بیز منتظروخ امام غایب وارئمیزدی بی کس دئیروخ باش اوسته صاحب وارئمیزدی درد و غم و غصه دن هراس ائیلمروخ چون ماه رجب ، شبِ رغایب وارئمیزدی #شیدا

آروزی کربلا گریز به کوچ از قتلگاه قربان اولوم او شاه شهیدان دوشَن یره دین اوسته سرو قامتین اعدا بوکن یره قربان اولوم او مدفنه کی آلتی گوشه دی شوقیله گونده جمله ملائک گئدن یره قربان اولوم او تپراقا که فاطمه باخار آغلار گوزیله ، حور و مَلَک گوز تیکن یره قربان اولوم او یرده یاتان حق شهیدینه آغلار ، خیامه زینبینی قئیتَرَن یره قربان اولوم او کیمسییَه کی وئردی باشینی جاندان گئچوبدی ظلمه باشین اگمییَن یره قربان اولوم او شاهه کی سو ائچمیوب ولی حقّون الیله آب بقانی ایچَن یره قربان اولوم او کس کی اولوب ذبح مِن قَفا وارونه ایسی قوملارون اوسته دوشن یره قربان اولوم کی ظلمیله اوچ شعبه اوخ دگوب ویران ائدوب او قلب شریفی سوکن یره قربان اولوم او سینییَه کی شمرِ دون چیخوب قربان همیشه جانینی زهرا دییَن یره قربان اولوم او حَلقه کی خنجر قویوبدی شمر مخیمده زینبی دمِ آخر ئوپن یره قربان اولوم او شخصه کی آتلار ایاقلادی باشدان ایاقه پیکرینی سُم بیچن یره قربان اولوم او اللره کی گلدی ساربان ظلمیله بارماقین دل شبده کسن یره قربان اولوم او سوزِ عطشدن یانان لبه زهرا آناسی گونده ئوپوب ائیلییَن یره قربان اُولوم سجودیده مُهره قویان باشا اُول مَه جبینه ، ظلمیله داشلار دگَن یره قربان اولوم عبایه یغان نعش اطهره قطعه به قطعه جسمینی اعدا بولن یره قربان اولوم او کی دییوب اَحلی مِنَ العَسَل رغبتله گئتدی ارزق شامی ئولن یره قربان اولوم یول اوسته دوشَن جوت اوزون قولا مشکی دیشینده حمل ائلیوب گورمییَن یره قربان اولوم او گوزلره کی قانیلن دولوب حسرتله گوز تیکردی امامی گلَن یره قربان اولوم او حلقه کی اوخ ووردی حرمله اوچ گون نه سوت دگوب نه ده سو دگمییَن یره قربان اولوم او خیمه ده کی آل عصمته قول باغی کوچ ائدردیله اعدا سووَن یره اما دوشنده قتلگهه زینبین یولی الله بولور نه نوعی دوشوب ناقه دن یره سسلندی ای منیم آنام اوغلی هایانداسان سس وئر گلوم او باد مخالف اَسَن یره آخر تاپوب حسینی نه نوعی اُو دلحزین گوردی دوشوب یوز اوسته امام زَمَن یره بیردن دئدی حسین باجیوام منله بیر دانئش ئولسون باجون یوز اوسته دوشوبسن ندن یره دور بیر ایاقه ممکن اگر اولسا سال یولا قویما منیم سوزوم دوشه بو یرده سن یره ئولم بو غمده قالمارام ایوای منه حسین باشون ووروبلا نیزییه دوشموش بدن یره #شیدا بو شعره ایسته آقان دعوت ائیلسین بیر وقفه گوزلرین دوشه زینب گورَن یره #محمدرضاصادقی‌شیدا

✨ ای سرورم؛ از تو درخواست می‌كنم به عزّتت كه بـدی عمل و زشتی كردارم، از اجابـت دعايم به درگاهت، مانع نشود؛ و مرا با آنچه از اسرار نهانم میدانی رسـوا مـسازی و در كـيفر آنـچه در خـلـوت‌هايم انـجـام دادم، شـتـاب نكنی... 💫 📘 دعای کمیل بن زیاد #نیایش #امام_علی

