بنام خدا
#درد_فراق_مادر
#شاعر_استاد_مسلم_فاخر_فرتوت
(تقدیم. به روح مطهره جمیع مادران)
گوندوزوم اولدی قرانلوق گئجه تک
تار آناجان
تاپمادیم من سنه تای مونس و غمخوار آناجان
آناجان سون سفرون ٱودلادی یاندیردی منی
سنون آخیر باخیشون والاه اوتاندیردی منی
گوزلروندان آنا حسرت یاغیشین سن ٱلئدون
آنا نیسگیلروی هئچ کیمه اصلا دیمئدون
اولمادون راضی سن اولادلاروون زحمتینه
اولارین هر بیرینین غصه و غم محنتینه
بیر گونوم بیر ایل اولوب شام وسحر اغلایورام
من سنون نار فراقوندا ئورک داغلایورام
ابتدا فیکر الیوردوم کی گئدوب سن گله سن
یومموسان گوزلروی بیر نئچه دم دینجله سن
تا کی بیلیدوم او دمون لحظهٔ اخردی آنا
آرزو ایلدیم اولمک منه بهتردی انا
بیرجه باخادیم دم اخر آناجان گوز یاشوا
هی دولانادوم دلی پروانه مثالی باشوا
فانی دنیا آنا سندن سورا زندان دی منه
عالمین هر گولی بیر خار مغیلان دی
منه
دیوورم کاش ابدیت یوخوسوندان دووراسان
دیورم کاش.آنا بیر دفعه منه باش ووراسان
سن گزن کوچه لری حسرتیلن من گزرم
من قدمگاهیوی والاهی دمادم ئوپرم
حایف اولسون دیرلیکده سنه بئل باغلامادیم
سنیلن دلخوش اولوب یا کی بیر آن آغلامادیم
سن گئدندن سورا بیلدیم باشیمون تاجی گئدیب
آناسیزلوق من بیچاره نی آواره ائدیب
فاخرا گوهر ارزنده دی عالمده آنا
راضی اولماز بالاسی نار جهنم ده یانا
انانین مهری بیزیم ایولری ایاد ائده جاق
ایکی دنیاده. بیزی خرم و دلشاد ائده جاق
۱۴۰۰/۴/۳ تیر
پنج شنبه های دلتنگی
http://eitaa.com/ashaar_khatm
♠️♠️♠️♠️♠️♠️♠️♠️♠️
کانال مجموعه اشعار ختم و ترحیم خوانی
1هزار دنبال‌کننده
211 عکس
85 ویدیو
9 فایل
بسمه تعالی
#ره_توشه_مجالس_ختم
انتشار اشعار بروز ختم خوانی
با بهره گیری از آیات، روایات، اشعار، روضه، ختم و ترحیم خوانی
#مدیریت_ڪانال:خادمة الزهرا (س)_علیزاده
@maddah_1367
۰۹۰۲۰۷۱۲۲۱۶
eitaa.com/ashaar_khatm
─┅┅═❧❧❧═┅┅─
مشاهده در ایتا