#رباعی_محرم_و_امام_زمان_مازنی #امام_زمان_عج 🌹🏴🌹🏴🌹🏴🌹🏴 کجه دَری مِه آقا مِه جانِ جان تِه نَفس هَسّه مِه دارو و دَرمان مِه وِسّه دَم بَزن شفاء بَهیرم وَنگ هادم تِـره یاصاحب الزمان مُحَرّم بموعه ته حال قروون ته اون گردَنِ سیو شال قروون کِه بونه بِعى و روضه بَخُونّى ؟ آقا ته روضه ی گودال قروون کِمین مَنزل بَهیرم تِـه سِراغّـه؟ کِمین سو پِه بِیم که تِه چراغّـه؟ اَسیری بُوردنِ تِـه عَمّه زینب تِه دلِ غُصه و تِـه درد و داغّـه آقا جان کِجه دَری خیمه زَنّـی؟ کِمین منزلِ وِسّـه بـاره وَنّـی؟ تِه سرخِ چِشِ قِروون مَشتِ خُونِ کِجه شِه عَمّه وِسِّه بِرمِه کِنّی؟ آقاجون بَوین اَمه کارچه زاره اَمه دل بی ته درنه بونه پاره هزارو چارصدسال برمه کِنّى آقا جون من ته هِق هِقِ بلاره بمیرم تِسه که بازار ندارنی همش غم خرنی وغمخوارندارنی میون این همه مردم عالم سیصدوسیزده تا یار ندارنی محرم بموعه غم بَیته مه دل حسین حسین گمه دم بَیته مه دل تسلیت گمه امامِ زمان ره وه بِرمه کرده ماتم بَیته مه دل تسلیت بَهُووم جانِ آقا ره شه نازنین آقای با وفا ره از ته دل صدا بزن یامهدی وه اَتـا نـظر هاکنه اَماره شِه امامِ زمونِ دور بَگردم عزیزتراز شه جونِ دوربگردم وِه همیشه عــزادارِ حُسیـنه امام روضه خونِ دور بگردم که بُونه آقاجان ظهور هاکنی؟ جهان ره غرق شوق وشورهاکنی بَهیری انتــقامِ کربــلا ره جان مارِ دِلّه مَسرور هاکنی کجه دری آقا جون بِرمه کِنّی بیابون در بیابون برمه کِنّی ناله زَنّی خدا حسین غریبه حسین حسین گنی خون بِرمه کِنّی که بونه مه بَلَدِ راه تِــه باشی سفرِ کـربـلا همراه ته باشی اون بین الحرمین مجلس بَهیریم تَـلِّ زینـبیه مَــدّاح تِـه باشی خوامه دروَصف خَیرُالناس بَخُوندِم از تَـهِ دل و با احساس بَخُوندِم اِجازه خوامه از مَهدی زهرا روضۀ حضرت عباس بخوندم مه دل تنگِ مه امامِ زَمُـونه همیشه گیرنه آقای بَهُـونه کِجه بُورم کِجه ره من بَگردم بَهـیرم از جان آقـا نشونه؟ 🌹🏴🌹🏴🌹🏴🌹🏴 #علی_اکبر_اسفندیار_مداح کانال اشعارآیینی فارسی،مازندرانی درتمام مناسبتهاوختم خوانی👇 @aliakbar_esfandiar_madah