نوكريدی مفتخراولدی . . 🌾🌼 🍃🌾🌼 🌸🍃🌾🌼

🍃 💐🍃🌿 🌿🌸🍃 🌸🍃 🌿 جسمونده یاره لر تک گویده ستاره اولماز #کوچ_کربلا حضرت زینب (س) در قتلگاه . عدلی تبریزی . جسمونده یاره لر تک گویده ستاره اولماز سن تک شهید عشقین گل جسمی پاره اولماز . . احیای دین و قرآن ایتدون حسینیم احسن آلدون بو جانه یاره هر قدر ویردی دشمن هریاره لاله گولدی بودشت اولوبدی گلشن گرچه کسوف ایدوبسن گون استتاره اولماز . . هر یاره اوسته یاره هر بیر گلن ویروبدی راضی سالا یزیدی هر بیر گیدن ویروبدی بولمورثمین دینسن آلسون ثمن ویروبدی هیچ بیربدنده قارداش بیر بیله یاره اولماز . . شش ماهه صود امرواربونهضتونده سرباز نوک جداده با شی ایتدی سنی سر افراز منحوراولان بوغازدان سسله منی ایت اعجاز شامه گیدوربوزینب فرصت دوباره اولماز . . دین اوسته نهضت ایتدون بو اولدی امتیازون گوردون که سوتاپولمورقان اولدی دستمازون معراج حقده آچدون بو قانلی جانمازون الحق حسین زهرا حقدن کناره اولماز . . خولی ایونده باشون اولدی کول اوسته مهمان نعشون قالوب یارالی ایسی قوم اوسته عریان یوخ بارماقون الینده غارت ایدوبدی دونان بیله تعدّی و ظلم هیچ شهریاره اولماز . . شمروسنان جفاسی بوچولده عرشه چاتدی ال اوسته اصغریوه تا حرمله اوخ آتدی قانه بلشدی گولدی یومدی گوزونی یاتدی نازک بوغازا اوچ پر اوخ دگسه پاره اولماز . . ظاهرده اوخلانوبدی حنجردن اولدی پاره یخدی یزید کاخین معناده شیر خواره اولدی بو آسمان عشقه بالان ستاره جنگ وجدلده اما هیچ شیر خواره اولماز . . سندنصورا بو نهضت یتمز حسین تمامه فتح و ظفر لواسین ویرّام دیار شامه طرحین پوزوب یزیدین قویمام چاتا مرامه گتسه وقاری الدن بیر شرمساره اولماز . . (عدلی) دیور الهی منده نقدر دوزوم وار یازسام غم حسینی قورتولمیین سوزوم وار کربوبلانی گورسون حسرت قالان گوزوم وار عالم بولور بو فعله فال استخاره اولماز 🌾 🌾🌼 🍃🌾🌼 🌸🍃🌾🌼

🍃 💐🍃🌿 🌿🌸🍃 🌸🍃 🌿 کوچ از قتلگاه زبانحال حضرت زینب سلام الله علیها حاج اصغر فرشچی (عدلی تبریزی) . سلسله بند اولدی قارداش دور بو صاحب سلسله عزم شام ایلور باجون امری دوشوب دورمشکله . . ای وجود اطهری توپراقلار اوسته غرق خون دفنو وه اقدام ایدم مانع اولور بو قوم دون سیر ایدور عشقونده زینب تا به سرحدّ جنون دور اذان ویر سال یولا یولاندی شامه قافله . . جانویروب ای جان یارالدان هیکل قرآنیده گورمیوب دور چشم عالم سنکمی قربانیده یاره انجم سانی اولسون خسته جسم و جانیده هریاراسی بنزه سون گلزاریده برگ وگله . . سن فنافی الله اولوب ویردون مرام اوستونده جان رسم ایثار و وفانی عالمه ویردون نشان کسدی غارتده الین انگشتر اوسته ساربان سن آتام حیدرکیمی انگشترین ویردون صله . . واریری بو زینبه گوزدن توکه اشک ترین سسلیه قارداش سسیله تا دولا عرش برین تاپادیم بو چولده آختاردیم ابوالفضل اللرین نینسین اُمّ البنین بولسه چتین دورمسئله . . کربلاده هر بلایه ویرموسن بیرامتحان عشق بازارینده قالدی اللرون اوسته بالان سن ساتان اولدون خداوند غفور اولدی آلان بو آرا شش ماهه سرباز بهره مند و نائله . . شیرخواره اصغری سو آلماقا آلدون اَلَه ایستینده سو دوشوبدی لشکرایچره ولوله ویردی فرمان سعدین اوغلی تاآتا اوخ حرمله ایلوری اصغرآناسی هم سودان اوخدان گله . . شاهبازم حق یولوندا گرچه سندی پرلریم کشمکشده قانه باتدی اللریم هم پیکریم ویرمدیم غارتده قارداش دشمنه من معجریم ویرمیوب ویرمز باچون معجر بو قوم باطله . . ای یارالار یور قونی ای دین و قرآنه فدا قویمارام چاتسون مرامه شامیده اهل جفا نهضتون ویرم ادامه ساخلارام الده لوا ساکت اولماززینبون قارداش بویولدا گراُلَه . . نیزه ده سن ناقه ده من یول سالاخ شامه