گته مِه ذهنِ جه ،یُور بورده قدیمای ِ خِشی بُورده مِه خاطر جا ،اون همه آواز و سرود گِته دیگه مِره خُونش دنی یه #ترز ِ بلبل و برمه؟! من کِجه ،برمه کجه؟! دیگه اون وَلگِ سما، خوشِ وارش دَره لَس لَس شونه مِه خاطرِ جا دَیمه "لوشکا " ملج تِک مِه نفس تازه،مِه دل مَشتِ امید ناشته فرقی مِه پَلی، شو یا روز وارشی ،آفتابی اون  #ترز ِ پِر بیه مِه خونِش و سوت مِه دهون بوی خدا دا ،دل وجان بوی امید بال و پَر بوی اناریجه و اوجی و زولنگ منا غِرصه،منا بِرمه؟! #ترز ِ بلبل آ، بی خوننش و لال؟! اسا من، سر خنه نیمه، کجه شومه، کجه دَرمه دیگه اون محله کَش،گوی چِمر هم نِنه مه یاد عمه و خاله یِ پَنٌُونی دَوسٌِن بُورده سینه پوش با ونِه انگِل بَزه پول یا مثلِ نقره کلای دَده گل شل شله شلوالِ گلون ته گمون ،یُور شونه مِه خاطرِ جا؟! اگر بورده چی اسا موندنه ، مِه دَئین وِسه؟! #استاد_حجت‌الله_حیدری 🔰 به کانال اخبار #لفور بپيونديد. 👇👇 @akhbarelafoor 👆 با ما همراه باشید.