گئجه گوندوز دولانان عشقیله جانانی تاپار نئجه بولبول دولانار باغ و گلستانی تاپار عاشقی یول یورا بولمز نقدر اولسا اوزاق ائتسه همت ائله مجنون کیمی لیلانی تاپار درد هجرانه دوزر گر آییرا دور زامان بنده عشق اولا کیم مولک سلیمانی تاپار باش قویوب سجدیه اظهار پشیمانلیق ایدر باب رحمتده یانان قلبینه درمانی تاپار چرخ دورینده بیر ایل عومر مسلمان سووشار ماه ذیحجه رجب نیمه شعبانی تاپار سووشار ذکر و عبادتده گوزل شعبان آیی یئتیشر ماه مبارک دل شیدانی تاپار ایلیر جامعه نین رنگین عوض بیر گونده بنده لایق اولان رحمت یزدانی تاپار نه گوزل آیدی اورک آیناسینی ائیلیری صاف پاک ائدر نفسینی هر کیم شب احیانی تاپار درک ایده بولسه شب قدری بیری خوش حالینا سیلینر جمله گناهی گول ایمانی تاپار کیم اروج توتسا اورکدن اولار الله قوناقی بی ریا بنده اولان جنت اعلانی تاپار "هوشمند" اولسا اگر دامن حقدن پاپشار حق اوزی لطف ایلوب بنده نالانی تاپار ✅ #هوشمند