گیداخ دینی تبلیغات ایداخ دشمن ویراندا دینمیاخ لیک سن قرآن اوخی تا مردمی آگاه ایداخ آچماسونلا دین و قرآنیله قارداش فاصله . . ال اله ویردوخ بو چولده ایلدوخ تا انقلاب قان اولوب شمشیره پیروز جان فدایان کامیاب بو ظفر اوسته اگر چه باتدی ماه وآفتاب باتماسیدی زورق دین چاتمازیدی ساحله . . (عدلیا ) بو نوحه کی یازدون اولوب احسان سنه اورگدوب قرآنی اورگتماقلیقی یزدان سنه هم حسین ابن علی لازمدی هم قرآن سنه ایستسه حق بو عمل دور زاد راه و راحله . . #کوچ_کربلا #عدلی_تبریزی #سلسله_بند_اولدی_قارداش_دور_بو_صاحب_سلسله #ترکی 🌾 🌾🌼 🍃🌾🌼 🌸🍃🌾🌼

🌿🌸🍃 🌸🍃 🌿 کوچ از قتلگاه زبانحال حضرت زینب سلام الله علیها حاج اصغر فرشچی (عدلی تبریزی) . من تراخواهم چوخواهد چشم خسته خواب را من ترا جویم چو جوید تشنه لب ها آب را . در هوایت پر گشودم باور بال و پرم بی تو زینب نیستم من آتشم خاکسترم . در هوایت دل گسستم از همه دلبستگی غوطه در خونی ولیک هستی پناه خستگی . خسته ام ازاین همه جوروجفای خصم دون ای برادر بی تو بیتابم تو غرق بحر خون . می تراود شبنم خون از گلوی پاره ات من ندارم غیر اشک مرهم کنم هم چاره ات . برگ سبز وگل به خشکیده دراین فصل بهار غنچۀ نشکفته ات پرپر ز جور روزگار . سنگ نالد زین سبب هم خاک دارد غم هزار باد دارد آه سرد و کوه گرید بی قرار . رود رود بی قرار و آب و آتش داغ دار درغمت ارض و سما گرید ملائک سوگوار . داغ دل از باغ دل دارد دلم من در تبم شعله ور از آتش سوزان تنها یک شبم . غرق در درد و ملالم ذرّه ذرِه التهاب سلب طاقت می کند ای از تبار آفتاب . آفتا ب مهر من بودی تو سایه برسرم دیده بگشا و ببین خون جگراشک ترم . در غم عشقت شدم با هر غمی من آشنا از غم دیگر کنم جزعشق تو دل را رها . رهسپار شام شومم دستگیر دشمنم من به شورعشق توسربربیابان می نهم . می روم از کربلا دفنت نکردم گرترا می سپارم پیکر صد پاره ات دست خدا . صرف کرده (عدلیِ) خادم به درگاهت حیات خواهد این دنیا برات و روز محشرهم نجات . 🌾 🌾🌼 🍃🌾🌼

🍃 💐🍃🌿 🌿🌸🍃 🌸🍃 🌿 حضرت علی اصغر علیه السلام زبانحال حضرت رباب علیها سلام حاج اصغر فرشچی ( عدلی تبریزی) سبک.: شبانگاهان.... گوزوم نوری یوخدی سومنده ایستمه سنده ایلمه افغان بیله اممه دل دوداقوی یوم گوزلرین لایلای ای گل رضوان بو صحراده سینه داغلارام سن آغلاسان منده آغلارام یات علی لایلای یات علی لایلای سنیله من اوچ گجه گوندوز سس سسه ویرب آغـلورام اوغول دوداقلارین سن امن وقـته آهـیـله اورک داغـلورام اوغـول اورخساره صـدمه دگمه سین اللریوی من باغـلورام اوغـول بونیسگیلده هانسی بیرآنادی ایلمز یوزه اشکـنی روان بو صحرانون غم هواسی وار سنون نه دردون دواسی وار یات علی لایلای یات علی لایلای قوجاقیمده لایلایون چالورام دردیوی آلورام گوزلرون بـاخـور بـومعـنالی باخماقوندی منی آتـش غـمده یاندورور یـاخـور دلون یوخدی دردون آندوراسان دُرّتک گوزدن اشک ترآخور بیرآزیوخلاسینم اوستونده من آناندا وارام سـنکـیمی عطشان کباب اولدون اماندی یات فغانوی بیرآز آزات یات علی لایلای یات علی لایلای علی باشدان آت سوفکرینی سن خیمه نی گزدیم یـوخ سویا امکان بوسولموش گل تک دوداقوی آز هی اشارتله ویرمـنه نشـان بوچولده جاندی بهاسی سویون باغلیوب سویون یوللارین عدوان سن آغلاسان منده آغلارام گوز یاشیم ایدر سیل تک طغیان نه واردی سو خیمه گاهیده نه رحـم واردی سـپـاهـیـده یات علی لایلای یات علی لایلای بلا دشتینده بابان ایستور عهدی اوستونده امتحان ویرسون نهال باغ رسالته سویرینه بـوچـولده قان ویرسون الینده گل غنچه ده سولسون عشقنی جهانه نشان ویرسون سوفکرین آت ناتوان آهو یوخدی آخرسومن سنه قربان بوچولده دشمن دوشوب لجه دُزور آتان بـوغـمـه نجـه یات علی لایلای بات علی لایلای مـحـمـد زاده مجیدآدلی بانی دوریازیلا نوحـه اصغره محافلده مـدح و نوحه دئیر شاه دینه هـم اوغـلی اکـبـره سویور«عدلی» همسفراولا اونلاقول سالا قـبرحـیدره یاتوب اوردا شیعه لرآتاسی عا لمین آقاسی حق دئین انسان عـلـی آدی سـاقـی کـوثـر امـام حـق شـافـع محشـر یات علی لایلای یات علی لایلای 🌿 🌿💐 🌾🌼🌿 🌸🌾🌼🌿

