‍ #مه_کار_بیه_زار_خوامه_بمیرم #حضرت_زهرا_دلگویه_مازنی 🏴🥀🏴🥀🏴🥀🏴🥀 مه کار بَیّه زار خوامه بمیرم تِه قبرِ کنار خوامه بمیرم گِمون نَیّه ته غم مِه سر بُوره تِه دع هاکن مه جان در بُوره بُوردی سوت وکور بَیّه مه خِنه بدون تِـه کی مِه داد رَسنه؟ از غم وغصه مه سینه پِره شِه دلِ درده بَهووم کِـره؟ مه روز وشو بَیّه تار ره بَوین حسن و حسینِ زار ره بَوین شِه جان کلثومِ زار بَمیرم مه زینب بَیّه بی مار بمیرم فاطمه ته غم بکوشته مره شلاق بَیّه و مره بَروشته 🏴🥀🏴🥀🏴🥀🏴🥀 #علی_اکبراسفندیار_مداح کانال اشعارآیینی فارسی،مازندرانی درتمام مناسبتهاوختم خوانی👇 @aliakbar_esfandiar_madah

#حضرت_زهرا_دلگویه_مازنی 💔مه جان مار ته لالای بلاره ته دسّ نون و خرمای بلاره مه جان مار مه دله خون هاکردی تنیر سر هنیشتی نون هاکردی ته برمه ته سکوتسه بمیرم ته یک دسی قنوتسه بمیرم الهی فاطمه ته یار بمیره نیمه شو ته قبر کنار بمیره حسین گلی ره وینسی هر روز ناله زویی گتی ته مار بمیره نم نم وارش کنه نواجش بوین زهرا بوین خون بَیه مه چش 🎤 حاج محمدرضا بذری 🥀🕊😭🥀🕊😭🥀🕊 کانال اشعارآیینی فارسی،مازندرانی درتمام مناسبتهاوختم خوانی👇 @aliakbar_esfandiar_madah

‍ #الهی_جان_مار_من_ته_بلاره #حضرت_زهرا_دلگویه_مازنی 🥀😭🥀😭🥀😭🥀😭 الهی جان مار من ته بلاره صفای روزگار من ته بلاره کجه بوردی مه دل بَهییه پاره خوامه مره کشه بیری دواره جوون مار کفن دَپوشه سخته نانجیب بزنه بکوشه سخته مره این رنج وغصه خَله درده مه جان مار چو بَخرده بَمرده الهی که بَمردبو ته دِتـر نشنوسّبو ته بَمردن خبر ته بدی خنه داری نِیّه مه کار ته دونِّسی اِما بومی عزادار اَمه دل نگرونی ره نخواسّی شه بشکسّه دسِ جا نون دَوسّی الهی که ته دسِ نونِ قروون شه جان مارِ مهربونِ قروون بَمیرم دس به کمر راه اِمویی بشکسّه دسِ خِنه ره سازه زویی؟ جان مار جوونی پیر بَوّه سخته از ضرب چو زمینگیر بَوّه سخته نم نم وارش دلِ نواجش جان مار بَوین که خون وارنه مه چش الهی که جوون مار نمیره وِنه مریضی بَوّه خوار نَمیره داغ زهرا مه پِر ره پیر هاکرده دیگه از دنیا دَیّن سیر هاکرده اَنّه مه پِر دل درد بمو «مداح» دم بدم جای نفس کشنه آه 🥀😭🥀😭🥀😭🥀😭 #علی_اکبراسفندیار_مداح کانال اشعارآیینی فارسی،مازندرانی درتمام مناسبتهاوختم خوانی👇 @aliakbar_esfandiar_madah

