‍ #بازم_بمومه_ای_خدا_تا_که_بهووم #مناجات_مازندرانی #سبک:ای بی وفازمونه زمونه زمونه 🤲🌴🤲🌴🤲🌴🤲🌴 بازم بِمومه ای خدا،تاکه بَهووم تِه گدا به مهربونیِ تِه من،ارباب نَدیمه ای خدا بـه غیر تِه نَدیمه ای، جـان خدابنده نواز بِشنوسّمه تِه کَشِنی،بنده ی بی نوای ناز جان خدا ته قروون ته قروون ته قروون بازبَهیمه ته مهمون ته مهمون ته مهمون 🤲🌴🤲🌴🤲🌴🤲🌴 به سمت ارباب درازه، دست گداییِ فقیر ای نازنین مولای من،مِه دَسِ خالی ره بَهیر بغیر تِه نکردنه، هیچ کس مه جامهربونی بااین همه گناه بازم،تِه مه جامهربون بونی جان خدا ته قروون ته قروون ته قروون بازبَهیمه ته مهمون ته مهمون ته مهمون 🤲🌴🤲🌴🤲🌴🤲🌴 اَنّــه گـناه هــاکــردمـه، نَــوِردی مِــه آبـرو ره هرجا تِره رو بَزومه،زمین نَزویی مِه رو ره ازبس که مهربونی و،دارنی هوای بنده ره نِخوانی شرمندگیِ، هیچ بندهٔ شرمنده ره جان خدا ته قروون ته قروون ته قروون بازبَهیمه ته مهمون ته مهمون ته مهمون 🤲🌴🤲🌴🤲🌴🤲🌴 چه افتخاری ای خدا، نصیب من هاکِردیا من مثل تِه دارمه خدا،تِه مثل خِد ندارنیا من کـه بـدرگـاه تِـه ای، خـدا نـدارمـه آبـرو چِتـی وِنِـه روز جـزا، بـا تِـه بَهـووم روبــرو؟ جان خدا ته قروون ته قروون ته قروون بازبَهیمه ته مهمون ته مهمون ته مهمون 🤲🌴🤲🌴🤲🌴🤲🌴 هَسّمه تّحبِسُ الدعا الهی العفو ای خدا اگه تِه جـابَیمه جـدا، الهی العفو ای خدا یاسَریع الرّضاببخش،خداببخش خداببخش به علی مرتضی ببخش،خداببخش خداببخش جان خدا ته قروون ته قروون ته قروون بازبَهیمه ته مهمون ته مهمون ته مهمون 🤲🌴🤲🌴🤲🌴🤲🌴 نا مِه نماز نمازه و، ناکه مِه روزه روزوعه تَرسِمه بَوّیی ای خدا،بنده ی من رفوزوعه چه خاکی شِه سردَکِنم،تِه مِه جاناراضی باشی فقط مِه دلخِشی اینه،که تِه وِنه قاضی باشی جان خدا ته قروون ته قروون ته قروون بازبَهیمه ته مهمون ته مهمون ته مهمون 🤲🌴🤲🌴🤲🌴🤲🌴 ازسنگینیِ معصیت،بَهیمه جان به لب ببخش یابه حسن یابه حسین،یامِره به زینب ببخش یــا رَبَّنــا یــا رَبَّنــا، مِــره بــه مصطـفی ببخـش یا که بـه فاطمه و یـا، علـیِ مـرتضی ببخش جان خدا ته قروون ته قروون ته قروون بازبَهیمه ته مهمون ته مهمون ته مهمون 🤲🌴🤲🌴🤲🌴🤲🌴 بُـونـه اَمِـه بـاغ دعـا ره پُـر شکوفه هـاکِنی؟ این همه دلّه راهیِ مسجد کوفـه هـاکِنی بـا کــاروان دل بُـوریم، زهـرای وَچـونِ پَلـی مثـل یتیمـا بنـالیـم، علـی علـی علـی علـی جان خدا ته قروون ته قروون ته قروون بازبَهیمه ته مهمون ته مهمون ته مهمون 🤲🌴🤲🌴🤲🌴🤲🌴 ای خداازخرمن پُرفیض اِماره خوشه هاده بحق مرتضی علی،بَراتِ شش گوشه هاده برای عرض تسلیت، بُوریم تابین الحرمین تابنالیم باحضرت، عباس وهم امام حسین جان خدا ته قروون ته قروون ته قروون بازبَهیمه ته مهمون ته مهمون ته مهمون 🤲🌴🤲🌴🤲🌴🤲🌴 شعر:علی اکبراسفندیار«مداح» لینک کانال اشعارنغمه های سرخ در پیام رسانهای تلگرام و ایتا👇 @aliakbar_esfandiar_madah