🏴 #زبانحال خانم لیلا(س)🏴 #شب #هشتم #محرم🖤 گوزون آچ دانیش منیلن روح و روانیم اکبر دور ایاقه بیر دویونجا باشیوه دولانیم اکبر 〰〰〰 گتوروب فلک چیخارتدی بیزی غصه لی دیاره ویریلوب سنه بو چولده گورورم نقدری یاره من ایچونده باغلانوبدی داخی ایندی راه چاره سارالوب ستمله سولدی منیم ای جونیم اکبر 〰〰〰 دوتوب اود بو داغلی قلبیم دیه سن چکور شراره گورورم او گل وجودون الیوبله پاره پاره گوره بیلمَم حشره قالدی سنی گورمگیم دوباره بویو وا باخام گلور تک او گونه گمانیم اکبر 〰〰〰 فلک غم ایچره باتدی داخی بختیمین سهیلی نجه بخت قاره اولدی بو بلالی چولده لیلی اوجادان دیه اوغول وای واریدی اورکده میلی بیبیوی گورنده گویا کسیلور بیانیم اکبر 〰〰〰 سنه آغلیور اورکدن بیبون ایندی یانه یانه نجه من اوجا سَسیله گَلوم آی بالا فغانه حَیامانع اولدی اکبرقسم اول یارالی جانه دوتولوب خجالتیمدن دیه سن زبانیم اکبر 〰〰〰 ئوله هر آنانین اوغلی باشینا سالاللا قاره اورگی اوغول غمیندن بیلورم اولار کی یاره بوغمون منه چوخ اولدی سنی قویمارام مزاره باشون اوسته راضیم گر چیخا ایندی جانیم اکبر 〰〰〰 فلکین یوزی آنوندان بو بلالی چولده دوندی گورورم چراغ بختیم ستمین یلیله سوندی نه بلادی گلدی بیلمم باشیما بو گون نه گوندی قوتولوب بهار بختیم یِتِشوب خزانیم اکبر 〰〰〰 سنی ئولدوروبدی اوچی منی قویدی دائم آغلار سنون آتش فراقون بو یارالی قلبی داغلار اوغولا دگنده یاره یاراسین آنا سی باغلار یاراوُن شماری چوخدی باشیوادولانیم اکبر 〰〰〰 نقدر قالام جهاندا یانا یانه آغلارام من گوزومون اگر دولانسا یاشی قانه آغلارام من دیرم سوروشما هر کیم او جوانه آغلارام من ئوره گیمین بندی گیتدی شرف و نشانیم اکبر 〰〰〰 ✍ خادم وشاعر اهل بیت(ع) : #شیری_ساعتچی ‎‎‌‌ #ڪانال_ما_را_بہ_اشتراڪ_بگذارید👇 #شعروادب #ایران_من ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‎‌‌‎‌‌‌‌‌‌‌‌‌‌‌‎‌‌‎‌‌╭ 🇮🇷 کانال شعروادب ایران من 🇮🇷 ( ╰┈➤ @ashareiranman ✍ لطفا بہ اشتراک بگذارید⬆️ ⬆️