زنجیرزن نوحه روز عاشورا قیامت کبرای اهل بیت رسولخدا مرحوم صحاف تبریزی گل شیعه شور و شینه ایله نوا بو گونده قان آغلوری حسینه ارض و سما بوگونده گلسون خلیل رحمان گورسون شهِ لب عطشان ایتدی بلا دیارین کوه منا بوگونده هاجر هانی گلیدی لیلانی بیر گوریدی ویردی سوسوز جوانین دینه فدا بوگونده نه حاله قالدی آیا اوغلین گورنده لیلا یردن اوجالدی عرشه وا اکبرا بوگونده نه طویدی کربلاده طوى اهلی گلدی داده قاسم عروسی یاخدی قاندان حنا بوگونده عباسی یخدی آتدان صد پاره قوم دوان قولسوز دوشوب یر اوسته صاحب لوا بوگونده اوخلاندی تشنه اصغر قان آغلادی پیمبر گلدی نوایه یکسر آل عبا بوگونده یاندی صغیر اوشاقلار سولدی او گل دوداقلار اللرده بوش سو جامی ایلر نوا بوگونده ئولدوردیلر حسینی سلطان مشرقینی سسلندی وای اوغولوای شیر خدا بوگونده گل جسمى قالدی یاران توپراقلار اوسته عریان اولدی یارالی باشی زیبِ جدا بوگونده باخ ظلم اهل شامه اود ووردیلار خیامه قالدى یانار اود ایچره زین العبا بوگونده زلفی الینده گلدی کرب و بلایه زهرا یتمش ایکی شهیده دوتسون عزا بوگونده صحّاف ایله افغان آغلا بو غمده هر آن اجرون خدای عالم ایلر عطا بوگونده 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

روز عاشورا مرحوم ملّا حسین خاکی کرمانی بو گون کرب و بلا ویران اولوبدی حسین اوز قانینه غلطان اولوبدی اولوبدور عالمه اظهار مطلب گرک اسلام اولا هوشیار مطلب دیار کربلاده آه زینب دوتوب یاس گوزلری گریان اولوبدور بو گون اولدی حسینین قلبی مغموم اونی ظلمیله اعدا ایتدی مظلوم گوروب قارداشینی باجیسی کلثوم باتوب اوز قانینه غلطان اولوبدور او دم گلدی سکینه قتلگاهه شکایت ایلدی اول یرده شاهه بابا جان ویردولار اود خیمگاهه عیالون خیمه ده سوزان اولوبدور عروس بینوایه ایتدی تاثیر دوتوب یوز قتلگاهه زار و دلگیر ویرولدی گردن بیماره زنجیر گورن اول حالتی گریان اولوبدی بو ماتمده اولوب (خاکی) عزادار عزاداراولماقا چوخ رغبتی وار نصیب ایت قبرینی اؤپسون دل افکار بو وطن چون اونا زندان اولوبدور 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

قتلگاه امام حسین (ع) بهزاد قاسمی اردبیلی گدای شهر غمم شهریاری آختاریرام قدم قدم دولانوب کوی یاری آختاریرام تبار حضرت خورشیده قوشموشام ئوزومی حبیب و حر کیمین اعتباری آختاریرام یاپیشمیشام ایکی اَللی مَلک ئوپن اَتگی حسین حسین دئیوب اوج وقاری آختاریرام مسیح عشقیمه وقف ایتمیشم جوانلیقیمی بلایه مشتریم چوبِ داری آختاریرام قطار مرثیه نون منده بیر مسافریم قلم الیمده ره افتخاری آختاریرام ردیف و قافیه قیدینده قالمارام هرگز یازاندا نوحه ، نگاه نگاری آختاریرام فرشته شهپری اوسته بهشته گئتسم اگر گورن منی بیلر آیری دیاری آختاریرام سوروشسالار هارانی آختارور گوزون دئیرم من آلتی گوشه اولان بیر