در هجر مادر روشن گونوم اولار ائله سن سیز کدر ننه هجرونده گوزلریم یوزه اشکین الر ننه سن داغ کیمی همیشه دایاق دورموسان منه ایندی هایانداسان منه گل وئر خبر ننه یاددان چیخاتمارام ننه مهر و محبتون گل بیرده لطفیله منه ائیله نظَر ننه سن سیز فقط خدا بولوری من نه چکموشم گل گور بو آیرلیق نجه ائیلوب اثر ننه گل بیرده آی ننه سنیلن بیر قوجاقلاشاق بلکه بو سینه دینجله بیر مختصر ننه عشق حسینی سن ننه قلبیمده اکمیسن ئولسم بو عشقی وئرمرم اغیاره گر ننه سن قاره سین ائلیکی گییندردون اگنیمه گویلوم قوشی اوگوندن حسینی گزر ننه سن بول بو قاره گل ننه حقّون حلال ائله یوخسا بو عمرودن منه اولماز ثمر ننه عشق حسین ننه ، ائله #شیدا ائدوب منی آزدور گر آغلاسام اونا شام و سحر ننه #محمدرضاصادقی‌شیدا

خدایا بحرمت غصه های دل مهدی فاطمه ع امواتمان را بیامرز لیلة الرغائب شب میل و رغبت به بندگی در درگاه خداوند وبخشش ورحمت ذات لایزال به بندگانش خداوندا بارالها درظهور قائم منتظرت تعجیل بفرما عرض التجا محضر حضرت ولیعصر ( عج ) **** گلموشم چون درد الیندن جانه یابن العسکری طاقتیم یوخدور داخی هجرانه یابن العسکری هجر الیندن ای حسین عاشقلرون درده سالان بیر بئله هجرانه راضی اولما ای تنها قالان ظلم طغیان ایلوری ، گل ای حسین قانین آلان ایله بو ظلمون ایوین ویرانه یابن العسکری آند وئرم من سنی شاها به حق فاطمه گل تاپا بو ظلملر دنیاده بلکه خاتمه مین نئچه ایلدور باتدور شیعه اشک و ماتمه قویما یانسون آیری بیر عنوانه یابن العسکری جمعه سایماقدان یورلدوم تئز گل ای کان کرم قوی مبارک مقدمون بو گوزلره ای محترم آغلاماقدان آز قالور بو گوزلریم ائتسون وَرَم فرقتوندن اولموشام دیوانه یابن العسکری هر شب جمعه سنه هیئتده سینه داغلارام باشه سالّام ناله الغوث و عجّل آغلارام قورتولار چاره م بیر آیری جُمعیه گوز باغلارام بلکه بو فرقت چاتا پایانه یابن العسکری جان فدا اولسون سنه ای پادشاه ماسوا دست حاجت آچموشام درگاهیوه من چون گدا بیر مریض عشقیوم ای یادگار مرتضا احتیاجیم وار منیم درمانه یابن العسکری قورخورام پیک اجل سندن قاباق گلسون آقا جانیمی آلسون سنی من گورممیش ای مه لقا آند وئرم زینبه گل راضی اولما مطلقا جان وئروم بو حالیله جانانه یابن العسکری چون آلوب « شیدا » بو درگهدن مقام و شوکتی یوخدور آل اللّهــه خدمتــدن صورا بیر نیّــتی لیک اوزون آگاهیسن واردور نه گیزلین حاجتی گوز تیکوب سنده اولان احسانه یابن العسکری