بسته شدن راه فرات #سبک:یخلوب عباسیم حاج اصغر فرشچی ( عدلی تبریزی) سویولی باغلاندی اورکلر داغلاندی سکینم اودلاندی گوزونده اشکی حرمت اولمور قوناقه باخ قورین دوداقه عباسیم دور ایاقه آل اله مشگی امان ایدل ایدل ایدل امان دوشوب حال مماته سور مرکبون فراته اصغر الین قماطه آناسی باغلور حرم اهلی غملی گوزکاسه سی نملی سینه لر ما تم لی قلبینی داغلور ای حسینه یاور سقای دلاور اول اصغره ساغر سوسوزدی آغلور ای شمعه پروانه منّتی بوجانه سو ویر بو نالانه آل اله مشگی امان ایدل ایدل ایدل امان سولدی قیزلار دوداقی وار نچه قیز قوناقی ایلوللر سو سراقی روحومی سیخدی من حسینون رجاسی قامتوون فداسی گور العطش صداسی گویلره چیخدی شهید اولدی اکبر اوغلوم ملک منظر ایلوب منی مضطر ایویمی یخدی سجاد اوغلوم بیمار یانور تبدن ناچار اولا بولمز او یار آل اله مشگی امان ایدل ایدل ایدل امان قامتلی عباسیم ای اشجع ناسیم تشنه لیقدان قاسیم بیحال اولوبدی شیرخواره اصغر آهو کیمی ملر دانشماز دل دلر گل تک سولوبدی بیرهنگه برابر سنسن امیر لشکر آه و وادن برادر خیمم دولوبدی باخ نوا و آهه چاتوبدی مهر و ماهه سوگتیر خیمه گاهه آل اله مشگی امان ایدل ایدل ایدل امان بوینوا قول سالوم گیت عطریوی قوی آلوم گیت بو چولده تک قالوم گیت سقای طفلان ای وزیر جنگیم سر پرست هنگیم غیرتلی یک رنگیم غم خوار پنهان عَلَم اَلده علمدار نقدری اللرون وار سُویا ایله اصرار قولارا قربان سس دوشوب خیامه دونوبدی گون شامه یتمور غم اتمامه آل اله مشگی امان ایدل ایدل ایدل امان ملتمس دعا. عدلی تبریزی

ششم محرم۱۴۰۲ هیات باب الحوائج(ع)شهرک ارم تبریز مداحی سهراب صالحپور شعراز عدلی تبریزی

🍃 💐🍃🌿 🌿🌸🍃 🌸🍃 🌿 حضرت علی اصغر علیه السلام زبانحال حضرت رباب علیها السلام حاج اصغر فرشچی ( عدلی تبریزی) سبک: ای گل مینای من... نخل دینه هسته سن هم سوسوزهم خسته سن خاندان عصمته سن اوغول وابسته سن ای گلوده یاره سی یوخدی منده چاره سی سالدون آخر غم شراری بو دله اوغلوم دیل آچیدون کاش گلیدون سن دیله اوغلوم شیرخوار اُولسه، آنا حقّی وارقلبی یانا ایچمدون بیر جرعه سو بو فرات دونسون قانا اوچ گون ای عطشان قالان قلبیمی درده سالان ای سوسوز دینه فدائی رهبریم اصغر عرش اعلایه اولان ای زیوریم اصغر . . . ای ربابون اصغری بحردینون گوهری قوشکیمی اوخلانموسان ای شکسته شهپری گورمدیم دل آچماقون یول گیدوب بیرقاچماقون دورقاناتلان گل قوجاقه من دیوم لایلای گلمه سن قلبیم یانار بول سسلرم ایوای . . . سن لبِ عطشانیلن بیرسولی پیکانیلن آخدی قان قونداقوی دولدوروبدی قانیلن اللری باغلی بالام قونداقی قانلی بالام قانوی اوغلوم آتاون قانینه قاتدون سن شهید لرتک بوگونده مقصده چاتدون . . . حالیوه چوخ آغلادیم سینمی هی داغلادیم تاپمادیم بیر قطره سو اللریوی باغلادیم قان ایچن غنچه گولوم آچ گوزون تا من گولوم سن منیم ماه مُنیریم باتموسان اصغر اوخ دیوب لایلای نه راحت یاتموسان اصغر . . . سن نه راحت یاتموسان سود سو فکرین آتموسان بولموسن اوغلی ئولن مادری آغلاتموسان ای گلستاندا سولان مادرین آغلار قویان ای آتانون اللرینده جانویرن اوغلوم ریشة اسلام ودینه قانویرن اوغلوم . . . قلبیمه اود ویرماقون گه یاتوب گه دورماقون