مزاری اختاریرام گوزوم فدا او مزاره نفس باتوب اوردا ایکی اوغول بیر آتا ، بی کفن یاتوب اوردا او یرده دفن اولوب اسرار ناب عاشورا او یرده معنی تاپوب انقلاب عاشورا او یرده عشق بساطین قوروب ، یاریم گونده ساتوب ستاره لرین آفتاب عاشورا او یرده نیزه لر آلتیندا بیر چوخور یرده ورق ورق داغیلوبدور کتاب عاشورا همان کتابه باخوب یولدی ساچلارین زینب دئدی بو ساچلار اولار رختخواب عاشورا مگر من ئولموشم عریان یاتوبسان آی قارداش وجودوی بوریوب التهاب عاشورا سنی رقیه اوتانما بورون بو ساچلاریما اجازه وار منیم اولسون ثواب عاشورا اولوبدی میکدۀ عشق قانلی قتلگهون آخور کسوک بوغازیندان شراب عاشورا گرک یاخام بو مقدّس شرابی معجریمه کی تا ابد تاپا قیمت حجاب عاشورا من اول گلم کی نجابت یاغار گلابیمدن الیم کسیلسه ده ال چکمرم حجابیمدن خوشا سعادتیمه سروریم حسین سن سن سرای عشقیده همسنگریم حسین سن سن غزل یاغار نفسیمدن دلینده پاک آدیوی شکسته بیر قلمم جوهریم حسین سن سن سویولموشام ولی صراف گنج توحیدم واریم الهیدی ، سیم و زریم حسین سن سن دلیلی وار اتگیمدن ئوپر سلیمانلار چون عاشقم سنه ، تاج سریم حسین سن سن دیل آچمامیش بو سوزی دیلده ازبر ائلمیشم منیم قیامته جک ، دلبریم حسین سن سن محالیدور داغیدا کشتی وجودیمی غم چون اللی ایلدی منیم لنگریم حسین سن سن قدم آچوب اوچارام جبرئیل اوچان یرده وقاریلن دئیرم شهپریم حسین سن سن خلیل اولوب یانارام عشق اودوندا تا گوره سن پریم کی سهلیدی ، خاکستریم حسین سن سن قسم وقارووه شأن و وقاریم اسکیلمز رشیده قدیمی غم بوکمیوب بوکه بیلمز شراب عشقی ایچوب جانه گلمیشم یارالی بو قانلی مقتله مستانه گلمیشم یارالی قوناقوام منه خوش گلدون ائتمون ئوللم امیدیلن بو بیابانه گلمیشم یارالی ایاقه دور ائویمی یخما ، در به در باجوام چوخاتما دردیمی درمانه گلمیشم یارالی ائشیتجگین قوجا یعقوبیمین الهی سسین گوزومده گوز یاشی کنعانه گلمیشم یارالی ایاق یالین ، الی قوینوندا ، انمیشم تلی خدا بیلور نجه میدانه گلمیشم یارالی سورونموشم سنی آتلار ایاقلیان یرده بو قتلگاهه غریبانه گلمیشم یارالی دولانمیشام باش آچیق هی جنازوین باشینا طواف شمع شبستانه گلمیشم یارالی بوغازوین یاراسین گه اوپوب گه ئیله میشم ننمون عطرین آلوب جانه گلمیشم یارالی سنی بو حالیده گورمیدی زینبون ای کاش ایاقلانان گوله بنذور جنازون آی قارداش سالوب وجودوی صیاد غم کمنده حسین سسون باتوب سینوه نیزه لر اننده حسین گونون باتان چاقی شیرازه دن چیخوب بدنون همان بدنکی اسور ایندی یل اسنده حسین جهاندا هئچ بیر ئولن سن کیمین غریب ئولمز حسن کیمی کاش اولیدون وطنده سنده حسین چیخیدی گوزلریم ای کاش کور اولیدیم من جدا باشیندا کسیک باشیوی گورنده حسین یانوندا من واریدیم قانلی قتلگاهونده بوغازوین دامارین شمر دون کسنده حسین یالین الیله یالین خنجری یاپیشدیم من سنون کیمین یارالاندیم بو چولده منده حسین دئدیم گرک بو منایه منیمده قانیم آخا گوره بو قانی ننم مقتله گلنده حسین بیله کی شیره جانی نه شیرزن بجروب منیده یاده سالا اوخشاما دئنده حسین آماندی قاسمی باش قوشما فانی احزابه تمام هستیوی وقف ائت حسین تک اربابه 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

