#برار_پرس_ته_سفری_بموعه #اربعین_دلگویه_مازنی 🏴🥀🏴🥀🏴🥀🏴🥀 بـرار پِـرس تِـه سفـری بمـوعه نصفه جان بَیّه خواخری بموعه برار پرس ته خواخر دل کبابه مـره دلجویی هـاکردن ثوابه برار پرس خواخر کسی ندارنه بَمرده خواخر نفسی ندارنه خبر دارنی مره چیکار بکته؟ مره چیکار سرِ بازار بکته؟ خبر دارنی تماشایی بَهیمه؟ اسـیر غـم تنـهایی بَهـیمه؟ خبر دارنـی بـرار مـره بـزونه من از یهود شه تن دارمه نشونه حسین جان مه تمام تن کبوده هـمه نشـونیِ از ظلـم یهــوده بَوین رباب و کلـثوم و سکینه چیجوری زَنِـنِه شه سرو سینه بـرار از غصه ی ته پیـر بَهیمه از درد دوری زمین گیر بَهیمه خبر دارنی مه سر بـلا وارسّـه؟ تِه دِتر ره شامی کنیز بخواسه برار دونّـی کجه من بَیمه بیتاب؟ مـره بَـوردنه مجلس شـراب چهل روزه که دربـدر بَهیمه با حَرمله من همسفر بَهـیمه حرمله اَمـه دلّـه خون دکرده نانجیب هی رباب پیش او خرده بـرار مـره گمون اینجوری نَیّـه هــمه ره بیــارم الا رقــیه خبر دارنی رقیه چو بخرده؟ اَنّـه بـابـا بـابـا بَـوته بَمرده برارجان بی ته زندگی نخوامه گمون کمّه مه عُمر دیگه تمامه امید دارمه ته حاجت ره بَهیرم الهی که ته قبر سر بمیرم مه سرگذشته «مداح» بنوشته الهی که وِنه منزل بهـشته 🏴🥀🏴🥀🏴🥀🏴🥀 #شعر_علی_اکبر_اسفندیار_مداح کانال اشعارآیینی فارسی،مازندرانی درتمام مناسبتهاوختم خوانی👇 @aliakbar_esfandiar_madah