یادیمه دوشدی بالا سینمی بوش امماقون سودگلوب پستانیمه سالما اود بوجانیمه یادیمه دوشدوقجا یانّام سود امراوغلوم مین غمه درده بویانّام سود امراوغلوم . . . سن اولنده گولموسن سرّعشقی بولموسن زنده سن تا وار جهان کیم دیورسن اولموسن منده گللم قالمارام تا وارام قان آغلارام باغ دینون نو گولیدون اولموسان پر پر گیت آنان زهرا الیندن میل ایله کوثر . . . آچ قاناد گل سینمه بو آنان قربان سنه باغلامازبیرده آنان اللرون رحم ایت منه گیتمیش گل بوس ایدیم تا دوروم شامه گیدوم ای آدی باب الحوائج شافع محشر امت اسلامه ایله بیرنظراصغر . . . یازدی « عدلی » بو سوزی کربلاده وارگوزی هیئت اهلینن گیده هم «ببیرپور» هم اوزی خالق الله لطف ایله بو مرام گلسون اله سن تمام مشکلاتی ایله سن آسان بحرانعام وعطادن لطف ایله احسان 🌿 🌿💐 🌾🌼🌿 🌸🌾🌼🌿

🍃 💐🍃🌿 🌿🌸🍃 🌸🍃 🌿 حضرت علی اصغر علیه السلام زبانحال حضرت سید الشهداء علیه السلام حاج اصغر فرشچی ( عدلی تبریزی) اصغریم اولدون منه بیر جان به کف سرباز عشق هنگ عشقه آلتی آيلوق جان فدا جانباز عشق عشقوي گهواره دن مَن هَلْ معين تا سسلديم ايتدودن اعلان من مُعينم گلدی تا آواز عشق تشنه لب اوچ شعبه پيكاني سن اَمدون ـ سينوه تا مدال عشق اولا ای عاشق ممتاز عشق آخدي قانون اللريم اوسته قالوب گل پيكرون جنّته روحون پرآچدي ايلسون پرواز عشق بوقانون الله قانی اولدی قاروشدی قانيمه گورسه دورهر قطره سی بوعالمه اعجاز عشق تحفۀ شايسته سن جانانيمه دل سيز بالا سن ازل گيت وير خبر اوز جديمه همراز عشق سويله تك قالدي بابام قرخ مين قوشون ير كربلا ظهرعاشورا گچوب بر پا اولورآغازعشق اهل ايمانون ديلينده (عدلی) بو اولموش شعار سنّی آز مشكل گشادی گلشنه گلناز عشق 🌿 🌿💐 🌾🌼🌿 🌸🌾🌼🌿

🍃 💐🍃🌿 🌿🌸🍃 🌸🍃 🌿 زبانحال حضرت رباب علیها سلام حاج اضغر فرشچی (عدلی تبریزی) سبک : محرم رازیم الله نـخـلـۀ دیـنـه هـسـتـه گلـمـدی سینم اوسته یـو خـلا مادی بشیکده ایندی دوشوبدی خسته دینجلوب بـالام حرمله توکدی قاننی بـولـدی دینه ویردی بو گونده جاننی الله الله اولدی اصغر غنچه گول تک سولدی اصغر قانـه اوغول بـاتموسان مقصدیـوه چـاتـموسان اوخ سنه لایلای دیدی راحت اولوب یاتموسان آلتی آی اولان عـمرومـون آخر ثـمری اوخلانوب کیمون گوربالاسی صودامری الله الله اولدی اصغر غنچه گول تک سولدی اُ ولسـه بـالاسـی آنـا حـقِّـیـدی قـلـبـی یـانـا طـاقـتـیـن الـدن ویـرر گورسه باتوبدی قـانـا بـیراوخیـلن قـانـه بـاتـوبـدی اصغریم بـو ربـابـی گـوزدن آتـوبدی اصغریم الله الله اولدی اصغر غنچه گول تک سولدی مین غمه یاندوراردی ال ایـاقـیـن چـالاردی صود ایستیردی گویا سـینـمه ال سـالاردی ای سولان گولوم آچماقوی گورنمدیم اولمادی صودوم سو بالاما ویرنمدیم الله الله اولدی اصغر غنچه گول تک سولدی رسمیدی بو صود امر دورسا یوخو دان سحر آنـا بـالانـی گـورر سینه سینی صود گزر سینمی ندن گزمدی صود بالام یسون اولمادی دلی دردینی هم سوزون دیسون الله الله اولدی اصغر غنچه گول تک سولدی ال اوسته اُولدون علی مقصدی بولدون علی سرّی نـدور بـولمورم اُولنده گولدون علی پهلوان یخان اوخ ویرولوب بوغازبیچوب بـادۀ غـمی بـوگون بالا آنان ایچوب الله الله اولدی اصغر غنچه گول تک سولدی یـانوبـدی نار غمه گلوب باخور پرچمه ایستوری حاجت اوغول دیلده ایدور زمزمه سسلوری علی کربـوبـلاده وارگوزوم (عدلیم ) منیم دلده اولوبدی بو سوزوم الله الله اولدی اصغر غنچه گول تک سولدی 🌿 🌿💐 🌾🌼🌿 🌸🌾🌼🌿