عرض ارادت به حضرت امیرالمومنین (ع) #سبک : ای ایران ای مرز پرگهر ... ای سالار اِنس و جان علی ای مولای شیعیان علی سنسن کان رحمت و عطا ای دریای بیکران علی ای ... یئر یوزونده جلوهء خدای سرمدی جود و بخشش و کرامتین سرآمدی ای مظهر حیّ جلی ای منبع احسان علی ای صاحبِ عزّ و وقار و حیا و شرف لطف ائیله وئر بیر براتِ نجف سنسن شاه و من سنه گدا ای ماسِوَاللّهه مُقتدا سنسن رهبر من مُریدیوَم جانیم سن تک سروره فدا من... حشره تک گدایِ آستانیوم سنون من همیشه ریزه خوارِ خوانیوم سنون ای مظهر حیّ جلی ای منبع احسان علی ای صاحبِ عزّ و وقار و حیا و شرف لطف ائیله وئر بر برات نجف ای دریای عزت و وقار آئینه ء حیِّ کردگار سنسن شیرَ خالق جهان ای ذی حقّ تیغ ذوالفقار ای ... شان و رتبه سی جهاندا هامّیدان اوجا یوخدی کیمسه ده توان سنی ائده ثنا ای مظهرِ حیّ جلی ای منبع احسان علی ای صاحب عزّ و وقار و حیا و شرف لطف ائیله وئر بیر برات نجف ای طاهانین یار و یاوری ای دنیانین زیب و زیوری وصفون گلمز حشره تک سایا ای زهرانین کُفو و دلبری سن ... بو جهاندا جلوهء حقِ رحیم سن حشریده قسیمِ جنت و جحیم سن ای مظهرِ حیّ جلی ای منبعِ احسان علی ای صاحبِ عزّ و وقار و حیا و شرف لطف ائیله ویر بیر برات نجف ای سردار و میرِ متقین ای دلدار ختم مرسلین پرچمدار دین مصطفی ای مرآت خالق مبین سن ... شهرِ علمِ مصطفایه همچو باب سن هم ابو الائمه هم ابو تراب سن ای مظهرِ حیّ جلی ای منبعِ احسان علی ای صاحبِ عزّ و وقار و حیا و شرف لطف ائیله وئر بیر برات نجف تا سن قویدون عالمه قدم گئتدی گویا غصه و اَلَم باشون عرشه قوزادی عَرَب اولدون فخرِ ملتِ عَجَم ای ... شیعیانه هر ایکی جهاندا آبرو ذکر ائدن آدون سنون گرک آلا وضو ای مظهرِ حیّ جلی ای منبعِ احسان علی ای صاحبِ عزّ و وقار و حیا و شرف لطف ائیله ویر بیر برات نجف ای مولود کعبه ء خدا ای اوّلین مرجع ولا ای شاه کون و مکان علی #شیدادی عشقیوه مبتلا گل ... بیر باخیشدا درد قلبینه دوا ائله غصه دن بو مبتلانی سن رها ائله ای مظهرِ حیّ جلی ای منبعِ احسان علی ای صاحبِ عزّ و وقار و حیا و شرف لطف ائیله ویر بیر برات نجف #محمدرضا‌صادقی‌شیدا

زبانحال حضرت زینب (س) در حال احتضار زینبم حالیمه داغ داش آغلار ئولسه هر باجی گر قارداش آغلار حالیمی بولسه گر صون نفسده نیزه اوسته یارالی باش آغلار حالیمی یوخدی بیر کیمسه بولسون گل حسین قوی باجون راحت ئولسون زینبم من حسین بیقرارم نئچّه مدتدی کی داغدارم یولدا قویما قالا گوزلریمی گوزلورم من سنه انتظارم درد و غم قلبیمی قویما آلسون زینبون قویما حسرتده قالسون آز قالور باجیوین جانی چیخسون باشینه تا اجل سایه سالسون دورت یاشیمدان حسین آغلارام من سینمی غملره داغلارام من ایمدی سن گلمسن باشیم اوسته گوزلریمی نئجه باغلارام من قلبیده عشقیوی سانمشام من عشرته گوز یوموب دانمیشام من خوش گونوم اولمادی دورت یاشیمدان اللی بئش ائیل حسین یانمیشام من هجریدن آغلیوب جانه دویدوم زینبم صبری حیرتده قویدوم کوفه ده مرتضاتک دانشیدیم تیر تک ظالمین قلبین اویدوم کوفه شهرین سنیلن دولاندوخ اود دوتوب نار محنتده یاندوخ من حسین ناقه ده ، نیزده سن باش قانیلن یارالی بویاندوخ شامیان بزم عشرت قوروبلار آغلادوبلار منی چوخ یوروبلار کربلادن بو شامه گلینجه گه شمادت ائدوب گه ووروبلار شامیده گلموشم جانه قارداش آند اولا دین و قرانه قارداش بزم اوباشیده دوشدوم  امّا آیری بیر غملی طوفانه قارداش آل پیمبروخ کیمسه بولدی ال چالوب بیزلره چوخلی گولدی بیر خرابه بیزه مسکن اولدی بیر قئزون اوردا ظلمیله ئولدی او گئچن گونلری یاده ساللام صبریدن طاقت و صبری آللام گلمسن ائمدی گر باشیم اوسته اکبرون جانی حسرتده قاللام گل حسین باشیمی آل دیز اوسته قویما اولسون باجون دلشکسته آند اولا اصغرون گل نئجه گور اولموشام عمرودن زار و خسته ای منیم عزتیم ای وقاریم باشیم اوسته گل ای افتخاریم قلبیمی ائیله غملر سیخوبدی  لیل تاره دونوب روزگاریم کیمسه یوخدور حسین یاسه گلسون یا کی تشییع و اجلاسه گلسون ممکن اولسا گلنده یارالی دفنیمه سن دئه عباسه گلسون گل گوزومی منیم باغلا قارداش نار غمله اورک داغلا قارداش من سنه آغلادیم کربلاده سنده گل شامیده آغلا قارداش #محمدرضا‌صادقی‌شیدا