#حضرت_زهرا_دلگویه_مازنی الهی جان مار ته دا بمیرم @aliakbar_esfandiar_madah

‍ #حضرت_زهرا_دلگویه_مازنی #سبک_خوش_اومدی_توازسفربابا 🥀😭🥀😭🥀😭🥀😭 تِه رنگ و رو چه بَیّه زرد و زار نکـنه خـوانی بُـوری جـان مار تـه دَنـی بـاشی بُـومی گرفتار مه جان ته قروون دعـا هاکـردمه تـه خوار بَـوّی تا زِنّـه هَسّمه مـه پیش دَوّی الهـی اینجـوری مـریـض نَـوّی مه جان ته قروون طاقت ندارمه من ته دوری ره بَـوین حسینِ بِـرمه زاری ره حسنِ بُغض و بی قراری ره ته دا بَمیرم مه جان ته قروون چه دَری شونی هنوز جان مـار خَله جوونی بـه امید خدا تـه خوار بُونی ته دا بمیرم جوون مـار بَمـیره درد دارنه مار که بوره خنه ره غم وارنه بـدون مـار خنه صفا نارنه ته جان فدامه ته که بوری بابا غریب بونه غصه و غم ونه نصیب بونه اسیر قـوم نـانجیب بـونه ته جان فدامه تـه دری بـابـا رنگ و رو دارنه ته دری خِنه سِک و سو دارنه انگار بهـار بِـک و بـو دارنه مه جان ته قروون 🥀😭🥀😭🥀😭🥀😭 #علی_اکبراسفندیار_مداح کانال اشعارآیینی فارسی،مازندرانی درتمام مناسبتهاوختم خوانی👇 @aliakbar_esfandiar_madah

#حضرت_زهرا_دلگویه_مازنی ته رنگ و روچه بیه زرد و زار @aliakbar_esfandiar_madah

‍ #خدا_حافظ_علی_تا_ابدیت #حضرت_زهرا_دلگویه_مازنی 🏴😭🏴😭🏴😭🏴😭 خـدا حافظ علی تـا اَبدیّت پسر عمو ته جا دارمه وصیت گمون کمّه بمـو حکم خدایی بَـرسیّه دیگـه وقـت جدایی دیگه آثار مرگ بَهییه معلوم مره حلال هاکن علیِ مظلوم الهی علی ته بلا مه سینه بعد من غریب تر بونی مدینه علی ببخش اگه نَیّـه دَهووم فقط خواسّمه ته فدا بَهووم مه دس خالی بِیّه حاشا نکنّه شه محسن جانِ ته فدا هاکنّه علی ببخش اگه زود درمه شومه اگه بَمونّم ته درد سر بُومه نا دَس دارمه کار خِنه بَرسم نا کَش دارمه شه لینگ سر هِرسّم دیگه بَر نِنه مه جا کار خِنه مریضِ بد حاله بَمردن وِنه لـو بَخِـردمه فدای سرِ ته چو بَخِردمه فدای سرِ ته مه جان وَچون پیش بی بهونه ته دَس دَوِس بِیّه و مره زونه مره زونه چه شه چشّه دَوسّی علی مه جا ته آیا راضی هَسّی؟ علی جـان تـه جـان مـه دِتِـرون شه جـان زینب و کلثوم قروون علی جان ته و حسن و حسین مار بَمردون کننه شیون وشین تِه یاد درنشوعه علی جان هرشو مه حسین دارنه عادت بَخره او مبـادا کـه حسین تشـنا بَمـونّه مـه دُردونـه پسـر وِشـنا بَمـونّه اگر چه بعد من ندارنی غمخوار مه مار بَمردِ وَچونّه تِه خوار دار خدا حافـظ علـی خدا تِـه همراه تِـه التمـاس دعـا دارنـه «مداح» 🏴😭🏴😭🏴😭🏴😭 #علی_اکبر_اسفندیار_مداح کانال اشعارآیینی فارسی،مازندرانی درتمام مناسبتهاوختم خوانی👇 @aliakbar_esfandiar_madah

