#خبر_بر_سیه_پسر_بمویی #دلگویه_مازنی_مادر_شهید #شهید_شهادت_دلگویه_مازنی 🇮🇷🥀🇮🇷🥀🇮🇷🥀🇮🇷🥀 خـبر بـَرِسـیّه پســر بمـویی ته لاله ی واری پرپر بمویی گل لاله بَعی پسر موارک مِه آسمونِ ماه سفر موارک پسرسفر دَعی سوغاتی داشتی بِموعه ته پلاک و کوله پشتی من شه تازه سفریِ بلاره بَمیره مارکه بَعی پاره پاره بشنوسّمه تِه تن ره تیر بخرده تا تِه تَن تیر بَخرده مار بَمرده بشنوسّمه که تِه تن غرقِ خونه تمامِ تن و کفن غرق خونه ته سرتن خون آشی تِه مار بَمیره چَنه درد بَکِشی ته مار بَمیره بشنوسّمه که دَسّ وپا بَزویی دَس وپا زویی که ره صدا زویی کِجه بِنِه بخردی من بَمیرم کاش دَیـبوم تِه سر ره کَشه بَهیرم بشنوسّمه پسر تِه تن بسوته سیم خاردار تِه تنِ گوشته بوتِه بشنوسّمه غریبی جان هدایی تِه جان ره در ره قرآن هدایی ته تن از تیرو تَرکِش لاله کاری تا قیامت پسر مِه افتخاری تِره تا بَدیمه تابوت سواری تِه پشتِ سرسینه زومه چه زاری پسر تِه مِه عزیز و نور عینی فدای علی اکبر ره حسینی داغ جِوون اگه اینجوری بِییه «مداح»امام حسین چی بَکِشیّه? 🇮🇷🥀🇮🇷🥀🇮🇷🥀🇮🇷🥀 شعر:علی اکبراسفندیار«مداح» لینک کانال اشعارنغمه های سرخ در تلگرام، سروش وایتا👇👇 @aliakbar_esfandiar_madah