عرض ارادت به امام حسین (ع) السلام ای دم جانبخشی وئرن خلقه حیات یا قتیل العبرات سنیلن مُحکم اولوب دینیله ارکان صلات یا قتیل العبرات سنه قربان اولا جانیم ای اولان جان رسول گل گلزار بتول باخیشون شیر خدا منبع خیر و برکات یا قتیل العبرات هامی سر منزل عشقه یئتیشوب سنله حسین ای اولان نور دو عین چون ائدیبدور سنی حق خِلقته کشتیِّ نجات یا قتیل العبرات ای لب عطشان ائلییَن جانینی قرآنه فدا ای اولان ثار خدا کی سنون قانیویلَن دین خدا تاپدی ثبات یا قتیل العبرات گوزموز واردی الونده ای اولان قلبه صفا آدی هر درده دوا گل بیزی آتما گوزوندن سنی اون اوچ حضرات یا قتیل العبرات سنی زهرا بیزه احسان ائله بیر کرب و بلا ای اولان کان سخا آناوین خاطرینه لطف ائله وئر برگ برات یا قتیل العبرات کلِّ #شیدالر اگر جمع اولا عالمده یقین وصفون ای سرور دین یازسالار کم گلجاقدور کلمات و صفحات یا قتیل العبرات #محمدرضاصادقی‌شیدا

" پند و اندرز " جهاندا فکر ائلمه سن همیشه قالمالیسان جوانلیقین گئده جاق بیر گونی قوجالمالیسان جهاندا ثروت و اولاده تیکمه چوخ گوزووی عومور کی چاتدی باشا بول الی بوشالمالیسان قولوندا اولمیه جاق قدرتون بئلون بوکولوب ئولوم صفینده دوروب یوز گوزی سارالمالیسان اجل گلوب آلاجاق جانییوی یقین ائله کی یوموب گوزون گوره جاقسان گئدوب آزالمالیسان  گداده اولسان اگر شاهدا آگه اُول کی بشر بو دردی جانیوه هر یردن اولسا آلمالیسان اماندی بوش الیلن گئتمه یوم حشریده کی حضور حقده یقیناً یوزی قارالمالیسان یازوب بو سوزلری #شیدا همیشه ائیله عَمَل کی سنده باشیوی سنگ مزاره چالمالیسان گر ایستیسن بو جهاندا سنون باشون اوجالا خضوعیلن باشیوی سن اَشاقه سالمالیسان دَیَرلی اولسا اگر سوزلرون هامی دییَجاق   محافل ایچره ئولونجه باشی اوجالمالیسان #محمدرضاصادقی‌شیدا

غلام درگه شاهنشهم گوزوم توخدی بیر الده کی برکت وار آزی چوخی چوخدی نقدر وار نفس اظهار فقر ایدم هیهات حسینون عاشقیم من، منیم نییم یوخدی . مرحوم حاج #حسن_یعقوبی . .. وَ بَشِّرِ الصّابرین اَلَّذینَ اِذا اَصابَتهُم مُصیبَه قالوا اِنّا لِلّهِ وَ اِنّا اِلَیهِ راجِعون . بدینوسیله درگذشت شاعر و عاشق دلسوختهٔ اهل بیت علیهم السلام، حاج حسن یعقوبی را به جامعۀ شعرا و ارادتمندان ایشان و محضر خاندان محترم و معزَّزِ معزّا تسلیت و تعزیت عرض نموده و از خداوند متعال برای آن مرحوم مغفور ، رحمت و مغفرت خواهانیم. #پیام_تسلیت اللهم اغفر له بحق الفاتحة مع الصلوات #کانون‌_مداحان_و_شعرای_آئینی_شهر_سهند