شهادت امام حسین (ع) مرحوم روفه گر وصل جاناندان اوتور جان وئردی سلطان بلا کربلاده اولدی اشرف ماسوادن کربلا قوردی بیر بزم مرتّب اول شه مالک رقاب دوتدی ظلمت عالمی مستور اولوبدی آفتاب عرش و فرش عالمی دولدوردی یکسر انقلاب شاه مظلومان اولاندا شمر الینده مبتلا آفتاب برج عصمت ظاهراً ایتدی کسوف قطره قان یاغدیردی گویدن تا که پیکان و سیوف هر بلا نازل اولوندی وردی اولدی یا رؤف راضیم منّتدی جانه البلاء للولا شه رخ گلگونیله مات اولدی محو اولدی وزیر رم یدی پیل اجل اولدی پیاده دستگیر خانۀ حیرتده آتلی زینبی ایتدی اسیر مین غم و محنتله تاپدی آل عصمت ابتلا پردۀ غیبی گوتوردی حضرت پروردگار تا بولونسون شوق عاشق ذوق دیدار نگار اوخ قلج خنجر اولوب مدعوّ وصله بیشمار چون ازل گون بزم مقصوده ویروب لفظ بلا ایلرم قان لجّه سینده هر قدر فکر و خیال قاتل و مقتول ما بیننده اولدی انفصال خنجر شمرین دمی تاپدی عجب عین وصال قان یووب آئینۀ حقّی تاپوبدی انجلا گوشۀ چشمیله باخدی گوردی جانان طلعتین قرمزی قاندان گیوب اوّل شهادت خلعتین ویردی اوز موجود اولان جسمین آلوب حق وصلتین قالدی پیکر یرده باش گچدی جدایه بر ملا جام وصل ایچمیشدی عشق وصلیله مخموریدی گلدی گویدن بیر صحیفه قانیله مسطوریدی کلمۀ ارجع علی الدّنیا ولی منظوریدی ایستوسن دنیاده قالماخ یا حسین؟ عرض ایتدی لا پیکرین دورت مین یارایه یرده آماج ایلدی قرمیزی قان لخته سین اوز باشینه تاج ایلدی بیر جدا حدّی اوجالدی قصد معراج ایلدی قاب قوسین الهیده تاپوب قرب علا تاجینی باشدان گوتوردی حضرت روح الامین عالمی وحشت دوتوب مملو اولوب سطح زمین سسلنوب جبریل گویلرده الا قتل الحسین نه طبقدن یدّی عرشه سالدی آواز صلا نئچّه ایلدور نوکرم حالیمدن آگهسن اوزون بیر نفردن شاکیم آچ باخ منه قانلی گوزون ظالم و مظلومدن عالمده سن گزلت سوزون نوکریّت رتبه سین بولسون «رفوگر» برملا 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

وداع امام حسین ( ع ) #سبک_ای_ویرن_ویرانه_یرده … 4 سبک اکبر قنبری تیکمه داش مقتله دوشدوم یارالی تشنه حالتده الهی ئولدوروللر من غریبی حال طاعتده الهی قانیم اولدی دستمازیم ذبح اولور عطشان بوغازیم من مطیع امر حقم حکم هم فرمان سنیندی سن منیم جانانیم الله منده جسم و جان سنیندی صاحب اصلی اوزون سن جان سنیندی قان سنیندی جان وئریبدیر انبیادن کیم بو عزتده الهی دوشموشم گوداله آتدان دوره می دشمن آلیبدی ذکر یا