بنام خدا #فراق_پدر #با_نوای_مداح_سعید_محمدی #ره_توشه (تقدیم به روح مطهر جمیع پدران ) گوندوزوم اولدے قرانلوق گئجه تڪ تار آتاجان تاپمادیم من سنه تاے مونس و غمخوار آتاجان آتاجان سون سفرون ٱودلادے یاندیردے منی سنون آخیر باخیشون والاه اوتاندیردے منی گوزلروندان آتا حسرت یاغیشین سن ٱلئدون سن ئورڪ سوزلروے هئچ کیمه اصلا دیمئدون اولمادون راضے سن اولادلاروون زحمتینه اولارین هر بیــرینین غصه و غم محنتینه بیر گونوم بیر ایل اولوب شام وسحر اغلایورام من سنون نار فراقوندا ئورڪ داغلایورام ابتدا فیکر الیوردوم کے گئدوب سن گله سن یومموسان گوزلروے بیر نئچه دم دینجله سن تا کے بیلیدوم او دمون لحظهٔ اخردے آتا آرزو ایلدیم اولمڪ منه خوشتردے اتا بیرجه باخادیم دم اخر آتاجان گوز یاشوا هے دولانادوم دلے پروانه مثالے باشوا فانے دنیا آتا سندن سورا زندان دے منه عالمین هر گولے بیر خار مغیلان دے منه دیوورم کاش ابدیت یوخوسوندان دووراسان دیورم کاش.آتا بیر دفعه منه باش ووراسان سن گزن کوچه لرے حسرتیلن من گزرم من قدمگاهیوے والاهے دمادم ئوپرم حایف اولسون دیرلیکده سنه بئل باغلامادیم سنیلن دلخوش اولوب یا کے بیر آن آغلامادیم سن گئدندن سورا بیلدیم باشیمون تاجے گئدیب آتاسیزلوق من بیچاره نے آواره ائدیب فاخرا گوهر ارزنده دے عالمده آتا راضے اولماز بالاسے نار جهنم ده یاتا اتالار مهرے بیزیم ایولرے ایاد ائده جاق ایکے دنیاده بیزے خرم و دلشاد ائده جاق 🖋شاعر:مسلم فرتوت فاخر http://eitaa.com/ashaar_khatm ✿࿐❁❈❁࿐✿࿐ مجموعه اشعار ختم و ترحیم خوانی ــــــــــــــــــــــــــــــــــــــــــــــــ