عرض ارادت محضر امام زمان عج منی هجرونده گوزل خانه خراب ائیلموسن قلبیمی آتش عشقونله کباب ائیلموسن گوزلریم یاشی فراقونده یاغیش تک یاغوری گوئیا فصل بهاراندی سحاب ائیلموسن تک و تنها گزوسن کوه و بیابانی ندن نه سببدور منه بیر بیله عتاب ائیلموسن خلوتیمده او قدر آغلامیشام سندن اوزاخ کی گوزومده یوخومی همچو سراب ائیلموسن دوزدی یوخ منده لیاقت سنی دیدار ائلیوم گوزلریم کاسه لرین لیک پرآب ائیلموسن چکموسن درگهیوین سائلینه سن نیه باش ؟ اولمیا گوزدن آتوب یا کی جواب ائیلموسن اورگیمده دئیورم اولمیا زهرا بالاسی منِ نالایقی بیر نوکر حساب ائیلموسن؟ عرض حالیمدی بوسوز شِکوَه حساب ائتمه آقا هانسی تقصیره گوره رنج و عذاب ائیلموسن او مصفا چمنین بلبل #شیداسی منم گویلومی آلسان اگر چوخلی ثواب ائیلموسن #محمدرضا‌صادقی‌شیدا

《چوخ قالمور》 خبر یئتیشدی داریخما قراره چوخ قالمور گئجه قوتولمادا نور نهاره چوخ قالمور اگر چه چوخدی غمیم اود دوتوب یانور قلبیم او قارلی قیش قوتولور چون بهاره چوخ قالمور بیر عمردور کی گوزوم آختارور او دلداری اورک دئیور گوزلیم وصل یاره چوخ قالمور تفاخر اییلییرم گورسه گوزلریم یاری دلا یئتیشماقا بو افتخاره چوخ قالمور سحر اذان چاقی بیر سس قولاقیمه چاتدی قوتولماقا بو اوزون انتظاره چوخ قالمور دئدیم الهی اجل گلمییَه گورَم ای کاش دییولّه باخماقا روی نگاره چوخ قالمور اگر جمالینی گورسَم واریمدی بیر نذریم فدا بو جانی ائدم شهریاره ، چوخ قالمور دوشم قدملرینه بیر ئوپم ایاقلارینی گوزوم گوره بئله بیر شاهکاره چوخ قالمور بیر عمر بلبل #شیدا کیمی سیزیلدییرام زمانِ موعد پروردگاره چوخ قالمور #محمدرضا‌صادقی‌شیدا

🟥 هوالشافی مطلع شدیم #حاج_مقصود_پوررادی؛  پیر غلام و ذاکر با اخلاص اهل‌بیت علیهم‌السلام در بستر بیماری به سر می برند؛ جهت شفای این بزرگوار یک "حمد شفا" قرائت بفرمایند. 🙏🙏

مصیبتی دیگر بر جامعه حسینی ▪️مداح مقتدرواشک ریزاستاد حاج جلال اتفاق آسمانی شد. تسلیت به جامعه حسینیان،و مداحان وذاکرین محترم اهل بیت علیهم السلام،

#پند اولماسا گر حیا و درک و شعور جسمِ انسان اولار بسانِ ستور تربیت اولماسا اگر او بَشَر اولار حیوان کیمی یقین به مرور #محمدرضا‌صادقی‌شیدا

دهه‌ی فجر، در حقیقت مقطع رهایی ملت ایران و آن بخشی از تاریخ ماست که گذشته را از آینده جدا کرده است. (مقام معظم رهبری) فرارسیدن بیست و دو بهمن ماه و چهل و پنجمین سال پیروزی انقلاب شکوهمند اسلامی ایران مبارک باد . #کانون_مداحان_و_شعرای_آئینی_شهر_سهند