رب یا ربیمدن ماسوا حیران قالیبدی جبرئیل شهپر آچیبدی اوستومه سایه سالیبدی قالمیشام حال وله ده من بو ساعتده الهی عاشقم یا رب گرک من گرم ائدم بازار عشقی قانیمیله آبیاری ائیلیم گولزار عشقی ائتمیشم امضاء ازل گون عشقیله طومار عشقی صادقم پیمانیم اوسته من اطاعتده الهی من اگر خلقتده نقشم سن منیم نقاشیم الله سن کیمی نقاشه قربان جانیم الله باشیم الله کوی عشقینده وئریب جان اوغلوم هم قارداشیم الله آخرین قربانیوم من بو شهامتده الهی ائیلرم ایفا بو گون من ائتدیگیم پیمانه خاطر گئچمیشم من باش و جاندان دین و هم قرآنه خاطر آخ نئجه شیریندی شیرین جان چیخا جانانه خاطر هئچ شیرینلیک اولماز آنجاق بو حلاوتده الهی اولمگین بو دین یولوندا واردی چوخ چوخ جای شکره آچمیشام هم ال دعایه هم دیلیم مشغولدی ذکره عترتیمدن ناگرانم قالمیشام یالنیز بو فکره خیردا قیزلاریم نه ائیلر وقت غارتده الهی آتش ظلمه یاناندا بو مکاندا خیمه گاهیم اود ایچینده نئیلر آخر امهات بی پناهیم اول سببدن قوزانیب دیر آسمانه دود آهیم قان اولوب بو قلب زاریم تک او بابتده الهی من گوتوررم ال دعایه شیعه لر احسان وئرنده عالم معناده اجرین خالق سبحان وئرنده ( قنبری ) امداده سسلر بو یقیندیر جان وئرنده قویمارام گوز یولدا قالسین من او ساعتده الهی قانیم اولدی دستمازیم ذبح اولور عطشان بوغازیم 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

عاشورا خطاب به حضرت امام حسین در قتلگاه #سبک_احوالیمیز_یاماندی … 10 سبک … قان یاغدی کربلایه … اود یاپوشدی سینمه … از ما خطا یا الله … مرحوم میرزا عبدالوهاب حقیرخویی ای پاره پاره جسمی عریان قالان حسین وای ای خیمۀ جلالی تالان اولان حسین وای ای گوزلری فراته حسرت باخوب وئرن جان مولا او حالتیوه جانلار اولیدی قربان تشنه جگر یارالی گون ایسّی سینده عطشان یالقوز یارالی وئردون میداندا جان حسین وای اطرافون هر طرفدن قیلدی احاطه لشگر از بسکه ووردولار اوخ پیکاندان آچدی شهپر دولدی خدنگه جسمون اولدی بدن سراسر آماجگاه تیغ و تیر و سِنان حسین وای آخدوقجا قان اولوب ضعف مستولی اول جنابه خدّ یمینی اوسته قویدی یوزون ترابه گرد و غبار یردن اوج ائتدی نُه قبابه جوش و خروشه گلدی کرّوبیان حسین وای مجروح قان ایچینده چون تیر خورده آهو ذکری ترانۀ حق ورد زبانی یاهو توحید حقّه گویا جسمینده هر سر و مو اعضا اولوب سراپا چشم و زبان حسین وای دورت مین یارا بدنده ایستر دورا نمازه قلب شریفی مشغول درگاه بی نیازه گوردی او نیک موقع اولماز سو دستمازه حلقون دم خدنگه وئردی نشان حسین وای ما ٕ زلال تک صاف جاری دم گلوسی خون گلودن هرچند تکمیل اولوب وضوسی قربانگه وفاده قالدی بیر آرزوسی هم دستمازی اولسون هم غسلی قان حسین وای تکبیریله صلاة ظهری ائدوب اقامه اما اوزونده طاقت یوخ حالت قیامه ذکر شهادتینی وصل ائتمه میش