🍃 💐🍃🌿 🌿🌸🍃 🌸🍃 🌿 حضرت علی اصغر علیه السلام زبانحال حضرت سید الشهداء علیه السلام حاج اصغر فرشچی ( عدلی تبریزی) باجی زینب گولوم سولدی اولان دین نخلینه هسته آنـاسـي خـيمده آغـلار ولی آهـسته آهـسته کر: گل گور نجه گولوم سولوبدی قنداقی قانیلن دولوبدی علی لای لای بالام لای لای باجی گل اللريم اوسته قوزی قربانيم اوخلاندی قماطه اللری باغلی سوسوز جیرانیم اوخلاندی ایشیدّی هل معین مندن اولوب مستانیم اوخلاندی آنـاسـی خـيمده آغـلار ولی آهـسته آهـسته علی لای لای بالام لای لای اورک دوزمور الیم اوسته ویرور جانانینه جانی گُلوب بیر لحظه گوز یومدی ایده گویا بو عنوانی بابا اوچ شعبه اوخ امدیم بوغازیمدان آخور قانی يارامی وير آنام باغلار ولی آهسته آهسته علی لای لای بالام لای لای ربابه ویر گوزی یولدا بالا گوزلور پریشاندی آلار سندن اوپر سویلر بالا سرتاسرین قاندی چكر آغوشينه امّا گورر بي روح و بي جاندی توكرقانياش سينه داغلار ولی آهسته آهسته علی لای لای بالام لای لای سالار گاهی ديزی اوسته علی لايلای ديرآغلار بوغازیندان گلر قانی دوباره یارسین باغلار گینه سسلر علی لایلای حرم اهلین غمی داغلار دئدوقجان غملری آرتار ولی آهسته آهسته علی لای لای بالام لای لای دیر لایلای جهاد میدانینه عطشان گیدن لایلای آجیندان دیرناقیلن صورتین خط خط ایدن لایلای سوسوز قالدون گیدوب امدون سولی پیکان ندن لایلای بونیسگیل قلبینی اودلار ولی آهسته آهسته علی لای لای بالام لای لای علی گور سنميوب سن تك اوشاق اوچ گون سوسوز قالسون نه سو ایچسون نه صود امسون بشیکده ال ایاق چالسون اوروج دوتسون به سینّینده آنانون صبرینی آلسون قان ایچسون ایلسون افطار ولی آهسته آهسته علی لای لای بالام لای لای همای عشق سن پر آچ قانادلان گل سینم اوسته قماطه اللرون بیرده رباب اتمز اغول بسته زبس صود سینمی گز مور ایدوبدی روحومی خسته آنان داغ دلون ساخلار ولی آهسته آهسته علی لای لای بالام لای لای بو دشت کربلا داغین اوغول من سینمه آلام قوجاقدا صودا مر گورسم علی وای ناله سی سالام بالا هجرونده آهوتک بیاباندا ملر قالام منـيلـن آهولار آغلار ولی آهسته آهسته علی لای لای بالام لای لای سني فرض ايليوب دشمن كه جنگه گلموسن اصغر آتوبدی حرمله بیر اوخ یوموب جنّتده گوز حیدر بیچوپ نازک بوغاز پیکان آنان قالدی بالا مضطر اوغوب گل غنچه ده اشرار ولي آهسته آهسته علی لای لای بالام لای لای آدون اصغر اوزون اصغر ولی باب الحوائج سن الون مشکل گشادور سن تمام درده معالج سن بو جمعین مشگلون حل ایت دیور دردین نتایج سن بيری(عدلی) ايدراظهار ولي آهسته آهسته علی لای لای بالام لای لای مِهرِ حسینیلن اولوب زبس عَجین وجودیمیز توخوندی عشقه باغلانان طنابه تارو پودیمیز اولوبدی قبله گاه عشق یاتان یری صفالیدی حریم خاکی دورت آغاج مُهرِ نماز سجودیم 🌿 🌿💐 🌾🌼🌿 🌸🌾🌼🌿

🍃 💐🍃🌿 🌿🌸🍃 🌸🍃 🌿 حضرت علی اصغر ع رباب (س) حاج اصغر فرشچی ( عدلی تبریزی) سبک : یخولوب عباسیم نهر فرات اوسته ..... روحومون صفاسی گلوده یاراسی یوخ منده دواسی بالام یات لایلای گلِ غنچه خندان سو ویرمدی عدوان قالدون اوچ گون عطشان بالام یات لایلای بالام ایوای ایوای ایوای بالام بو گون اولدی قیامت محشردن بیرعلامت ای گل با طراوت گُلِ شکوفه اوخ کماندان چیخدی بو قلبیمی سیخدی گویول ایوین یخدی بو اهل کوفه اوخ ایدوبدی طغیان قالدی آنان حیران سن نیّرتابان دوشدون کسوفه سنی مندن آلدی درد و غمه سالدی آنان ملر قالدی بالام یات لایلای بالام ایوای ایوای ایوای بالام سنی گوردی عطشان مندن آلدی آتان دوزدی نجه آنان گلمه دی دله سنی سالدوم یولا سو ایچه سن بالا اللری شل اولا ندن حرمله شعبه لی اوخ آ تدی قانی قانا قاتدی دنیانی آغلا تدی سالدی ولوله آللاها من بنده اولموشام شرمنده لب تشنیم منده بالام یات لایلای بالام ایوای ایوای ایوای بالام باغومون گلیدون گلی سنبلیدون دلسیز بلبلیدون ای