#حضرت_زهرا_دلگویه_مازنی خداحافظ علی تا ابدیت @aliakbar_esfandiar_madah

‍ #الهی_فاطمه_ته_دا_بمیرم #حضرت_زهرا_دلگویه_مازنی 🥀😭🥀😭🥀😭🥀😭 الهـی فـاطمه تـه دا بَمـیرم تِـوسّه مـن چتی عزا بَهـیرم؟ زهراجان عاقبت بوردی زیر خاک از غـم و غصه ی تـه بَیمه هلاک ته که بُوردی دیگه نـدارمه یاری روز و شو بَیّه مـه کار بِـرمه زاری نم نم وارش   دلِ نواجش فاطمه جان بَوین         خون وارنه مه چش بدون تـه چتی زنده بَمـونّم؟ چتی تِـوسّـه فـاتحه بَخـونّم؟ چیکار هاکنم با ناله ی وَچون تا بِرمه کِننه مه دل بونه خون بمیرم چنّـه زود بُـوردی زیـر گِل دره پاره بُونه مـه وَچون دل نم نم وارش   دلِ نواجش فاطمه جان بَوین         خون وارنه مه چش زینب نواجش مـره بَکوشته وِنه چِشِ وارش مـره بَکوشته حسینِ بِرمه چنّه دارنه زاری از همه بیشتر کِنّـه بی قراری بـه درد یتیمـی بَینه گرفتار من از غریبی سر زَمّه به دیوار زهرا دعا هاکن شفا بهیرم اَتـا شو تـه قبـر کنـار بمـیرم فاطمه جان دیگه مه یاد نشونه نانجیبون مه پَلی تره زونه حیف ته زهرا با این مهربونی کفن دَپوشی بُوردی در جوونی تره شه دسِ جا که غسل هدامه نَدومّه چه من اون شو جان ندامه ازبس که من وته غم هَسّه جانکاه بَوین با سوز دل خوندنه «مداح» 🥀😭🥀😭🥀😭🥀😭 #علی_اکبراسفندیارمداح کانال اشعارآیینی فارسی،مازندرانی درتمام مناسبتهاوختم خوانی👇 @aliakbar_esfandiar_madah

#حضرت_زهرا_دلگویه_مازنی الهی فاطمه ته دا بمیرم @aliakbar_esfandiar_madah

#حضرت_زهرا_دلگویه_مازنی 🏴🥀🏴🥀🏴🥀🏴🥀 پرس زهرا بوین مه روزگار ره مـه در بـدری و مـه دلِ زار ره پرس زهرا کـه نَتّـومّـه بَـوینم بـی قـراریِ وچونِ بـی مـار ره 🏴🥀🏴🥀🏴🥀🏴🥀 #علی_اکبراسفندیار_مداح کانال اشعارآیینی فارسی،مازندرانی درتمام مناسبتهاوختم خوانی👇 @aliakbar_esfandiar_madah

#الهی_فاطمه_ته_زار_بمیرم #حضرت_زهرا_دلگویه_مازنی 🏴🥀🏴🥀🏴🥀🏴🥀 الهی فاطمه ته زار بمیرم الهی ته قبر کنار بمیرم مه غصه خوارته بی زهراکه بوردی دل قرار ته بی زهرا که بوردی ته که بوردی چتی زنده بَمونّم؟ چتی تِوسّه فاتحه بَخونّم؟ شرمندومه ته ور کاری نکنه تـه چو خردی تـره یـاری نکنه فاطمه جان دیگه مه یاد نشونه نانجیبون تره مه پَلی زونه فاطمه چنه زودبُوردی زیر گِل دیگه ته قبر سر بَیّه مه منزل ته ازبسکه مه راحتی ره خواسّی بشکسّه دَسِ جاهم نون دَوِسّی مه یاد که نشونه ته مهربونی حیف ته که بمردی در جوونی فاطمه دیگه مه کار بِرمه بَیّه مـه کـار تـه قبر کنار برمه بَیّه شه دردِ کمین همراهسّه بَوّم؟ یا که از بی کسی چاهسّه بَوّم جای نفس از سینه در اِنه آه مه حال و روزه بنالسّه «مداح» 🏴🥀🏴🥀🏴🥀🏴🥀 #علی_اکبراسفندیار_مداح کانال اشعارآیینی فارسی،مازندرانی درتمام مناسبتهاوختم خوانی👇 @aliakbar_esfandiar_madah