🌷بسم الله الرحمن الرحیم🌷 🌴به مناسبت فرا رسیدن ماه مبارک رمضان🌴 السلام ای ماه حق ماه عبادت السلام السلام ای ماه عزت ماه رحمت السلام حق سنی مختص ائدوب آیلار ایچینده ذاتینه رحمتون نازل ائدر بو آیدا مخلوقاتینه نامه اعمالی پاک ایلر قسم آیاتینه چوخ گنهکاره اولار حقدن عنایت السلام سنده نازل ایلیَر قرآنی حی کردگار سفرهء احسانینی بیر آی آچار پروردگار کیمسه دعوت اولسا بو احسانه ایلر افتخار چون نه سن تک آی اولار نه بیر ضیافت السلام سنده بیر آیه تلاوت ختم قرآن اجری وار سنده بذل وبخششین مینلرجه احسان اجری وار قویسا حرمت کیم سنه بولسون که رضوان اجری وار روز محشرده آلار حقدن شفاعت السلام آیلارون ایچره سنی حق ایلیوبدور محترم شانیوی درک ایلسه بیر کیمسه ، حی ذوالکرم شامل ایلر حالینه اوز رحمتوندن لاجرم چون قوناقه میزبان ایلر محبت السلام رتبه ده والادی هر آیدان جلال و حرمتین عرشیدن نازل اولار بو آیدا چون روح الامین گلمیوب گلمز سنون تک محترم بیر آی یقین کیمسه بولمور سنده واردور نه جلالت السلام وار مگر سنده نه شان و نه جلال و نه مقام لیله القدرون دَیَر مین آیه ای ماه صیام مطلع فجره کیمی نازل اولار حقدن سلام ذات حق وئرمیش سنه عزّ و شرافت السلام بیر گجه غم یوز ویرر اما رسول اطهره تسلیت دیلده ملائک یوز دوتار پیغمبره صبح وقتینده دگر خنجر یاراسی حیدره سس دوشر سیندی بوگون رکن عدالت السلام باشینه خنجر وورار مسجدده اشقی الاشقیا فُزتُ ربَّ الکعبه سسلر سجده ده شاه ولا محضر پرودگاری درک ائدر باشدا یارا سجده ده آخر تاپار فیض شهادت السلام یاخشی فرصتدور اجل درک ائتممیش « شیدا » سنی ماه رحمتدور دئنن عفو ایله یارب سن منی چون سوور درگاهینه عجز ایلین بیر بنده نی دیلده اِغفِر ، گوزده یاش ، گوستر ارادت السلام

تازا ائلدور سیزه من مهر و وفا آرزولورام اورگیزدن گیده مین درد و بلا آرزولورام تازا ائلدور دییون آمین ائلیوم منده دعا ال آچوب، کیمسه مریض اولسا شفا آرزولورام اوزومی کرب و بلا شاهی قبول ائتسه اگر قاپوسیندا یوزی بیر قاره گدا آرزولورام کربلا عطری مشامه دگه روحوم پر آچا بونا خاطردی که بیر باد صبا آرزولورام گویلوم ایستور اوتورب تلّیده بیر نوحه یازام گوزی یاشلی ائلیَم شور و نوا آرزولورام بیرده هر کیمسه حسین عشقینه یانسا اورگی تازا ائلده اونا بیر کرب و بلا آرزولورام کعبه غبطه ائلییر شانینه بین الحرمین سیزه بین الحرمینینده صفا آرزولورام کربلا گورمینه کرب و بلا ایستییورم کربلانی گورنه بیت خدا آرزولورام رمضان گلدی گوزون آیدین اولا ای #شیدا من بو آیدا سنه مقبول دعا آرزولورام رمضانیله بهارون متقاریندی بو ایل بو گوزل جَمعیمیزه حقدن عطا آرزولورام حضرت حق بیزی الطافینه شامل ائلیه آدیوی ثبت ائلیه اهل بکا آرزولورام #محمدرضاصادقی‌شیدا

شبم سحر نمیشود بی تو ، بیا کنار من همچو خزان شد عمر من بی تو ، بیا بهار من #شیدا

#پند گر خرد کامل شود انسان نمی بیند زیان  بدترین دشمن چه باشد آدمی را جز زبان قبل از آن که دل برنجانی کلامت را بسنج تیر رفته برنمی‌گردد به آغوش کمان #جامی عقل گر کامل اولا انسان یقین گورمز زیان یوخدی هیچ انسانه دشمن یر یوزونده جز زبان گل اورک سئندیرما ناسنجیده سوز هرگز دئمه چون که اوخ چیخدی قئیتمز هئچ زمان سمتِ کمان #محمدرضاصادقی‌شیدا

فلک آلان گوندن الیمدن سنی دوداقیمدا کیمسه گورمز خنده نی هجرون اورگیمه ائله غم سالوب من بولورم بیرده یارادان منی #محمدرضاصادقی‌شیدا

بار الها خسته از بار گناهم آمدم شرمسار و دست خالی ، روسیاهم آمدم بر شب قَدرت قسم عفوم نما امشب چو من غرقِ ذکرِ یاحسین و اشک و آهم آمدم #محمدرضاصادقی‌شیدا

#تک_بیت دوزدی منی یاددان چئخادوبسان ، خبرون یوخ آخرمنه تنگ اولمادی قلبون ائوین آباد ؟ #محمدرضاصادقی‌شیدا