گل نازیم کاش علی قالیدون گویلومی آلیدون دانشوب گولیدون طفل جا نبازیم ای مه تابانیم یوسف کنعانیم قانینه غلطانیم خردا سربازیم سینمین زیوری کسیلن حنجری قورین لبلری بالام یات لایلای بالام ایوای ایوای ایوای بالام قورودی پستانیم اولمادی امکانیم ندن امدون جانیم بیرسولی پیکان اولدون آخرخسته آتاالی اوسته گوز یومدون آهسته قانینه غلطان بیله بالا اولماز حیاتیدن دویماز سنکیمی تیزسولمازلا لۀ خندان گل عمرون سولدی قان قونداقا دولدی سنه چوخ ظلم اولدی بالام یات لایلای بالام ایوای ایوای ایوای بالام بولورم وارسوزون آناوام آچ گوزون بیرده ایستد اوزون دویما دیم سندن نخل دینه هسته قاناد لان آهسته گل یات سینم اوسته قورتولوم غمدن حالوا آغلا دیم سینمی داغلادیم یارا دگموش بالا محشر اولوب برپا سسلورم یا زهرا بالام یات لایلای بالام ایوای ایوای ایوای بالام کربلا صحراسی اولدی غم دریاسی باشیمون بلاسی ایتدی پریشان شمعینه پروانه عاشق مستانه جان ویرن جانانه عاشق جانان گونوم دوندی شامه غم یتمور اتمامه گیدورم من شامه با دل سوزان چکرم من نه لرسینم غمه سپر هرشام و هرسحر بالام یات لایلای بالام ایوای ایوای ایوای بالام غملی گلستاندا گل خزان اولاندا روحوم آیرولاندا گلدی نوایه هرچمنده گل وار شوریده بلبل وار خار اوسته مشکل وار دوزرجفایه مادَرَ ای دلبر اولدون گل تک پرپر ای شیرخوار اصغر دوشدوم بلایه منله گل فریاده «عدلی» آه و داده دیاخ ای شهزاده بالام یات لایلای بالام ایوای ایوای ایوای 🌿 🌿💐 🌾🌼🌿 🌸🌾🌼🌿

🍃 💐🍃🌿 🌿🌸🍃 🌸🍃 🌿 حضرت علی اصغر علیه السلام حاج اصغر فرشچی ( عدلی تبریزی) اصغری تا اکبرمردان عشق گتدی الده تا گوره میدان عشق سسلدی بو صود امردی ای سپاه یوخدی هیچ آئینیده طفله گناه من حسینم سرور و جانباز عشق اصغریمدور هنگیمه سرباز عشق من حسینم یوسف مصر وصال اصغر یمدور آیت حُسن و جمال من حسینم شاهد دیرو حرم اصغریمدور کعبۀ وصل اُمم بو منم میم مسیحایه نوید قالموشام عشق اوسته بوچولده وحید من حسینم کاشف سرّ احد شاه دینم والی ملک ابدا اکبریم گر اُولدی قالدیم بی معین اصغریمدور پیرو قرآن ودین آچمین گل دور ویروب برَ باغ دین آز قالور سولسون گروه مشرکین بیرباخون سوزعطش بیتاب ایدوب سوآخوب وحشیلری سیراب ایدوب تا بشیکدن آلدی بوآواز عشق گلشن عشقه گُل بی خار عشق کلمۀ لبیکیلن اعجاز ایدوب حق بونی عشاقیده ممتاز ایدوب گوهرگنجینۀ سّرالاه گوهر رخشنده دور بو مثل ماه گوهر دریادی بو خشکیده لب شوقیلن گلدی ایده دیدار رَبّ گلدی بو عشق عالمین آغاز ایده شمعینه پروانه تک پرواز ایده گلدی اولسون رونق بازار عشق صودامه اُوخدان اولا سالار عشق وارسیزه داشدان اورگ مانند کوه بحردینه گوهریمدی ای گروه تشنه دی می ایستوری ویرسون نگار مست اولوب تا ایلسون جانین نثار اُول مئی که محرم دل ایلسون قلبی روشن فکری عاقل ایلسون اُول مئی که روحه تازه جان ویره قلبه قوّت نور و هم ایمان ویره حجّت اتمام ایلدی تا شاه دین اولمادی کیمسه اولا یار و معین نوگُله ایتدی فلک بی حد شتاب تیریلن ویردی ایچه تا قطره آب حرمله آتدی اونا تیرخدنگ لبلری قونداقی اولدی لاله رنگ تیر اوچ پرحنجرین تا چاک ایدوب شاه دینون قلبنی غمناک ایدوب سن ندن آتدون فلک تیرو کمان کاش بولیدون نیندی شیرین زبان گُلدی اَوّل گوزیوموب تا ویردی جان تا جهان وار اود دوتارقلب جهان آخدی قانی تا بوله اهل وفا عاشقه چوخ نوش دور تیرجفا بو غمه زهرا بالاسی آغلادی مهری جوشه گلدی سینه داغلادی اوجونا دولدوردی قانین تا گویه سپدی امّا ایتمدی حقدن گله هاتف غیبی یتوردی بو پیام غم یمه بواصغرون من خوشلارام وار بهشته دایه سی قوخما حسین صود امردن ناگران اولما حسین ناله آز