سلامه ناگه سِنان الینده یتدی سنان حسین وای باش سجده ده یوز اوسته دوشدی حبیب داور آیریلدی دسته لردن شمر الده قانلی خنجر آغوشین آچدی زهرا جان ای عزیز مادر دور بیر آتان گلوبدور آخر آنان حسین وای قوی باشیوی دیزیمه تا باغلیوم گوزیوی زینب هانی چوورسون تا قبلیه یوزوی مظلوم اوغول بو قومه بولدورمه دون اوزیوی شرم ائتمدی آتاندان بو کوفیان حسین وای بیر قانلی گوزلرینی آچدی امام مظلوم جان ای آنا نه یاخشی گلدون بو قوم مشیوم قویمور یانیما گلسون نه زینبیم نه کلثوم بی صاحب اهل بیتیم ایلر فغان حسین وای تفصیلیله«حقیرا»ذکر شهادت اولماز شرح ائتماقا بو سرّی دللرده طاقت اولماز قطعاً او گوندن آرتوق هول قیامت اولماز کیم کربلاده اولدی محشر عیان حسین وای 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛

::::::::::::به نام خدا:::::::::: ::::: زبانحال حضرت زینب درقتلگاه ::::: ::::::::::::::::::::::::::::::::::::::::::::::::::::: استی قوم اوسته ویریسن جان حسین زینبیوین قلبی اولورقان حسین آچ گوزوی باخ منه___ آغلیرام من سنه یا رالی قارداش یارالی قارداش :::::::::::::::::::::::::::::::::.۱::::::::: من باجیوام آچ گوزوی قارداشیم غمدن آخورگوزدن اوُزه گوزیاشیم آدون اولوب دیلده حسین سوزباشیم ایله نظر خواهرِ نالانیوه آغلیرام پیکرِ گلناریوه یاتما یارالی اویان _زینبی آغلارقویان یارالی قارداش یارالی قارداش :::::::::::::::::::۲::::::::::::::: نطقه گل ای پیکری گلگون قبا بیرجه دانیش منله بودمده اخا باشیوی قویمایارالی تپراقا یوما بوقانیله دولان گوزلری فاش ایله قلبونده اولان سوزلری فاطمیه نورعین. _ خیمده وارشوروشین یارالی قارداش ___ یارالی قارداش ::::::::::::::::::::::۳:::::::::::::: قتلگه حضرت زهرا باخیر یاندیریب عالملری غمدن یاخیر سینه وی ترپدمه حسین قان آخیر جوشَ گلیرهریارادان قان حسین پارچالیوب قلبیوی پیکان حسین مَلحَمَ واردی نیاز _ بویارالار توختاماز یارالی قار داش یارالی قارداش ::::::::::: :::::۴:::::: ای سینه ده یئروئرن اوخ پیکانا قانلی مناده بلشن القانا قانی چوخور یئرده آخان تپراقا گول بدنین نیزه و شمشیربیچن تشنه قالان سویرینه قان ایچن دیل دوداقون خشک اولوب _ گول کیمی رنگون سولوب یارالی قارداش ----یارالی قارداش ::::::::::::::::۵:::::::::: آندایچیرم روح علی اصغره یاکه فرات اوسته دوشن اللره بیرده قسم شبه نبی اکبره کج دولانوب چرخ دنی برملا گتدی اجل گورسنی هاردان هارا قلبیم اسور یکسره ___لرزه دوشوریئرلره یارالی قارداش یارالی قارداش ::::::::::::::::::۶::::::::::: ::::::::::قیچلوئی (غملی)::::::::::: التماس دعا ::::::::::::::::::::::::::::::::::::::::::::: 💠کانال رسمی مدح و مرثیه اهل بیت عصمت و طهارت علیهم السلام 🦋🦋🦋🦋🦋 ┏━━━ 🍃🍂━━━┓ eitaa.com/azo9zl ┗━━━ 🍂🍃━━━┛