استقبال از شعر #استاد_ملک_پور "منی بو حاله سالان غصّه لی حالوندی سنون سرو قدّیم خم ائدن درد و ملالوندی سنون" پوزدی ، پوزلان حالیمی اُول غصه لی حالون خم ائتدی الف قامتیمی درد و ملالون غیبت بولوتی فاصله سالدی آرامیزدا افسوس محاقه دوشوب اول ماه جمالون ای کعبه عشاقه اولان نقطهء احرام معطوفیدی مُحرملر اوچون هاشمی خالون من جمعه لری نیّت وصلیله سایاندا قان ایلوری بو قلبیمی آلام وصالون گاهی دوتارام عالم رویا اتگوندن تاراج ائلیوب صبر ائویمی خواب و خیالون قربان کسیلم مقدمیوه گر یری واردور اولسون شریانیمده گزن قاندا حلالون قویما دگه شهلا گوزیوه چشم رقیبی چوخدور نه کی محفللر آرا قال و مقالون حسرتدی گلن یوللاریوا اهل سماوات حیرتده قویوب ماخلقی جاه و جلالون گلماقیوی گر بولسه گلر حضرت عیسی مدهوش ائلیوب عالمی ینبوع زلالون هجران سوزووی پیر خراباته دئدیم تا امر ائیلدی ساخلا قالا سیننده مدالون شیداسی اولان منتظره شال شرفدی سال بوینووا فخر ائیله گیلن تیرمه لی شالون یان سنده #ملک_پور کیمی بو محنته #شیدا وصله یئتیشنجاق اولاجاق دلده سوالون پنجشنبه ۱۰ خرداد ماه ۱۴۰۳