گوشت...🍖🍗 گئتموسن سن سفرمیزدن ایندی کی ناچار ، اَت اولموسان مسند نشین کوچه و بازار ، اَت گور هاچاندی سندن اوتری معده میز خالی قالوب ائتموسن بو معده نی هجرانیدن بیمار ، اَت سن قیزیل تک قالخیسان بو مملکتده نرخ ده اولموسان سرخطِّ روز نامه وَ یا اخبار ، اَت بو خیابانلاردا یوخدی مملکتده بیر دووار وار ولی بینِ من و تو بیر بیوک دیوار ، اَت ویر قولاق لطفا ائشیت یا درد و آه بیزلری یا قولاقیندن چیخات اول پنبه نی ای خوار، اَت ممکن اولسا گئتمه چوخ بالای شهره بیر بئله چکمَسین پائین شهر اهلی سنی چوخ جار ، اَت عمه نی گاهاً عمو من سسلیریم بول علتین چونکه گاها گوزلریم گورمور ، گورور یا تار، اَت عاشق سرمایه داران اولموسان ای بی وفا ؟ بیزلری یا گورموسن ، فرض ائیلوسن یا خار، اَت هر زمان تنگه دوشور قلبیم اولور خوش خاطره کی جوانلیقدا یئدیم سندن نئچه بیر پار، اَت اوت دوشور جانه آخی تا پخش اولور راز بقا خاصه اُول صحنه کی میل ائیلور سنی کفتار، اَت من کباب گوردوقجا بو قلبیم اولور مثل کباب سسلیرم ای کاش قوتولسون قصهء غمبار، اَت نیچّه ایلدور کی عذابه سالموسان سن بیزلری خواهشا ائیله یازیخسان ایندی استغفار، اَت من گونوزلر سندن اوتری گزمیشم هر بیر یری قالمیشام حتی گئجه سندن اوتور بیدار، اَت حال زاریله #رفیعی یازدی فارسی سوز سنه ایلدی #شیداده دردین تورکیجه اظهار، اَت وای اولا مسئول بی وجدانه کی ماه صیام بی خبر حال فقیرلردن ائدور افطار ، اَت #شعر_طنز #گوشت #گرانی #محمدرضا‌صادقی‌شیدا