#حضرت_رقیه_س #دو_بیتی_پیوسته_لکی چنیکه نومته مورا مارمر زون هرنگ دل داخ تو وشکونمه گیون بوه آگرمه نوم دل چه هنه گه ئه سر خوینی تونونه نامه دامون هناسه برکیمه دردم سنگینه نسو کس ناو ئژ ئه حال خمینه هتینه سر کشی حال مریضم هرنگ ئه دلمه خیلی خوش هتینه لشم تور جلدکه جرگم داواره تمومه کارم ئه رنگما دیاره خدایا وخته دی گیونم بسینی؟ دلم پر زویخه ئژ ئه روزگاره ئه سر بی لش تونه کل کسمه باوه گل و گیو نیره دی ئه دسمه باوه وژت گیونم بگر تا بامه گردت خریوی، بی کسی، دی وسمه باوه #علی_گلی_حسین_آبادی

#دو_بیتی_پیوسته_لکی #حضرت_عباس_ع خوینالی بیه داوالت هنارس کتینر علقمه بی مشک و بی دس چملمه داخ تو جای نموینن فلک داخ برا مردن نیه کس برا جنگ دین کرم خوینو رشونی و فن بازی ئه رو اسبو رمونی ئرا باید ئه رو ئه خاکه بوینه؟ وره کل کس، تو خو مونگ آسمونی برا هیزر نچو روژ تنگیمه همالل و خنه جرون بریمه نمم هاوار ئره کو بورم ایسه اگه کس نوینه ئه داخه گه دیمه گلی دیرم ئه دس ئه روزگاره گه کت کت بینسر دل ئه هماره دو جو خوینه دو چمم کتیه ری برا شون کز کرم چارم ناچاره #علی_گلی_حسین_آبادی