ایت ای عزیز قدسیان شعله ورایتمه یانار هفت آسمان سینوه بوعشقی اَزّل آلموسان قیدینه بو امُّتون سن قالموسان بیزسنه مُلک شفاعت ویرموشوخ یوم محشرشأن و عزّت ویرموشوخ اُّمّت ایچره هم قره اولسا سفید گوز تیکر واردور شفاعتدن اُمید اول شکیبا دُوز غمه پروردگار قویمیوب گورسون بیری خوش روزگار انتقام اصغری مهدون آلار اُمّت ایچره سایۀ رحمت سالار اَلغرض اوخلاندی اَل اوسته بالا تاپمادی اولسون بیری اَلدن آلا سسلدی زینب گل آل اُولدی بالام اوخلانوبدی گُلکیمی سولدی بالام قلبیمی یاندوردی بو دلسیزاوشاق شاخه دن سندی گلوم دوشدی بوداق کشتیم دریای غمده قالموشام سینمه دنیا بویی غم آلموشام اکبریم گتیدی دیدیم اصغرقالار گُلماقیلن درد و غم مندن آلار بولمدیم بو صود امرقانه باتار حق یولوندا دنیانی گوزدن آتار مندن آل ویر تا آناسی آغلاسون قان آخورحَنجریاراسین باغلاسون دخت حیدر زینب والا گهر گوهرگنجینۀ علم پدر فخرنسوان قبلۀ مردان عشق عصمت اله همره سلطان عشق زهرۀ زهرا مَه بُرج وفا شاهد احوال شاه کربلا صبره اُسطوره آچوبدی اللرین آلدی قارداشین الیندن اصغرین عرض ایدوبدی ای خدای کردگار بو جهان اُولمور ندندی تارو مار حُرمتین سندیر دیلارپیغمبرین دردیلر بیربیرگلستان گُل لرین بو گُل نو رستۀ باغ ولا پَرپَر اولدی قونداقی دولدی قانا من بونی ویرسم ربابه ساچ یولار دردوغمدن اشکی گوزده قان اولار عاقبت ویردی خیمده مادری آلدی آغوشه گل نیلوفری گَلدی گفتاره اوغول خوش گلموسن سو ویروبلر ایچموسن دینجلموسن بوش قالوب دور سینده خوابگهون دی هارا اولدی سنون قتلگهون اوچولارتیرآتدیلار اولدون نشان صید ایدوب آخر سنی بوکوفیان ایتموسن باغریمی قونداقوی قان ولی وارچهره ده آثار جنان بیرایچیم سواوسته گوردون کشمکش بیر سولی پیکانی امدون غنچه وش نخلۀ ایمانه اوغلوم هسته سن یوم گوزون یات سینم اوسته خسته سن یات بیرآزدینجل سنه لایلای دیوم من باخوم بوحنجره ایوای دیوم صودامرشیرین زبانیم اصغریم سینه ده صبر و قراریم اصغریم یاتماموشدان یارَوی قوی باغلیوم یوز یوزه سنله قویوم بیرآغلیوم جام وصلون ایلیوب سر خوش مَنی ترک ایدم مُشکلدی اوغلوم من سنی غم یتَر هجرینده قلب زاریمه سیل تک اشکیم آخار رُخساریمه قلبیمی بیجا یره من دَلمَرم سن سیز عالمده بالا دینجلمرم گورسم هریرده اوغول بیرصودامر واریری تو کسم یوزه اشک بصر آهوان حالون اگر بولسه ملر قالماز آخربو روبابوندا اُلَر سینمه سندنصورا گُل ساچمارام غم قاراسین بو باشیمدان آچمارام سن گلومدن بیر نفر آلسا خبر نه دیوم من نه گلوب باشه نه لر کاش منی درک ایلیه پیک اجل لطفون اولسا سنده منله شامه گل (عدلیدی )یتمیش ایکی بیتی یازان اللروندن دردینه درمان آلان

تظاهرات مجازی( برعلیه قرآن سوزان) از شعرای بوستان شعر و ادب استاد الیاس ملک پور اوت ویران قرآنا گل صاحب قرآندان اوتان خالق کون و مکان راحم و رحماندان اوتان وحی منزلدی خدای احدین سوزلردی آدی قرآن سوزی برهان اوزی فرقاندان اوتان شیطنتدور بو عمل غربیدن الهام آلیسوز شیطانیندا آدی وار اوندا، اوشیطاندان اوتان حاج اصغرفرشچی( عدلی تبریزی): ثقل اکبردی خدای متعالین سوزودی واردی وجدانون اگر خالق سبحاندان اوتان سوره و آیه لری جسمیمیزه جاندی بیزیم سوزی آلله سوزودی بیر بئله عنواندان اوتان خطر احساس ائله چوخ گیرمه مسلمانلاریلان شیر غرّاندی بولار سهمیلی میداندان اوتان سید جواد حسینی: کربلا نهضتی قرآنی چکوب تصویره بی حیالیق ائلمه شاه شهیداندان اوتان بو قدر جنگ و جدل ائتمه مسلمانلاریلان نامسلمانسان اگرسن بو مسلماندان اوتان تبسم رضازاده: قرآنین حافظی الله تعالی اوزی دور دین اسلامیله قرآنه نگهباندان اوتان محمد رضا صادقی(شیدا): دین و قرآنه گوره یئتمیش ایکی باش کسیلب کربلاده او آخان سو یئرینه قاندان اوتان فرهاد گوهری: یوخدی شرمون عملوندن بوگون ای پست ودنی روزمحشرده کی برنامه ی میزاندان اوتان سنی اغفال ائلیوب اولما حقوق بشروز طبق قانون جهان ملت ایراندان اوتان سن که آلّلهدن حیا ایلمدون آچ گوزووی الیوی یاندیران اول شعله ی سوزاندان اوتان غیضعلی اشرفی( عارف): نفس لوامه ملامت ائدجاقدورسنی لیک ایچروندا یارانان قاضی وجدانان اوتان اعتقادوندا اگر اولماسا نادانسان بیل ئوزووا دقت ائله خلقت یزدانان اوتان کورکورانه گلوب قرآنا توهین ائدوسن باخ اوزونده گورونن نفرت و طغیاندان اوتان هادی و ناجی انسانیدی قرآن مبین سن باخوب آنلامادون عالم امکانان اوتان مادح وقاری قرآن استاد مهدی محمدزاده: صاحبِ عرضه اولان، نَفسینی یاندیرمالی دور نه کتابُ الّلَهی ، گَل خالقِ انساندان اوتان بو قَدَرخالقِ رزّاق سنه روزی وئروب فیهِما فاکِهَهُ، نخل وَ رُمّاندان اوتان آللّهین هانسی مِراحم لرین انکار ائدیسَن؟ حداقلّ ، دریاداکی لوء لوءِ مرجاندان اوتان چیخمیسان دایره ی عبد و عبودیتدن دولموسان باده ی عُجبیّت و طغیاندان، اوتان بیر زمان وادی حیرتده گَزَرسن بدبخت آیۀ حقّ ِعَنِ السّاعهِ اَیّاندان اوتان بیخ و بُنیادیوی شیطانیله گَل دوتما قرین امرِ حقدن، اَفَمَن اُسّسَ بُنیاندان اوتان حاج محمدتقی جابری: حقه یوخ معرفتون صاحب وجدانسان اگر گل مروت ایله،انصاف ایله، وجداننان اوتان استاد احسان بدرخانی: ایمانون یوخدی نه قرآنه نه آللّهه اگر ایکی میلیاردا یاخین صاحب ایماندان اوتان محمد هوشمند( مدهوش): منطقیله چاغیریر قرآن اوزی بحث ائله سین جراتین یوخدی اگر منطق و برهان دان اوتان سید بشیر حسینی میانجی: نوره باخ خولی تنورینده ، مگر نور یانار گونَشی آل نظره نور نمایاندان اوتان حاضروخ قرآنا قربان ائلییاق جانیمیزی شیعه‌نین اُسوه‌سی یئتمیش ایکی قرباندان اوتان حسین محمد زاد (فرقان): اعتصام ایله اونا ، وصف علی دور باشا باش مظهر حق متعال ، اسوۀ ایماندان اوتان اوخیوب آیه لرین ، نیزه باشیندا شه دین قان دولان آغزیله ، سن شاه لب عطشاندان اوتان صابر ثمودی: اولما بیگانه کتابُ اللهَ توهین ائلمه بی حیا ایله حیا حضرت سلطاندان اوتان کیم سنی قوردی بئله عالم آرا ائتدی جری دئدی نه گلمیش وگئچمیش نئده الاندان اوتان رضا علامپور( دلپاک): بس کی نطفن متجنسدی اوتانمازسان سن بیز دیاخ هر نه قدر خالق یزداندان اوتان قابل فهم دگول بیز دئین ارزش کی سنه لااقل هرکیمه قائلسن او ناداندان اوتان عباسی( احسان): گوزلرین کوریدی درک ایلمدی نور حقی معرفت یوخدی بو آئینۀ عرفاندان اوتان حسن رائف: هله صبرایلوری خلّاق جهان بوعمله بی حیا ایله حیا خالق رحماندان اوتان بیر گونی ویردوقون اوت دا یاناجاقسان بونی بیل روزمحشر قورولان صاحب دیواندان اوتان واریری داش یاغا گویدن بو ایشون خاطرینه یاغدیران داش سیز ایچون غیضلی سلطاندان اوتان حاجعلی اشرفی: بونی الله ئوزی نازل ائلیوب ساخلیاجاخ دگیشنمزبیری بئیرکلمه بوبرهاندان اوتان حاج ستار رزاقی: قانیله ایلدی پاینده حسین قرآنی لااقَل، کربوبلاده توکولَن قاندان اوتان نیزه باشیندا کسیک باشیله قرآن اوخیان حجّت ارض و سما اول شه خوباندان اوتان اصغر گلمحمدی(دلجو): درس دور آیه به آیه بشره مصحفِ حق اوخی، بیرعبرت ایله حجت رحماندان اوتان "گوش اگر گوش تو و ناله اگر ناله ی ماست" یوخدی تاثیری، اقلاً او تن و جاندان اوتان قانیله ایلیَن احیا بو کتاب اللهی سو کنارینده وئرن جان او لب عطشاندان اوتان بئله فکر ایلمه سن یاندیریسان محو اولاجاخ محو اولان سن سن اوخی سوره لقماندان اوتان سه شنبه سوم مردادماه ۱۴۰۲